যুৱ শক্তি-চালিত বাজেটত দৰিদ্ৰ, বঞ্চিত আৰু পিছপৰা লোকসকলৰ ওপৰত গুৰুত্ব আৰোপ কৰিবলৈ চৰকাৰে গ্ৰহণ কৰা 'সংকল্প'ত মনোনিৱেশ

কৰ্তব্য ভৱনত প্ৰস্তুত কৰা প্ৰথম বাজেট তিনিটা কৰ্তব্যৰ দ্বাৰা পৰিচালিত

প্ৰথম কৰ্তব্য হ’ল অৰ্থনৈতিক বিকাশ ত্বৰান্বিত কৰা আৰু বৰ্তাই ৰখা

দ্বিতীয় কৰ্তব্য হ’ল ৰাইজৰ আকাংক্ষা পূৰণ কৰা আৰু তেওঁলোকৰ সামৰ্থ্য গঢ়ি তোলা

তৃতীয় কৰ্তব্য "সবকা সাথ, সবকা বিকাশ"ৰ দৃষ্টিভংগীৰ সৈতে সামঞ্জস্য

২০২৬ চনৰ এপ্ৰিল মাহৰ পৰা কাৰ্যকৰী হ’ব নতুন আয়কৰ আইন, ২০২৫; শীঘ্ৰে অৱগত কৰা হ’ব সৰলীকৃত আয়কৰ নিয়ম আৰু প্ৰ-পত্ৰসমূহ 

 জৰিমনা আৰু ন্যায় প্ৰক্ৰিয়াক যুক্তিসংগত কৰাৰ কাৰ্য্যবিধিৰ বহুত্ব হ্ৰাস কৰা হ’ব

কেতবোৰ প্ৰাথমিক সমবায় সমিতিৰ বাবে পূৰ্বতে উপলব্ধ কৰ্তন  পশু খাদ্য আৰু কপাহৰ বীজলৈ সম্প্ৰসাৰিত কৰা হ’ব

১৫.৫% সাধাৰণ সুৰক্ষিত হাৰ্বাৰ মাৰ্জিনৰ সৈতে একক শ্ৰেণী তথ্য প্ৰযুক্তি সেৱা

তথ্য প্ৰযুক্তি সেৱাৰ বাবে
সুৰক্ষিত  হাৰ্বাৰৰ সুবিধা আদায়ৰ বাবে মুলধনৰ পৰিমাণ ৩০০ কোটি টকাৰ পৰা ২০০০ কোটি টকালৈ বৃদ্ধি

বিদেশী ক্লাউড সেৱা প্ৰদানকাৰীসকলক ২০৪৭ চনলৈকে ৰেহাই দিয়া হ’ব কৰ

অনুমান ভিত্তিত কৰ পৰিশোধ কৰা সকলো প্ৰৱাসী ভাৰতীয়ৰ বাবে ন্যূনতম বিকল্প কৰত ৰেহাই

২০২৭-২৮ চনৰ কৰ বৰ্ষৰ পৰা আইচিডিএছৰ ভিত্তিত পৃথক একাউণ্টিঙৰ প্ৰয়োজনীয়তা নাইকিয়া কৰিবলৈ ইণ্ড এএছ  সংশোধনৰ বাবে মন্ত্ৰালয়ে এখন যৌথ সমিতি গঠন কৰিব

ভৱিষ্যতৰ সন্দৰ্ভত এছটিটি বৰ্তমানৰ ০.০২%ৰ পৰা ০.০৫%লৈ বৃদ্ধি কৰা হ’ব

বৃদ্ধি কৰা হ’ব বেটাৰীৰ বাবে লিথিয়াম-আয়ন কোষ নিৰ্মাণত ব্যৱহৃত মূলধনী সামগ্ৰীৰ ওপৰত প্ৰদান কৰা মৌলিক শুল্ক ৰেহাইৰ সময়সীমা

ৰেহাই দিয়া হ’ব গুৰুত্বপূৰ্ণ খনিজ পদাৰ্থ প্ৰক্ৰিয়াকৰণৰ বাবে প্ৰয়োজনীয় মূলধনী সামগ্ৰী আমদানিৰ প্ৰযোজ্য মৌলিক শুল্ক

ব্যক্তিগত ব্যৱহাৰৰ বাবে আমদানি কৰা সকলো শুল্কযোগ্য সামগ্ৰীৰ শুল্ক হাৰ ২০%ৰ পৰা ১০%লৈ হ্ৰাস কৰা হ’ব

ৰেহাই দিয়া হ’ব ১৭বিধ ঔষধৰ ওপৰত আৰোপ কৰা মৌলিক শুল্ক 

জৈৱিক আৰু জৈৱ-সদৃশ সামগ্ৰীৰ ঘৰুৱা উৎপাদনৰ বাবে ১০,০০০ কোটি টকাৰ বিনিয়োগেৰে জৈৱ-ঔষধ উদ্যোগৰ পৰিৱেশ গঢ়ি তোলা হ’ব

এমএছএমইক ভৱিষ্যতৰ চেম্পিয়ন হিচাপে গঢ়ি তোলাৰ বাবে ১০,০০০ কোটি টকাৰ এছএমই বিকাশ পুঁজিৰ প্ৰস্তাৱ

২০২৫-২৬ বিত্তীয় বৰ্ষত ৰাজহুৱা মুলধনী ব্যয় ১১.২ লাখ কোটি টকাৰ পৰা ২০২৬-২৭ বিত্তীয় বৰ্ষত ১২.২ লাখ কোটিলৈ বৃদ্ধি

চহৰৰ মাজত সাতটা হাই স্পীড ৰে'ল কৰিড'ৰ বিকাশ সাধন কৰা হ'ব, যাতে পৰিৱেশৰ দিশৰ পৰা বহনক্ষম যাত্ৰীবাহী প্ৰণালীক উৎসাহিত কৰিব পাৰে

মুম্বাইৰ ইণ্ডিয়ান ইনষ্টিটিউট অৱ ক্ৰিয়েটিভ টেকন’লজিছে ১৫,০০০ মাধ্যমিক বিদ্যালয় আৰু ৫০০খন মহাবিদ্যালয়ত স্থাপন কৰিব এভিজিচি  কণ্টেণ্ট ক্ৰিয়েটৰ লেব

উচ্চ শিক্ষাৰ এছটিইএম শিক্ষা প্ৰতিষ্ঠানসমূহত মহিলা শিক্ষাৰ্থীসকলৰ বিভিন্ন সমস্যা সমাধানৰ বাবে প্ৰতিখন জিলাত স্থাপন কৰা হ'ব এটাকৈ মহিলা হোষ্টেল 

আই আই এমৰ সহযোগত হাইব্ৰিড মোডত এটা মানক, উচ্চমানৰ ১২ সপ্তাহৰ 
প্ৰশিক্ষণ পাঠ্যক্ৰমৰ জৰিয়তে ২০টা পৰ্যটন স্থানত ১০,০০০ গাইডক দক্ষতা বৃদ্ধি কৰাৰ পৰিকল্পনা ঘোষণা

খেলো ইণ্ডিয়া মিছনে পৰৱৰ্তী দশকত ক্ৰীড়াৰ ক্ষেত্ৰখনক ৰূপান্তৰিত কৰিব

ভাৰত-বিস্তাৰ, কৃষি পৰ্টেল আৰু কৃষি প্ৰক্ৰিয়াৰ আইচিএআৰ পেকেজক এআই ছিষ্টেমৰ সৈতে একত্ৰিত কৰাৰ বাবে এক বহুভাষিক এআই সঁজুলি

বিদেশী ট্যুৰ পেকেজ বৰ্তমানৰ ৫% আৰু ২০%ৰ পৰা ২%লৈ হ্ৰাস

কাষ্টম ৱেৰহাউছিং ফ্ৰেমৱৰ্কটো স্ব-ঘোষণা, ইলেকট্ৰনিক ট্ৰেকিং আৰু ক্ষতিশংকাভিত্তিক অডিটৰ সৈতে ৱেৰহাউছ অপাৰেটৰকেন্দ্ৰিক ব্যৱস্থালৈ ৰূপান্তৰিত কৰা হ'ব

বিভিন্ন চৰকাৰী সংস্থাৰ দ্বাৰা কাৰ্গো ক্লিয়াৰেন্সৰ অনুমোদন বিত্তীয় বৰ্ষৰ শেষৰ ফালে একক আৰু পৰস্পৰৰ ডিজিটেল উইণ্ডোৰ জৰিয়তে নিৰৱচ্ছিন্নভাৱে প্ৰক্ৰিয়াকৰণ কৰা হ'ব

কেন্দ্ৰীয় বিত্ত আৰু কৰ্প’ৰেট পৰিক্ৰমা মন্ত্ৰী শ্ৰীমতী নিৰ্মলা সীতাৰমণে আজি সংসদত ২০২৬-২০২৭ বৰ্ষৰ কেন্দ্ৰীয় বাজেট দাখিল কৰে।

প্ৰথম খণ্ড

পবিত্ৰ মাঘী পূৰ্ণিমাৰ আৰু গুৰু ৰবিদাসৰ জন্ম বাৰ্ষিকী উপলক্ষে বিত্তমন্ত্ৰীগৰাকীয়ে কয় যিহেতু এয়া কৰ্তব্য ভৱনত প্ৰস্তুত কৰা প্ৰথম বাজেট, সেয়েহে বাজেটখন ৩টা কৰ্তব্যৰ দ্বাৰা অনুপ্ৰাণিত:

১। প্ৰথম কৰ্তব্য হৈছে অৰ্থনৈতিক বিকাশ ত্বৰান্বিত আৰু বজাই ৰখা, উৎপাদনশীলতা আৰু প্ৰতিযোগিতামূলক ক্ষমতা বৃদ্ধি কৰাৰ লগতে অস্থিৰ বিশ্ব গতিশীলতাৰ প্ৰতি সুস্থিৰতা গঢ়ি তোলা।

২। দ্বিতীয় কৰ্তব্য হ’ল মানুহৰ আকাংক্ষা পূৰণ আৰু তেওঁলোকৰ সামৰ্থ্য গঢ়ি তোলা, ভাৰতৰ সমৃদ্ধিৰ পথত তেওঁলোকক শক্তিশালী অংশীদাৰ কৰি তোলা।

৩। তৃতীয় কৰ্তব্য সবকা সাথ, সবকা বিকাশৰ দৃষ্টিভংগীৰ সৈতে সংগতিপূৰ্ণ, যাতে প্ৰতিটো পৰিয়াল, সম্প্ৰদায়, অঞ্চল আৰু খণ্ডত অৰ্থপূৰ্ণ অংশগ্ৰহণেৰে সম্পদ, সুযোগ আৰু সুবিধা লাভ কৰা।

যুৱশক্তি-চালিত বাজেটখন দাখিল কৰি, দৰিদ্ৰ, বঞ্চিত আৰু পিছপৰা লোকসকলৰ ওপৰত গুৰুত্ব আৰোপ কৰা চৰকাৰৰ 'সংকল্প'ৰ ওপৰত জোৰ দি বিত্তমন্ত্ৰীয়ে কয়, ভাৰতে বিকশিত ভাৰত গঢ়াৰ দিশত আত্মবিশ্বাসী পদক্ষেপ গ্ৰহণ কৰি যাব, যি অন্তৰ্ভুক্তিৰ সৈতে উচ্চাকাংক্ষাৰ ভাৰসাম্য বজাই ৰাখিব। বৰ্ধিত বাণিজ্য আৰু পুঁজিৰ প্ৰয়োজনীয়তাৰ সৈতে উন্নয়নশীল অৰ্থনীতি হিচাপে ভাৰতে বিশ্ব বজাৰৰ সৈতে গভীৰভাৱে একত্ৰিত হৈ থাকিব লাগিব, অধিক ৰপ্তানি কৰিব লাগিব আৰু দীৰ্ঘম্যাদী সুস্থিৰ বিনিয়োগ আকৰ্ষণ কৰিব লাগিব।

তেওঁ লগতে উল্লেখ কৰে যে দেশখনে এক বাহ্যিক পৰিৱেশৰ সন্মুখীন হৈছে, য'ত বাণিজ্য আৰু বহুপাক্ষিকতা বিপন্ন হৈছে আৰু সম্পদ আৰু যোগান শৃংখলৰ প্ৰৱেশাধিকাৰ ব্যাহত হৈছে। নতুন প্ৰযুক্তিয়ে উৎপাদন প্ৰণালীৰ পৰিৱৰ্তন সাধন কৰি আছে আৰু একে সময়তে পানী, শক্তি আৰু গুৰুত্বপূৰ্ণ খনিজ পদাৰ্থৰ চাহিদা বৃদ্ধি কৰিছে।

বিত্তমন্ত্ৰীগৰাকীয়ে কয় যে ২০২৫ চনৰ স্বাধীনতা দিৱসত প্ৰধানমন্ত্ৰীয়ে কৰা ঘোষণাৰ পিছত ৩৫০ৰো অধিক সংস্কাৰ সাধন কৰা হৈছে। ইয়াৰ ভিতৰত আছে জিএছটিৰ সৰলীকৰণ, শ্ৰমিক বিধিৰ অধিসূচনা আৰু বাধ্যতামূলক গুণগত নিয়ন্ত্ৰণ আদেশৰ যুক্তিসংগতকৰণ। উচ্চ পৰ্যায়ৰ সমিতি গঠন কৰাৰ সমান্তৰালভাৱে কেন্দ্ৰীয় চৰকাৰে ৰাজ্য চৰকাৰসমূহৰ সৈতে নিয়ন্ত্ৰণ হ্ৰাস আৰু অনুপালনৰ প্ৰয়োজনীয়তা হ্ৰাস কৰাৰ দিশত কাম কৰি আছে।

প্ৰথম কৰ্তব্যৰ অধীনত অৰ্থনৈতিক বিকাশক ত্বৰান্বিত আৰু ধাৰাবাহিক কৰি ৰখাৰ বাবে ছয়টা ক্ষেত্ৰত হস্তক্ষেপৰ প্ৰস্তাৱ দিয়া হৈছিল:

1. ৭টা কৌশলগত আৰু অগ্ৰণীৰ খণ্ডত উৎপাদন বৃদ্ধি কৰা।
2. পুৰণি ঔদ্যোগিক খণ্ডৰ পুনৰুজ্জীৱন;
3. 'চেম্পিয়ন এমএছএমই' গঢ়ি তোলা;
4. আন্তঃগাঁথনিৰ ক্ষেত্ৰত এক শক্তিশালী পদক্ষেপ গ্ৰহণ কৰা;
5. দীৰ্ঘম্যাদী শক্তি সুৰক্ষা আৰু সুস্থিৰতা নিশ্চিত কৰা; আৰু
6. চহৰ অৰ্থনৈতিক অঞ্চলসমূহৰ উন্নয়ন সাধন কৰা।

ভাৰতক বিশ্ব জৈৱ ঔষধ উৎপাদন কেন্দ্ৰ হিচাপে গঢ়ি তুলিবলৈ অহা পাঁচ বছৰত ১০,০০০ কোটি টকা ব্যয় সাপেক্ষ বায়’ফাৰ্মা শক্তি যোজনা আৰম্ভ কৰা হ’ব। ইয়াৰ উদ্দেশ্য হৈছে জৈৱিক আৰু বায়’চিমিলাৰৰ ঘৰুৱা উৎপাদনৰ বাবে এক পৰিস্থিতিতন্ত্ৰ সৃষ্টি কৰা। এই কৌশলত তিনিটা নতুন ৰাষ্ট্ৰীয় ঔষধ শিক্ষা আৰু গৱেষণা প্ৰতিষ্ঠান (এনআইপিআৰ)ৰ সৈতে বায়’ফাৰ্মা কেন্দ্ৰিক নেটৱৰ্ক আৰু বৰ্তমানৰ সাতটা প্ৰতিষ্ঠানৰ উন্নীতকৰণ অন্তৰ্ভুক্ত কৰা হ’ব। তদুপৰি, ই ১০০০ৰো অধিক স্বীকৃতিপ্ৰাপ্ত ভাৰতীয় ক্লিনিকেল ট্ৰায়েল ছাইটৰ নেটৱৰ্ক গঢ়ি তুলিব। কেন্দ্ৰীয় ড্ৰাগছ ষ্টেণ্ডাৰ্ড কণ্ট্ৰল অৰ্গেনাইজেচনক এক সমৰ্পিত বৈজ্ঞানিক পৰ্যালোচনা কেডাৰ আৰু বিশেষজ্ঞৰ জৰিয়তে বিশ্ব মানদণ্ড আৰু অনুমোদনৰ সময়সীমা পূৰণ কৰিবলৈ শক্তিশালী কৰা হ’ব।

শ্ৰম-নিবিড় বস্ত্ৰশিল্প খণ্ডৰ বাবে ৫টা উপ-অংশৰ সৈতে একত্ৰিত কাৰ্যসূচী প্ৰস্তাৱ কৰা হৈছে: ৰেচম, উল আৰু মৰাপাট, কৃত্ৰিম ফাইবাৰ আৰু নতুন যুগৰ ফাইবাৰ আদিৰ দৰে প্ৰাকৃতিক ফাইবাৰসমূহত আত্মনিৰ্ভৰশীলতা অৰ্জনৰ বাবে ৰাষ্ট্ৰীয় ফাইবাৰ আঁচনি; যন্ত্ৰপাতি, প্ৰযুক্তি উন্নীতকৰণ আৰু সাধাৰণ পৰীক্ষণ আৰু প্ৰমাণীকৰণ কেন্দ্ৰৰ বাবে পুঁজিৰ সহায়ৰ সৈতে পৰম্পৰাগত ক্লাষ্টাৰসমূহক আধুনিকীকৰণ কৰিবলৈ বস্ত্ৰ বিস্তাৰ আৰু নিয়োগ আঁচনি; পূৰ্বৰ আঁচনিসমূহ একত্ৰিত আৰু শক্তিশালী কৰিবলৈ আৰু বয়নশিল্পী আৰু কাৰুশিল্পীসকলৰ বাবে লক্ষ্য নিৰ্ধাৰিত সমৰ্থন নিশ্চিত কৰিবলৈ ৰাষ্ট্ৰীয় হস্ততাঁত আৰু হস্তশিল্প কাৰ্যসূচী; বিশ্ব প্ৰতিযোগিতামূলক আৰু বহনক্ষম বস্ত্ৰ আৰু সাজ-পাৰক প্ৰোৎসাহিত কৰিবলৈ টেক্স-ইকো উদ্যোগ; উদ্যোগ আৰু শিক্ষানুষ্ঠানৰ সহযোগিতাৰ জৰিয়তে বস্ত্ৰ দক্ষতা পৰিস্থিতিতন্ত্ৰক আধুনিকীকৰণ আৰু উন্নীতকৰণৰ বাবে সমৰ্থ ২.০ গ্ৰহণ আদি।

এমএছএমইসমূহক বিকাশৰ এক গুৰুত্বপূৰ্ণ ইঞ্জিন হিচাপে স্বীকৃতি প্ৰদান কৰি নিৰ্বাচিত মানদণ্ডৰ আধাৰত উদ্যোগসমূহক উৎসাহিত কৰি ভৱিষ্যতৰ চেম্পিয়ন সৃষ্টিৰ বাবে ১০,০০০ কোটি টকাৰ এক নিৰ্দিষ্ট এমএছএমই বিকাশ পুঁজিৰ প্ৰস্তাৱ কৰা হৈছে।

বিত্তমন্ত্ৰীয়ে কয় ৰাজহুৱা মুলধনী ব্যয় ২০১৪-১৫ বিত্তীয় বৰ্ষত ২ লাখ কোটি টকাৰ পৰা ২০২৫-২৬ বিত্তীয় বৰ্ষত ১১.২ লাখ কোটি টকালৈ বৃদ্ধি কৰা হৈছে। ২০২৬-২৭ বিত্তীয় বৰ্ষত এই গতি অব্যাহত ৰখাৰ বাবে ১২.২ লাখ কোটি টকালৈ বৃদ্ধি কৰাৰ প্ৰস্তাৱ আগবঢোৱা হৈছে।

পৰিৱেশৰ প্ৰতি লক্ষ্য ৰাখি বহনক্ষম মালবাহী যাতায়তক প্ৰসাৰিত কৰিবলৈ বিত্তমন্ত্ৰীয়ে (ক) পূবে ডাংকুনীৰ পৰা পশ্চিমে ছুৰাটক সংযোগ কৰা নতুন সমৰ্পিত মালবাহী কৰিডৰৰ প্ৰস্তাৱ আগবঢ়ায়; (খ) অহা পাঁচ বছৰত ২০টা নতুন ৰাষ্ট্ৰীয় জলপথ (এন ডব্লিউ) কাৰ্যক্ষম কৰা হ’ব। ইয়াৰ আৰম্ভণি হ’ব ওড়িশাৰ ৫নং ৰাষ্ট্ৰীয় জলপথৰ পৰা, যিয়ে টালচেৰ আৰু আংগুলৰ খনিজ সমৃদ্ধ অঞ্চল আৰু কলিংগ নগৰৰ দৰে ঔদ্যোগিক কেন্দ্ৰসমূহক পাৰাদীপ আৰু ধমৰা বন্দৰৰ সৈতে সংযোগ কৰিব। প্ৰয়োজনীয় জনশক্তিৰ বিকাশৰ বাবে আঞ্চলিক উৎকৰ্ষতাৰ কেন্দ্ৰ হিচাপে প্ৰশিক্ষণ প্ৰতিষ্ঠান স্থাপন কৰা হ’ব।

বাজেটৰ লক্ষ্য হৈছে চহৰসমূহৰ অনন্য বিকাশৰ চালকৰ ওপৰত ভিত্তি কৰি চহৰ অৰ্থনৈতিক অঞ্চলসমূহৰ (চিইআৰ) মেপিঙেৰে সেইবোৰৰ অৰ্থনৈতিক শক্তি বৃদ্ধিৰ সম্ভাৱনা আৰু অধিক বৃদ্ধি কৰা। প্ৰতিটো চিইআৰৰ বাবে পাঁচ বছৰৰ ভিতৰত ৫,০০০ কোটি টকাৰ আবণ্টন প্ৰস্তাৱ কৰা হৈছে যাতে তেওঁলোকে নিজৰ পৰিকল্পনাসমূহ সংস্কাৰসহ ফলাফলভিত্তিক বিত্তীয় ব্যৱস্থাৰ সৈতে প্ৰত্যাহ্বানমূলক ধৰণৰ জৰিয়তে ৰূপায়ণ কৰিব পাৰে।

পৰিৱেশ বহনক্ষম যাতায়ত ব্যৱস্থাক প্ৰসাৰিত কৰিবলৈ চহৰসমূহৰ মাজত ‘বৃদ্ধি সংযোগকাৰী’ হিচাপে সাতটা তীব্ৰবেগী ৰে’ল কৰিডৰ গঢ়ি তোলা হ’ব। সেইকেইটা হৈছে (i) মুম্বাই-পুনে, (ii) পুনে-হায়দৰাবাদ, (iii) হায়দৰাবাদ-বেংগালুৰু, (iv) হায়দৰাবাদ-চেন্নাই, (v) চেন্নাই-বেংগালুৰু, (vi) দিল্লী-বাৰাণসী, vii) বাৰাণসী-শিলিগুৰি।

বিত্তমন্ত্ৰীগৰাকীয়ে কয় যে দ্বিতীয়টো কৰ্তব্য হ’ল আকাংক্ষা পূৰণ আৰু সামৰ্থ্য গঢ়ি তোলা। চৰকাৰৰ এক দশকৰ ধাৰাবাহিক আৰু সংস্কাৰমুখী প্ৰচেষ্টাৰ জৰিয়তে প্ৰায় ২৫ কোটি লোকক বহুমাত্ৰিক দৰিদ্ৰতাৰ পৰা উদ্ধাৰ কৰা হৈছে।

ভাৰতক চিকিৎসা পৰ্যটন সেৱাৰ কেন্দ্ৰ হিচাপে প্ৰচাৰৰ বাবে বিত্তমন্ত্ৰীয়ে ব্যক্তিগত খণ্ডৰ সৈতে অংশীদাৰিত্বৰে ৰাজ্যসমূহক সহায় কৰি পাঁচটা আঞ্চলিক চিকিৎসা কেন্দ্ৰ স্থাপনৰ বাবে এক আঁচনিৰ প্ৰস্তাৱ আগবঢ়ায়। এই কেন্দ্ৰসমূহে সংহত স্বাস্থ্যসেৱা কমপ্লেক্স, সংযুক্ত চিকিৎসা, শিক্ষা আৰু গৱেষণাৰ সুবিধা হিচাপে কাম কৰিব। ইয়াৰ ভিতৰত থাকিব আয়ুস কেন্দ্ৰ, চিকিৎসা মূল্য পৰ্যটন সুবিধা কেন্দ্ৰ, আৰু নিদান, চিকিৎসাৰ পিছত ল’বলগীয়া যত্ন আৰু পুনৰ সংস্থাপনৰ বাবে আন্তঃগাঁথনি। এই কেন্দ্ৰসমূহে চিকিৎসক আৰু এ এইচ পিকে ধৰি স্বাস্থ্য পেছাদাৰীসকলৰ বাবে বিভিন্ন ধৰণৰ নিয়োগৰ সুযোগ সৃষ্টি কৰিব।

২০,০০০ৰো অধিক পশু চিকিৎসা পেছাদাৰীৰ পৰ্যাপ্ততা বৃদ্ধিৰ বাবে ব্যক্তিগত খণ্ডত পশু চিকিৎসা আৰু পেৰা-ভেট কলেজ, পশু চিকিৎসা চিকিৎসালয়, নিদান পৰীক্ষাগাৰ আৰু প্ৰজননৰ সুবিধা স্থাপনৰ বাবে ঋণসংযুক্ত মূলধনী ৰাজসাহায্য আঁচনিৰ প্ৰস্তাৱ দিয়া হৈছে।

ভাৰতৰ এনিমেচন, ভিজুৱেল ইফেক্টছ, গেমিং আৰু কমিক্স (এভিজিচি) খণ্ড এটা বৰ্ধিত উদ্যোগ, য’ত ২০৩০ চনৰ ভিতৰত ২০ লাখ পেছাদাৰীৰ প্ৰয়োজন হ’ব বুলি আশা কৰা হৈছে।বিত্তমন্ত্ৰীয়ে ১৫,০০০ মাধ্যমিক বিদ্যালয় আৰু ৫০০ কলেজত এভিজিচি কণ্টেণ্ট ক্ৰিয়েটৰ লেব স্থাপনৰ বাবে মুম্বাইৰ ইণ্ডিয়ান ইনষ্টিটিউট অৱ ক্ৰিয়েটিভ টেকন’লজিছক সহায় কৰাৰ প্ৰস্তাৱ আগবঢ়াইছে।

উচ্চ শিক্ষাৰ ষ্টেম প্ৰতিষ্ঠানত দীৰ্ঘদিনীয়া অধ্যয়ন আৰু পৰীক্ষাগাৰৰ সময়ে মহিলা ছাত্ৰীসকলৰ বাবে কিছু প্ৰত্যাহ্বানৰ সৃষ্টি কৰে। ভিজিএফ/মুলধনী সমৰ্থনৰ জৰিয়তে প্ৰতিখন জিলাত এটাকৈ ছোৱালীৰ হোষ্টেল স্থাপন কৰা হ’ব।

বিত্তমন্ত্ৰীয়ে বৰ্তমানৰ নেচনেল কাউন্সিল ফৰ হোটেল মেনেজমেণ্ট এণ্ড কেটাৰিং টেকন’লজিক উন্নীত কৰি ৰাষ্ট্ৰীয় আতিথ্য প্ৰতিষ্ঠান স্থাপনৰ প্ৰস্তাৱ আগবঢ়াইছে। ই একাডেমী, উদ্যোগ আৰু চৰকাৰৰ মাজত সেতু হিচাপে কাম কৰিব। তেওঁ ভাৰতীয় ব্যৱস্থাপনা প্ৰতিষ্ঠানৰ সহযোগত হাইব্ৰিড মোডত মানক, উচ্চমানৰ ১২ সপ্তাহৰ প্ৰশিক্ষণ পাঠ্যক্ৰমৰ জৰিয়তে ২০টা পৰ্যটনস্থলীত ১০,০০০ গাইডক দক্ষতা বৃদ্ধিৰ বাবে এক পাইলট আঁচনিৰ প্ৰস্তাৱ আগবঢ়াইছে।

খেলো ইণ্ডিয়া কাৰ্যসূচীৰ জৰিয়তে আৰম্ভ কৰা ক্ৰীড়া প্ৰতিভাৰ পদ্ধতিগত লালন-পালন অব্যাহত ৰাখি বিত্তমন্ত্ৰীয়ে পৰৱৰ্তী দশকত ক্ৰীড়া খণ্ডৰ পৰিৱৰ্তনৰ বাবে খেলো ইণ্ডিয়া মিছন আৰম্ভ কৰাৰ প্ৰস্তাৱ আগবঢ়াইছে। এই মিছনে নিম্নোক্ত কামসমূহৰ সুবিধা প্ৰদান কৰিব: (ক) প্ৰশিক্ষণ কেন্দ্ৰসমূহৰ দ্বাৰা সমৰ্থিত এক সংহত প্ৰতিভা বিকাশৰ পথ; (খ) প্ৰশিক্ষক আৰু সহায়ক কৰ্মচাৰীৰ পদ্ধতিগত বিকাশ; (গ) ক্ৰীড়া বিজ্ঞান আৰু প্ৰযুক্তিৰ সংহতি; (ঘ) ক্ৰীড়া সংস্কৃতিৰ প্ৰচাৰ আৰু মঞ্চ প্ৰদানৰ বাবে প্ৰতিযোগিতা আৰু লীগ; আৰু (ঙ) প্ৰশিক্ষণ আৰু প্ৰতিযোগিতাৰ বাবে ক্ৰীড়া আন্তঃগাঁথনিৰ বিকাশ সাধন।

বিত্তমন্ত্ৰীয়ে উল্লেখ কৰে যে বাজেটৰ তৃতীয় কৰ্তব্য বিকশিত ভাৰতৰ দিশত "সবকা সাথ, সবকা বিকাশ"ৰ দৃষ্টিভংগীৰ সৈতে মিল আছে। ইয়াৰ বাবে কৃষকৰ আয় বৃদ্ধি, প্ৰতিবন্ধীসকলক সবলীকৰণ, মানসিক স্বাস্থ্য আৰু ট্ৰমাত আক্ৰান্তসকলৰ যত্ন লাভৰ বাবে পিছপৰা লোকসকলক সবলীকৰণ আৰু বিকাশ আৰু নিয়োগৰ সুযোগ ত্বৰান্বিত কৰাৰ বাবে পূৰ্বোদয় ৰাজ্য আৰু উত্তৰ-পূৰ্বাঞ্চলৰ ওপৰত গুৰুত্ব আৰোপ কৰি লক্ষ্যভিত্তিক প্ৰচেষ্টাৰ প্ৰয়োজন।

বিত্তমন্ত্ৰীয়ে ভাৰত-বিষ্টাৰ (Bharat-VISTAAR-ভাৰ্চুৱেলি ইণ্টিগ্ৰেটেড ছিষ্টেম টু এক্সেছ এগ্ৰিকালচাৰেল ৰিচ’ৰ্ছ) নামৰ বহুভাষিক এআই সঁজুলিৰ প্ৰস্তাৱ আগবঢ়াইছে, যিয়ে এগ্ৰিষ্টেক পৰ্টেল আৰু কৃষি পদ্ধতিৰ ওপৰত আইচিএআৰ পেকেজক এআই ব্যৱস্থাৰ সৈতে একত্ৰিত কৰিব। ইয়াৰ ফলত কৃষি উৎপাদনশীলতা বৃদ্ধি পাব, কৃষকসকলে উন্নত সিদ্ধান্ত লোৱাত সহায় কৰিব আৰু নিজৰ ইচ্ছানুযায়ী পৰামৰ্শদাতা সহায় আগবঢ়াই ক্ষতিশংকা হ্ৰাস কৰিব।

লাখপতি দিদী কাৰ্যসূচীৰ সফলতাৰ ওপৰত গঢ় লৈ উঠা উন্নত আৰু উদ্ভাৱনীমূলক বিত্তীয় সাহায্যৰ জৰিয়তে ক্লাষ্টাৰ পৰ্যায়ৰ ফেডাৰেচনৰ ভিতৰত আত্মসহায়ক উদ্যোগী (এছএইচই) মাৰ্ট শীৰ্ষক সমুদায়ৰ মালিকানাধীন খুচুৰা বিপণী হিচাপে প্ৰতিষ্ঠা কৰা হ’ব।

মানসিক স্বাস্থ্য আৰু ট্ৰমা কেয়াৰৰ প্ৰতি দায়বদ্ধতাক পুনৰ দৃঢ় কৰি বিত্তমন্ত্ৰীয়ে নিমহান্স-২ স্থাপন আৰু ৰাঁচী আৰু তেজপুৰৰ ৰাষ্ট্ৰীয় মানসিক স্বাস্থ্য প্ৰতিষ্ঠানক আঞ্চলিক শীৰ্ষ প্ৰতিষ্ঠান হিচাপে উন্নীত কৰাৰ কথাও ঘোষণা কৰে।

তেওঁ লগতে দুৰ্গাপুৰত সু-সংযুক্ত ন’ডৰ সৈতে সংহত পূব উপকূল ঔদ্যোগিক কৰিডৰ গঢ়ি তোলা, উত্তৰ-পূবৰ পাঁচখন ৰাজ্যত পাঁচটা পৰ্যটন গঢ়ি তোলাৰ লগতে ৪,০০০ ই-বাছৰ ব্যৱস্থা কৰাৰ প্ৰস্তাৱ আগবঢ়ায়। অৰুণাচলপ্ৰদেশ, ছিকিম, অসম, মণিপুৰ, মিজোৰাম, আৰু ত্ৰিপুৰাত বৌদ্ধ চাৰ্কিট উন্নয়নৰ বাবে এখন আঁচনি আৰম্ভ কৰাৰ প্ৰস্তাৱ আগবঢ়াইছে। এই আঁচনিৰ জৰিয়তে মন্দিৰ আৰু মঠৰ সংৰক্ষণ, তীৰ্থযাত্ৰা তথ্য কেন্দ্ৰ, সংযোগ আৰু তীৰ্থযাত্ৰীৰ বাবে সুবিধা আদি অন্তৰ্ভুক্ত কৰা হ’ব।

বিত্তীয় একত্ৰীকৰণ

২০২৫-২৬ চনৰ সংশোধিত অনুমান জিডিপিৰ ৫৬.১ শতাংশ হোৱাৰ বিপৰীতে ২০২৬-২৭ চনত জিডিপিৰ ৫৫.৬ শতাংশ ঋণ-জিডিপি অনুপাত হ’ব বুলি আশা কৰা হৈছে। ঋণ আৰু জিডিপি অনুপাত হ্ৰাস পোৱাৰ ফলত সুত পৰিশোধ হ্ৰাস কৰি অগ্ৰাধিকাৰ খণ্ডত ব্যয়ৰ বাবে সম্পদ ক্ৰমান্বয়ে মুক্ত হ’ব। ২০২৫-২৬ চনৰ সংশোধিত অনুমানত বিত্তীয় ঘাটি জিডিপিৰ ৪.৪ শতাংশ বুলি অনুমান কৰা হৈছে, যিটো ২০২৫-২৬ চনৰ আনুমানিক বাজেটৰ দৰেই। ঋণ একত্ৰীকৰণৰ নতুন বিত্তীয় বিচক্ষণ পথৰ সৈতে সংগতি ৰাখি আনুমানিক বাজেট ২০২৬-২৭ চনত বিত্তীয় ঘাটি জিডিপিৰ ৪.৩ শতাংশ বুলি অনুমান কৰা হৈছে।

সংশোধিত অনুমান ২০২৫-২৬

ঋণহীন লাভৰ বাবে সংশোধিত অনুমান ৩৪ লাখ কোটি টকা, ইয়াৰে কেন্দ্ৰৰ নিকা কৰ লাভ ২৬.৭ লাখ কোটি। মুঠ ব্যয়ৰ সংশোধিত অনুমান ৪৯.৬ লাখ কোটি, ইয়াৰে মূলধনী ব্যয় প্ৰায় ১১ লাখ কোটি।

বাজেট অনুমান ২০২৬-২৭

২০২৬-২৭ বৰ্ষৰ বাবে অনা-ঋণ প্ৰাপ্তি আৰু ব্যয় ক্ৰমে ৩৬.৫ লাখ কোটি টকা আৰু ৫৩.৫ লাখ কোটি টকা হ'ব বুলি অনুমান কৰা হৈছে। কেন্দ্ৰীয় চৰকাৰৰ মুঠ আয় ২৮.৭ লাখ কোটি টকা।

বিত্তীয় ঘাটিৰ বিত্তীয় সাহায্যৰ বাবে তাৰিখযুক্ত সুৰক্ষাৰ পৰা শুদ্ধ বজাৰ ঋণ ১১.৭ লাখ কোটি টকা হ'ব বুলি অনুমান কৰা হৈছে। বাকী পুঁজি ক্ষুদ্ৰ সঞ্চয় আৰু অন্যান্য উৎসৰ পৰা আহিব বুলি আশা কৰা হৈছে। মুঠ বজাৰ ঋণৰ পৰিমাণ ১৭.২ লাখ কোটি টকা বুলি অনুমান কৰা হৈছে।

দ্বিতীয় খণ্ড

প্ৰত্যক্ষ কৰঃ

২০২৬-২৭ৰ কেন্দ্ৰীয় বাজেটৰ প্ৰত্যক্ষ কৰত কেইবাটাও নতুন সংস্কাৰৰ প্ৰস্তাৱ দিয়া হৈছে। ২০২৬ চনৰ এপ্ৰিল মাহৰ পৰা কাৰ্যকৰী হ’ব নতুন আয়কৰ আইন ২০২৫। তদুপৰি, সৰলীকৃত আয়কৰ নিয়ম আৰু প্ৰ-পত্ৰ অতি সোনকালে অৱগত কৰা হ’ব। সাধাৰণ নাগৰিকৰ বাবে সহজ ব্যৱহাৰৰ বাবে প্ৰ-পত্ৰসমূহ নতুনকৈ প্ৰস্তুত কৰা হৈছে।

টিচিএছৰ হাৰ হ্ৰাস কৰাৰ প্ৰস্তাৱো দিয়া হৈছে। বিদেশ ভ্ৰমণ কাৰ্যসূচীৰ পেকেজসমূহ বৰ্তমানৰ ৫% আৰু ২০% হাৰৰ পৰা ২%লৈ হ্ৰাস কৰা হৈছে, ইয়াত কোনো পৰিমাণৰ বাধা নাই। তদুপৰি লিবাৰেলাইজড ৰেমিটেন্স আঁচনিৰ অধীনত শিক্ষা আৰু চিকিৎসাৰ বাবে টিচিএছ ৫%ৰ পৰা ২%লৈ হ্ৰাস কৰা হৈছে।

ঠিকাদাৰক জনশক্তি সেৱাৰ যোগান টিডিএছৰ পৰিসৰৰ ভিতৰত অনাৰ প্ৰস্তাৱো দিয়া হৈছে। এই সেৱাসমূহৰ ওপৰত টিডিএছ মাত্ৰ ১% বা ২% হ’ব। ক্ষুদ্ৰ কৰদাতাৰ বাবে নিয়মভিত্তিক স্বয়ংক্ৰিয় প্ৰক্ৰিয়াই মূল্যায়নকাৰী বিষয়াৰ ওচৰত আবেদন দাখিল কৰাৰ পৰিৱৰ্তে হ্ৰাস বা শূন্য কৰ্তনৰ প্ৰমাণপত্ৰ লাভ কৰাটো সম্ভৱ কৰি তুলিব। তদুপৰি, সংশোধিত ৰিটাৰ্ণ দাখিলৰ বাবে উপলব্ধ সময় নামমাত্ৰ মাচুলৰ সৈতে ৩১ ডিচেম্বৰৰ পৰা ৩১ মাৰ্চলৈ বৃদ্ধি কৰাৰ প্ৰস্তাৱ দিয়া হৈছে। তদুপৰি কৰ ৰিটাৰ্ণ দাখিলৰ সময়সীমা সলনাসলনি কৰা হ’ব।

ক্ষুদ্ৰ কৰদাতাসকলে সন্মুখীন হোৱা ব্যৱহাৰিক অসুবিধাৰ সমাধানৰ বাবে ছাত্ৰ-ছাত্ৰী, যুৱ পেছাদাৰী, প্ৰযুক্তি কৰ্মী, বিদেশত থকা প্ৰবাসী ভাৰতীয় আৰু আন যিসকলে আয় বা সম্পত্তি নিৰ্দিষ্ট পৰিমাণতকৈ কম প্ৰকাশ কৰে, তেওঁলোকৰ বাবে এককালীন ছমাহৰ বাবে বিদেশী সম্পত্তি প্ৰকাশ আঁচনি প্ৰৱৰ্তন কৰা হ’ব।

শাস্তি আৰু বিচাৰৰ যুক্তিসংগতকৰণ

শাস্তি আৰু বিচাৰক যুক্তিসংগত কৰিবলৈ ২০২৬-২৭ৰ কেন্দ্ৰীয় বাজেটত কাৰ্য্যবিধিৰ সংখ্যা হ্ৰাস কৰাৰ প্ৰস্তাৱ দিয়া হৈছে। মূল্যায়ন আৰু শাস্তিৰ কাৰ্য্যবিধি এক উমৈহতীয়া আদেশৰ জৰিয়তে একত্ৰিত কৰা হ’ব। তদুপৰি প্ৰিপেমেণ্টৰ পৰিমাণ ২০ শতাংশৰ পৰা ১০ শতাংশলৈ হ্ৰাস কৰা হ’ব, যিটো কেৱল মূল কৰ চাহিদাৰ ওপৰত গণনা কৰা হ’ব। গোচৰ হ্ৰাস কৰিবলৈ কৰদাতাসকলে পুনৰ মূল্যায়নৰ প্ৰক্ৰিয়া আৰম্ভ হোৱাৰ পিছতো তেওঁলোকৰ ৰিটাৰ্ণ আপডেট কৰিবলৈ সংশ্লিষ্ট বছৰৰ বাবে প্ৰযোজ্য হাৰৰ উপৰি ১০ শতাংশ অতিৰিক্ত কৰ হাৰত অনুমতি দিয়া হ’ব।

বাজেটত কম তথ্য দিয়াৰ ক্ষেত্ৰত শাস্তি আৰু বিচাৰৰ পৰা ৰেহাইৰ বিধানসমূহ ভুল প্ৰতিবেদন হিচাপে গণ্য কৰাৰ প্ৰস্তাৱ দিয়া হৈছে। তেনেক্ষেত্ৰত কৰদাতাই প্ৰদান কৰিবলগীয়া কৰ আৰু সুতৰ কৰ পৰিমাণৰ ১০০ শতাংশ অতিৰিক্ত আয়কৰ হিচাপে দিব লাগিব। তদুপৰি আয়কৰ আইনৰ অধীনত বিচাৰৰ কাঠামো যুক্তিসংগত কৰা হ’ব। একাউণ্ট আৰু নথি-পত্ৰৰ বহী দাখিল নকৰাৰ প্ৰয়োজনীয়তা আৰু য’ত বস্তুগতভাৱে ধন পৰিশোধ কৰা হয়, তাত টিডিএছৰ ধন পৰিশোধ নকৰাৰ প্ৰয়োজনীয়তা অপৰাধমুক্ত কৰা হ’ব। ২০ লাখ টকাতকৈ কম মূল্যৰ অস্থায়ী বিদেশী সম্পত্তিৰ তথ্য ৰাজহুৱা নকৰাৰ ক্ষেত্ৰত ১.১০.২০২৪ তাৰিখৰ পৰা পৰৱৰ্তী কাৰ্য্যকৰী হোৱাকৈ শাস্তিৰ পৰা ৰেহাই দিয়া হ'ব।

সমবায়সমূহ

আজি সংসদত বাজেট ভাষণত শ্ৰীমতী নিৰ্মলা সীতাৰমণে ঘোষণা কৰে যে গাখীৰ, তৈলবীজ, ফল-মূল, বা শাক-পাচলি যোগান ধৰা প্ৰাথমিক সমবায় সমিতিসমূহৰ বাবে বৰ্তমানৰ কৰ ৰেহাই এতিয়া ইয়াৰ সদস্যসকলে উৎপাদিত পশু খাদ্য আৰু কপাহৰ বীজৰ যোগানৰ ক্ষেত্ৰতো সম্প্ৰসাৰিত কৰা হ’ব। আন্তঃসহযোগী সমাজৰ লভ্যাংশ আয় নতুন কৰ ব্যৱস্থাৰ অধীনত ৰেহাই দিয়া হ’ব যিমানখিনিলৈকে ইয়াৰ সদস্যসকলৰ মাজত অধিক বিতৰণ কৰা হ’ব। তদুপৰি, ২০২৬ চনৰ ৩১ জানুৱাৰীলৈকে কৰা কোম্পানীসমূহত কৰা বিনিয়োগৰ পৰা লাভ কৰা লভ্যাংশ আয়ৰ ওপৰত এটা অধিসূচিত ৰাষ্ট্ৰীয় সমবায় ফেডাৰেচনক তিনি বছৰৰ বাবে ৰেহাই দিয়া হ’ব, যদিহে লভ্যাংশসমূহ ইয়াৰ সদস্য সমবায়সমূহৰ মাজত অধিক বিতৰণ কৰা হয়।

ভাৰতৰ বিকাশৰ ইঞ্জিন হিচাপে আই টি খণ্ডক সহায় কৰা

ভাৰতৰ বিকাশৰ বাবে আই টি খণ্ডৰ গুৰুত্বৰ ওপৰত গুৰুত্ব আৰোপ কৰি বাজেটত ছফটৱেৰ ডেভেলপমেণ্ট সেৱা, আই টি সক্ষম সেৱা, জ্ঞান প্ৰক্ৰিয়া আউটচ’ৰ্চিং সেৱা আৰু ছফটৱেৰ ডেভেলপমেণ্টৰ সৈতে জড়িত চুক্তিবদ্ধ অনুসন্ধান আৰু বিকাশ সেৱাসমূহ তথ্য প্ৰযুক্তি সেৱাৰ একক শ্ৰেণীৰ অধীনত ১৫.৫ শতাংশ সাধাৰণ নিৰাপদ বন্দৰৰ মাৰ্জিনেৰে অন্তৰ্ভুক্ত কৰাৰ প্ৰস্তাৱ দিয়া হৈছে। তদুপৰি আই টি সেৱাৰ বাবে নিৰাপদ বন্দৰৰ সুবিধা লোৱাৰ থ্ৰেছহ’ল্ড ৩০০ কোটি টকাৰ পৰা ২,০০০ কোটি টকালৈ বৃদ্ধি কৰা হ’ব। আই টি সেৱাৰ বাবে নিৰাপদ বন্দৰটো স্বয়ংক্ৰিয় নিয়ম-চালিত প্ৰক্ৰিয়াৰ জৰিয়তে অনুমোদন কৰা হ’ব আৰু আই টি সেৱা কোম্পানীয়ে এবাৰ আবেদন কৰিলে একেটা নিৰাপদ বন্দৰ একেৰাহে পাঁচ বছৰ ধৰি চলি থাকিব।

আই টি সেৱাৰ বাবে একপক্ষীয় উন্নত মূল্য নিৰ্ধাৰণ চুক্তি (এ পি এ) প্ৰক্ৰিয়া দুবছৰৰ ভিতৰত সম্পূৰ্ণ কৰাৰ প্ৰস্তাৱ কৰদাতাৰ অনুৰোধত আৰু ছমাহ বৃদ্ধি কৰিব পৰা যাব। তদুপৰি, এপিএত প্ৰৱেশ কৰা সত্তাটোৱে উপলব্ধ পৰিৱৰ্তিত ৰিটাৰ্ণৰ সুবিধা ইয়াৰ সংশ্লিষ্ট সত্তাসমূহলৈ সম্প্ৰসাৰিত কৰা হ’ব।

বিশ্ব বাণিজ্য আৰু বিনিয়োগক আকৰ্ষণ

আজি সংসদত ২০২৬-২৭ বৰ্ষৰ কেন্দ্ৰীয় বাজেট দাখিল কৰি কেন্দ্ৰীয় বিত্ত আৰু কৰ্পৰেট পৰিক্ৰমা মন্ত্ৰীয়ে উল্লেখ কৰে যে ভাৰতৰ পৰা ডাটা চেণ্টাৰ সেৱা ব্যৱহাৰ কৰি বিশ্বজুৰি গ্ৰাহকক ক্লাউড সেৱা প্ৰদান কৰা যিকোনো বিদেশী কোম্পানীয়ে ২০৪৭ চনলৈকে কৰ ৰেহাই লাভ কৰিব। তদুপৰি, বণ্ডেড গুদামত উপাদান গুদামৰ বাবে প্ৰৱাসীসকলক চালান মূল্যৰ ২ শতাংশ লাভৰ হাৰত নিৰাপদ বন্দৰ প্ৰদান কৰা হ’ব। কেন্দ্ৰীয় মন্ত্ৰীগৰাকীয়ে কয় যে ইয়াৰ ফলত কৰ হাৰ প্ৰায় ০.৭ শতাংশ  হ’ব, যিটো প্ৰতিযোগী ন্যায়িক অধিকাৰক্ষেত্ৰতকৈ যথেষ্ট কম।

বাজেটত বণ্ডেড জ’নৰ যিকোনো টোল নিৰ্মাতাক মূলধনী সামগ্ৰী, সা-সঁজুলি যোগান ধৰা যিকোনো প্ৰৱাসী লোকক পাঁচ বছৰৰ বাবে আয়কৰৰ পৰা ৰেহাই দিয়াৰ প্ৰস্তাৱ দিয়া হৈছে। বিশ্ব প্ৰতিভাৰ বৃহৎ সংখ্যক লোকক ভাৰতত দীৰ্ঘ সময়ৰ বাবে কাম কৰিবলৈ উৎসাহিত কৰিবলৈ প্ৰৱাসী বিশেষজ্ঞৰ বিশ্ব (অভাৰতীয় উৎস) আয়ৰ পৰা অধিসূচিত আঁচনিৰ অধীনত ৫ বছৰৰ বাবে ৰেহাই দিয়া হ’ব। তদুপৰি, অনুমানিক ভিত্তিত কৰ পৰিশোধ কৰা সকলো অনাবাসীক ন্যূনতম বিকল্প কৰ (MAT)ৰ পৰা ৰেহাই দিয়া হ’ব।

কৰ প্ৰশাসন

কৰ প্ৰশাসন শক্তিশালী কৰাৰ দিশত এক উল্লেখযোগ্য পদক্ষেপ হিচাপে বাজেটত আয় গণনা আৰু প্ৰকাশৰ মানদণ্ড (আইচিডিএছ)ৰ প্ৰয়োজনীয়তাসমূহ ভাৰতীয় একাউণ্টিং ষ্টেণ্ডাৰ্ডছ (IndAS)ৰ সৈতে একত্ৰিত কৰিবলৈ কৰ্পৰেট পৰিক্ৰমা মন্ত্ৰালয় আৰু কেন্দ্ৰীয় প্ৰত্যক্ষ কৰ ব’ৰ্ডৰ যৌথ সমিতি গঠনৰ প্ৰস্তাৱ দিয়া হৈছে। আইচিডিএছৰ ওপৰত ভিত্তি কৰি পৃথক একাউণ্টিঙৰ প্ৰয়োজনীয়তা ২০২৭-২৮ চনৰ কৰ বৰ্ষৰ পৰা প্ৰত্যাহাৰ কৰা হ’ব। নিৰাপদ বন্দৰৰ নিয়মৰ উদ্দেশ্যে একাউণ্টেণ্টৰ সংজ্ঞাও যুক্তিসংগত কৰা হ’ব।

অন্যান্য কৰ প্ৰস্তাৱ

সংখ্যালঘু শ্বেয়াৰহোল্ডাৰসকলৰ স্বাৰ্থত ২০২৬-২৭ৰ কেন্দ্ৰীয় বাজেটত প্ৰস্তাৱ কৰা হৈছে যে বাইবেকৰ ওপৰত সকলো ধৰণৰ শ্বেয়াৰহোল্ডাৰৰ বাবে মূলধনী লাভ হিচাপে কৰ আৰোপ কৰা হ’ব। প্ৰমোটাৰসকলে অতিৰিক্ত বাইবেক টেক্স দিব লাগিব, যাৰ ফলত কৰ্পৰেট প্ৰমোটাৰৰ বাবে কাৰ্যকৰী কৰ হাৰ ২২ শতাংশ আৰু অকৰ্পৰেট প্ৰমোটাৰৰ বাবে ৩০ শতাংশ হ’ব।

শ্ৰীমতী নিৰ্মলা সীতাৰমণে কয় যে মদ্যপান, স্ক্ৰেপ আৰু খনিজ পদাৰ্থৰ দৰে নিৰ্দিষ্ট সামগ্ৰী বিক্ৰেতাৰ বাবে টিচিএছৰ হাৰ ২ শতাংশলৈ যুক্তিসংগত কৰা হ’ব আৰু টেণ্ডুৰ পাতত ই ৫ শতাংশৰ পৰা ২ শতাংশলৈ হ্ৰাস কৰা হ’ব। আন এটা নিৰ্দিষ্ট কৰ প্ৰস্তাৱ হ’ল ভৱিষ্যতৰ ওপৰত এছটিটি বৰ্তমানৰ ০.০২ শতাংশৰ পৰা ০.০৫ শতাংশলৈ বৃদ্ধি কৰা। বিকল্প প্ৰিমিয়াম আৰু বিকল্পৰ ব্যৱহাৰৰ ক্ষেত্ৰতো এছটিটি বৰ্তমানৰ ক্ৰমে ০.১ শতাংশ আৰু ০.১২৫ শতাংশৰ পৰা ০.১৫ শতাংশলৈ বৃদ্ধি কৰা হ’ব।

কোম্পানীসমূহক নতুন শাসন ব্যৱস্থালৈ প্ৰব্ৰজন কৰিবলৈ উৎসাহিত কৰিবলৈ বাজেটত প্ৰস্তাৱ কৰা হৈছে যে আগবঢ়াই দিয়া মেট ক্ৰেডিটৰ ছেট অফৰ অনুমতি কেৱল নতুন শাসন ব্যৱস্থাৰ অধীনতহে দিয়া হ’ব। উপলব্ধ মেট ক্ৰেডিট ব্যৱহাৰ কৰি ছেট-অফৰ অনুমতি নতুন ব্যৱস্থাৰ অধীনত কৰ দায়বদ্ধতাৰ ১/৪ লৈকেহে অনুমতি দিয়া হ’ব। মেটক চূড়ান্ত কৰ হিচাপে গঢ়ি তোলাৰ প্ৰস্তাৱ দি শ্ৰীমতী সীতাৰমণে কয় যে ২০২৬ চনৰ ১ এপ্ৰিলৰ পৰা আৰু কোনো ক্ৰেডিট জমা কৰা নহ’ব।চূড়ান্ত কৰ হাৰ বৰ্তমানৰ মেটৰ হাৰৰ ১৫ শতাংশৰ পৰা ১৪ শতাংশলৈ হ্ৰাস কৰা হ’ব। তদুপৰি, ২০২৬ চনৰ ৩১ মাৰ্চলৈকে কৰদাতাসকলে জমা কৰা মেট ক্ৰেডিট ক্ৰেডিট ওপৰত বৰ্ণনা কৰা ধৰণে ছেট অফৰ বাবে উপলব্ধ থাকিব।

পৰোক্ষ কৰ:

বিত্তমন্ত্ৰীয়ে কয় যে শুল্ক আৰু কেন্দ্ৰীয় আবকাৰীৰ বাবে প্ৰস্তাৱসমূহৰ লক্ষ্য হৈছে শুল্ক গাঁথনি আৰু অধিক সৰল কৰা, ঘৰুৱা উৎপাদনক সমৰ্থন কৰা, ৰপ্তানি প্ৰতিযোগিতামূলকতাক প্ৰসাৰ কৰা আৰু শুল্কৰ বিজুতিসমূহ শুধৰোৱা।

শুল্ক যুক্তিসংগতকৰণ:

সাগৰীয় দ্ৰব্য, চামৰা আৰু বস্ত্ৰজাত সামগ্ৰীৰ ক্ষেত্ৰত ৰপ্তানিৰ বাবে সাগৰীয় খাদ্য সামগ্ৰী সংসাধনত ব্যৱহৃত নিৰ্দিষ্ট সামগ্ৰীৰ শুল্কমুক্ত আমদানিৰ সীমা বৰ্তমানৰ এফ অ’ বি মূল্যৰ ১ শতাংশৰ পৰা ৩ শতাংশলৈ বৃদ্ধি কৰা হ’ব। বৰ্তমান চামৰা বা কৃত্ৰিম জোতা ৰপ্তানিৰ বাবে উপলব্ধ নিৰ্দিষ্ট ইনপুটৰ শুল্কমুক্ত আমদানি অব্যাহত থাকিব।

শক্তি খণ্ডত বেটাৰীৰ বাবে লিথিয়াম-আয়ন কোষ নিৰ্মাণত ব্যৱহৃত মূলধনী সামগ্ৰীৰ ওপৰত মৌলিক শুল্ক ৰেহাই বৃদ্ধি কৰা হ’ব আৰু সৌৰ কাঁচ নিৰ্মাণত ব্যৱহৃত ছডিয়াম এণ্টিমোনেটৰ আমদানি মৌলিক শুল্কৰ পৰা ৰেহাই দিয়া হ’ব।

বিত্তমন্ত্ৰীয়ে উল্লেখ কৰে যে পাৰমাণৱিক শক্তি প্ৰকল্পৰ বাবে প্ৰয়োজনীয় সামগ্ৰীৰ আমদানিৰ ওপৰত বৰ্তমানৰ মৌলিক শুল্ক ৰেহাই ২০৩৫ চনলৈকে বৃদ্ধি কৰা হ’ব আৰু মাইক্ৰৱেভ অভেন নিৰ্মাণত ব্যৱহৃত নিৰ্দিষ্ট অংশৰ ওপৰত মৌলিক শুল্ক ৰেহাইৰ ব্যৱস্থা কৰা হ’ব।

গুৰুত্বপূৰ্ণ খনিজ পদাৰ্থ প্ৰক্ৰিয়াকৰণৰ বাবে প্ৰয়োজনীয় মূলধনী সামগ্ৰী আমদানিৰ ক্ষেত্ৰত মৌলিক শুল্ক ৰেহাই প্ৰদান কৰা হ’ব আৰু জৈৱ গেছ মিশ্ৰিত চিএনজিৰ ওপৰত প্ৰদান কৰিবলগীয়া কেন্দ্ৰীয় আবকাৰী শুল্ক গণনা কৰাৰ সময়ত জৈৱ গেছৰ সমগ্ৰ মূল্য বাদ দিয়া হ’ব।

অসামৰিক আৰু প্ৰতিৰক্ষা বিমান পৰিবহণ খণ্ডত অসামৰিক, প্ৰশিক্ষণ আৰু অন্যান্য বিমান নিৰ্মাণৰ বাবে প্ৰয়োজনীয় উপাদান আৰু অংশসমূহৰ ওপৰত মৌলিক শুল্ক ৰেহাই দিয়া হ’ব আৰু প্ৰতিৰক্ষা খণ্ডৰ ইউনিটসমূহে ৰক্ষণাবেক্ষণ, মেৰামতি বা ৰক্ষণাবেক্ষণৰ উদ্দেশ্যে ব্যৱহাৰ কৰা বিমানৰ অংশ নিৰ্মাণৰ বাবে আমদানি কৰা কেঁচামালৰ ওপৰত মৌলিক শুল্ক ৰেহাই দিয়া হ’ব।

তদুপৰি, বিশেষ অৰ্থনৈতিক অঞ্চলৰ যোগ্য উৎপাদন ইউনিটসমূহে ঘৰুৱা শুল্ক এলেকাত (ডিটিএ) ৰেহাইমূলক হাৰত বিক্ৰীৰ সুবিধাৰ বাবে এককালীন বিশেষ ব্যৱস্থা প্ৰস্তাৱ কৰা হৈছে।

জীৱন সৰল কৰিবলৈ বিত্তমন্ত্ৰীয়ে ঘোষণা কৰে যে ব্যক্তিগত ব্যৱহাৰৰ বাবে আমদানি কৰা সকলো শুল্কযোগ্য সামগ্ৰীৰ শুল্ক হাৰ ২০ শতাংশৰ পৰা ১০ শতাংশলৈ হ্ৰাস কৰা হ’ব। ১৭বিধ ঔষধৰ ওপৰত মৌলিক শুল্ক ৰেহাই দিয়া হ’ব। ইয়াৰ চিকিৎসাত ব্যৱহৃত ড্ৰাগছ বা ঔষধ আৰু বিশেষ চিকিৎসা উদ্দেশ্যৰ বাবে খাদ্য (এফএছএমপি) ব্যক্তিগত আমদানিৰ ওপৰত আমদানি শুল্ক ৰেহাই দিয়াৰ উদ্দেশ্যে আৰু সাতটা বিৰল ৰোগ সংযোজন কৰা হ’ব।

শুল্ক পদ্ধতি:

সামগ্ৰীৰ মসৃণ আৰু দ্ৰুত গতি নিশ্চিত কৰিবলৈ শুল্ক পদ্ধতিত ন্যূনতম হস্তক্ষেপ কৰা হ’ব। তদুপৰি, এইঅ’ নামেৰে জনাজাত টিয়েৰ ২ আৰু টিয়েৰ ৩ অনুমোদিত অৰ্থনৈতিক অপাৰেটৰৰ বাবে শুল্ক বিলম্বৰ সময়সীমা ১৫ দিনৰ পৰা ৩০ দিনলৈ বৃদ্ধি কৰা হ’ব। যোগ্য প্ৰস্তুতকাৰী-আমদানিকাৰকসকলৰ ক্ষেত্ৰতো একেই কথা। শুল্ক বিভাগৰ ক্ষেত্ৰত প্ৰযোজ্য অগ্ৰিম ৰায়দানৰ বৈধতাৰ সময়সীমা বৰ্তমানৰ ৩ বছৰৰ পৰা ৫ বছৰলৈ বৃদ্ধি কৰাৰ প্ৰস্তাৱ দিয়া হৈছে। চৰকাৰী সংস্থাসমূহক তেওঁলোকৰ সামগ্ৰী নিষ্কাশনত অগ্ৰাধিকাৰ প্ৰদানৰ বাবে এইঅ’ৰ স্বীকৃতিৰ সুবিধা ল’বলৈ উৎসাহিত কৰা হ’ব।

বাজেটত শুল্ক গুদামৰ কাঠামোক স্ব-ঘোষণা, ইলেক্ট্ৰনিক অনুসৰণ আৰু ক্ষতিশংকাভিত্তিক অডিটৰ সৈতে গুদাম অপাৰেটৰকেন্দ্ৰিক ব্যৱস্থালৈ ৰূপান্তৰিত কৰাৰ প্ৰস্তাৱো দিয়া হৈছে।

ব্যৱসায়ৰ সুচলতা

ব্যৱসায়ৰ সুচলতা খণ্ডত কেইবাটাও পদক্ষেপ গ্ৰহণ কৰা হৈছে। উদাহৰণস্বৰূপে, বিভিন্ন চৰকাৰী সংস্থাৰ পৰা কাৰ্গো ক্লিয়াৰেন্সৰ অনুমোদন বিত্তীয় বৰ্ষৰ শেষৰ ফালে একক আৰু আন্তঃসংযোগী ডিজিটেল উইণ্ড’ৰ জৰিয়তে নিৰৱচ্ছিন্নভাৱে প্ৰক্ৰিয়াকৰণ কৰা হ’ব। যিবোৰ সামগ্ৰীৰ কোনো ধৰণৰ অনুসৰণৰ প্ৰয়োজন নাই, সেইবোৰ আমদানিকাৰকে অনলাইন পঞ্জীয়ন সম্পূৰ্ণ কৰাৰ লগে লগে শুল্ক বিভাগে অনুমোদন জনাব। শুল্ক সংহত ব্যৱস্থা (চিআইএছ) দুবছৰৰ ভিতৰত সকলো শুল্ক প্ৰক্ৰিয়াৰ বাবে একক, সংহত আৰু স্কেলেবল মঞ্চ হিচাপে আৰম্ভ কৰা হ’ব। তদুপৰি, বিপদ মূল্যায়নৰ বাবে উন্নত ইমেজিং আৰু এআই প্ৰযুক্তিৰ সৈতে নন-ইণ্ট্ৰুচিভ স্কেনিঙৰ ব্যৱহাৰ ক্ৰমান্বয়ে সম্প্ৰসাৰিত কৰি সকলো ডাঙৰ বন্দৰত প্ৰতিটো কণ্টেইনাৰ স্কেন কৰা হ’ব।

২০২৬-২৭ বৰ্ষৰ কেন্দ্ৰীয় বাজেটত ভাৰতীয় মাছ ধৰা জাহাজে একচেটিয়া অৰ্থনৈতিক মণ্ডল (EEZ) বা সাগৰত ধৰা মাছ শুল্কমুক্ত কৰা হৈছে। বিদেশৰ বন্দৰত এনে মাছ প্ৰদান কৰাটোকো সামগ্ৰীৰ ৰপ্তানি বুলি গণ্য কৰা হ’ব। বাজেটত ই-কমাৰ্চৰ জৰিয়তে ভাৰতৰ ক্ষুদ্ৰ ব্যৱসায়ী, শিল্পী, আৰু ষ্টাৰ্টআপৰ আকাংক্ষাক সমৰ্থন কৰি কুৰিয়াৰ ৰপ্তানিৰ ক্ষেত্ৰত প্ৰতিটো চালানৰ বৰ্তমানৰ মূল্য সীমা ১০ লাখ টকালৈকে সম্পূৰ্ণৰূপে প্ৰত্যাহাৰৰ প্ৰস্তাৱো দিয়া হৈছে।

আন্তঃৰাষ্ট্ৰীয় ভ্ৰমণৰ সময়ত লটাৰী অনুমোদনৰ বিধানসমূহো সংশোধন কৰা হ’ব। সংশোধিত নিয়মৰ জৰিয়তে আজিৰ ভ্ৰমণৰ বাস্তৱতাক প্ৰতিফলিত কৰিবলৈ শুল্কমুক্ত ভাট্টা বৃদ্ধি কৰা হ’ব। তদুপৰি বিবাদ নিষ্পত্তি কৰিব বিচৰা সৎ কৰদাতাই জৰিমনা বিনিময়ত অতিৰিক্ত ধন দি গোচৰ বন্ধ কৰিব পাৰিব।

***

NB/SR/SNC/RC/AD/KM/RK/DB