آج پارلیمنٹ میں مرکزی بجٹ 2026-27 پیش کرتے ہوئے، خزانہ اور کمپنی امور کی مرکزی وزیر محترمہ نرملا سیتا رمن نے کہا کہ تیسرا کرتویہ حکومت کی سب کا ساتھ، سب کا وکاس  کی تصویرت سے ہم آہنگ ہے، جو اس امر کویقینی بناتا ہے کہ  ہر کنبے، برادری، خطے اور شعبے کو بامعنی شرکت کے لیے وسائل، سہولتوں اور مواقع تک رسائی حاصل ہو۔

وزیر خزانہ نے تیسرے کرتویہ کی حصولیابی کے لیے ایک وسیع خاکہ وضع کیا ہے ۔ محترمہ نرملا سیتا رمن نے کہا، ’’اس سلسلے میں ، اے)پیداواریت میں اضافے اور صنعت کاری کے ذریعہ ، چھوٹے اور حاشیے پر موجود کاشتکاروں کو خصوصی رسائی دینا کے ساتھ ، کاشتکاروں کی آمدنی میں اضافہ کرنے، ؛ بی) روزگار کے مواقع، تربیت اور اعلیٰ معیاری معاون آلات کے ذریعہ دیویانگ جنو کی اختیار دہی؛ سی) ذہنی صحت  اور صدمے کی حالت میں نگہداشت؛ ڈی)  ترقی اور روزگار  سے متعلق مواقع میں اضافہ کے لیے پورودیہ ریاستوں اور شمال مشرقی خطے پر توجہ کے لیے ہدف بند کوششیں درکار ہیں۔‘‘

کاشتکاروں کی آمدنی میں اضافہ کرنا

کاشتکاروں کی آمدنی میں اضافے کے وسیع مقصد کے تحت، بجٹ میں 500 آبی ذخائر اور امرت سرووروں کی مربوط ترقی، ساحلی علاقوں میں ماہی گیری کی قدر کی زنجیر کو مضبوط بنانے اور مچھلی کاشتکاروں کی پروڈیوسر تنظیموں کے ساتھ اسٹارٹ اپس اور خواتین کی قیادت والے گروپوں کے ساتھ مارکیٹ کے رابطوں کو فعال کرنے کے انتظامات شامل ہیں۔

محترمہ نرملا سیتارمن نے کہا  مویشی پروری  کاشتکاروں کی آمدنی میں اضافے کے لیے ایک اہم شعبوں میں سے ایک ثابت ہوگا۔ دیہی اور نیم شہری علاقوں میں معیاری روزگار کے مواقع فراہم کرنے کے لیے، حکومت  (اے) قرض سے مربوط سبسڈی پروگرام (بی) مویشیوں کی صنعت کی توسیع اور جدید کاری (سی) مویشی، ڈیری اور مرغی بطخ  پروری  پر مرتکز مربوط  ویلیو چینوں (ڈی)  لائیو اسٹاک فارمر پروڈیوسرز آرگنائزیشنوں کے قیام کی حوصلہ افزائی کے ذریعہ صنعت کاری کی ترقی میں مویشی پروری کے شعبے کو تعاون فراہم کرے گی۔

مرکزی وزیر خزانہ نے ساحلی علاقوں میں ناریل، صندل، کوکو اور کاجو جیسی اعلیٰ قیمت کی حامل فصلوں کو تعاون فراہم کرتے ہوئے اعلیٰ قدر و قیمت کی حامل زراعت پر زور دیا۔ شمال مشرق میں آگر کے درخت اور ہمارے پہاڑی علاقوں میں بادام، اخروٹ اور چلغوزے جیسے گری دار میوے کی بھی مدد کی جائے گی۔

محترمہ نرملا سیتا رمن نے کہا، ’’ بھارت دنیا میں ناریل پیدا کرنے والا سب سے بڑا ملک ہے۔ تقریباً 10 ملین کاشتکاروں سمیت تقریباً 30 ملین افراد اپنی روزی روٹی کے لیے ناریل پر انحصار کرتے ہیں۔ ناریل کی پیداوار میں مسابقت کو مزید بڑھانے کے لیے، میں مختلف اقدامات کے ذریعے پیداوار بڑھانے اور پیداواری صلاحیت کو بڑھانے کے لیے ایک ناریل پروموشن اسکیم تجویز کرتا ہوں جس میں ناریل اگانے والی بڑی ریاستوں میں پرانے اور غیر پیداواری درختوں کو نئے پودے/پودے/قسم کے ساتھ تبدیل کرنا شامل ہے۔ ‘‘

کاشتکاروں کی آمدنی میں اضافے کے ہدف کی جانب ایک اور قدم اٹھاتے ہوئے، مرکزی بجٹ 2026-27 نے ہندوستانی کاجو اور کوکو کے لیے ایک وقف پروگرام بھی تجویز کیا ہے تاکہ ہندوستان کو کچے کاجو اور کوکو کی پیداوار اور پروسیسنگ میں خود کفیل بنایا جاسکے، برآمداتی مسابقت میں اضافہ کیا جاسکے اور ہندوستانی کاجو اور ہندوستانی کوکو کو 2020 تک پریمیم عالمی برانڈز میں تبدیل کیا جاسکے۔

مرکزی حکومت  بھارتی صندل کی لکڑی کے ماحولیاتی نظام  کی عظمت کی بحالی کے مقصد سے ارتکازی کاشت اور فصل کی کٹائی کے بعد عمل کو فروغ دینے کے لیے ریاستوں کے ساتھ شراکت داری قائم کرے گی۔

پرانے، کم پیداوار والے باغات کی باز بحالی اور اخروٹ، بادام اور چلغوزے جیسے گری دار میوے کی کاشت میں اضافے کے لیے، بجٹ میں کاشتکاروں کی آمدنی کو بڑھانے اور نوجوانوں کی شمولیت کے ساتھ قدرو قیمت میں اضافہ لانے کے لیے ایک کلی طور پر وقف پروگرام کی حمایت کرنے کی تجویز پیش کی گئی ہے۔

بھارت – وستار (زرعی وسائل تک رسائی کے لیے مجازی طور پر مربوط نظام)

خزانہ اور کمپنی امور کی مرکزی وزیر محترمہ نرملا سیتا رمن نے بھارت – وستار (زرعی وسائل تک رسائی کے لیے مجازی طور پر مربوط نظام)  کے آغاز  کا اعلان کیا ہے۔ وِستار کا تصور ایک کثیر لسانی اے آئی ٹول کے طور پر کیا گیا ہے جو زرعی ڈیجیٹل بنیادی ڈھانچہ پورٹلس اور آئی سی اے آر پیکیج کو اے آئی نظام کے ساتھ زرعی طریقوں سے مربوط کرے گا۔ اس سے کھیتی کی پیداواری صلاحیت میں اضافہ ہوگا، کسانوں کے لیے بہتر فیصلے کیے جائیں گے اور اپنی مرضی کے مطابق مشاورتی معاونت فراہم کرکے خطرے کو کم کیا جائے گا۔

**********

(ش ح –ا ب ن)

UR-ES-32