آج ایوان زیریں-لوک سبھا میں اقتصادی  جائزہ 2025-26 پیش کرتے ہوئے مالیات اور کارپوریٹ امور کی مرکزی وزیر محترمہ نرملا سیتا رمن نے کہا کہ مضبوط بنیادی ڈھانچہ جس میں سڑکیں، مکانات، پینے کے صاف پانی کے کنکشن اور ڈجیٹل کنکٹی وٹی، جامع ترقی کے لیے ضروری ہے، اوریہ کمیونٹیز کو بازاروں، خدمات اور مواقع سے جوڑتا ہے جو زندگی کے معیار کو بہتر بناتے ہیں۔

حکومت نے 25 دسمبر 2000 کو پردھان منتری گرام سڑک یوجنا (پی ایم جی ایس وائی) جسے پی ایم جی ایس وائی-I بھی کہا جاتا ہے، شروع کیا، جس کا بنیادی مقصد غیر منظم  بستیوں کو ہمہ موسمی سڑک رابطہ فراہم کرنا ہے (جن کی آبادی میدانی علاقوں میں 500 یا اس سے زیادہ ہے اور 250 یا اس سے زیادہ کی آبادی کے ساتھ شمال مشرقی ہندوستان اور 2000 میں شمال مشرقی ہندوستان کے علاقوں میں) مردم شماری 15 جنوری 2026 تک 99.6 فیصد اہل بستیوں کو کنکٹی وٹی فراہم کر دی گئی ہے۔ مزید برآں، پی ایم جی ایس وائی-I کے تحت 164,581 سڑکوں (644,735 کلومیٹر) اور 7,453 پلوں کی منظوری دی گئی ہے اور 163,665 سڑکوں (625,117 کلومیٹر) اور 7,210 پلوں کی تعمیر مکمل ہو چکی ہے۔ پی ایم جی ایس وائی-II، جو 2013 میں شروع ہوا نے 6,664 سڑکوں (49,791 کلومیٹر) اور 759 پلوں کی منظوری دی، اور 15 جنوری 2026 تک 6,612 سڑکوں (49,087 کلومیٹر) اور 749 پلوں کی تعمیر مکمل کی گئی۔

حکومت نے جولائی 2019 میں پی ایم جی ایس وائی کے تیسرے مرحلے کی منظوری دی تھی تاکہ بڑے دیہی علاقوں میں بستیوں، دیہی زرعی منڈیوں اور ہائر سیکنڈری اسکولوں کو رابطہ فراہم کرنے کے لیے 125,000 کلومیٹر سڑکیں تعمیر کی جائیں۔ پی ایم جی ایس وائی-III اسکیم کے تحت 15,965 سڑکوں (1,22,363 کلومیٹر) اور 3,211 پلوں کی منظوری دی گئی تھی اور 12,699 سڑکوں (1,02,926 کلومیٹر) اور 1,734 پلوں کی تعمیر 15 جنوری 2026 تک مکمل کی گئی تھی۔

سب کے لیے مکانات کے مقصد کو حاصل کرنے کے لیے حکومت نے پردھان منتری آواس گرامین یوجنا شروع کی، جو یکم اپریل 2016 سے لاگو ہو رہی ہے اور اس کا مقصد دیہی علاقوں میں کچے گھروں میں رہنے والے تمام اہل بے گھر لوگوں کو بنیادی سہولیات کے ساتھ 4.95 کروڑ پکے مکانات فراہم کرنا ہے۔ جن میں سے 38.6 ملین مکانات کی منظوری دی گئی ہے اور اب تک 29.3 ملین مکانات تعمیر ہو چکے ہیں۔ مزید برآں،  گزشتہ اسکیموں سے باقی 76.98 لاکھ مکانات کی تعمیر مکمل ہو چکی ہے، جس سے دیہی علاقوں میں تعمیر کیے گئے مکانات کی مجموعی تعداد گزشتہ 11  برسوں میں 37.0 ملین تک پہنچ گئی ہے۔

دیہی علاقوں میں‘ہر گھر کے لیے پانی’ کے  کثیرالمقاصد ہدف کو حاصل کرنے کے لیے مرکزی حکومت، ریاستوں کے ساتھ مل کر اگست 2019 سے جل جیون مشن (جے جے ایم) اسکیم کو نافذ کر رہی ہے۔ اسکیم کے آغاز کے وقت صرف 32.3 ملین (17 فیصد) دیہی گھرانوں کو پینے کے صاف پانی تک رسائی حاصل تھی۔ 20 نومبر 2025 تک، 12.50 کروڑ سے زیادہ مکانات کو اس کے دائرہ کار میں لایا گیا ہے اور اس اسکیم کے تحت آنے والے مکانات کی تعداد بڑھ کر 15.74 کروڑ (81.30 فیصد) ہو گئی ہے، جس سے دیہی علاقوں میں معیار زندگی میں بہتری آئی ہے۔

دیہی ہندوستان میں ٹیکنالوجی

ٹیکنالوجی جامع ترقی کے لیے ایک طاقتور   میکانزم  کے طور پر کام کرتی ہے، رکاوٹوں کو توڑتی ہے اور ہر کسی کے لیے رسائی کو قابل رسائی بناتی ہے۔ جدید ترین موبائل فون، سیٹلائٹ انٹرنیٹ اور زراعت میں ڈجیٹل ٹولز جیسی ایجادات ڈجیٹل تقسیم کو ختم کرنے اور انتہائی دور دراز علاقوں تک ضروری خدمات فراہم کرنے میں مدد فراہم کر رہی ہیں۔ حالیہ جامع ماڈیولر جائزہ: ٹیلی کام- 2025 اس مثبت رجحان کی تصدیق کرتا ہے۔ ترقی یافتہ ٹیکنالوجی (سو امتوا) کے ذریعے گاؤں کی آبادی کا جائزہ اور گاؤں کے علاقوں کی نقشہ سازی اور‘ نمو ڈرون دیدی’ جیسی اسکیمیں اس بات کی  واضح مثالیں ہیں کہ ٹیکنالوجی کس طرح دیہی زندگی میں شمولیت کو فروغ دے سکتی ہے۔

دسمبر 2025 تک سو امتوا اسکیم کے تحت ڈرون سروے تقریباً 3.44 لاکھ  نوٹیفائیڈ گاؤں کے ہدف کے مقابلہ میں 3.28 لاکھ دیہاتوں میں مکمل ہو چکے ہیں۔ اس کے تحت  تقریباً 1.82 لاکھ گاؤں کے لیے 2.76 کروڑ پراپرٹی کارڈ بنائے گئے ہیں۔ 2023-24 کے دوران، سرکردہ فرٹیلائزر کمپنیوں نے اپنے وسائل سے سیلف ہیلپ گروپس کے ڈرون ڈیڈیز کو 1,094 ڈرون تقسیم کیے، جن میں سے 500 ڈرون نمو ڈرون دیدی اسکیم کے تحت فراہم کیے گئے۔

اس کے علاوہ، حکومت ڈجیٹل انڈیا لینڈ ریکارڈز ماڈرنائزیشن پروگرام (ڈی آئی ایل آر ایم پی) کے تحت مالی سال 2008 سے دیہی علاقوں میں زمینی ریکارڈ کی کمپیوٹرائزیشن اور ڈجیٹلائزیشن کو نافذ کر رہی ہے۔ قومی سطح پر دیہی علاقوں میں زمین کے کل دستیاب ریکارڈ میں سے 99.8 فیصد کو ریکارڈ آف اونر شپ (آر او آر) کے لیے ڈجیٹل کیا گیا ہے۔

*****

ش ح – ظ  ا-  ت ع

UR- ES. 23