প্রধানমন্ত্রীগী লোইশঙ
হরাও-তয়াম্না অমসুং লৈবাক্কী চাউথোকচবগা লোয়ননা পাংথোকখিবা গনতন্ত্র দিবস প্রধান মন্ত্রীনা থাগৎপা ফোঙদোকখ্রে
কর্তব্য পথতা পাংথোকখিবা ফজরবা গনতন্ত্র দিবস পেরেদকী শক্তমশিং প্রধান মন্ত্রীনা সিয়ার তৌখ্রে
ঐখোয়গী গনতন্ত্র দিবস থৌরমদা য়ুরোপিয়ান কাউন্সিল প্রসিদেন্ত এন্তোনিও কোষ্টা অমসুং য়ুরোপিয়ান কম্মিসন প্রসিদেন্ত উরসুলা বোন দের লেয়েন তরাম্না ওকখিবা অসি ভারতকী লাইবক ফবনি: প্রধান মন্ত্রী
গনতন্ত্র দিবস পেরেদ মনুংদা উৎখিবা মাইথিবা পীবা ঙমদবা ঙাক-শেনগী খুৎলায়শিং প্রধান মন্ত্রীনা থাগৎপা ফোঙদোকখ্রে
প্রধান মন্ত্রীনা হায়খি মদুদি ভারতকী সেকুরিতি ফোর্সশিংগী মপাঙ্গল হেনগৎলকপা গনতন্ত্র দিবস পেরেদতা মমি তারে
গনতন্ত্র দিবস পেরেদতা ভারতকী মখল কয়াগী নাৎশিং ফজনা উৎখিবা অদু প্রধান মন্ত্রীনা পাউদমখ্রে
प्रविष्टि तिथि:
26 JAN 2026 4:50PM by PIB Imphal
প্রধান মন্ত্রী শ্রী নরেন্দ্র মোদীনা হায়খি মদুদি হরাও-তয়াম্না অমসুং লৈবাক্কী চাউথোকচবগা লোয়ননা ভারতনা গনতন্ত্র দিবস পাংথোকখ্রে।
মহাক্না হায়খি মদুদি কর্তব্য পথতা পাংথোকখিবা ফজরবা গনতন্ত্র দিবস পেরেদনা ভারতকী গনতন্ত্রগী মপাঙ্গল, লৈবাক অসিগী হেরিতেচগী ইনাকখুনবা অমসুং লৈবাক অসি অমতা ওইনা পুনশিল্লিবা অপুনবা অদু উৎলে। থৌরমগী শক্তমশিং সিয়ার তৌরদুনা, প্রধান মন্ত্রীনা হায়খি মদুদি গনতন্ত্র দিবস থৌরম মনুংদা লৈবাক অসিগী চাউথোকচবা শক্তি লৈনা উৎখিবা অদু কর্তব্য পথতা উবা ফংলে।
প্রধান মন্ত্রীনা হায়খি মদুদি ঐখোয়গী গনতন্ত্র দিবস থৌরমদা য়ুরোপিয়ান কাউন্সিল প্রসিদেন্ত এন্তোনিও কোষ্টা অমসুং য়ুরোপিয়ান কম্মিসন প্রসিদেন্ত উরসুলা বোন দের লেয়েন তরাম্না ওকখিবা অসি ভারতকী লাইবক ফবনি। মখোয় শরুক য়াখিবা অসি ইন্দিয়া-য়ুরোপিয়ান য়ুনিয়নগী মরী ফগৎলকপনি অমসুং শরুক য়ামিন্নরিবা গুনশিংদা ভারতকী থাজবা থম্বনি। খোঙচৎ অসিনা ভারত অমসুং য়ুরোপ শীনবা থুংনা হিরম কয়াদা থবক তৌমিন্নবা হেনগৎহনগনি।
প্রধান মন্ত্রীনা হায়খি মদুদি গনতন্ত্র দিবস পেরেদ মনুংদা উৎখিবা মাইথিবা পীবা ঙমদবা ঙাক-শেনগী খুৎলায়শিং উৎখ্রে, মসিদা লৈবাক অসিগী শেম-শাবা, তেক্নোলোজিগী তৌবা ঙম্বা অমসুং লৈবাক অসিগী মীয়াম ঙাক-শেন্নবা অচেৎপা ফিরেপ মমি তারে।
প্রধান মন্ত্রীনা হায়খি মদুদি ভারতকী সেকুরিতি ফোর্সশিংগী মপাঙ্গল হেনগৎলকপা গনতন্ত্র দিবস পেরেদতা মমি তারে। ভারতকী সেকুরিতি ফোর্স তশেংনা লৈবাক অসিগী চাউথোকচবনি অমসুং পেরেদ মনুংদা মখোয় ফজনা শরুক য়াখিবগী শক্তমশিং সিয়ার তৌরে।
প্রধান মন্ত্রীনা হায়খি মদুদি গনতন্ত্র দিবস পেরেদ মনুংদা কর্তব্য পথতা ভারতকী নাৎ মখল কয়া ফজনা উৎলে। ফজরবা পর্ফোমেন্সশিং অমসুং তেব্লোশিংগী খুৎথাংদা পেরেদ অসিদা ভারতকী মখল কয়াগী নাৎশিং উৎলে, লৈবাক অসিগী ইনাকখুল্লবা অমসুং মখল কয়াগী হেরিতেচগী মমি তারে।
এক্সতা পোষ্টশিংগী পরিং অমদা, প্রধান মন্ত্রীনা হায়খি;
“হরাও-তয়াম্না অমসুং লৈবাক্কী চাউথোকচবগা লোয়ননা ভারতনা গনতন্ত্র দিবস পাংথোকখ্রে।
কর্তব্য পথতা পাংথোকখিবা ফজরবা গনতন্ত্র দিবস পেরেদনা ঐখোয়গী গনতন্ত্রগী মপাঙ্গল, ঐখোয়গী হেরিতেচগী ইনাকখুনবা অমসুং লৈবাক অসি অমতা ওইনা পুনশিল্লিবা অপুনবা অদু উৎলে।
মফম অসিদা শক্তম খর লৈজরে….”
“ঙসি গনতন্ত্র দিবস পাংথোকপগা লোয়ননা লৈবাক অসিগী চাউথোকচবা শক্তি লৈনা উৎখিবা অদু কর্তব্য পথতা উবা ফংলে।
মফম অসিদা শক্তম খর লৈজরে….”
“ঐখোয়গী গনতন্ত্র দিবস থৌরমদা য়ুরোপিয়ান কাউন্সিল প্রসিদেন্ত এন্তোনিও কোষ্টা অমসুং য়ুরোপিয়ান কম্মিসন প্রসিদেন্ত উরসুলা বোন দের লেয়েন তরাম্না ওকখিবা অসি ভারতকী লাইবক ফবনি।
মখোয় শরুক য়াখিবা অসি ইন্দিয়া-য়ুরোপিয়ান য়ুনিয়নগী মরী ফগৎলকপনি অমসুং শরুক য়ামিন্নরিবা গুনশিংদা ভারতকী থাজবা থম্বনি।
খোঙচৎ অসিনা ভারত অমসুং য়ুরোপ শীনবা থুংনা হিরম কয়াদা থবক তৌমিন্নবা হেনগৎহনগনি।
@antoniocostapm
@vonderleyen
@EUCouncil
@EU_Commission”
“গনতন্ত্র দিবস পেরেদ মনুংদা উৎখিবা মাইথিবা পীবা ঙমদবা ঙাক-শেনগী খুৎলায়শিং উৎখ্রে, মসিদা লৈবাক অসিগী শেম-শাবা, তেক্নোলোজিগী তৌবা ঙম্বা অমসুং লৈবাক অসিগী মীয়াম ঙাক-শেন্নবা অচেৎপা ফিরেপ মমি তারে”।
ভারতকী সেকুরিতি ফোর্সশিংগী মপাঙ্গল হেনগৎলকপগী শক্তম অমা গনতন্ত্র দিবস পেরেদতা উরে। ঐখোয়গী ফোর্সশিং তশেংনা ঐখোয়গী চাউথোকচবনি!
মফম অসিদা শক্তম খর লৈজরে..”
“ঙসি অঙনবদা কর্তব্য পথতা ভারতকী নাৎ মখল কয়া ফজনা উৎলে। ফজরবা পর্ফোমেন্সশিং অমসুং তেব্লোশিংগী খুৎথাংদা পেরেদ অসিদা ভারতকী মখল কয়াগী নাৎশিং উৎলে”।
***
(रिलीज़ आईडी: 2218952)
आगंतुक पटल : 6
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam