• କର୍ତ୍ତବ୍ୟ ପଥ ଠାରେ ଚିତ୍ତାକର୍ଷକ ସାଧାରଣତନ୍ତ୍ର ଦିବସ ପରେଡର ଝଲକ ଶେୟାର କଲେ ପ୍ରଧାନମନ୍ତ୍ରୀ
• ଆମର ଗଣତନ୍ତ୍ର ଦିବସ ସମାରୋହରେ ଭାରତକୁ ୟୁରୋପୀୟ ପରିଷଦ ଅଧ୍ୟକ୍ଷ ଆଣ୍ଟୋନିଓ କୋଷ୍ଟା ଏବଂ ୟୁରୋପୀୟ ଆୟୋଗ ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିଏନଙ୍କୁ ଆତିଥ୍ୟ ପ୍ରଦାନ କରିବାର ସୌଭାଗ୍ୟ ମିଳିଛି: ପ୍ରଧାନମନ୍ତ୍ରୀ
• ଗଣତନ୍ତ୍ର ଦିବସ ପରେଡରେ ପ୍ରଦର୍ଶିତ ହୋଇଥିବା ଅଭେଦ୍ୟ ସୁରକ୍ଷା ଉପକରଣକୁ ପ୍ରଶଂସା କଲେ ପ୍ରଧାନମନ୍ତ୍ରୀ
• ଗଣତନ୍ତ୍ର ଦିବସ ପରେଡ ଭାରତର ସୁରକ୍ଷା ବାହିନୀର ଶକ୍ତିଶାଳୀ କ୍ଷମତାକୁ ପ୍ରତିଫଳିତ କରିଥିବା କହିଲେ ପ୍ରଧାନମନ୍ତ୍ରୀ
• ଗଣତନ୍ତ୍ର ଦିବସ ପରେଡରେ ଭାରତର ସାଂସ୍କୃତିକ ବିବିଧତାର ଜୀବନ୍ତ ପ୍ରଦର୍ଶନ ଉପରେ ଆଲୋକପାତ କଲେ ପ୍ରଧାନମନ୍ତ୍ରୀ

ଭାରତ ସାଧାରଣତନ୍ତ୍ର ଦିବସ ସମାରୋହକୁ ଅତ୍ୟନ୍ତ ଉତ୍ସାହ ଏବଂ ଗୌରବର ସହିତ ପାଳନ କରିଛି ବୋଲି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି।

ସେ ଉଲ୍ଲେଖ କରିଛନ୍ତି, କର୍ତ୍ତବ୍ୟ ପଥରେ ଅନୁଷ୍ଠିତ ଚିତ୍ତାକର୍ଷକ ପରେଡ ଭାରତୀୟ ଗଣତନ୍ତ୍ରର ଶକ୍ତି, ଏହାର ଐତିହ୍ୟଗତ ସମୃଦ୍ଧି ଏବଂ ଦେଶକୁ ଏକାଠି ବାନ୍ଧି ରଖୁଥିବା ଏକତାକୁ ପ୍ରଦର୍ଶନ କରିଛି। ଉତ୍ସବର ଝଲକ ଶେୟାର କରି ସେ କହିଛନ୍ତି ଯେ କର୍ତ୍ତବ୍ୟ ପଥ ସାଧାରଣତନ୍ତ୍ର ଦିବସ ପାଳନ ସମୟରେ ଜାତୀୟ ଗୌରବର ଏକ ଶକ୍ତିଶାଳୀ ପ୍ରଦର୍ଶନ ଦେଖିଛି।
ପ୍ରଧାନମନ୍ତ୍ରୀ କହିଛନ୍ତି, ସାଧାରଣତନ୍ତ୍ର ଦିବସ ପାଳନ ସମୟରେ ୟୁରୋପୀୟ ପରିଷଦର ଅଧ୍ୟକ୍ଷ ଆଣ୍ଟୋନିଓ କୋଷ୍ଟା ଏବଂ ୟୁରୋପୀୟ ଆୟୋଗର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିଏନଙ୍କୁ ଆତିଥ୍ୟ ଦେବାର ସୌଭାଗ୍ୟ ଭାରତ ପାଇଛି। ସେ କହିଛନ୍ତି, ସେମାନଙ୍କର ଉପସ୍ଥିତି ଭାରତ-ୟୁରୋପୀୟ ସଂଘ ଭାଗିଦାରୀର ବର୍ଦ୍ଧିତ ଶକ୍ତି ଏବଂ ସହଭାଗୀ ମୂଲ୍ୟବୋଧ ପ୍ରତି ଭାରତର ପ୍ରତିବଦ୍ଧତା ଉପରେ ଗୁରୁତ୍ୱ ଦେଇଥାଏ। ସେ ଆହୁରି ମଧ୍ୟ କହିଛନ୍ତି ଯେ ଏହି ଗସ୍ତ ବିଭିନ୍ନ କ୍ଷେତ୍ରରେ ଭାରତ ଏବଂ ୟୁରୋପ ମଧ୍ୟରେ ଗଭୀର ସମ୍ପର୍କ ଏବଂ ସହଯୋଗକୁ ଗତିଶୀଳ କରିବ।
ପ୍ରଧାନମନ୍ତ୍ରୀ କହିଛନ୍ତି, ସାଧାରଣତନ୍ତ୍ର ଦିବସ ପରେଡ ଭାରତ ନିଜର ଅଭେଦ୍ୟ ସୁରକ୍ଷା ଉପକରଣକୁ ପ୍ରଦର୍ଶନ କରିଛି, ଯାହା ଦେଶର ପ୍ରସ୍ତୁତି, ପ୍ରଯୁକ୍ତିବିଦ୍ୟା କ୍ଷମତା ଏବଂ ନାଗରିକମାନଙ୍କୁ ସୁରକ୍ଷା ଦେବା ପାଇଁ ଅଟଳ ପ୍ରତିବଦ୍ଧତାକୁ ପ୍ରତିଫଳିତ କରୁଛି।
ଶ୍ରୀ ମୋଦୀ କହିଛନ୍ତି, ସାଧାରଣତନ୍ତ୍ର ଦିବସ ପରେଡ ଭାରତୀୟ ସୁରକ୍ଷା ବାହିନୀର ଶକ୍ତିଶାଳୀ କ୍ଷମତାର ଏକ ଝଲକ ପ୍ରଦାନ କରିଛି। ଭାରତୀୟ ସୁରକ୍ଷା ବାହିନୀ ପ୍ରକୃତରେ ଦେଶର ଗୌରବ। ପରେଡ ସମୟରେ ସେମାନଙ୍କର ପ୍ରଭାବଶାଳୀ ଉପସ୍ଥିତିକୁ ଉଲ୍ଲେଖ କରୁଥିବା ଝଲକ ମଧ୍ୟ ସେ ସେୟାର କରିଛନ୍ତି।
ସେ କହିଛନ୍ତି, ସାଧାରଣତନ୍ତ୍ର ଦିବସ ପାଳନ ସମୟରେ କର୍ତ୍ତବ୍ୟ ପଥଠାରେ ଭାରତର ସାଂସ୍କୃତିକ ବିବିଧତାର ଏକ ସ୍ପଷ୍ଟ ପ୍ରଦର୍ଶନ ଦେଖିବାକୁ ମିଳିଛି। ଶ୍ରୀ ମୋଦୀ ଉଲ୍ଲେଖ କରିଛନ୍ତି ଯେ ପରେଡରେ ଜୀବନ୍ତ ପ୍ରଦର୍ଶନ ଏବଂ ପ୍ରଜ୍ଞାପନ ମେଢ଼ ମାଧ୍ୟମରେ ଭାରତର ସାଂସ୍କୃତିକ ବିବିଧତାକୁ ପ୍ରଦର୍ଶନ କରାଯାଇଥିଲା, ଯାହା ଦେଶର ସମୃଦ୍ଧ ଏବଂ ବିବିଧ ଐତିହ୍ୟକୁ ପ୍ରତିଫଳିତ କରିଥାଏ।
ଏକ୍ସରେ ଏକାଧିକ ପୋଷ୍ଟ କରି ପ୍ରଧାନମନ୍ତ୍ରୀ କହିଛନ୍ତି;
‘‘ଭାରତ ଅତ୍ୟନ୍ତ ଉତ୍ସାହ ଏବଂ ଗର୍ବର ସହିତ ସାଧାରଣତନ୍ତ୍ର ଦିବସ ପାଳନ କରିଥିଲା।
କର୍ତ୍ତବ୍ୟ ପଥଠାରେ ଅନୁଷ୍ଠିତ ଚମତ୍କାର ପରେଡ ଆମର ଗଣତନ୍ତ୍ରର ଶକ୍ତି, ଆମର ଐତିହ୍ୟର ସମୃଦ୍ଧି ଏବଂ ଆମ ଦେଶକୁ ଏକତ୍ର ବାନ୍ଧି ରଖୁଥିବା ଏକତାକୁ ପ୍ରଦର୍ଶନ କରିଥିଲା।
ଏଠାରେ କିଛି ଝଲକ ଦିଆଯାଇଛି...’’
‘‘ଆଜି ସାଧାରଣତନ୍ତ୍ର ଦିବସ ପାଳନ ସମୟରେ କର୍ତ୍ତବ୍ୟ ପଥ ଜାତୀୟ ଗୌରବର ଏକ ଶକ୍ତିଶାଳୀ ପ୍ରଦର୍ଶନ ଦେଖିଥିଲା।
ଏଠାରେ ଆଉ କିଛି ଝଲକ ଦିଆଯାଇଛି...’’
‘‘ସାଧାରଣତନ୍ତ୍ର ଦିବସ ପାଳନ ସମୟରେ ୟୁରୋପୀୟ ପରିଷଦର ଅଧ୍ୟକ୍ଷ ଆଣ୍ଟୋନିଓ କୋଷ୍ଟା ଏବଂ ୟୁରୋପୀୟ ଆୟୋଗର ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିଏନଙ୍କୁ ଆତିଥ୍ୟ ଦେବାର ସୌଭାଗ୍ୟ ଭାରତ ପାଇଛି।
ସେମାନଙ୍କର ଉପସ୍ଥିତି ଭାରତ-ୟୁରୋପୀୟ ସଂଘ ଭାଗିଦାରୀର ବର୍ଦ୍ଧିତ ଶକ୍ତି ଏବଂ ସହଭାଗୀ ମୂଲ୍ୟବୋଧ ପ୍ରତି ଭାରତର ପ୍ରତିବଦ୍ଧତା ଉପରେ ଗୁରୁତ୍ୱ ଦେଇଥାଏ। 
ସେ ଆହୁରି ମଧ୍ୟ କହିଛନ୍ତି ଯେ ଏହି ଗସ୍ତ ବିଭିନ୍ନ କ୍ଷେତ୍ରରେ ଭାରତ ଏବଂ ୟୁରୋପ ମଧ୍ୟରେ ଗଭୀର ସମ୍ପର୍କ ଏବଂ ସହଯୋଗକୁ ଗତିଶୀଳ କରିବ। 
@antoniocostapm

@vonderleyen

@EUCouncil

@EU_Commission”

‘‘ସାଧାରଣତନ୍ତ୍ର ଦିବସ ପରେଡ ଭାରତ ନିଜର ଅଭେଦ୍ୟ ସୁରକ୍ଷା ଉପକରଣକୁ ପ୍ରଦର୍ଶନ କରିଛି, ଯାହା ଦେଶର ପ୍ରସ୍ତୁତି, ପ୍ରଯୁକ୍ତିବିଦ୍ୟା କ୍ଷମତା ଏବଂ ନାଗରିକମାନଙ୍କୁ ସୁରକ୍ଷା ଦେବା ପାଇଁ ଅଟଳ ପ୍ରତିବଦ୍ଧତାକୁ ପ୍ରତିଫଳିତ କରୁଛି।’’
ସାଧାରଣତନ୍ତ୍ର ଦିବସ ପରେଡ ଭାରତୀୟ ସୁରକ୍ଷା ବାହିନୀର ଶକ୍ତିଶାଳୀ କ୍ଷମତାର ଏକ ଝଲକ ପ୍ରଦାନ କରିଛି। ଭାରତୀୟ ସୁରକ୍ଷା ବାହିନୀ ପ୍ରକୃତରେ ଦେଶର ଗୌରବ!
ଏଠାରେ କିଛି ଝଲକ ଦିଆଗଲା।’’
ସାଧାରଣତନ୍ତ୍ର ଦିବସ ପାଳନ ସମୟରେ କର୍ତ୍ତବ୍ୟ ପଥଠାରେ ଭାରତର ସାଂସ୍କୃତିକ ବିବିଧତାର ଏକ ସ୍ପଷ୍ଟ ପ୍ରଦର୍ଶନ ଦେଖିବାକୁ ମିଳିଛି। ସାଧାରଣତନ୍ତ୍ର ଦିବସ ପରେଡରେ ଜୀବନ୍ତ ପ୍ରଦର୍ଶନ ଏବଂ ପ୍ରଜ୍ଞାପନ ମେଢ଼ ମାଧ୍ୟମରେ ଭାରତର ସାଂସ୍କୃତିକ ବିବିଧତାକୁ ପ୍ରଦର୍ଶନ କରାଯାଇଥିଲା, ଯାହା ଦେଶର ସମୃଦ୍ଧ ଏବଂ ବିବିଧ ଐତିହ୍ୟକୁ ପ୍ରତିଫଳିତ କରିଥାଏ।

********
PS/Swadhin/Manoj