কেম ছো,

গুজরাতকী চীফ মিনিষ্টর শ্রী ভুপেন্দ্র ভাই পতেল, দিপুতি চীফ মিনিষ্টর হর্স সঙঘবী, গুজরাত সরকারকী অতোপ্পা মিনিষ্টরশিং, সংসদকী মেম্বরশিং অমসুং লেজিস্লেতিপ এশেমব্লিগী মেম্বরশিং, উদ্যোগকী মীহুৎশিং, অতোপ্পা শক্নাইরবশিং অমসুং ইবুংঙোশিং অমসুং ইবেম্মাশিং।

হন্দক্কী অসিনা ২০২৬ হৌরকপগী ঐগী অহানবা গুজরাত খোঙচৎনি। ঐনা সোমনাথ দাদাগী খুয়াদা চঙজদুনা ঐগী ২০২৬ গী খোঙচৎ হৌদোকপা অসিনা হেন্না অপেনবা ওইরে। হৌজিক ঐ রাজকোত্ত ফজরবা থৌরম অসি শরুক য়ারি। মসিনা তাক্লিবদি চাউখৎপা অমসুং হেরিতেচ অনিমক্কী লাইৱানা মফম খুদিংমক্ত খোন্থাং য়ৈরে হায়বনি। ভাইব্রেন্ত গুজরাত রিজনেল কনফরেন্সকীদমক লৈবাক অসিগী মফম কয়াদগী অমসুং মালেমগী মফম কয়াদগী লাক্লিবা অদোম ঐনা তরাম্না ওকচরি অমসুং হরাওবা ফোঙদোকচরি।

মরুপশিং,

ভাইব্রেন্ত গুজরাত সম্মিৎ পাংথোকপা খুদিংদা, ঐনা মসি মীফম অমা ওইনা উদে; ঐনা মসি ২১শুবা চহিচাদা অনৌবা ভারতকী খোঙচৎ ওইনা উরি, মঙলান অমগা লোয়ননা হৌখিবা খোঙচৎ অমনি অমসুং হৌজিক চিংনবা লৈতনা থাজবগী মফম অমা য়ৌরে। চহি ২০ দা, ভাইব্রেন্ত গুজরাতকী খোঙচৎ অসি মালেমগী তমজনফম অমা ওইরে। হৌজিক ফাওবদা ইদিসন ১০ পাংথোকখ্রে, মীফম অসিগী শক্তম অমসুং থৌদাং হেন্না মপাঙ্গল কনখৎলক্লি।

মরুপশিং,

হেক অহানবা নুমিত্তগী ভাইব্রেন্ত গুজরাত সম্মিৎকী পান্দমগা ঐগা লোয়নদুনা লাক্লি। হৌরকপা মতমদা ঐখোয়গী পান্দমদি গুজরাতকী খুদোংচাবশিং মালেমদা খঙহনবনি, মফম অসিদা লাক্নবা অমসুং শেন থাদনবা মীয়াম পুক্নিং থৌগৎপনি অমসুং মসিগী কান্নবা ভারত অমসুং মালেমগী ইনভেষ্টরশিংদা ফংহনবনি। অদুবু ঙসিদি মীফম অসি শেন থাদবা খক্তগী ওইদ্রে অমসুং মালেমগী চাউখৎনবা, মালেমগী মতেং পাংন্নবা অমসুং পুন্না থবক তৌমিন্ননবা অফবা মফম অমা ওইরে। চহি খর অসিদা, মালেমগী মরুপশিং মশিং হেনগৎলক্লে অমসুং মতমগী মতুংইন্না মীফম অসি কাংলুপ খুদিংমক কোনশিনবগী অফবা খুদম অমা ওইরে। কোর্পোরেতশিং, কোওপরেতিপশিং, এম.এস.এম.ইশিং, ষ্টার্দঅপশিং, মালেমগী অমসুং লৈবাকশিংগী লুপশিং, মালেমগী শেন-থুমগী লুপশিং, গুজরাত চাউখৎনবগীদমক ৱারি শানরে, খন্নরে অমসুং নকশিন্ননা থবক তৌমিন্নরে।

মরুপশিং,

হৌখিবা চহি ২০ দা, ভাইব্রেন্ত গুজরাত সম্মিৎনা লেপ্তনা করিগুম্বা অনৌবা খর, করিগুম্বা অখন্নবা খর পাংথোক্লি। হন্দক্কী ভাইব্রেন্ত গুজরাত রিজনেল সম্মিৎ অসি অসিগুম্বা খুদম অমনি। মসিনা গুজরাতকী তোঙান তোঙানবা মফমদা লৈরিবা খুদোংচাবশিং লৌনবা মীৎয়েং চঙলি। খুদম ওইনা মফম খরদা অফবা সমুদ্রগী খোঙবাল লৈরি, মফম খরদা শাংলবা ত্রাইবেলগী মফম লৈরি, খরদনা উদ্যোগকী মফমশিং লৈরি, অদুগা খরদনা লৌউ-শিংউ অমসুং শান-ষন লোইবগী অফবা থবক অমা লৈরি। গুজরাতকী মফম খুদিংমক মশাগী ওইবা অঙকপা থৌনা লৈজরি। হায়রিবা লমদমশিংগী খুদোংচাবশিংদা মীৎয়েং চঙদুনা ভাইব্রেন্ত গুজরাত রিজনেল সম্মিৎ মাঙলোমদা চঙশিল্লি।

মরুপশিং,

২১শুবা চহিচাগী ক্বাতর অমা হৌখ্রে। হায়রিবা চহিশিং অসিদা ভারত অমসুং গুজরাত য়াংনা চাউখৎখি অমসুং মসিদা অদোম্না মরুওইবা থৌদাং অমা লৌখি। মালেমগী অহুমশুবা খ্বাইদগী চাউবা ইকোনোমি ওইনবা মাইকৈদা ভারত য়াংনা চঙশিল্লি। মালেম্না ভারত্ত থাম্লিবা থাজবা লেপ্তনা হেনগৎলক্লি হায়বা দেতানা ময়েক শেংনা তাক্লে। ভারত মালেমদা য়াংনা চাউখৎলক্লিবা ইকোনোমিনি। মমল হেনগৎপা লাকশিল্লে। লৌউ-শিংউগী পোৎথোক পুথোকপদা ভারতনা অনৌবা রেকোর্দশিং থম্লে। শঙ্গোম পুথোকপদা ভারতনা মকোক্ত লৈরি। জেনেরিক মেদিসিন পুথোকপদা ভারতনা মকোক্ত লৈরি। ভারতনা মালেমদা তিকা খ্বাইদগী য়াম্না পুথোক্লি।

মরুপশিং,

ভারতকী চাউখৎপা অসি রিফোর্ম, পর্ফোম অমসুং ত্রান্সফোর্মগী মাইপাকপগী ৱারিনি। হৌখিবা চহি ১১ দা, ভারতনা মালেমদা মোবাইল দেতা খ্বাইদগী য়াম্না শীজিন্নবা লৈবাক ওইরে। ঐখোয়গী য়ু.পি.আইনা মালেমদা খুদক্ত দিজিতেল ওইনা শেন থাদোক-থাজিনগী মকোক্ত লৈরি। মতম অমদা, মোবাইল ফোন ১০ গী মনুংদা ৯ মপান লৈবাকশিংদগী পুশিল্লকপা ওইখি। ঙসিদি, ভারতনা মালেমদা অনিশুবা খ্বাইদগী চাউবা মোবাইল শাবা লৈবাক ওইরে। হৌজিক ভারত্ত মালেমগী অহুমশুবা খ্বাইদগী চাউবা ষ্টার্দঅপকী থবকশিং লৈরি। সোলার ইনর্জ পুথোকপা মালেমগী অচৌবা লৈবাক অহুমগী মনুংদা ভারত য়াওরে। ঐখোয়গী অহুমশুবা খ্বাইদগী চাউবা এভিয়েসন মার্কেত লৈরি অমসুং মেত্রো নেতৱার্ককী লমদা মালেমগী মকোক থোংবা লৈবাক অহুমগী মনুংদা ভারত য়াওরি।

মরুপশিং,

ঙসিদি, মালেমগী অখঙ-অহৈ অমসুং ইন্সতিতুসন খুদিংমক্না ভারত্ত থাজবা থম্লে। আই.এম.এফনা ভারত মালেমগী চাউখৎপগী ইঞ্জিন্নি হায়রি। চহি ১৮ গী মতুংদা এস এন্দ পিনা ভারতকী রেতিং ফগৎহল্লে। ফিতচ রেতিংসনা ভারতকী তংদু-লৈতাবা অমসুং শেন-থুমগী থবকশিং থাগৎলে। মালেমগী তম্বা ঙমদবা ফিবম মরক্ত, মমাঙদা অমুক্ত ওইখিদ্রিবা তম্বা ঙম্বা ফিবম অমা ভারতকী লৈবদগী, মালেম্না ভারত্ত থাজবা থম্বনি। ঙসিদি, ভারতকী রাজনিতিগী তুংদু-লৈতাবা লৈরে, থৌশিল মখা চৎথরে অমসুং পোৎ লৈদুনা শীজিন্নবা ঙম্বগী শক্তি হেনগৎলকপগা লোয়ননা নিও-মিদল ক্লাস হেনৎলক্লে। মরম কয়া অসিনা ভারতনা মশিং থিঙমদ্রবা খুদোংচাবশিংগী মফম অমা ওইহল্লে। মতম অসি চপ চারবনি হায়না ঐনা লাল কিলাদগী হায়খ্রে। ভারত অমসুং মালেমগী ইনভেষ্টর খুদিংমক, হায়রিবা খুদোংচাবশিং লৌনবগী হৌজিক মতম চপ চারে। সৌরাষ্ট্রা-কুচ্ছ লমদমদা শেন থাদবা মতম চপ চারে হায়না মসিগা মান্নবা পাউজেল অমা ভাইব্রেন্ত গুজরাত রিজনেল সম্মিৎনা পীরি।

মরুপশিং,

খুদোংচাদবা য়াম্না লৈরবসু, কনাগুম্বা অমনা পুকচেল শেংলবা অমসুং থবক কন্না শুরবদি, মাইপাকপা শোইদ্রে হায়বগী পারা সৌরাষ্ট্রা অমসুং কুচ্ছ লমদমনা ঐখোয়দা তাক্লে। চহিচা অসিগী হৌরকপদা অকনবা য়ুহা হাবা অমনা কুচ্ছ লমদমদা থোকখি। সৌরাষ্ট্রা লমদমদা চহি কয়া ইকং মায়োক্নখি। থক্নবা ঈশিংগীদমক ইমাশিং অমসুং ইচলশিং মাইল কয়া খোঙনা চৎখি। মৈ তোইনা মুৎখি অমসুং মফম খুদিংমক্ত খুদোংচাদবশিং মায়োক্নখি।

মরুপশিং,

ঙসিগী চহি ২০-২৫ গী অঙাংশিংনা মতম অদুগী ৱারিশিং খক্ত তারমগনি। অশেংবদি কুচ্ছ নত্ত্রগা সৌরাষ্ট্রা লমদমদা মীয়াম মতম শাংনা লৈনিংদে। মতম অদুদা, হায়রিবা ফিবমশিং অদু কৈদৌঙৈদা অহোংবা লাক্কনি হায়বা খনখিদে। মতমনা পুরকপা অহোংবশিং অদু পুৱারিনা শাখি ওইখি অমসুং মসি শোইদনা অহোংবশিং লাকখি। মখোয়না থবক কন্না শুদুনা সৌরাষ্ট্রা অমসুং কুচ্ছগী মীয়াম্না মখোয়গী মরাইবক অহোংবা পুরকখি।

মরুপশিং,

ঙসিদি, সৌরাষ্ট্রা অমসুং কুচ্ছ খুদোংচাবশিংগী লমদমশিং খক ওইদ্রে, মখোয় ভারত চাউখৎনবগী মরুওইবা লমদমশিং ওইরে। মখোয় অত্মনির্ভর ভারত কেম্পনগী মরুওইবা মফমশিং ওইরে। ভারত মেনুফেকচরিংগী মফম অমা ওইনা শেমগৎপদা, সৌরাষ্ট্রা অমসুং কুচ্ছ লমদমনা মরুওইবা থৌদাং অমা লৌরি অমসুং মসিগী থৌদাংদি কৈথেলনি। মসিনা ইনভেষ্টরশিংদা খ্বাইদগী চাউবা থাজবা পীরে। রাজকোত্ত এম.এস.এম.ই ২৫০,০০০ হেন্না লৈরে। মসিগী তোঙান তোঙানবা উদ্যোগকী মফমশিংগী মনুংদা, স্ক্রুদ্রাইভরশিং, গারিগী পার্তশিং, মেছিনগী তুলশিং, কারশিং, এয়রপ্লেনশিং, ফাইত্তর জেতশিং অমসুং রোক্কেতকী মচাকশিং য়াওনা পোৎলম খুদিংমক শারে। লমদম অসিনা মমল হোংবা মেনুফেকচরিংদগী হৌরগা অৱাংবা থাক্কী তেক্নোলোজিগী মেনুফেকচরিংগী  অপুনবা ভেলু চেন মতেং পাংলে। মফম অসিগী সনা অমসুং লৈতেংগী পোৎলমশিং মালেমদা মমিং চৎলি। হিরম অসি পাক-চাউবা, স্কিল অমসুং মালেমগী লৈবাকশিংগা শম্নবগী অফবা খুদম অমনি।

মরুপশিং,

অলাং অসি মালেমদা খ্বাইদগী চাউবা জহাজ থুগায়নবা মফমনি অমসুং মালেমগী জহাজশিংগী শরুক অহুমগী শরুক অমা মফম অসিদা রিসাইকল তৌরে। সর্কুলার ইকোনোমিদা ভারতনা মাংজিল থাবা অদু মসিনা খুদমনি। তাইলশিং য়াম্না পুথোকপা লৈবাকশিংগী মনুংদা ভারত য়াওরে, মসিদা মোর্বি জিলানা অচৌবা মতেং পাংলি। মফম অসিদগী মেনুফেকচরিং মমল হোংই অমসুং মালেমগী থাক্ত মগুন লৈ। মোর্বি, জামনগর অমসুং রাজকোত অপীকপা জপান অমগুম্না ত্রাইএঙ্গল অমা অমা শেম্বা ঐনা উগনি হায়না মতম অমদা মফম অসিদা ঐনা ৱা ঙাংবদা ফোঙদোকখিবা অদু সৌরাষ্ট্রাগী প্রেসকী অদোম নিংশিংলমগনি। মখোয়না ঐ নোক্নখি, অদুবু ঙসিদি ঐগী মীৎমাংদা থবক ওইনা পাংথোকপা ঐনা উরে। ধোলেরা স্পিসিএল ইনভেষ্টমেন্ত রিজনগীদমক ঐখোয় চাউথোকচরি। ঙসিদি সহর অসি অনৌবা মতমগী মেনুফেকচরিংগী মরুওইবা মফম অমা ওইরে। ধোলেরাদা ভারতকী অহানবা সেমিকন্দক্তর ফেব্রিকেসন ফেসিলিতি শেমগৎলি। লমদম অসিনা তুংগী তেক্নোলোজিশিংগীদমক ভারতনা খুদোংচাবা পীবা মফম অমা ওইরে। রাজ্য অসিদা শেন থাদনবা মপুংফানা থৌরাং তৌরে-ইনফ্রাষ্ট্রকচর শেম-শারে, থৌশিলশিং খঙবা ঙম্লে অমসুং পান্দম মতম শাংনা থম্লে।

মরুপশিং,

সৌরাষ্ট্রা অমসুং কুচ্ছ লমদম ভারতকী গ্রিন গ্রোথ, গ্রিন মোবিলিতি অমসুং ইনর্জি সেকুরিতিগী মফম অমসু ওইরে। কুচ্ছতা গিগাৱাত ৩০ গী মালেমদা খ্বাইদগী চাউবা হায়ব্রিদ ইনর্জি পার্ক অমা শেমগৎলি। হায়রিবা পার্ক অসি পেরিস সহরগী শরুক মঙা হেন্না চাউগনি। ক্লিন ইনর্জি অসি থাজবা পীবা খক নত্তে, মসি শেন তান্নবা পুথোকপা থবক অমনি। গ্রিন হায়দ্রোনগী কান্নবা অদোম খঙলমগনি। মাইকৈ অসিদা মমাঙদা অমুক্ত ওইখিদ্রিবা খোঙজেল অমসুং পাক-চাউবদা ভারতনা থবক পায়খৎলি। কুচ্ছ অমসুং জামনগর গ্রিন হায়দ্রোন পুথোকপগী মরুওইবা মফমশিং ওইরে। কুচ্ছতা অচৌবা বেত্তরি ইনর্জি ষ্টোরেজ সিষ্টেম (বেস) অমা শেমগৎলি। মসিনা গ্রিদ ফজনা থবক পাংথোকপা অমসুং রিন্যুএল ইনর্জিগী থবক মপুংফানা পাংথোকপা ঙমহনগনি।

মরুপশিং,

সৌরাষ্ট্রা অমসুং কুচ্ছগী অতোপ্পা অচৌবা মপাঙ্গল লৈরি। লমদম অসিদা ভারতকী মালেম থাক্কী হিথাংফমশিং লৈরি। মফম অসি ফাওদুনা ভারতকী য়াম্লবা পোৎথোকশিং মপান্দা থাদোক্লি। পিপাবাব অমসুং মুন্দ্রগুম্বা হিথাংফমশিং ভারতকী ওতোমোবাইলশিং মপান্দা থাদোক্নবা অচৌবা মফমশিং ওইরে। হৌখিবা চহিদা গুজরাতকী হিথাংফমশিং ফাওদুনা গারি ১৭৫,০০০ রোম মপান্দা থাদোকখি। হিথাংফম্না লমজিংদুনা চাউখৎপা পুরক্নবগী মশিং থিঙমদ্রবা শেন থাদনবা খুদোংচাবা কয়া লৈরি। মসিগা লোয়ননা ঙা ফাবগী থবকশিংদা গুজরাত সরকারনা অখন্নবা মীৎয়েং থম্লি। ঙা য়োকপগী থবক ফগৎনবা অচৌবা থবক পায়খৎলে অমসুং সমুদ্রগী ঙা শেম-শাবগী হিরমদা শেন থাদনবা অফবা থবক অমা পায়খৎলে।

মরুপশিং,

ইনফ্রাষ্ট্রকচরগা লোয়ননা, উদ্যোগকী শেম-শারবা শিন্মীশিং ঙসি খ্বাইদগী দরকার ওইরি। হিরম অসিদা গুজরাতনা ইনভেষ্টরশিংদা থাজবা পীরে। মফম অসিদা ইজুকেসন অমসুং স্কিল দিবলপমেন্তগী মালেমগী থবক অমা পায়খৎলে। গুজরাতকী স্কিল য়ুনিভর্সিতিনা অষ্ট্রেলিয়া অমসুং শিঙ্গাপুরগী য়ুনিভর্সিতিশিংগা পুন্না থবক তৌমিন্নদুনা তুংগী দরকার ওইবা স্কিলশিংগীদমক নহারোলশিং শেম-শারি। নেসনেল দিফেন্স য়ুনিভর্সিতি লৈবাক অসিগী অহানবা জাতি থাক্কী দিফেন্স য়ুনিভর্সিতিনি। গাতি শক্তি য়ুনিভর্সিতিনা লম্বী, রেলৱে, এয়রৱে, ঈশিং লম্বী অমসুং লোজিষ্টিক্সকী হৈথোই-শিংথোইরবা শিন্মী পুথোক্লি। শেন থাদবগা লোয়ননা হৈথোই-শিংথোইবা শিন্মী পুথোকপগী থবক পায়খৎলি হায়বা মসিনা তাক্লে। ঙসিদি, মপানগী য়ুনিভর্সিতি কয়ানা ভারত্ত অনৌবা খুদোংচাবশিং উরে অমসুং গুজরাত মখোয়না পাম্বা মফম অমা ওইরে। রাজ্য অসিদা অষ্ট্রেলিয়াগী অচৌবা য়ুনিভর্সিতি অনি মখোয়গী কেম্পসশিং হাংদোকখ্রে অমসুং  তুংদা মসিগী মশিং হেনগৎলক্লগনি।

মরুপশিং,

গুজরাতনা মহৌশা, থৌনা ফবা, নাৎ অমসুং হেরিতেচ পীরি। কনাগুম্বা অমনা থিরিবা তুরিজমগী থবক খুদিংমক মফম অসিদা লৈরি। লোথাল ভারতকী চহি ৪৫০০ শুরবা মেরিতাইম হেরিতেচগী খুদম অমনি। মালেমদা খ্বাইদগী লিরবা মীওইবনা শাবা হিথাংফম মফম অসিদা লৈরি অমসুং নেসনেল মেরিতাইম হেরিতেচ কমপ্লেক্স অমা ওইনা শেমগৎলি। হৌজিক কুচ্ছতা রন্ন উৎসব পাংথোক্লি অমসুং মসিগী তেন্ত সিতিদা লৈবা অসি ঙকপা নুংঙাইবা অমনি।

লম্লক্কী শা-উচেকশিংদা ঙাউজবশিংগী, গির উমংদা এসিয়াতিক নোংশা য়েংবদগী হেন্না নুংঙাইবা করি লৈগনি? চহি খুদিংগী মফম অসিদা লমকোয়বা মীওই ৯০০,০০০ হেন্না লাক্লি। সমুদ্র পামজবা মীওইশিংগীদমক ব্লু ফ্লেগ ফংলবা সিবরাজপুর বিচ লৈরি। মসিগী মথক্ত মন্দবী, সোমনাথ অমসুং দ্বারকানা বিচ তুরিজমগী খুদোংচাবা কয়া পীরি। অনকপদা লৈরিবা দিয়ু    ঈশিংগী শান্নবা অমসুং বিচ গেমশিংগী অঙকপা মফম অমা ওইরে। লমদম অসিদা ইনভেষ্টরশিংগী খুদোংচাবা কয়া লৈরি। মসিগী কান্নবা লৌনবা ঐনা অদোমদা হায়জরি। ঐনা মতম কয়াগী মমাঙদগী হায়দুনা লাক্লি- করিগুম্বা অদোম থেংলদবি, ঐঙোন্দা তাইনগনু। অদোম্না সৌরাষ্ট্রা অমসুং কুচ্ছ লমদমদা শেন থাদবনা গুজরাতকী চাউখৎপা অমসুং ভারতকী চাউখৎপা য়াংখৎকনি।

সৌরাষ্ট্রাগী মপাঙ্গল মপান লৈবাক্তসু উবা ফংলে। ঐনা রৱান্দা চৎলুবদা, ঐনা গির ষনবী ২০০ খুদোল ওইনা পীখিবা অদু রৱান্দগী হায় কম্মিসন্নরনা নিংশিংলকখি। মফম অদুগী অখন্নবা নিয়ম অমা লৈ: অহানবা পোকপা ষন্নাউ অমোম অদু অমুক হন্না পীরক্কদবনি অমসুং অতোপ্পা ইমুং অমদা পীগদবনি। ষনবী ২০০ অদুদগী হৌজিক রৱান্দাগী ইমুং লিশিং কয়া ষনবীশিং লৈরে। য়ুমথোঙ খুদিংদা গির ষনবীশিং উবা ফংলে অমসুং মসিনা রৱান্দগী শেন্মিৎলোন্দা চাউনা কান্নবা পীরে। মসিনি সৌরাষ্ট্রাগী থৌনা।

মরুপশিং,

ঙসিগী ভারতনা চাউখৎলবা লৈবাক অমা ওইনবা পান্দমগী মাইকৈদা থবক পায়খৎলি। পান্দম অসি ফংনবা রিফোর্ম এক্সপ্রেসনা মরুওইবা থৌদাং অমা লৌরি। রিফোর্ম এক্সপ্রেস হায়বদি হিরম খুদিংমক্ত তুংগী মীরোলগী অওনবশিং পুরকপা হায়বনি। হন্দক ভারতনা তুংগী মীরোলগী জি.এস.তিগী অওনবশিং পুরকখ্রে, মসিনা ঐখোয়গী এম.এস.এম.ইশিং য়াওনা হিরম কয়াদা কান্নবা অমা পীরে। ইন্সুরেন্স সেক্তরদা ভারতনা অওনবা পুরক্তুনা চাদা ১০০  এফ.দি.আই অয়াবা পীরে। মসিনা মীওই খুদিংমক ইন্সুরেন্সকী খুদোংচাবা ফংহনবা হেনগৎহল্লগনি। চহি ৬০ গী মতুংদা, ইনকম তেক্স লো মতমগা চুন্না শেমদোক্লে, মসিনা তেক্স থিরিবা মীওই লাখ কয়াদা কান্নবা পীরে। ভারতনা পুৱারি ওইরবা শিন্মিগী অওনবা পুরক্লে। মসিগী কান্নবা শিন্মিশিং অমসুং উদ্যোগ অনিমক্না ফংলে।

দেতানা লমজিংবা ইন্নোবেসন, এ.আই রিছার্স অমসুং সেমিকন্দক্তর শাবগী লমদা ভারত মালেমগী মফম অমা ওইরে। ভারতনা মৈ দরকার ওইবা তপ্না তপ্না হেনগৎলক্লি অমসুং ইনর্জি ফংহনবা অসি তঙাইফদে। মসিগী অচৌবা ফংফমদি ন্যুক্লিয়ার পৱারনি। মরম অদুনা ন্যুক্লিয়ার পৱার সেক্তরদা তুংগী অনৌবা মীরোলগী অওনবশিং পুরক্লে। হৌখিবা সংসদকী মীফমদা, সান্তি এক্তকী খুৎথাংদা, লনাই কাংবু সিবিল ন্যুক্লিয়ার ইনর্জিদা শরুক য়ানবগী অয়াবা পীরে। মসি ইনভেষ্টরশিংগী অচৌবা খুদোংচাবা অমনি।

মরুপশিং,

ঐখোয়গী রিফোর্ম এক্সপ্রেস লেপ্লোই হায়না ঐনা মফম অসিদা লৈরিবা ইনভেষ্টরশিংদা থাজবা পীরি। ভারতকী অওনবা পুরকপগী খোঙচৎ হৌজিক ইন্সতিতুৎকী অওনবা পুরকপগী মাইকৈদা চঙশিল্লে।

অদোম মফম অসিদা এম.ও.য়ু অমা খক্তগী লাকপা নত্তে। সৌরাষ্ট্রা অমসুং কুচ্ছগী চাউখৎপা অমসুং হেরিতেচ খঙনবা অদোম মফম অসিদা লাকপনি। অদোম্না মফম অসিদা থাদখিবা লুপা খুদিংমক্কী মপুংফানা শেন্দোং ফংগনি হায়না ঐনা অদোমদা থাজবা পীরি। অমুক হন্না, ঐনা ময়ামদা ঐগী য়াইফ পাউজেল পীজরি। ঐনা গুজরাত সরকার অমসুং মসিগী কাংবু মখোয়গী থবকশিংগীদমক থাগৎপা ফোঙদোকচরি। ২০২৭ গী ভাইব্রেন্ত সম্মিৎ মমাংদা, মসিগী রিজনেল সম্মিৎ অসিনা মমল য়াম্লবা চাংয়েং অমা ফংহল্লে। ঐনা হৌদোক্লম্বা থবক অসি হৌজিক পাকথোক-চাউথোকপা অমসুং ঐগী মরুপশিংদা অনৌবা থৌনা পীবদা ঐ হরাওই। মসিনা ঐগী হরাওবা কয়ারক হেনগৎহল্লে। অদোমগী মফমদা ঐনা থম্মোয় শেংনা থাগৎপা ফোঙদোকচরি অমসুং য়াইফ পাউজেল পীজরি। অদোম থাগৎচরি।

***