প্রধানমন্ত্রীগী লোইশঙ
পি.এম.না জনুৱারী ১০-১১দা গুজরাতকী সোমনাথতা চৎকনি অমসুং সোমনাথ স্বাভিমান পর্বতা শরুক য়াগনি
পি.এম.না শৌর্য় য়াত্রাদা শরুক য়াগনি
য়াত্রা অসিদা থৌনা অমসুং কত্থোকপগী মতাংদা উৎলিবা শগোল ১০৮গী অখন্নবা প্রোসেসন অমা য়াওগনি
থৌরম অসি সোমনাথ মন্দিরদা অহানবা ওইনা লান্দারকখিবা অদুদগী হৌনা লৈরক্লিবা নমথবা ঙমদ্রবা থৌনা অমসুং সভ্যতা মখা চত্থরকপা অসিগী চহি ১,০০০ শরুকপগী পালন তৌবা ওইনা পাংথোক্লি
পি.এম.না শরুক য়াবা অসিনা ভারতকী ইনাক খুল্লবা নাৎ অমসুং স্পিরিচুএল হেরিতেজপু ঙাকশেন্নবা অমসুং পালন তৌনবা মহাক্কী ফিরেপ অদু অমুক হন্না ফোংদোক্লি
পি.এম.না সোমনাথ মন্দিরদা দর্শন অমসুং পুজা পাংথোক্কনি
পি.এম.না সোমনাথ মন্দিরদা ওমকার মন্ত্র শোনবগী থৌরমদসু শরুক য়াগনি
प्रविष्टि तिथि:
09 JAN 2026 12:10PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬গী জনুৱারী ১০-১১দা গুজরাতকী সোমনাথতা চৎকনি অমসুং সোমনাথ স্বাভিমান পর্বদা শরুক য়াগনি। জনুৱারী ১০গী নুমিদাং পুং ৮ রোম তাবদা, প্রধান মন্ত্রীনা ওমকর মন্ত্র শোনবগী থৌরমদা শরুক য়াগনি অমসুং মদুগী মতুংদা মহাক্না সোমনাথ মন্দিরদা দ্রোন শো য়েংগনি।
জনুৱারী ১১দা, অয়ুক্কী পুং ৯.৪৫ রোম তাবদা, প্রধান মন্ত্রীনা সোমনাথ মন্দির ঙাকপদা মখোয়গী পুন্সি কৎখিবা মশিং লাকঙমদ্রবা লান্মীশিংবু ইকায় খুম্নবা উৎনবা শীনখিবা শৌর্য় য়াত্রাগী থৌরমদা শরুক য়াগনি। শৌর্য় যাত্রা অসিদা থৌনা অমসুং কত্থোকপগী মওং উৎলিবা শগোল ১০৮গী অখন্নবা প্রোসেসন অমা য়াওগনি। মসিগী মতুংদা, অয়ুক্কী পুং ১০.১৫ রোম তাবদা প্রধান মন্ত্রীনা সোমনাথ মন্দিরদা দর্শন অমসুং পুজা পাংথোক্কনি। অয়ুক পুং ১১ রোম তাবদা, প্রধান মন্ত্রীনা সোমনাথতা মীয়ামগী থৌরম অমদা শরুক য়াগনি অমসুং ৱা ঙাংগনি।
২০২৬গী জনুৱারী ৮দগী ১১ ফাওবা পাংথোক্কদৌরিবা সোমনাথ স্বাভিমান পর্ব অসি সোমনাথতা পাংথোক্লি। মসি তুংদা হৌরক্লিবা মীরোলশিংদা কলচরেল কন্সিয়সনেসকী ইথিল মখা তানা পীনবা মন্দির অসি ঙাকশেন্নবা কত্থোকখিবা ভারতকী মশিং লাকঙমদ্রবা প্রজাশিংবু নীংশিংদুনা পাংথোক্লি।
১০২৬দা ঘজনিগী মাহমুদনা সোমনাথ মন্দিরদা লান্দারকপদগী চহি ১০০০ মপুং ফারকপদা থৌরম অসি পাংথোকখি। চহি চা কয়াগী মমাংদগী থুগাইনবা হোৎনরকপদা, সোমনাথ মন্দির অসি ঙসিদি মপাঙ্গল কনবা, থাজবা অমসুং লৈবাক্কী ইকাই খুম্নবগী মপাঙ্গল লৈবা খুদম অমা ওইরি মসিগী মরম অসি পুৱারীগী মতিক ময়াই অদু অমুক হন্না ফগৎহন্নবা পুন্না হোৎনমিন্নবা অসিনা ওইরি।
নীংতম্বগী মতুংদা, লাইশং অসি অমুক হন্না শেমগৎনবা হোৎনবগী থবক সরদার পতেলনা পায়খৎখি। অনৌবা হিংগৎহনবগী খোঙচৎ অসিদা খ্বাইদগী মরু ওইবা মাইলস্তোন অমা ১৯৫১দা ওইখি, মতম অদুগী ভারতকী রাস্ত্রপতি, দা. রাজেন্দ্র প্রসাদ য়াওদুনা নৌনা শেমগৎলবা সোমনাথ মন্দির অসি ভক্তাশিংগীদমক হৌনবী মতুং ইন্না হাংদোকখি। পুৱারী ওইরবা মসিগী নৌহৌননা শেমগৎ-শাগৎপগী ২০২৬তা চহি ৭৫দা মপুং ফাবা অসিনা সোমনাথ স্বাভিমান পর্বদা অখন্নবা মরুওইবা অমা হাপ্পী।
থৌরম অসিদা লৈবাক শীনবা থুংবদগী লাকপা সন্ত কয়া শরুক য়াগনি লোয়ননা পুং ৭২গী ওইনা মন্দিরগী মনুং লেপ্পা লৈতনা 'ওম' শোনগনি।
প্রধান মন্ত্রীনা সোমনাথ স্বাভিমান পর্বতা শরুক য়াখিবা অসিনা ভারতকী সিভিলাইজেসনগী অচেৎপা ৱাখল্লোন অদু ময়েক শেংহল্লে। মসিনা ভারতকী কলচরেল অমসুং স্পিরিচুএল হেরিতেজবু ঙাক-শেন্দুনা থম্নবগী মহাক্কী ফিরেপ অদু অমুক হন্না ফোংদোক্লি।
***
(रिलीज़ आईडी: 2212915)
आगंतुक पटल : 25
इस विज्ञप्ति को इन भाषाओं में पढ़ें:
Bengali
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam