প্রধান মন্ত্রী শ্রী নরেন্দ্র মোদীনা ঙসি অঙনবা মতমদা লোক কল্যান মার্গ, ৭দা লৈবা মহাক্কী য়ুমদা ভারতকী এ.আই. স্তার্ত-অপশিংগা লোয়ননা রাউন্দ তেবল পাংথোকখ্রে।

মথং থাদা ভারত্তা পাংথোক্কদৌরিবা ইন্দিয়া এ.আই. ইম্পেক্ত সম্মিৎ ২০২৬কী মমাংদা, সম্মিৎ অসিদা এ.আই. ফোর ওল: গ্লোবেল ইম্পেক্ত চেলেঞ্জগীদমক ক্বালিফাই তৌরবা ভারতকী এ.আই. স্তার্ত-অপ ১২না রাউন্দ তেবল অদুদা শরুক য়াখি অমসুং মখোয়গী ৱাখল্লোনশিং অমসুং থবকশিং অদু উৎখি।

হায়রিবা স্তার্ত-অপশিং অসি ইন্দিয়ন লেঙ্গুয়েজ ফাউন্দেসন মোদেলশিং, মল্তিলিঙ্গুএল এল.এল.এম.শিং, স্পিচ-তু-তেক্স, তেক্স-তু-ওদিও অমসুং তেক্স-তু-ভিদিও; ই-কমর্স, মার্কেতিং অমসুং পর্সনেলাইজ তৌরবা কন্তেন্ত শেম্বগীদমক জেনরেতিব এ.আই শীজিন্নদুনা থ্রি.দি. কন্তেন্ত; ইন্দস্ত্রীশিংগী মরক্তা দেতা-দ্রিভন দিসিজন-মেকিংগীদমক ইঞ্জিনীয়রিং সিমুলেসনশিং, মেতরিএল রিসর্চ অমসুং এদভান্স এনালাইতিক্স; হেল্থকেয়র দাইগ্নোস্তিক্স অমসুং মেদিকেল রিসর্চ য়াওনা তোঙান তোঙানবা লমশিংদা থবক তৌরি।

এ.আই. স্তার্ত-অপশিংনা লৈবাক অসিদা আর্তিফিসিএল ইন্তেলিজেন্সকী ইকোসিস্তেম চাউখৎহন্নবা ভারতকী অচেৎপা ফিরেপ অদু থাগৎপা ফোংদোকখি। মখোয়না আর্তিফিসিএল ইন্তেলিজেন্স সেক্তরগী খোঙজেল য়াংনা চাউখৎলকপা অমসুং অচৌবা তুংলমচৎকী ওইথোকপা য়াবশিং অদু ফোংদোকখি। আর্তিফিসিএল ইন্তেলিজেন্সকী ইন্নোভেসন অমসুং দিপ্লোইমেন্তকী গ্রাভিতেসন সেন্তর অসি ভারতকী মায়কৈদা হোংবা হৌরে হায়না মখোয়না উবা ফংখি। লুচিংবশিংনা হায়খি মদুদি ভারতনা হৌজিক্তি এ.আই. দিবেলপমেন্তকীদমক্তা মপাঙ্গল কনবা অমসুং ওইথোকপা য়াবা অকোয়রোন অমা পীরি। মসিনা লৈবাক অসিবু মালেমগী এ.আই. মেপতা অচেৎপা মফম অমা কলহল্লি।

মীফম অদুদা প্রধান মন্ত্রীনা খুন্নাইদা অহোংবা পুরকপদা আর্তিফিসিএল ইন্তেলিজেন্সকী মরুওইবা অদু পনখি। মহাক্না হায়খি মদুদি ভারতনা মথং থাদা ইন্দিয়া এ.আই. ইম্পেক্ত সম্মিৎ পাংথোক্কনি। মসিগী খুত্থাংদা লৈবাক অসিনা তেক্নোলোজী সেক্তরদা অচৌবা থৌদাং অমা লৌগনি। মহাক্না হায়খি মদুদি ভারতনা এ.আই.গা লোয়ননা অহোংবা পুরক্নবা হোৎনরি।

স্তার্ত-অপশিং অমসুং এ.আই. ওন্তপ্রিন্যুওরশিং অসি ভারতকী তুংলমচৎকী কো-আর্কিতেক্তশিংনি হায়না প্রধান মন্ত্রীনা অকনবা ৱাফম থমখি। লৈবাক অসিদা ইন্নোভেসন অমসুং অচৌবা থাক্তা ইমপ্লিমেন্ত তৌবগী অপুনবা কেপাসিতি লৈ হায়না মহাক্না হায়খি। মহাক্না মখা তারদুনা হায়খি মদুদি ভারতনা মালেমদা 'মেদ ইন ইন্দিয়া, মেদ ফোর ৱার্ল্দ'গী ৱাখল্লোন অদু উৎলিবা অখন্নবা এ.আই. মোদেল অমা মালেমদা পুথোক্কদবনি।

প্রধান মন্ত্রীনা হায়খি মদুদি ভারতকী মফমদা মালেমনা থাজবা থম্বা অসি লৈবাক অসিগী খ্বাইদগী চাউবা শক্তিনি। মহাক্না হায়খি মদুদি ভারতকী এ.আই. মোদেলশিং অসি ইথিকল, খেন্নবা থমদবা, মনুং মপান ফাউনা উবা ঙম্বা অমসুং দেতা প্রাইভেসী প্রিন্সিপলশিংদা য়ুম্ফম ওইগদবনি। মহাক্না হায়খি মদুদি স্তার্ত-অপশিংনা ভারতনা মালেমগী লুচিংবা অমা ওইনবা হোৎনগদবনি। মহাক্না হায়খি মদুদি ভারতনা মালেমগী ওইনা মমল হোংবা এ.আই., ইনক্লুসিব এ.আই. অমসুং ফ্রুগল ইন্নোভেসন প্রমোৎ তৌবা ঙম্মি। মহাক্না হায়খি মদুদি ভারতকী এ.আই. মোদেলশিং অসি তোপ-তোপ্পা ওইগদবনি অমসুং লোকেল অমসুং লমদমসিগী কন্তেন্ত অমসুং লমদমসিগী লোলশিংবু প্রমোৎ তৌগদবনি।

মীফম অদুদা অভাতার, ভারতজেন, ফ্রেক্তল, গন, জেনলুপ, জ্ঞানি, ইন্তেলিহেল্থ, সর্ভম, শোধ এ.আই., সোকেত এ.আই., তেক মহিন্দ্রা অমসুং জেন্তিক য়াওনা ভারতকী এ.আই. স্তার্ত-অপশিংগী সি.ই.ও.শিং, মকোক থোংবশিং অমসুং মীহুৎশিংনা শরুক য়াখি। মীফম অদুদা ইলেক্ত্রোনিক্স অমসুং ইনফোর্মেসন তেক্নোলোজীগী কেন্দ্রগী মন্ত্রী, শ্রী অশ্বিনী বৈষ্ণব অমসুং রাজ্যগী মন্ত্রী, শ্রী জিতিন প্রসাদাসু শরুক য়াখি।

***