ঙসি দিল্লিদা প্রধান মন্ত্রী শ্রী নরেন্দ্র মোদীনা চীফ সেক্রেতরিশিংগী ৫শুবা নেসনেল কনফরেন্সতা ৱা ঙাংখ্রে। নুমিৎ হুম্নিগী কনফরেন্স অদু দিল্লিগী পুসাদা দিশেম্বর ২৬ দগী দিশেম্বর ২৮,২০২৫ ফাওবা পাংথোকখিবনি।

প্রধান মন্ত্রীনা হায়খি মদুদি মীফম অসি কোওপরেতিপ ফেদেরেলিজমগী ৱাখল্লোন মপাঙ্গল কনখৎনবা অমসুং বিকসিত ভারতকী পান্দম ফংনবা কেন্দ্র-রাজ্য পুন্না চৎমিন্নবা ফগৎনবা মাইকৈদা থাংজিনবা অতোপ্পা খোঙথাংনি।

প্রধান মন্ত্রীনা হায়খি লৌশিং, হৈথোই-শিংথোইবা, হকচাং ফবা অমসুং তৌবা ঙম্বা মীওইশিং অসি শেন-থুম অমসুং খুন্নাই চাউখৎনবা মরুওইবা মচাক্নি অমসুং সরকারগী মিনিষ্ট্রিশিং, বিভাগশিং অমসুং এজেন্সিশিং পুন্না চৎমিন্নদুনা চাউখৎহনগদবনি।

মীফম অদুদা ‘বিকসিত ভারতকী অচঙবা মীওই’ হায়বা থিমদা খন্ন-নৈনবশিং পাংথোকখি। ভারতকী অপুনবা মীশিংগী খুদোংচাবা পল্লদুনা, প্রধান মন্ত্রীনা হায়খি অপুনবা মীশিংগী চাদা ৭০ রোম থবক শুবা ঙম্বা চহি কাংলুপনি, মসিনা অঙকপা পুৱারি ওইরবা খুদোংচাবা অমা পীরে, শেন-থুমগী চাউখৎপা পুনশিনবা মতমদা বিকসিত ভারতকী মাইকৈদা চঙশিল্লিবা ভারতকী খোঙচৎ শিংথাবা য়ানা য়াংখৎহনবা ঙমগনি।

প্রধান মন্ত্রীনা হায়খি মদুদি প্রধান মন্ত্রীনা হায়খি ভারতনা ‘রিফোর্ম এক্সপ্রেস’ তোঙলে, লৈবাক অসিগী নহারোলশিংনা মপাঙ্গল হাপ্লে অমসুং সরকারনা মরুওইনা লৌদুনা চহি কাংলুপ অসিগী মীওইশিং ফিবম ফগৎলে। লৈবাক অসিগী অনৌবা মীরোলগী অওনবশিং উবা ফংবা মতম আমদা মীফম অমা পাংথোক্লি অমসুং মালেমগী অচৌবা শেন-থুমগী শক্তি অমা ওইরক্নবা মাইকৈদা তপ্ন তপ্না চঙশিল্লি।

প্রধান মন্ত্রীনা হায়খি লৈবাক ঙাকপা, খুদোংচাবা ফংহনবা অমসুং মেনুফেকচরিংদা মগুন লৈবা অমসুং থোইদোক-হেন্দোকপগা বিকসিত ভারতকা মান্নৈ অমসুং মরী লৈনবা খুদিংমক্না ময়াই ওইবা থবকশিংদগী হেন্দোক্না থবক তৌগদবনি। ‘মেক ইন ইন্দিয়া’ মালেমগী মশক থোকপা অমসুং চাংদম্নবা ঙম্বগী খুদম অমা ওইগদবনি।

প্রধান মন্ত্রীনা হায়খি অত্মনির্ভরতা মপাঙ্গল কনখৎহনবা অমসুং ‘জিরো ইফেক্ত, জিরো দিফেক্ত’ গী ঐখোয়গী থাজবা মপাঙ্গল কনখৎহনবা দরকার ওইরে অমসুং ‘মেক ইন ইন্দিয়া’ মালেমগী মশক থোকপা অমসুং চাংদম্নবা ঙম্বগী খুদম অমা ওইগদবনি অমসুং মহৌশাগী অকোয়বগী ফিবমদা য়ারিবমখৈ চৈথেং পীবা হন্থহনগদবনি। মপান্দগী পুশিল্লকপগী মখা পোনবা হন্থহন্নবা অমসুং শেন-থুমগী অৱাবা মায়োক্নবা ঙম্বা হেনগৎহন্নবা লৈবাক মনুংদা শানবা পোৎলম ১০০ মশক খঙদোক্কদবনি।

প্রধান মন্ত্রীনা হায়খি স্কিল দিবলপমেন্তগী লাল্লোংশিং দিজাইন তৌনবা রাজ্য অমসুং মালেমগী থাকশিংদা দরকার ওইবা স্কিলগী মেপ শেম্বা দরকার ওইরে। অৱাংবা থাক্কী মহৈ-মশিংগী লমদসু, অৱাংবা থাক্কী মগুন লৈবা মীওই পুথোক্নবগা মহৈলোয়শঙশিং অমসুং উদ্যোগ পুন্না থবক তৌমিন্নবা দরকার ওইরে।

প্রধান মন্ত্রীনা হায়খি নহারোলশিংদা হিংনবগী লম্বীশিং ফংহনবদা তুরিজমনা মরুওইবা থৌদাং অমা লৌগনি। মালেমগী মকোক থোংবা লমকোয়ফমশিংগী মনুংদা য়াওনবা ভারতকী ইনাকখুল্লবা নাৎ অমসুং পুৱারি অমা লৈরি। য়ামদ্রবদা মালেম থাক্কী লমকোয়ফম অমা শেমগৎনবা অমসুং অপুনবা লমকোয়বা লাকপা মীওইশিংগী থবক ফগৎহন্নবা রাজ্যশিংনা রোদমেপ অমা শেমগদবনি।

প্রধান মন্ত্রীনা হায়খি মদুদি ভারতকী শান্নবগী কেলেন্দরগা মালেমগী শান্নবগী কেলেন্দরগী মানহনবা য়াম্না মরুওই। ২০৩৬ ওলেম্পিক্স য়ুম্বু ওইনবা ভারতনা থবক পায়খৎলি। মালেমগী থাকশিং য়ৌনবা ইনফ্রাষ্ট্রকচর অমসুং শান্নবগী থবকশিং থৌরাং তৌবা ভারতনা দরকার ওইরি। মতম অদুদা চাংদম্নবা শরুক য়ানবা অঙাংশিং মশক খঙদোক্কদবনি, য়োকখৎকদবনি অমসুং ত্রেনিং পীগদবনি। রাজ্যশিংনা মথং চহি ১০ দা মখোয়দা শেন থাগদবনি, মতম অদু খক্তদা অসিগুম্বা শান্নবগী থৌরমশিংদা ভারতনা পাম্লিবা ফলশিং ফংবা ঙমগনি। লৈকায় অমসুং জিলাগী থাক্ত শান্নবগী থৌরমশিং অমসুং তুর্নামেন্তশিং পাংথোক্কদবনি অমসুং পুক্নিং থৌগৎকদবনি অমসুং অফবা শান্নবগী ফিবম অমা শেমগৎনবা শান্নরোয়শিংগী দেতা থমজিনগদবনি।

প্রধান মন্ত্রীনা হায়খি মদুদি ভারতনা অথুবদা নেসনেল মেনুফেকচরিং মিসন হৌদোক্লগনি। রাজ্য খুদিংমক্না মসি মরুওইনা লৌগদবনি অমসুং মালেমগী কম্পেনিশিং লাক্নবা ইনফ্রাষ্ট্রকচর শেমগদবনি। মসিদা ললোন-ইতিক লাইহনবা, লম, য়ুতিলিতিশিং অমসুং সোসিএল ইনফ্রাষ্ট্রকচরগী থবকশিং ফগৎহনগদবনি। রাজ্যশিংনা মেনুফেকচরিং ফগৎহনগদবনি, ললোন-ইতিক্কী থবক লাইনা পাংথোকপা হেনগৎহনগদবনি অমসুং সর্বিস সেক্তর মপাঙ্গল কনখৎহনগদবনি। অনা-লায়য়েং, লাইরিক-লাইশু তম্বা, ত্রান্সপোর্ত, তুরিজম, শীনফম কয়াগী থবকশিং, এ.আইগুম্বা থবকশিং ফগৎহন্দুনা ভারত সর্বিসেসকী লমদা মালেমগী অচৌবা লৈবাক অমা ওইহনগদবনি।

প্রধান মন্ত্রীনা হায়খি মদুদি ভারতনা মালেমগী চীঞ্জাক পুথোকফম ওইনবা অৱাংবা থাক্কী লৌউ-শিংউগী থবক, দাইরি, ঙা য়োকপদা মাইওনশিনগদবনি অমসুং মপান্দা থাদোক্নবা মীৎয়েং অমা থমগদবনি। পোৎথোক য়াম্না পুথোক্তবা জিলা ১০০ পি.এম ধন ধন্যা স্কিমনা মশক খঙদোক্লে। মসিগা চপ মান্ননা, লাইরিক তম্বগী মতাংদসু রাজ্যশিংনা খ্বাইদগী শোৎথবা জিলা ১০০ মশক খঙদোক্কদবনি অমসুং ইন্দিকেতরশিং হন্থবগী মতাংদা ফগৎনবা থবক পায়খৎকদবনি।

প্রধান মন্ত্রীনা হায়খি খুৎই ওইনা লৈরিবা লাইরিকশিং দিজিতেল ওন্থোক্নবা রাজ্যশিংনা গ্যান ভারতম মিসন শীজিন্নগদবনি। রাজ্যশিংদা লৈরিবা খুৎই লাইরিকশিং দিজিতেলদা ওন্থোক্নবা রাজ্যশিনা মিসন অমা হৌদোক্কদবনি। হায়রিবা খুৎই লাইরিকশিং দিজিতেল হেক ওন্থোকপগা, লৌশিং পুথোক্নবা এ.আই শীজিন্নবা য়াগনি। পুন্না ৱাখল খনমিন্নবা অমসুং অফবা থৌশিল শেম্নবা ৱারি শানবগী ভারতকী চৎনবী অদু মীফম অসিদা মমি তারে অমসুং ভারত সরকারনা শেমখিবা চীফ সেক্রেতরিশিংগী মীফম অসি অপুনবা ওইনা খন্ন-নৈনবগী অফবা মফম অমা ওইরে।

প্রধান মন্ত্রীনা হায়খি মদুদি লৈবাক ঙাকপগী থবক ফগৎনবা অমসুং থবক ওইনা পায়খৎনবা চীফ সেক্রেতরিশিং অমসুং দি.জি.পিশিংগী মীফম অনিমক্ত খন্নখিবশিং অমসুং লৌখিবা ৱারেপশিং মতুংইন্না রাজ্যশিংনা থবক পায়খৎকদবনি। ওফিসারশিংগী মরক্ত লৈবাক্কী ওইবা মীৎয়েং অমা লৈহন্নবা অমসুং বিকসিত ভারতকী পান্দমশিং ফংনবা থবক পায়খৎনবা অসিগুম্বা মীফমশিং দিপার্তমেন্তগী থাক্ত পাংথোক্কদবনি।

প্রধান মন্ত্রীনা হায়খি রাজ্যশিং অমসুং য়ু.তিশিংনা কেপাসিতি বিল্দিং কম্মিসনগা লোয়ননা কেপাসিতি বিল্দিংগী থৌরাং তৌগদবনি। লৈবাক ঙাকপদা এ.আই শীজিন্নবা অমসুং সাইবর সেকুরিতিগী মরমদা খঙবা হায়বসি হৌজিক তঙাইফদ্রবনি। মীওই খুদিংমক অশোই-অঙাম থোক্তনবা রাজ্যশিং অমসুং কেন্দ্রনা সাইবর সেকুরিতিদা মীৎয়েং চঙগদবনি। ঐখোয়গী পুন্সি চুপ্পা তেক্নোলোজিনা অশোই-অঙাম থোকহন্দবা অমসুং তুংদু-লৈতাবা পাম্বৈশিং ফংহনবা ঙমগনি। অফবা লৈবাক ঙাকপগী থবক পায়খৎনবা তেক্নোলোজি শীজিন্নবা দরকার ওইরে।

লোইশিল্লকপদা, প্রধান মন্ত্রীনা হায়খি মদুদি চহি ১,২,৫ অমসুং ১০ গী পান্দমশিংগা লোয়ননা মীফম অসিদা খন্নখিবশিংদা য়ুম্ফম ওইদুনা চহি ১০ গী থবক ওইনা পায়খৎনবা থৌরাং রাজ্য খুদিংমক্না শেমগদবনি অমসুং চাং নাইনা য়েংশিন্নবা তেক্নোলোজি শীজিন্নগদবনি।

নুমিৎ অহুম্নিগী মীফম অদুদা অঙাংশিংগী লাইরিক-লাইশু তম্বা; স্কুল তম্বা; স্কিল লৈহনবা; অৱাংবা থাক্কী মহৈ তম্বা; শান্নবা অমসুং এক্সত্রাকরিকুল্লমগী থবকশিংনা অপুনবা অমসুং তুংগীদমক শেম শারবা মীওই পুথোক্নবা লৌরিবা থৌদাংগী মতাংদা খন্নখি।

মীফম মনুংদা খন্নখিবা

অনৌবা ৱাখলশিং থবক ওইনা পাংথোক্নবা থাজবা অমগা লোয়ননা কেন্দ্র অমসুং রাজ্যশিং পুন্না চৎমিন্নদুনা থবক তৌমিন্ননবা মীফম অদুদা খন্নখি। বিকসিত ভারতকী পান্দম অদুনা মীয়ামগী পুন্সিগী ফিবমশিং ফগৎহন্নবা য়ানখিবা ৱাফমশিং অকক্নবা মতমগী মনুংদা থবক ওইনা পায়খৎপগী মরুওইবা খন্নখি। হৌজিক ওইরিবা ফিবম, মরুওইবা খুদোংচাদবশিং অমসুং অফবা মীওই শেমগৎপগা মরী লৈনবা হিরমশিংগী মতাংদা অপুনবা ফিবম অমা সেসনশিংদা পুথোক্তুনা খন্নখি।

মীফম অদুদা হেরিতেচ অমসুং খুৎই লাইরিকশিং ঙাক-শেনবা অমসুং দিজিতেল ওন্থোকপা অমসুং মরুওইবা অনা-লায়য়েংগী থবকশিংদা অয়ুসকী লৌশিং শীজিন্নবগী মতাংদসু খন্নখি।

কান্নবশিং মপুংফানা য়ৌহনবা, মীয়ামগী য়াইফনবা লৈবাক ঙাকপা অমসুং চাউখৎ-থৌরাংগী থবকশিং মশক উবা ফংবা মওংদা থবক ওইনা পায়খৎপগী মরুওইবা মীফম অদুদা খন্নখি। দিপার্তমেন্তশিংগী মরক্ত পুন্না থবক তৌমিন্নবা ফগৎহন্নবা অমসুং থবক পায়খৎপা হেনগৎহন্নবা দেতাদা য়ুম্ফম ওইদুনা মোনিতর তৌবগী থবকশিং ফগৎহনবগী মরুওইবা মীফম অদুদা খন্নখি। থবকশিং লাইনা পাংথোক্নবা, তেক্নোলোজি শীজিন্নবা অমসুং বিকসিত ভারতকী পান্দমগা লোয়ননা চাউখৎপগী কান্নবশিং মতম চানা, অরোন-অথুপ লৈতনা অমসুং কাংলুপ খুদিংমক কোনশিন্দুনা লায়রবশিংদা য়ৌহন্নবা খন্নখি।

নৌনা থোক্লকপা মরুওইবশিংগী মতাংদা মীফম অদুদা খন্নখি। রাজ্যশিংদা দিরিগুলেসন, লৈবাক ঙাকপদা তেক্নোলোজি শীজিন্নবা: খুদোংচাবশিং, খুদোংচাদবশিং অমসুং কোকহন্নবা পাম্বৈ; স্মার্ত সপ্লাই চেন অমসুং কৈথেলগী এগ্রিষ্টেক; রাজ্য অমা, মালেম থাক্কী লমকোয়ফম অমা; অত্মানির্ভর ভারত অমসুং শ্বাদেসি; অমসুং পোষ্ট-লেফ ৱিং এক্সত্রিমিজগী থৌরাংশিংগী মতাংদা খন্নখি। কোওপরেতিপ ফেদেরেলিজম, রাজ্যগী থাক্ত পায়খৎপা থবকশিং মতৌ তম্বা অমসুং থবকশিং অকক্নবা মতমগী মতুংদা পাংথোকপগী মরুওইবগী মতাংদা খন্নখি।

মীফম অদুদা চীফ সেক্রেতরিশিং, রাজ্যশিং/য়ু.তিশিংগী সেনিয়র ওফিসিএলশিং অমসুং হিরম কয়াগী অখঙ-অহৈশিং অমসুং কেন্দ্রগী সেনিয়র ওফিসারশিং শরুক য়াখি।

***