পুনৰুদ্ধাৰ কৰা ক্লাছিক ছবিসমূহৰ ভিতৰত অন্যতম ‘মুৰালীৱালা’ৰ বিশেষ প্ৰদৰ্শনৰ সময়ত অতীত ভ্ৰমণৰ অভিজ্ঞতা লাভ কৰা আই এফ এফ আই-ৰ চতুৰ্থ দিনটো মনোমুগ্ধকৰ হৈ উঠে। ৰাষ্ট্ৰীয় চলচ্চিত্ৰ উন্নয়ন নিগম (এনএফডিচি) আৰু ভাৰতীয় ৰাষ্ট্ৰীয় চলচ্চিত্ৰ আৰ্কাইভ (এনএফএইচএম)য়ে ৰাষ্ট্ৰীয় চলচ্চিত্ৰ ঐতিহ্য অভিযান-ৰ অধীনত ১৮খন ক্লাছিক ছবিক পুনৰ জীৱন্ত কৰি তুলিছে আৰু এইবাৰৰ আইএফএফআই-ৰ বাবে ভাৰতীয় পেনোৰামা বিশেষ পেকেজৰ চয়ন কৰা হৈছে। হিন্দী, তেলেগু, মালয়ালম, বাংলা, আৰু মাৰাঠী ছবিক সামৰি লোৱা এই গুচ্ছটোৱে কঠোৰ আৰ্কাইভ মানক আৰু প্ৰতিখন ছবিৰ মৌলিক সৃষ্টিশীল উদ্দেশ্যৰ প্ৰতি গভীৰ সন্মানেৰে সংৰক্ষিত কলাত্মক প্ৰকাশৰ এক বিশাল বৰ্ণালী প্ৰতিফলিত কৰিছে।

নিৰৱ যুগ পুনৰ সৃষ্টি কৰা হৈছে

এন এফ ডি চি-ৰ পৰিচালন সঞ্চালক শ্ৰী প্ৰকাশ মেগদুমে স্ক্ৰীনিঙৰ উদ্দেশ্য ব্যাখ্যা কৰে। তেওঁ কয়, "আজিৰ প্ৰজন্মৰ বাবে নিৰৱ চলচ্চিত্ৰসমূহৰ অভিজ্ঞতাক পুনৰ সজীৱ কৰি তোলাৰ ধাৰণাটো হ'ল য'ত সংগীতজ্ঞসকলে সন্মুখৰ শাৰীত বহি দৰ্শকৰ বাবে পোনপটীয়াকৈ সংগীত পৰিৱেশন কৰিব। আৰু প্ৰতিভাৱান ৰাহুল জীৰ নেতৃত্বত মই নিশ্চিত যে এই মুহূৰ্তটোক যথাযোগ্য ভাৱে মনোগ্ৰাহী আৰু ভব্যতাৰে সজীৱ কৰি তোলা হ'ব।"

সংগীত সুৰকাৰ ৰাহুল ৰানাড়েই মন্তব্য কৰি কয়, “৯৮ বছৰ আগতে নিৰ্মিত এখন ছবিৰ সংগীত পুনৰ সৃষ্টি কৰি পোণপটীয়াকৈ পৰিবেশন কৰাটো মোৰ আৰু মোৰ সমগ্ৰ দলটোৰ বাবেই এক বৃহৎ সন্মান আৰু ডাঙৰ প্ৰত্যাহ্বান আছিল। ১৯২৭ চনত বাবুৰাও জীয়ে নিৰ্মাণ কৰা ধৰণৰ ছবি, তেওঁ সৃষ্টি কৰা ধৰণৰ বিশেষ ইফেক্টৰ অভিজ্ঞতা আপোনালোকে অনুভৱ কৰিবলৈ ওলাইছে। আশাকৰোঁ মই আৰু মোৰ দলটোৱে ইয়াৰ সৈতে ন্যায় কৰিবলৈ সক্ষম হ’ম।”

মন কৰিবলগীয়া যে প্ৰয়াত চলচ্চিত্ৰ নিৰ্মাতা তথা শিল্পী বাবুৰাও পেইণ্টাৰৰ দ্বাৰা নিৰ্মিত ‘মুৰালীৱালা’ (১৯২৭) হৈছে অতি কম সংখ্যক ভাৰতীয় নিৰৱ ছবিৰ অন্যতম আৰু এন এফ এইচ এম-ৰ অন্যতম বিৰল সম্পদ। এই প্ৰদৰ্শনীয়ে দৰ্শকক ১৯২০ চনৰ চলচ্চিত্ৰ প্ৰদৰ্শনীৰ কথা মনত পেলোৱা এক সংবেদনশীল অভিজ্ঞতা প্ৰদান কৰিছিল। ইয়াৰ উপৰিও মন কৰিবলগীয়া যে এই প্ৰদৰ্শনীত বাবুৰাও পেইণ্টাৰৰ দুগৰাকী কন্যাও উপস্থিত আছিল।

এটা আনুষ্ঠানিক উদযাপনৰ বছৰ

এইবাৰৰ ছবিৰ চয়নে গভীৰ ঐতিহাসিক গুৰুত্ব বহণ কৰিছে, কিয়নো ইয়াৰ জৰিয়তে ভি শান্তৰামৰ ১২৫ বছৰীয়া উত্তৰাধিকাৰিত্বক সন্মান জনোৱাৰ লগতে গুৰু দত্ত, ৰাজ খোছলা, ঋত্বিক ঘটক, ভূপেন হাজৰিকা, পি ভানুমতী, সলিল চৌধুৰী, আৰু কে বৈকুণ্ঠৰ দৰে কিংবদন্তী প্ৰতিভাধৰক শতবাৰ্ষিকীৰ শ্ৰদ্ধাঞ্জলি জনোৱা হৈছে। আধুনিক ভাৰতীয় চলচ্চিত্ৰৰ পৰিৱেশ গঢ় দিয়াৰ ক্ষেত্ৰত এনএফডিচি-ৰ পৰিৱৰ্তনশীল ভূমিকাক স্বীকৃতি দি এই মহোৎসৱৰ ৫০ বছৰ সম্পূৰ্ণ হোৱাটোও উদযাপন কৰা হয়। শ্যাম বেনেগালৰ ‘চুছমান’-ৰ প্ৰতি বিশেষ শ্ৰদ্ধাঞ্জলিয়ে ভাৰতীয় গল্প-কথন কলাৰ ক্ষেত্ৰত থকা দূৰদৰ্শী চলচ্চিত্ৰ নিৰ্মাতাগৰাকীৰ স্থায়ী প্ৰভাৱত আলোকপাত কৰা হয়।

ৰাষ্ট্ৰীয় চলচ্চিত্ৰ ঐতিহ্য অভিযান

২০১৬ চনৰ নৱেম্বৰ মাহত তথ্য আৰু সম্প্ৰচাৰ মন্ত্ৰালয়ে আৰম্ভ কৰা ৰাষ্ট্ৰীয় চলচ্চিত্ৰ ঐতিহ্য অভিযান ভাৰতৰ অন্যতম অভিলাষী আৰু গুৰুত্বপূৰ্ণ সংৰক্ষণৰ কাৰ্যক্ৰম হিচাপে পৰিগণিত হৈছে। ইয়াৰ দায়িত্ব হৈছে ভাৰতৰ চলচ্চিত্ৰৰ উত্তৰাধিকাৰিত্ব সুৰক্ষিত কৰা—কেমেৰাৰ নেগেটিভ আৰু ৰিলিজ প্ৰিন্ট-ৰ পৰা আৰম্ভ কৰি স্বত্বাধিকাৰিত্ব প্ৰাপক, সংগ্ৰাহক আৰু আন্তঃৰাষ্ট্ৰীয় প্ৰতিষ্ঠানৰ পৰা আহৰণ কৰা বিৰল আৰ্কাইভৰ ধনলৈকে সকলো বস্তুৰ সংৰক্ষণ, সংৰক্ষণ, ডিজিটেলাইজেশ্যন আৰু পুনৰুদ্ধাৰ নিশ্চিত কৰা।

আই এফ এফ আই ২০২৫-ৰ বাবে পুনৰুদ্ধাৰ কৰা ভাৰতীয় ছবিসমূহে এই নিখুঁত প্ৰচেষ্টাক প্ৰতিপন্ন কৰিছে, প্ৰায়ে ছবিৰ নিৰ্মাতা, চিনেমাট’গ্ৰাফাৰ বা তেওঁলোকৰ ঘনিষ্ঠ সহযোগীসকলৰ নিৰ্দেশনাত প্ৰতিটো ফ্ৰেমক কষ্টৰে পুনৰুদ্ধাৰ কৰা হৈছে আৰু নিখুঁতভাৱে ৰঙৰ গ্ৰেড কৰা হৈছে।

এই উৎসৱৰ এটা উল্লেখযোগ্য দিশ হ’ল এনএফডিচি–এনএফএআই সংগ্ৰহত ৩৫ মিলিমিটাৰৰ মাষ্টাৰ পজিটিভৰ পৰা পুনৰুদ্ধাৰ কৰা, চিনেমাট’গ্ৰাফাৰ অভিক মুখোপাধ্যায়ৰ তত্বাৱধানত চূড়ান্ত কৰা ৰঙৰ গ্ৰেডিঙেৰে পুনৰুজ্জীৱিত ঋত্বিক ঘটকৰ ’সুবৰ্ণৰেখা’।

মূল নেগেটিভে অপ্ৰত্যাৱৰ্তনীয় ক্ষয়ৰ সন্মুখীন হোৱাৰ পিছত সংৰক্ষিত ৩৫ মিলিমিটাৰৰ ৰিলিজ প্ৰিন্ট-ৰ পৰা পুনৰুদ্ধাৰ কৰা মুজাফ্ফৰ আলীৰ ‘উমৰাও জান‘-য়ে গ্ৰেডিং প্ৰক্ৰিয়াত আলীৰ ব্যক্তিগত তত্বাৱধান লাভ কৰিছে, ছবিখনৰ স্বাক্ষৰযুক্ত ৰঙীন অনুগ্ৰহ নিষ্ঠাৰে ধৰি ৰখাটো নিশ্চিত কৰিছে।

এই পুনৰুদ্ধাৰসমূহে ভাৰতৰ আটাইতকৈ প্ৰভাৱশালী চিনেমাৰ ব্যক্তিসকলৰ উত্তৰাধিকাৰিত্বক সন্মান জনায়, দেশখনৰ চলচ্চিত্ৰ উত্তৰাধিকাৰিত্ব সংৰক্ষণৰ সংকল্পক শক্তিশালী কৰে আৰু এই ৰচনাসমূহৰ ভিতৰৰ সাংস্কৃতিক, ঐতিহাসিক, আৰু কলাত্মক আখ্যানসমূহে নতুন প্ৰজন্মক অনুৰণিত কৰাটো নিশ্চিত কৰে।

ভাৰতীয় পেনোৰামা বিশেষ পেকেজ-ৰ বাবে চয়ন কৰি পুনৰুদ্ধাৰ কৰা ছবিৰ তালিকা

১) উমৰাও জন (মুজাফ্ফৰ আলী - হিন্দী/১৪৫ মিনিট/ ৪কে ডিচিপি)

২) মল্লীশ্বৰী (বি.এন. ৰেড্ডী/তেলেগু/১৭৫ মিনিট/ ৪কে ডিচিপি)

৩) ৰুদালী (কল্পনা লাজমী/ হিন্দী/১২৮ মিনিট/ ৪কে ডিচিপি)

৪) গমন – (মুজাফ্ফৰ আলী / হিন্দী/১১৯ মিনিট/ ৪কে ডিচিপি)

৫) ভয় (ঋত্বিক ঘটক/হিন্দী/১৮ মিনিট/ ৪কে ডিচিপি)

৬) সুবৰ্ণৰেখা (ঋত্বিক ঘটক/ বাংলা/১৪৩ মিনিট/ ৪কে ডিচিপি)

৭) মুৰলীৱালা – (বাবুৰাও চিত্ৰকৰ/ নিৰৱ/ ৪৫ পদিনা)

৮) পাৰ্টী (গোবিন্দ নিহালানী/হিন্দী/১১৮ মিনিট/ ২কে ডিচিপি)

৯.চি.আই.ডি (ৰাজ খোছলা/হিন্দী/১৪৬ মিনিট/ ৪কে ডিচিপি)

১০) প্যাছা (গুৰু দত্ত/ হিন্দী/১৪৬ মিনিট/ ৪কে ডিচিপি)

১১) এক ডাক্তৰ কী মৌত (তপন সিনহা/হিন্দী/১২২ মিনিট/ ৪কে ডিচিপি)

১২) এক হোতা বিদূষক (জব্বৰ পেটেল/মাৰাঠী/১৬৮ মিনিট/ ৪কে ডিচিপি)

১৩) কিৰীডাম (চিবি মালায়িল/ মালয়ালম/ ১২৪ মিনিট/ ৪কে ডিচিপি)

১৪) ড° কোটনিছ কি অমৰ কাহানী (ভি. শান্তৰাম/ হিন্দী/ ১০০ মিনিট/ ২কে ডিচিপি)

১৫) চুছমান (শ্যাম বেনেগাল/ হিন্দী/ ১৪০ মিনিট/ ২কে ডিচিপি)

১৬) মুছাফিৰ (হৃষিকেশ মুখাৰ্জী/ হিন্দী/১২৭ মিনিট/ ৪কে ডিচিপি)

১৭) শ্বহীদ (ৰমেশ ছৈগাল/হিন্দী/ ১৯৪৮/ ৪কে ডিচিপি)

১৮) গীতাঞ্জলি (মণি ৰত্নম/তেলেগু/১৩৭ মিনিট/ ৪কে ডিচিপি)

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | Sangeeta Godbole/Debayan Bhadury/Darshana Rane | IFFI 56 – 055/KB