#IFFIWood, 24 नोव्‍हेंबर 2025

पुनर्मुद्रित केल्ल्या क्लासिकांतल्या ‘मुरलीवाला’ ह्या सिनेमाच्या खाशेल्या प्रदर्शना वेळार काळ प्रवास अणभवपी इफ्फीचो चवथो दीस जादूई थारलो. नॅशनल फिल्म डेव्हलपमेंट कॉर्पोरेशन (एनएफडीसी) आनी नॅशनल फिल्म आर्काइव्ह ऑफ इंडिया (एनएफएआय) हांणी नॅशनल फिल्म हेरिटेज मिशन (एनएफएचएम) खाला 18 क्लासिक फिल्मांक पुनर्स्थापित केल्यात आनी अंदूंच्या इफ्फीखातीर इंडियन पॅनोरमा स्पेशल पॅकेज क्युरेट केलां. ह्या पॅकेजात हिंदी, तेलुगू, मलयाळम, बंगाली, आनी मराठी सिनेमाचो आस्पाव जाता आनी खर अभिलेख मानकांसयत आनी दर एका चित्रपटाच्या मूळ सृजनशील हेताक खोलायेन आदर दिवन सांबाळून दवरिल्ल्या कला अभिव्यक्तीचें व्हड वर्णपट दिसून येता.

मूक युग पुनर्निर्मित

एनएफडीसीचे वेवस्थापकीय संचालक श्री प्रकाश मगदुम हांणी ह्या प्रदर्शनाचो हेतू स्पश्ट केलो. ताणें म्हणलें, “आयचे पिळगे खातीर मूक चित्रपट अणभव परतून जिवो करप हो हे फाटलो हेत आसा जंय संगीतकार मुखार रांगेत बसून प्रेक्षकां खातीर लायव्ह संगीत सादर करतले. आनी प्रतिभावान राहुल जी हांच्याखाला हो खीण फावो त्याच उत्साहान आनी भव्यतेन जिवीत जातलो हाची म्हाका खात्री आसा.”

संगीतकार राहुल रानडे हांणी सांगले की , "98वर्सां आदीं तयार केल्ल्या सिनेमाचें संगीत परतून तयार करप आनी तें लायव्ह सादर करप हो  म्हजे खातीर आनी म्हज्या पुराय पंगडा खातीर एक व्हड सन्मान आनी व्हड आव्हान आशिल्लें. तुमकां 1927त बाबूरावजीन तयार केल्लो चित्रपट, ताणें तयार केल्लो स्पेशल इफेक्ट्स अणभवपाक  मेळटलो. म्हाका आनी म्हज्या पंगडाक ते विशी न्याय करपाक मेळटलो अशी आस्त बाळगिता."

दिवंगत फिल्म निर्मातो आनी कलाकार बाबूराव पेंटर हाणें तयार केल्लो मुरलीवाला (1927) हो भारतीय मूकपटांतल्यान उरिल्ल्या सामक्या उण्या सिनेमांतलो एक आनी एनएफएचएमचो एक दुर्मिळ खजिनो हें लक्षांत घेवपासारकें. ह्या प्रदर्शनांतल्यान प्रेक्षकांक 1920 च्या दशकांतल्या चित्रपट प्रदर्शनाची याद करून दिवपी संवेदी अणभव मेळ्ळो. तशेंच ह्या प्रदर्शनाक बाबूराव पेंटराच्यो दोन चलयो लेगीत हाजीर आशिल्ल्यो.

एक महोत्सवी वर्स

अंदूंच्या क्युरेशनाक भोव इतिहासीक वजन आसा, कारण ते व्ही. शांताराम हांच्या १२५ वर्सांच्या वारशाचो सन्मान करता , तेचपरी  गुरू दत्त, राज खोसला, ऋत्विक घटक, भूपेन हजारिका, पी.भानुमती, सलील चौधरी, आनी के. वैकुंठ  हांच्या अग्रगण्य प्रतिभेक शताब्दी आर्गा ओपता . आधुनीक भारतीय सिनेमाच्या दृश्टीकोनाक आकार दिवपाक एनएफडीसीची ५० वर्सांची परिवर्तनकारी भुमिका मान्य करून हो महोत्सव मनयतात. श्याम बेनेगलाच्या 'सुसमन' ह्या चित्रपटाक खाशेली श्रद्धांजली तशेच भारतीय कथाकथन कलेचेर ह्या दूरदर्शी चित्रपट निर्मात्यान केल्ल्या टिकपी परिणामाचेर उजवाड घालता.

नेशनल फिल्म हेरिटेज मिशन

नोव्हेंबर 2016त म्हायती आनी प्रसारण मंत्रालयान सुरू केल्लें नेशनल फिल्म हेरिटेज मिशन भारतांतलें एक महत्वाकांक्षी आनी म्हत्वाचो संवर्धन उपक्रम म्हणून उबें रावता. भारताच्या सिनेमा दायजाची राखण करप हो ताचो हेत - कॅमेरा नेगेटिव्ह आनी रिलीज प्रिंट ते हक्कधारक, संग्रहकर्ते आनी आंतरराष्ट्रीय संस्थां कडल्यान मेळिल्ल्या  दुर्मिळ अभिलेखा सारको खजिनो सांबाळप, संवर्धन, डिजिटायझेशन आनी पुनर्स्थापना सुनिश्चीत करप होवूय ताचो हेत. 

इफ्फी 2025 खातीर पुनर्स्थापित केल्ले भारतीय चित्रपट ह्या बारीकसाणीन केल्ल्या यत्नाची गवाय आसा, दरेक फ्रेम कश्टान पुनर्स्थापित केला आनी चित्रपट निर्माते, सिनेमाटोग्राफर वा तांच्या लागींच्या सहकाऱ्यांच्या मार्गदर्शना खाला सुक्ष्मतायेन कलर-ग्रेड केला. 

ह्या महोत्सवाची एक खाशेली गजाल म्हळ्यार ऋत्विक घटक हांणी पुनर्स्थापित केल्ले सुवर्णरेखा, जे एनएफडीसी-एनएफएआय संग्रहांतल्या 35 मिमी.मास्टर पॉझिटिव्हांतल्यान परतून तयार केला आनी ताचे निमाणे कलर ग्रेडिंग सिनेमाटोग्राफर अविक मुखोपाध्याय हांच्या देखरेखीखाला जाला .

मूळ नेगेटिव्हाक अपरिवर्तनीय क्षय जावपाक लागले उपरांत सांबाळून दवरिल्ल्या 35 मिमी रिलीज प्रिंटांतल्यान परतून तयार केल्लो मुजफ्फर अलीचो उमराव जान, ग्रेडिंग प्रक्रियेंत अलीची वैयक्तीक देखरेख दाखयता , फिल्माची सिग्नेचर क्रोमॅटिक ग्रेस निश्ठापूर्वक तिगोवन दवरल्या हाची खात्री करता.

पुनर्स्थापित चित्रपटांक लागून भारताच्या चड प्रभावी सिनेमा व्यक्तींच्या दायजाचो भोवमान जाता, देशाच्या आपलो चित्रपट दायज तिगोवन दवरपाचो संकल्पाक बळगें दिता आनी ह्या कलाकृतींतले सांस्कृतीक, इतिहासीक आनी कलात्मक कथन नव्या पिळग्यां मेरेन पावता हाची खात्री जाता .

भारतीय पॅनोरमा खाशेल्या पॅकेजा खातीर क्युरेट केल्ल्या पुनर्स्थापित चित्रपटांची वळेरी

1. उमराव जान (मुजफ्फर अली - हिंदी/145 मिनिट्स/ 4K DCP)
2. मल्लिसवारी (बी.एन. रेड्डी/तेलुगु/175 मिनिट्स/ 4K DCP)
3. रुदाली (कल्पना लाजमी/ हिंदी/128 मिनिट्स/ 4K DCP)
4. गमन – (मुजफ्फर अली / हिंदी/119 मिनिट्स/ 4K DCP)
5. फियर (ऋत्विक घटक/हिंदी/18 मिनिट्स/ 4K DCP)
6. सुवर्णरेखा (ऋत्विक घटक/बंगाली/143 मिनिट्स/ 4K DCP)
7. मुरलीवाला – (बाबूराव पेंटर/साइलेंट/ 45 मिनिट्स)
8. पार्टी (गोविंद निहलानी/हिंदी/118 मिनिट्स/ 2K DCP)
9. C.I.D (राजस्थान) खोसला/हिंदी/146 मिनिट्स/ 4K DCP)
10. प्यासा (गुरु दत्त/हिंदी/146 मिनिट्स/ 4K DCP)
11. एक डॉक्टर की मौत (तपन सिन्हा/हिंदी/122 मिनिट्स/ 4K DCP)
12. एक होता विदूषक (जब्बार पटेल/मराठी/168 मिनिट्स/ 4K DCP)
13. किरीदम (सिबी मलयिल/मलयालम/124 मिनिट्स/ 4K DCP)
14. डॉ. कोटनिस की अमर कहानी (वी. शांताराम/हिंदी/100 मिनिट्स/ 2K DCP)
15. सुस्मान (श्याम बेनेगल/हिंदी/140 मिनिट्स/ 2K DCP)
16. मुसाफ़िर (ऋषिकेश मुखर्जी/हिंदी/127 मिनिट्स/ 4K DCP)
17. शहीद (रमेश सहगल/हिंदी/1948/ 4K DCP)
18. गीतांजलि (मणिरत्नम/तेलुगु/137 मिनिट्स/ 4K डीसीपी)

IFFI विशीं

1952 वर्सा सुरु जाल्लो भारतीय आंतरराष्ट्रीय चित्रपट महोत्सव (IFFI) दक्षिण आशियांतलो सगळ्यांत पोरनो आनी सगळ्यांत व्हडलो चित्रपट महोत्सव. राष्ट्रीय चित्रपट विकास म्हामंडळ (एनएफडीसी), म्हायती आनी प्रसारण मंत्रालय, भारत सरकार आनी गोंय मनरिजवण सोसायटी (ईएसजी) गोंय राज्य सरकार हांणी संयुक्तपणान आयोजीत केल्लो हो महोत्सव आता जागतिक चित्रपटसृष्टीतले शक्तीघर जाला. इफ्फीक खऱ्या अर्थान चमकावपी गजाल म्हळ्यार ताचे अद्वितीय मिश्रण -आंतरराष्ट्रीय सर्ती, सांस्कृतीक प्रदर्शनां, मास्टरक्लास आनी उच्च उर्जा आशिल्लो 'व्हेवज’ (WAVES) फिल्म बाजार, जंय कल्पना, वेव्हार आनी सहयोग आकार घेतात. 20 ते 28 नोव्हेंबर मजगती गोयांत जावपी ह्या 56व्या आवृत्तीत भाशा, शैली, नवोन्मेष आणि आवाजांचो एक दोळे दिपकावपी संग्रह सादर जातलो - जागतिक स्तराचेर भारताच्या सर्जनशील प्रतिभेचो एक मन भुलोवपी उत्सव.

For more information, click on:

IFFI Website: https://www.iffigoa.org/

PIB’s IFFI Microsite: https://www.pib.gov.in/iffi/56/

PIB IFFIWood Broadcast Channel: https://whatsapp.com/channel/0029VaEiBaML2AU6gnzWOm3F

X Post Link: https://x.com/PIB_Panaji/status/1991438887512850647?s=20

X Handles: @IFFIGoa, @PIB_India, @PIB_Panaji

* * *

PIB IFFI CAST AND CREW | सुभाष जाण/उत्कर्षा भुस्कुटे/दर्शना राणे | IFFI 56