প্রধানমন্ত্রীগী লোইশঙ
প্রধান মন্ত্রীনা ভেতরান এক্তর শ্রী ধর্মেন্দ্রনা লৈখিদবদা অৱাবা ফোংদোকখ্রে
Posted On:
24 NOV 2025 3:06PM by PIB Imphal
প্রধান মন্ত্রী শ্রী নরেন্দ্র মোদীনা ঙসি শক্নাইরবা এক্তর শ্রী ধর্মেন্দ্রজিনা লৈখিদবদা ভারতকী সিনেমাগী তাইবংদা থৱান মিচাক অমা কেনখ্রে হায়রদুনা অৱাবা ফোংদোকখ্রে।
প্রধান মন্ত্রীনা হায়খি মদুদি ধর্মেন্দ্রজি শক্নাইরবা ফিল্মগী মীশক অমা ওইবদা নত্তনা মহাক্না লৌখিবা রোল খুদিংমক্তা ঈং তপ্পা অমসুং মনুং হুৎনা মহাও পীবা ঙম্বা অঙকপা এক্তর অমনি। মহাক্না তোঙান-তোঙানবা রোলশিং লৌবা ঙম্বগী মগুন্না মীওই কয়াগী থম্মোইদা শুমদুনা লাক্লি।
X কী পোস্ত অমদা হায়খিঃ
"ধর্মেন্দ্রজিনা লৈখিদবদা ভারতকী সিনেমাগী তাইবংদা থৱান মিচাক অমা কেনখিবা চপ মান্নরে। মহাক ক্নাইরবা ফিল্মগী মীশক অমা ওইবদা নত্তনা মহাক্না লৌখিবা রোল খুদিংমক্তা ঈং তপ্পা অমসুং মনুং হুৎনা মহাও পীবা ঙম্বা অঙকপা এক্তর অমনি। মহাক্না তোঙান-তোঙানবা রোলশিং লৌবা ঙম্বগী মগুন্না মীওই কয়াগী থম্মোইদা শুমদুনা লাক্লি।
ধর্মেন্দ্রজি অসি মহাক্কী ইচম চম্বা মতৌ, মীবু নুংশিবা অমসুং ইং তপ্পগীদমক পাম্নৈ। অসিগুম্বা অৱাবা তারবা মীকুপ অসিদা ঐহাক্না ইমুং মনুং মরুপ মপাং, অমসুং মহাকপু নুংশিজবশিংগী অৱাবদা শরুক য়াজরি। ওম শান্তি"
***
(Release ID: 2193629)
Visitor Counter : 4