প্রধানমন্ত্রীগী লোইশঙ
জি.20 লিদর সবমিৎকীদমক্তা প্রধানমন্ত্রীনা খা-অফ্রীকাগী জোহন্সবর্গতা চৎকদৌরি
Posted On:
19 NOV 2025 5:38PM by PIB Imphal
খা-অফ্রীকাগী রিপব্লিক্না য়ুম্বু ওইদুনা নবেম্বর 21-23, 2025 ফাওবা পাংথোক্কদবা 20 শুবা জি.20 লিদর সবমিৎকীদমক্তা প্রধানমন্ত্রী শ্রী নরেন্দ্র মোদীনা খা-অফ্রীকাগী জোহন্সবর্গতা চৎকদৌরি। মসি গ্লোবেল সাউথতা থংন-থংননা মথং-মথং পাংথোকপা মরিরক শুবা 20 সবমিৎনি। সবমিৎ অসিদা প্রধানমন্ত্রীনা জি. 20 এজেন্দাদা মরিশুবা ভারতকী হীরমশিংগী মতাংদা ৱাফমশিং থমগনি। প্রধানমন্ত্রীনা সবমিৎ অসিগী সেসন অহুমদা ৱা ঙাংগনি হায়বগী থাজবা লৈ। সেসনশিং অদুদি:
i. কনাগুম্বা অমফাওবা চিত্থদবা ইনক্লুসিব অমসুং সস্তেনেবল গ্রোথ: ঐখোয়গী ইকোনোমীশিং শেমগৎপা; ত্রেদ তৌবগী থৌদাং; চাউখৎনবগীদমক্তা শেলগী তেংবাং পীবা অমসুং শেন্দোনগী পোৎলুম
ii. চাউখৎলক্লিবা মালেম – জি.20 গী থৌদাং: অমাং-অতাগী খুদোংথিবা হন্থহনবা; নোংজু-নুংশা হোংলকপা; ইনর্জী ত্রাজ্ঞিসন তৌবখক্তমক; চীজ্ঞাক্কী সিস্তেমশিং
iii. ময়াম পুম্নমক্কী ওই মীচং-মীখায় নাইদবা নিংথিজরবা তুংলমচৎ: অরুবা মিনরেলশিং; ক্বাইদগী অথোইবা থবক; আর্তিফিসিএল ইন্তলিজেন্স
জি.20লিদশিংগী সবমিৎকী মতমদা প্রদানমন্ত্রীনা জোহন্সবর্গতা লৈরিবা লুচিংবা খরগা নাকল অনিগী ওইবা মীফম খরা ফমগনি হায়না থাজবা লৈ। প্রধানমন্ত্রীনা খা-অফ্রীকানা থৌবু ওইগদবা ভারত-ব্রাজিল-খা-অফ্রীকা(আই.বি.এস.এ.)গী মীফমদসু শরুক য়াগনি।
***
(Release ID: 2192454)
Visitor Counter : 3