Ka Bharat Pavilion, ka jaka peit kai kaba la ai lad ïa ki nongwan jngohkai ban iohi ia ka jingïaid lynti jong ki riti dustur ïathuhkhana jong ka ri India ha ka WAVES 2025, ka la long kaba jop ha kaba la bun ki briew kiba wan peitkai. Ka Pavilion, hapoh ka phang "From Kala to Code ", ka la pyni ia ka jingiaid lynti sha ka jingkylla jong ka India ha ki kam media bad ki jingpynbyrngia—naduh ki jingiathuh khana tynrai da ka ktien haduh ki jingsaindur thymmai.

Ka Bharat Pavillion ka la pyni ia ka mynsiem jong ka ri India, da kaba pyniaryngkat ia ka kolshor ba riewspah jong ngi bad ki jinglong jingman thymmai jong ki jingkiew ha ka liang ka jingstad saian kiba la iaid shaphrang. Ha ka sngi plie ia ka WAVES 2025, u Myntri Rangbahduh ka ri Narendra Modi u la leit jngoh ia kane ka Pavilion. U Myntri Rangbah ka Jylla Maharashtra, Devendra Fadnavis, u Myntri kam bar ri, S. Jaishankar, u Myntri ka Sorkar Pdeng, Ashwini Vaishnaw bad bun kiwei kiwei ki kynrem ki lyndan ki la leit jngoh ïa kane ka pavilion bad ki la ïaroh ïa ka bynta jong ka ha kaba ïathuh khana shaphang ka Bharat. Ka pavilion ka la sakhi ruh ia ki nongpeitkai kiba bun kiba la don ha jinglyngngoh haba ki sakhi ia ki spah ba bun jong ka ri jong ngi.

Da kaba rakhe ïa ka jingïaid lynti jong ka jingsaindur jong ka ri India, ka Bharat Pavilion kam shym la long tang ka jingpyni ïa ki jingdon jingem hynrei ka long ka jingpynpaw ia ka bor jong ka ri India kum ha ki kam saindur. Ka la pyni ia ka jingjylliew jong ka kolshor jong ka India, ka jingtbit ha ka kam saindur, bad ka jingkiew kyrdan jong ka ri ha ki kam iathuh khana jong ka pyrthei. Ia ka Pavilion la pynbeit ha ki saw tylli ki bynta ba iadei bad ki phang bad kawei pa kawei ka pyni ia ka jinglong bapher bapher jong ka kam saindur jong ka ri India:

Shruti – Ka jingiathuh khana da ki ktien: Ka jingsngew burom ïa ka pateng jong ka jingïathuhkhana da ka ktien kaba la hyndai jong ka India, kane ka zone ka la peit bniah kumno ka jingsawa bad ka jingrwai ki pynneh pynsah ïa ki jingkynmaw.

Ki mat ba kongsan:

• Guru-Shishya Parampara: Ka jingpynkup burom ia ki rukom ai jinghikai da kaba shu kren.
• Mystical Whispers: Ki jingkren Vedic bad ki dustur kiba iadei bad ka jingngeit.
• Dhun: Ka Museum jong ki sur jingrwais: Ka jingpyni ia ki tiar tem ba hyndai jong ka India.
• Echoes of the Land: Ki jingsawa tynrai.
• Making Waves with Music: Na ka Gauhar Jaan sha kiwei kiwei ki riewshemphang ha ka put ka tem.
• Spotify Stage: Ka sur jingrwai ba pyni live da u Amaan Ali Bangash, Ayaan Ali Bangash, bad iwei kiwei ki dkhot ka longiing kiba dang kham samla.
• India on Air: Ki kam jong ka All India Radio.
• Playback Nation: 100 snem ki kam rwai.
• Cassette to Cloud: Ki jingkylla ha kaba iadei bad ki rukom ioh ia ki sur jingrwai.
• Podcast Central: Ka jingkiew jong ki prokram iakren.
• Whispers of Wisdom: Ka jingkiew ki audiobook ha India.

Kriti – Ki jingoh shrong bad ki kam thoh: Kane ka zone ka la pyni ia ka bynta jong ka kam thoh ha ka jingpynneh ia ka deiriti ha India.

Ki mat ba kongsan:

• First Signs: Ki jingoh shrong ha ki krem bad ka rukom iakren.
• Imprints of Indus: Ka jingshem ia ka jinglong jingman jong ka Indus Valley.
• Ramayana Across Civilizations: Ka jingiaid lynti kane ka jingthoh ba hyndai ha Asia.
• Edicts of Bharat: Ki jingoh shrong u Ashoka.
• Wisdom Preserved: Ki jingthoh ba hyndai.
• Memoirs of Metal: Ka jingthoh ha ki pliang tiar tama.
• The Power of Print: Ka jingkiew ka kam pathai khubor ha India.
• The Indian Shelf: Ka digital library jong ki kot ba kongsan.
• Cover Story: Ka jingrakhe ia ki magazine jong ka India.
• The Comics Corner: Na ki kot comic ba rim sha ki graphic novel.

Drishti – Ka deiriti kaba iadei bad ki dur

Kaba peit bniah ia ka jingiathuh khana lyngba ki dur, kane ka zone ka la peit ia ki kam naduh ki jingoh shrong ha ki krem haduh ki kam shna phlim ba mynta.

Ki mat ba kongsan:

• Kala Yatra: Ka LED tunnel kaba pyni ia ka jingkylla ka kam pynmih dur jong ka India.
• The Eternal Rhythm: Ka jingpyni holographicia ka kynthei ba shad jong ka Harappa.
• The Essence of Emotion: Ka jingpeit ia ka Navarasa.
• Nataraja Display: Ka jingai burom ia u Shiva kum u nongshad ha ka bneng lyngba ki dur.
• Folk Chronicles: Ki jingshad tynrai, ki kam puppetry bad ki rukom saindur jong ki riewlum.
• Frames of the Past: Ka jingpyni ia ka rukom kylla ki phlim.
• Wall of Fame: Ka jingrakhe ia ki riewkhraw ha ka kam shna phlim jong ka India.
• Lights Camera Legacy: Ka jingpynkup burom ia ki nongshna phlim bad kito kiba peit ia ka teknoloji ha ka kam shna phlim.
• TV through the Years: Ki kam jong ka Doordarshan haduh ban da poi sha ka juk streaming.

Ka jingkiew shaphrang ki nongsaindur

Kane ka zone ka la pyni ia ki jingsaindur thymmai jong ka India ha ki kam kiba iadei bad ka rukom iathuh khana lyngba ki teknoloji ba thymmai.

Ki mat ba kongsan:

• Ki jingpyni ia ka jingkiew shaphrang ka India ha ka AI, XR, gaming, metaverse bad animation.
• Ka jingpyni ia ki intellectual property jong ka India kiba dang mih.
• Ka jingpyni ia ka lawei jong ka kam iathuh khana.

Ka Bharat Pavilion ha ka WAVES 2025 ka la plié ka lad ban iohi ia ki kam iathuh khana bad ki jingsaindur thymmai jong ka India. Ka la pynskhem ia ka kyrdan jong ka India kum ka bor ha ka kam saindur kaba don nongrim ha ka deiriti bad kaba phai khmat sha ka lawei

.

Ban ioh ia ki jingtip, sngewbha bud ia ngi:

Ha ka X :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Ha ka Instagram:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

* * *