WAVES BANNER 2025
Ka Tnat Information & Broadcasting

Yn pyllait paidbah u Myntri Khynnah ka sorkar pdeng Dr. L. Murugan ia ka White Paper on India’s Live Events Economy: A Strategic Growth Imperative ha ka WAVES 2025

Ka India ka la pynkhreh ban mih napdeng ki phra tylli ki jaka pynbyrngia ba pawnam ha ka pyrthei shuwa u snem 2030

Ki jingpyni Live kin long kawei na ki bynta ba kiew stet tam ha ka kam M&E jong ka ri India

 Posted On: 01 MAY 2025 1:27PM |   Location: PIB Shillong

U Myntri Khynnah ka sorkar pdeng ba dei peit ia ka tnad Information & Broadcasting bad Parliamentary Affairs, u L. Murugan un pyllait ia ka “India’s Live Events Economy: A Strategic Growth Imperative”- ka White Paper kaba nyngkong eh kaba la bthah da ka Tnad Information & Broadcasting bad pynkhreh da ka EventFAQs Media, kawei na ki nongiatreilang na ka bynta ka WAVES 2025.

Ia kane ka White paper yn sa pyllait paidbah ha ka 3 tarik Jymmang, 2025, ha ka WAVES Summit 2025 ha Mumbai. Ka White Paper ka ai ïa ka jingpeit bniah ïa ka kam pynbyrngia jong ka India kaba nang kiew stet, kaba pynpaw ïa ki jinglong kiba dang mih, ki lynti jong ka jingroi, bad ki jingai jingmut ba kongsan na ka bynta ka jingbteng jong ka jingkiew jong ka kam.

Ka jinglong jingman jong ki jingpyni live ia ki prokram jong ka India ka dang ïaid lyngba ka jingkylla—na ka kam kaba la phiah sha ka nongrim kaba la buh ryntih bad kaba donbor jong ka kolshor bad ka ïoh ka kot jong ka ri. Ka por naduh u snem 2024 haduh u snem 2025 ka pyni ia ka jingkylla, ha kaba ki nongtem nabar ri kum ka ‘Coldplay’ ki wan tem ha Ahmedabad bad Mumbai, kaba pyni ia ka jinglong ba la pynkhreh jong ka India ban pynlong ia ki prokram na kylleng ka pyrthei.

Ki jinglong ba kongsan ha ka kam ki kynthup ïa ka jingkiew jong ka kam jngohkai pyrthei, ha kaba haduh shiteng million ki nongwan ki leit kyrpang na ka bynta ki jingtem live—kaba pyni ia ka jingmih jong ka ïoh ka kot kaba khlaiñ bha ha ka liang ka jngohkai na ka bynta ki kam put kam tem. Ki bynta jong ka jingthied tiket ba rem dor—kum ki prokram ia ki heh ki hain, ka jingïoh rung ba la pynkhreh, bad ki jaka sah ba rem dor—ki la sakhi ïa ka jingkiew kaba palat 100% na u snem sha u snem, kaba kdew sha ka jingkiew jong ki kam kiba iadei bad ki jingshem jong ki nongjngoh kai. Ka jingïashim bynta na ki nongbah Tier-2 ka la kiew, la pynlong da ki jingleit jngohkai sha ki nongbah kiba bun bad ka jingkiew ka jingsngewtynnat ia ki tamasa ha ki thaiñ.

Ha u snem 2024, ka bynta jong ki jingpyni live ba la pynlong ka la kiew kaba 15%, kaba la noh synñiang sa T.13 billion ha ka jingïohnong—kaba la pynskhem ïa ka kum kawei na ki bynta ba kiew stet tam hapoh ka kam media bad jingpynbyrngia jong ka ri India. Ki prokram kiba heh ha ka jinglong jingman kaba mynta ki ju pynmih kumba 2,000 haduh 5,000 tylli ki kam ba shipor kawei pa kawei, kaba pynpaw ka jingkiew ka jingnoh sha ka jingkyntiew ia ki lad ioh kam bad ki sap.

Da ki jingbei tyngka ba la pynleit jingmut, ka jingkyrshan ïa ki polisi, bad ki jingkyntiew ia ki jingdon jingem, ka India ka don ha ka lynti ban buh ïa lade kum kawei na ki phra tylli ki jaka pynbyrngia ba pawnam ha ka pyrthei shuwa u snem 2030, kaba plie lad thymmai na ka bynta ka jingkiew ka ioh ka kot, ka jingpynmih kam, ka kam jngohkai pyrthei, bad ka jingkyntiew ïa ka jingdon jong ka kolshor ha ka pyrthei.

 

* * *