খুরুমজরি!

ঙসিগী থৌরম অসিনা অনৌবা ভারতকী অনৌবা থবক থৌরমগী মশকশিং অদু উৎলি। ঙসি ভারতনা থবক অমা হেক্তা পায়খৎলবসু, মসি মমাংদা অমুক্তা ওইখিদ্রিবা খোঙজেল অমসুং পাক-চাউনা পায়খৎলি। হৌজিক্কী ভারত অসি অপীকপা মঙলানশিংদা শাগৎপা খক্তা নত্তে মদুগী মহুত্তা, মানা অচৌবা পান্দম থম্বা পামজৈ অমসুং মাগী এস্পিরেসনশিং অদু মংফাওনহন্নবা লেপ্পা লৈতনা হোৎনৈ। মাগী অচেৎপা ৱাখল্লোন অসি 'ভিক্সিৎ ভারত ভিক্সিৎ রেলৱে' প্রোগ্রামদা ময়েক শেংনা উবা ফংলি। মসিগী খোঙথাং অসিদা শরুক য়ারিবা লৈবাক শিনবা থুংবগী মরুপশিং পুম্নমকপু ঐহাক্না নুংঙাইবা ফোংদোকচরি। রেলৱে স্তেসন ৫০০ হেনবা অমসুং অতোপ্পা মফম ১৫০০ হেনবদগী মীওই লিশিং কয়া, ইকাই খুম্নরবা রাজ্যপালশিং, মুখ্য মন্ত্রীশিং, কেন্দ্র অমসুং রাজ্য সরকারগী মন্ত্রীশিং, এম.পি.শিং, এম.এল.এ.শিং, লোকেল রিপ্রজেন্তেতিবশিং, ইকাই খুম্নরবা নাগরিকশিং, পদ্ম এৱার্দ ফংলবশিং, ভারতকী নীংতম লান্মীগী ভেতরানশিং, অমসুং ঐখোয়গী তুংগী মীরোল নৎত্রগা নহা ওইরিবা মরুপশিং য়াওনা ঐখোয়গা লোয়ননা শরুক য়ারি!

ঙসি, অদোমগী মফমদা রেলৱেগা মরী লৈনবা প্রোজেক্ত ২০০০ হেনবগী উরেপ উয়ুং তমখ্রে অমসুং শঙ্গাখ্রে। ঐখোয়না জুনদগী হৌরগা সরকার অসিগী অহুমশুবা তর্মদা চঙশিল্লকপগা লোয়ননা, ঐখোয়গী থবকশিংগী পাক চাউবা অমসুং খোঙজেল অসিনা মীপুম খুদিংমকপু থোইদোক হেন্দোক্না নুংঙাইহল্লি। নুমিৎ খরনিগী মমাংদা, ঐহাক্না জম্মুদগী পুন্না আই.আই.তি.শিং অমসুং আই.আই.এম.শিংগুম্বা মমিং লৈরবা এজুকেস্নেল ইন্সতিত্যুসন কয়া অমা শঙ্গাবগী খুদোংচাবা ফংখি। ঙরাং, রাজকোত্তগী ঐহাক্না ‌এম্স মঙা অমসুং মেদিকেল ফেসিলিতী কয়ামরুম অমুক্তংদা শঙ্গাখি। অমসুং হৌজিক, ঙসিগী থৌরম অসিদা, রাজ্য ২৭কী জিলা ৩০০ হেনবদা রেলৱে স্তেসন ৫০০ হেন্না মোদর্নাইজেসন তৌনবগীদমক উরেপ উয়ুংসু তমখ্রে। উত্তর প্রদেশতা নৌনা শঙ্গাখিবা গোমতিনগর রেলৱে স্তেসন অসি তশেংনা শিংথানিংঙাইনি। মসিগী মথক্তা, ঙসিগী এজেন্দা অসিদা লম্বী, ওভরব্রীজ অমসুং আন্দরব্রীজ প্রোজেক্ত ১৫০০ হেনবগী মতাংদা য়াওরি। লুপা করোর লিশিং ৪০গী প্রোজেক্তশিং অসি মতম অমত্তদা পায়খৎলি। থা খরগী মমাংদা, ঐখোয়না অমৃত ভারত স্তেসন স্কিম হৌদোক্লে। স্তেসন ৫০০ হেন্না মোদর্নাইজ তৌবা হৌরে। ঙসিগী প্রোগ্রাম অসিনা ভারতকী খুমাং চাউশিল্লক্লিবা খোঙজেল অদু উৎলি। ঐহাক্না রাজ্য পুম্নমক্তা অমসুং লৈবাক অসিগী ঐহাক্কী নাগরিক পুম্নমক্তা য়াইফ-পাউজেল পীজরি।

মরুপশিং,

ঙসি ঐহাক্না ঐহাক্কী নহা ওইরিবা মরুপশিংবু অখন্নবা মওংদা থাগৎপা ফোংদোকচরি। মোদীনা চাউখৎলবা ভারতকী মতাংদা ঙাংলিবা মতমদা, মাগী আর্কিতেক্ত অমসুং খ্বাইদগী চাউবা কান্নবা ফংলবশিং অসি ঐখোয়গী লৈবাক্কী নহাশিংনি। ঙসি উরেপ উয়ুং তমখিবা প্রোজেক্তশিং অসিনা লৈবাক শীনবা থুংনা লৈরিবা নহা লিশিং কয়াদা অনৌবা থবক ফংহন্নবা অমসুং মশাগী থবক ফংহন্নবা খুদোংচাবা পীগনি। রেলৱেজ অমুক হন্না শেমগৎপা অসিনা হৌজিক স্কুল অমসুং কোলেজদা মহৈ তম্লিবশিং অমসুং চহি ৩০-৩৫গী মখাদা লৈবা মীওইশিংগীদমক কান্নবা ওইগনি। চাউখৎলবা ভারত অমা হায়বসি ঐখোয়গী নহারোলশিংগী মঙলানগী ভিজননি, অমসুং মরম অদুনা, মখোয়গী তুংলমচৎ অসিবু শেম্বদা মখোয়গী খ্বাইদগী মরুওইবা হক লৈ। লৈবাক অসিগী মফম খুদিংমক্তগী লাকপা মহৈরোয় লিশিং কয়া অমনা তোঙান তোঙানবা কম্পিতিসন কয়াগী খুত্থাংদা চাউখৎলবা ভারত রেলৱেজ অমগীদমক মখোয়গী মঙলানশিং ফোঙদোক্লিবা অসি উবদা ঐহাক নুংঙাইবা ফাওই। ঐনা মখোয় খুদিংমক্তা য়াইফ-পাউজেল পীজরি। ঐহাক্না ঐখোয়গী লৈবাক অসিগী নহারোল খুদিংমক্তা হায়জনীংই মদুদি অদোমগী অপাম্বশিং অসি মোদীগী থৌনা অদুনি। অদোমগী মঙলানশিং, অদোমগী থৌনা অমসুং মোদীগী থৌনা অসিনা চাউখৎলবা ভারত অমগী য়ুম্ফম ওইরি।

মরুপশিং,

অমৃত-ভারত স্তেসনশিং অসি হেরিতেজ অমসুং দিবেলপমেন্ত অনিমক্কী খুদম ওইনা থবক তৌবদা ঐহাক নুংঙাইবা ফাওই। খুদম ওইনা, ওরিশাদা লৈবা বলেশ্বর রেলৱে স্তেসন অসি লোর্দ জগন্নাথ লাইশঙগী থিমদা দিজাইন তৌখ্রে। লোকেল আর্কিতেকচর অসি সিক্কিমগী রাংপো রেলৱে স্তেসনদা উৎলি। ১৬শুবা চহি চাগী হেন্দ-ব্লোক প্রিন্তিং অসি রাজস্থানগী সঙ্গনর রেলৱে স্তেসনদা উৎলি। তামিল নাদুগী কুম্বকোনম স্তেসনগী দিজাইন অসি চোলা মতমগী আর্কিতেকচরদগী ইথিল লৌরি, অদুগা অহমদাবাদ রেলৱে স্তেসন অসি মোধেরা সন তেম্পলদগী ইথিল লৌরি। মসিগা মান্ননা, গুজরাতকী দ্বারকাদা লৈরিবা স্তেসন অসি দ্বারকাধিশ লাইশঙদগী ইথিল লৌরি। আই.তি. সিতি গুরগাওগী রেলৱে স্তেসন অসি আই.তি.দা খক্তমক কত্থোক্কনি। অসুম্না, অমৃত ভারত স্তেসন অসিনা শহর খুদিংমক্কী অখন্নবা শক্তমশিং মালেমদা উৎকনি। হায়রিবা স্তেসনশিং অসি শাবদা দিসএবল অমসুং চহি য়াম্লবা মীওইশিংগী খুদোংচাবা ফংহন্নবা অখন্নবা মীৎয়েং থম্লি।

মরুপশিং,

হৌখিবা চহি তরা অসিদা, ঐখোয়না অনৌবা ভারত অমা থোরকপা উবা ফংলে, অমসুং রেলৱেজকী মনুংদা অহোংবা লাক্লিবা অসি ঐখোয়গী মাংদা উবা ফংলি। মতম অমদা ঐখোয়গী লৈবাক্কী মীয়াম্না খল্লম্বা খুদোংচাবশিং অদু হৌজিক তশেং তশেংনা ওইরক্লি। চহি তরাগী মমাংদা, অনৌবা সেমি-হাই-স্পীদ ত্রেন অমা ওইরিবা বন্দে ভারত, নত্রগা অনৌবা লকজরিয়স ত্রেন অমা ওইরিবা অমৃত ভারত অসিগুম্বা ৱাখল্লোনশিং অসি লৈরমদে। মতৌ অসুম্না, নমো ভারতকুম্বা লকজরিয়স রেল সর্ভিস অমা নৎত্রগা ইন্দিয়ন রেলৱেজপু খোঙজেল য়াংনা ইলেক্ত্রিফিকেসন তৌবগী ৱাখল্লোন অসিসু য়াম্না থোইদোক হেন্দোকপা ওইনা উখি। ত্রেন অমসুং স্তেসনশিংদা লুনানবা হায়বসি য়াম্না মরু ওই হায়না লৌনরম্মি, অদুবু ঙসিদি মসি নুমিৎ খুদিংগী পুন্সিগী হৈনবী অমা ওইরে। মতম অমদা য়াম্না তোইনা উবা ফংখিবা অনমেন গেৎশিং অসি ওভরব্রিজ অমসুং আন্দরব্রিজশিংনা মহুৎ শিনখ্রে, মসিনা খুদোংথিবা থোকহন্দনা অপনবা লৈতনা চৎথোক-চৎশিন তৌবা ঙমহল্লি। মসিগীসু মথক্তা, মতম অমদা এয়রপোর্তশিংদা খক ফংলম্বা মোদর্ন ফেসিলিতীশিং অসি হৌজিক্তি লাইরবশিং অমসুং রেলদা মীপাল তাংলম্বা মিদল ক্লাস য়াওনা পুন্সিগী থাক পুম্নমক্কী মীওইশিংনা ফংবা ঙম্লে।

মরুপশিং,

চহি কয়াগী মমাংদগী রেলৱেজ অসি ঐখোয়গী রাজনিতীগী ইথিলগী মরুওইবা পোৎলম ওইদুনা লাক্লি। অদুম ওইনমক, হৌজিক্তি মসি ঐখোয়গী নাগরিকশিংগীদমক ইজ ওফ ত্রেভেলগী য়ুম্ফম ওইরক্লি। মমাংঙৈদা ওপরেৎ তৌবদা অমাংবা ওখিবা রেলৱেজ অসি হৌজিক খ্বাইদগী মরু ওইবা অহোংবা লাকপগী তাঙ্কক অদুদা লৈরি। মসিগী খুমাং চাউশিল্লকপা অসি মালেমগী ওইনা ১১শুবা খ্বাইদগী চাউবা ইকোনোমীদগী ৫শুবা খ্বাইদগী চাউবা ইকোনোমীদা ভারতনা ওনখৎলকপগী মহৈনি। চহি তরাগী মমাংদা, ঐখোয়না ১১শুবা মফমদা লৈরিঙৈদা রেলৱেজকীদমক পীবা চাংচৎকী বজেৎ অসি চাউরাক্না লুপা করোর লিশিং ৪৫ ওইরম্মি। ঙসি, খ্বাইদগী চাউবা ৫শুবা ইকোনোমিক পাৱর ওইরিবা, চহি অসিগী রেলৱেজকী বজেৎ অসি লুপা করোর লাখ ২.৫ হেনখ্রে। ঐখোয়না মালেমগী খ্বাইদগী চাউবা অহুমশুবা শেন্মিৎলোনগী মপাঙ্গল ওইরকপা মতমদা ঐখোয়না ফংগদবা মপাঙ্গল অদু খল্লু। মরম অদুনা, ভারতপু মালেমগী খ্বাইদগী চাউবা অহুমশুবা শেন্মিৎলোন ওইহন্নবা অথুবা মতমদা থবক পায়খৎনবা মোদীনা কন্না হোৎনরি।

অদুবু মরুপশিং,

খন্নগদবা অতোপ্পা মরুওইবা ৱাফম অমসু লৈরি। তুরেল অমসুং খোংশিংদা ঈশিং কয়া য়াম্না য়াওরবসু, করিগুম্বা এমবেঙ্কমেন্ত অসি কাইরবদি, লৌমীশিংগী লৌবুকশিংদা ঈশিং য়াম্না য়ৌরোই। চপ মান্ননা, বজেৎ অদুগী পাক চাউবদুগী মতাংদা খেন্নবা লৈতনা, করিগুম্বা ফত্তবা থবক অমসুং ফত্তবা থবকশিং অসি লেপ্তনা চত্থরবদি, বজেৎ অদুগী ময়েক শেংবা ইথিল অদু লমদম অদুদা উবা ফংলোই। হৌখিবা চহী তরা অসিদা, ঐখোয়না অচৌবা স্কেমশিং অমসুং সরকারগী শেনফমশিং লান্না শীজিন্নবা থিংখ্রে। মসিনা মরম ওইদুনা, অনৌবা রেলৱে লাইনশিং পাকথোক-চাউথোকহনবগী খোঙজেল অসি শরুক অনি হেনগৎলক্লি। ঙসিদি, ইন্দিয়ন রেলৱেজনা জম্মু অমসুং কাশ্মীরদগী অৱাং-নোংপোক্কী মফমশিংদা, মমাংদা ৱাখলনা লাম্বা ফংলমদবা মফমশিংদা য়ৌনবা হোৎনরি। কিলোমিতর ২৫০০ হেন্না শাংবা দিসাইদ তৌরবা ফ্রেত কোরিদোর অসি লোইশিনখিবা অসিনা প্রোজেক্তশিং অসি অচুম্বা মওংদা পায়খৎপগী খুদম অমনি। মসিনা তাক্লিবদি তেক্সপেয়রশিংগী শেলগী সিখি খুদিংমক, তিকেৎ রেভিন্যু য়াওনা রেলৱেজ পেসেঞ্জরশিংগী কান্ননবগীদমক শিজিন্নরি। ভারত সরকারনা ত্রেনগী তিকেৎ খুদিংদা চাউরাক্না চাদা ৫০গী দিসকাউন্ত পীরি।

মরুপশিং,

বেঙ্কতা থম্লিবা শেনফম অদুদা শেন্দোই ফংবগুম্না, ইনফ্রাস্ত্রকচরদা চাদিং তৌরিবা শেনফম খুদিংমক্না ইনকমগী অনৌবা সোর্স অমসুং থবক্কী খুদোংচাবশিং ফংহল্লি। অনৌবা রেলৱে লাইন অমা শাবনা শিন্মীদগী হৌরগা ইঞ্জিনীয়র ফাওবা তোঙান তোঙানবা মীওই কয়াদা থবক পীরি। মসিগা লোয়ননা সিমেন্ত, স্তীল, অমসুং ত্রান্সপোর্তনচিংবা এসিসিলরী ইন্দস্ত্রীশিংদা থবক ফংহন্নবগী ওইথোকপা লৈ। লুপা করোর লাখ কয়াগী অচৌবা শেনফম অসিনা থবক লিশিং কয়াগী গরেন্তী অমা ওইরি। স্তেসনশিং অসি হেন্না চাউবা অমসুং মোদর্ন ওইরকপগা লোয়ননা, ত্রেন অমসুং পেসেঞ্জর হেন্না য়াম্না চঙলকপনা, মনাক নকপদা লৈবা লম্বীদা পোৎ য়োনবশিংনা কান্নবা ফংগনি। ঐখোয়গী রেলৱেজনা অপীকপা লৌমীশিং, আর্তিসানশিং অমসুং বিশ্বকর্মাগী মরুপশিংগী পোত্থোকশিংবুসু প্রমোৎ তৌগনি। মসি লায়থোকহন্নবগীদমক, 'ৱান স্তেসন, ৱান প্রদক্ত’ স্কিমগী মখাদা স্তেসনশিংদা অখন্নবা দুকানশিং লিংখৎখ্রে, অমসুং মখোয়গী পোত্থোকশিং য়োনবদা মতেং পাংনবা দুকান লিশিং কয়া লিংখৎখ্রে।

মরুপশিং,

ভারতকী রেলৱেজনা পেসেঞ্জরশিংদা খুদোংচাবশিং পীবতা নত্তনা লৈবাক অসিগী লৌউ-শিংউ অমসুং ইন্দস্ত্রীগী খুমাং চাউশিনবগী মরুওইবা থৌদাং লৌরি। য়াম্না থুনা চৎপা ত্রেনশিংনা মতম কনবা ঙমহল্লি অমসুং দুধ, ঙা, অমসুং মহৈ-মরোংগুম্বা কৈথেলদা পুথোক-পুশিন তৌবা য়াবা পোৎলমশিং থুনা পুশিল্লি। মসিনা ইন্দস্ত্রীগী মমল হন্থহল্লি অমসুং 'মেক ইন ইন্দিয়া' অমসুং 'আত্মনির্ভর ভারত' কেম্পেনগুম্বা ইনিসিয়েতিবশিংবু মপাঙ্গল কনখৎহল্লি। ঙসিদি, ভারত অসি মালেমগী ওইনা শেল থাদনবগী খ্বাইদগী পাম্নবা মফম অমা ওইনা লৌনরি, মসিগী মরুওইবা মরমদি মসিগী মোদর্ন ইনফ্রাস্ত্রকচরনি। লাক্কদৌরিবা চহি মঙা অসিদা, স্তেসন লিশিং কয়া মোদর্নাইজ তৌদুনা অমসুং ইন্দিয়নরেলৱেজকী কেপাসিতী হেনগৎহন্দুনা, অতোপ্পা মরু ওইবা ইনভেস্তমেন্ত রিভোলুসন অমা পুরক্লগনি। অমুক্কা হন্না, ভারতকী রেলৱেজগী ত্রান্সফোর্মেসন কেম্পেনগীদমক ঐহাক্না য়াইফ-পাউজেল পীজরি। ঙসিগী থৌরম অসিদা ইকাই খুম্নরবা মুখ্য মন্ত্রীশিং অমসুং রাজ্যপালশিং য়াওনা মীওই লাখ কয়ানা শরুক য়াখিবা অসি ভারতকী কলচরেল লেন্দস্কেপতা মশক থোকপা মাইলস্তোন অমনি। ঐহাক্না থাজৈ মদুদি থৌরম অসি ফজনা শীন-লাঙবা থৌরম অমনি। ঙসিগী থৌরম অসিনা তুংগী খোঙথাংশিং অসিগীদমক অফবা খুদম অমা ওইগনি হায়না ঐনা থাজবা থম্লি। ঙসি ঐখোয়না উবা ফংলিবা অসিগুম্না, ঐখোয়না ঐখোয়গী মতম অসি হৈশিংনা শিজিন্নসি অমসুং দিবেলপমেন্ত অসি মায়কৈ পুম্নমক্তা খোংজেল য়াংশিনবা মখা চত্থসি। ময়াম পুম্নমক্তা য়াইফ-পাউজেল পীজরি। হন্না-হন্না থাগৎচরি!

খঙহঞ্জবা: মসি পি.এম.গী ৱারোলগী চাউরাকপা ৱাহন্থোকনি। তশেংবা ৱারোলদি হিন্দীদা পীখি।

***