বিহারগী চীফ মিনিষ্টর শ্রী নিতস কুমার, কেন্দ্রগী মন্ত্রীমন্দলগী ঐগী মরুপশিং, জুয়াল ওরাম, রজিব রঞ্জন, জয়ান্ত চৌধুরি, সুকান্ত মজুমদার, বিহারগী দিপুতি চীফ মনিষ্টর সমরাত চৌধুরি, বিজয় কুমার সিনহা; বিহার সরকারগী মিনিষ্টরশিং, সংসদকী ঐগী মরুপশিং, সঞ্জয় ঝা; অতোপ্পা মীয়ামগী মীহুৎশিং; অমসুং লৈবাক শীনবা থুংবগী আই.তি.আইশিংগী মহৈরোয়শিং অমসুং ওজাশিং; ইবেম্মাশিং অমসুং ইবুংঙোশিং।

চহি খরগী মমাঙদা, আই.তি.আই মহৈরোয়শিং পাক-শন্না কনভোকেসন পাংথোকপগী অনৌবা চৎনবী অমা ঐখোয়গী সরকারনা হৌদোক্লে। ঙসি ঐখোয়না চৎনবী অসিগী মখা চৎথরকপা অমা উবা ফংলে। ভারতকী মফম খুদিংমক্তগী লাকপা নহা ওইরিবা আই.তি.আইগী মরুপশিং ঐনা য়াইফ পাউজেল পীজরি।

মরুপশিং,

স্কিলশিংদা ভারতনা মরুওইনা লৌরিবা অদু ঙসিগী থৌরম অসিনা খুদম ওইরে। ঙসি, লৈবাক শীনবা থুংনা নহারোলশিংগীদমক ইজুকেসন অমসুং স্কিল দিবলপমেন্তগী মরুওইবা স্কিম অনি হৌদোক্লে।

মরুপশিং,

ঙসিগী কনভোকেসনগী নুঙগী পান্দমদি ঐখোয়না শিন্মীশিং, মখোয়গী স্কিলশিংগী থবক তৌরিবশিং ঐখোয়না ইকায়খুম্নবা উৎপনি। মসি ৱাখল্লোনশিং অহোংবা পুরক্নবা কেম্পেন অমনি। ঐখোয়না হায়রি “শ্রমেভা জয়াতে” অমসুং “শ্রমেভা পুজয়াতে”। লৈবাক অমা শেমগৎপদা স্কিলশিংনা মরুওইবা থৌদাং লৌরি। মরম অদুনা ঐনা ঙসি আই.তি.আইগী মরুপশিং থাগৎপা ফোঙদোকচরি। ঙসি মরুওইবা স্কিম অনি হৌদোক্লে। লুপা করোর ৬০,০০০ গী পি.এম সেতু স্কিমনা ঐখোয়গী আই.তি.আইশিং উদ্যোগশিংগা হকথেংননা শম্নহনগনি। ঙসি লৈবাক শীনবা থুংবগী নবোদয়া বিদ্যলয়শিং অমসুং এক্লব্য মোদোল স্কুলশিংদা স্কিল লেব ১,২০০ হেন্না হাংদোক্লে।

মরুপশিং,

থৌরম অসি অহানবা থৌরাং তৌবদা বিজ্ঞান ভবন্দা কনভোকেসন থৌরম অমা পাংথোকপা হায়না লেপ্নখি। অদুবু মসি অচৌবা থৌরম অমা ওইনা পাংথোক্নবা ৱাফম নিতিস কুমারনা পুখৎলকখি। ঙসিগী থৌরম অসিদগী বিহারগী নহারোলশিংগী তোঙান তোঙানবা স্কিমশিং অমসুং প্রোজেকশিং হৌদোক্লে। প্রোজেকশিংগী মনুংদা বিহারদা অনৌবা স্কিল ত্রেনিং য়ুনিভর্সিতি অমা লিংখৎপা, অতোপ্পা য়ুনিভর্সিতিশিংগী খুদোংচাবশিং পাকথোক-চাউথোকহনবা, অনৌবা য়ুথ কম্মিসন অমা শেম্বা অমসুং নহারোল লিশিং কয়াদা সরকারগী থবকশিংগী এপোইন্তমেন্ত লেত্তরশিং য়েন্থোকপা য়াওরি। হায়রিবা থবকশিং অসিনা বিহারগী নহারোলশিংগী অফবা তুংলমচৎ অমা শোইদনা ফংলগনি।

মরুপশিং,

নুমিৎ খরনিগী মমাঙদা, বিহারগী নুপীশিং থবক পীনবা অমসুং মশা-মরোমদোম লেপচনবা অচৌবা থৌরম অমা ঐ শরুক য়াখ্রে। থৌরম অদুদা নুপী লাখ কয়া শরুক য়াখি। ঙসিগী অচৌবা থৌরম অসিনা বিহারগী নহারোলশিংগী ফিবম ফগৎনবনি। বিহারগী নহারোলশিং অমসুং নুপীশিংগীদমক এন.দি.এ সরকারনা কয়া য়াম্না মরুওইনা লৌরিবগে হায়বা মসিনা তাক্লে।

মরুপশিং,

ভারত লৌশিং অমসুং খুৎ-শা হৈবগী লৈবাক অমনি। লৌশিং অসি ঐখোয়গী খ্বাইদগী কনবা পাঙ্গলনি অমসুং লৈবাক অসিগী দরকার ওইবশিংগা লৌশিং অমসুং খুৎ-শা হৈবগা শম্নরি, লৈবাক অসিগী দরকার ওইবশিং ফংনবা মখোয়গী শক্তি শরুক কয়া হেনগৎলে। ২১শুবা চহিচানা দরকার ওইরবা লমদম অসিগী স্কিল, লমদম অসিগী লন-থুম, লমদম অসিগী লৌশিং ঐখোয়না য়াংনা শেমগৎলে। মসিদা আই.তি.আই লিশিং কয়ানা মরুওইবা থৌদাং অমা লৌরি। ঙসিদি হায়রিবা আই.তি.আইশিং অসিনা ত্রেদ ১৭০ রোমদা ঐখোয়গী নহারোলশিং ত্রেনিং পীরি। হৌখিবা চহি ১১ দা, হায়রিবা ত্রেদশিং অসিদা নহারোল মিল্লিয়ন ১৫ রোম ত্রেনিং পীখ্রে, তোঙান তোঙানবা হিরমশিংদা মখোয়দা স্কিলশিং অমসুং তেক্নিকেলগী স্কিলশিং ফংহনখ্রে। খ্বাইদগী মরুওইবদি, হায়রিবা নহারোলশিং অসি মখোয়গী লোলশিংদা স্কিলশিং তম্বীখ্রে। চহি অসিদা, মহৈরোয় মিল্লিয়ন ১ হেন্না ওল ইন্দিয়া ত্রেদ তেষ্ট শরুক য়াখ্রে অমসুং মাইপাক্লবা মহৈরোয় ৪৫ হেন্না ইকায়খুম্নবা উৎপগী খুদোংচাবা অমা হন্দক ঐ ফংখ্রে।

মরুপশিং,

মনা ফংলবশিংগী মনুংদা ভারতকী খুঙ্গংশিং অমসুং কাচিন-কোয়াদগী লাকপা মশিং য়াম্লবা নহারোলশিং য়াওবদা ঐ হরাওই। মখোয় উবদা, মসি অপীকপা ভারত অমগুম্না ফাওই। মখোয়গী মরক্ত ঐখোয়গী ইচানুপীশিং অমসুং হকচাংগী ফিবমদা মীমান্নদ্রবা মরুপশিং য়াওরি, মখোয়না কন্না হোৎনবদগী মাইপাকপা অসি পুরকপা ঙমখিবনি।

মরুপশিং,

ঐখোয়গী আই.তি.আইশিং উদ্যোগকী মহৈ-মশিং তম্ববা অফবা মহৈলোয়শিং ওইবা খক নত্তনা, মখোয় ভাত্মনির্ভর ভারতকী ৱার্কশোপশিংসু ওইরি। মরম অদুনা, ঐখোয়গী পান্দমদি মখোয়গী মশিং হেনগৎহনবা অমসুং লেপ্তনা মখোয় ফগৎহনবনি। ২০১৪ গী মমাঙদা, লৈবাক অসিদা আই.তি.আই ১০,০০০ লৈরমখি, অদুবু হৌখিবা চহি ১০, অনৌবা আই.তি.আই ৫,০০০ লিংখৎলে। মসিনা তাক্লিবদি নিংতম্লবা মতুংদা ১০,০০০ অমসুং মোদীনা সরকার পায়রক্লবা মতুংদা ৫,০০০ হায়বনি। ঙসি উদ্যোগনা দরকার ওইরিবা স্কিলশিং অমসুং ঙসিগী চহি ১০ গী মতুংদা দরকার ওইগদবা স্কিলশিং মশক খঙদোক্নবা আই.তি.আইশিং শেম-শারে। মরম অদুনা, উদ্যোগ অমসুং আই.তি.আই পুন্না থবক তৌমিন্নবা হেনগৎহল্লে। ঙসি, মাইকৈ অসিদা ঐখোয়না অতোপ্পা অচৌবা খোঙথাং অমা থাংজিল্লে। ঙসি পি.এম সেতু য়োজনা হৌদোক্লে। লৈবাক শীনবা থুংবগী আই.তি.আই ১০০০ হেন্না মসিগী কান্নবা ফংলগনি। পি.এম সেতু য়োজনাগী মখাদা, হায়রিবা আই.তি.আইশিং অসি ফগৎহল্লগনি। আই.তি.আইশিং অসিদা অনৌবা মেছিনশিং, ত্রেনিংগী এক্সপার্তশিং লৈরগনি অমসুং হৌজিক অমসুং তুংগী দরকার ওইবশিংগী মতুংইন্না করিকুলমসু ফগৎহল্লগনি। পি.এম সেতু য়োজননা ভারতকী নহারোলশিং মালেম্না দরকার ওইরিবা স্কিলশিং ফংহল্লগনি।

মরুপশিং,

হন্দক লৈবাক কয়াগা য়ানচেল কয়া খুৎয়েক পীনখিবা অদু অদোম খঙলে, মখোয়গী পান্দমশিংদি ঐখোয়গী লৈবাক্কী নহারোলশিংগী স্কিল হেনগৎহনবনি। মালেমদা ঐখোয়গী নহারোলশিংগী অনৌবা খুদোংচাবা কয়া লৈরে।

মরুপশিং,

বিহারগী নহারোল লিশিং কয়া ঙসিগী থৌরম অসি শরুক য়ারি। চহি ২৫ রোমগী মমাঙদা বিহারদা লাইরিক-লাইশুগী ফিবম কয়া য়াম্না ফৎলমদবগে হায়বা মীরোল অসিনা মপুংফানা খঙলম্লোই। স্কুলশিং পুকচেল শেংনা হাংখিদে অমসুং থবক হাপখিদে। করিগীদমক মমা-মপাশিংনা মফম অসিদা লাইরিক তমহনবা পামদ্রিবনো? তঙাইফদবগী, বিহারগী অঙাং লাখ কয়া বারানসী, দিল্লি অমসুং মুম্বাইদা চৎখি। মসিদগী তশেংনা য়ুম হোংবা হৌরকখিবনি।

মরুপশিং,

মরাশিং তিল চারবা উ পাম্বী অমা ফংবা হায়বসি লাইবক থিবা অমনি। আর.জে.দিগী অরানবা লৈঙাক্না বিহার মরা তিল চারবা উ পাম্বী অমগী পাংখক ওইখি। লাইবক ফবদি, বিহারগী মীয়াম্না নিতিস কুমারদা থাজবা থমদুনা সরকার শেম্নবা থৌদাং শীন্নখি অমসুং কমদৌনা অপুনবা এন.দি.এ কাংবুনা অফবা সরকার পুরকখিগে হায়বা মীয়াম্না উরে। ঙসিদিগী থৌরম অসিদা ঐখোয়না অফবা সরকার অমগী শক্তম অমা উবা ফংলে।

মরুপশিং,

ঙসিগী কনভোকেসন অসিদা বিহারগী অনৌবা স্কিল য়ুনিভর্সিতি অমা ফংবদা ঐ হরাওই। নিতিস কুমারগী সরকারনা য়ুনিভর্সিতি অসি মীয়ামগী লুচিংবা ভারত রত্ন কাপুরি থাকুরগী মিং থোল্লে। কাপুরি থাকুর সোসিএল মেদিয়ানা মীয়ামগী লুচিংবা অমা ওইহনবা নত্তে, মহাক বিহারগী মীয়াম্না লুচিংবগী অমা ওইহনখিবনি অমসুং মহাক্কী পুন্সি মশক খঙলবা মতুংদা মখোয়না লুচিংবা ওইহনখিবনি। বিহারগী মীয়াম মিকুপ-নাহুম শিংনবা ঐনা হায়জরি। মীয়ামগী লুচিংবা ওইবগী মিংথোল অসি কাপুরি থাকুরগীনি। হৌজিক মীওই খরনা মীয়ামগী লুচিংবগী মিংথোল অসি হুরান্নবা হোৎনরি। মীয়াম্না ঐখোয়গী কাপুরি থাকুরদা পীরিবা ইকায়খুম্নবা অসি হুরানখিদনবা বিহারগী মীয়াম মিকুপ-নাহুম শিংনা লৈগদবনি। ভারত রত্ন কাপুরি থাকুর জিনা খুন্নাইগী থবক অমসুং লাইরিক-লাইশু তম্বা চাউখৎনবা মহাক্কী পুন্সি কৎথোকখি। খুন্নাইগী খ্বাইদগী তোল্লবা কাংলুপ ফাওবা চাউখৎনবা মহাক্না হোৎনখি। মহাক্কী মিংদা লিংখৎলিবা স্কিল য়ুনিভর্সিতি অসিনা মহাক্কী মঙলান মাঙলোমদা পুখৎনবা শক্তি লৈরবা পাম্বৈ অমা ওইরগনি।

মরুপশিং,

বিহারগী মহৈলোয়শঙশিং মতমগা চুনবা মওংদা শেমগৎনবা এন.দি.এগী দবল ইঞ্জিন সরকারনা লেপ্তনা হোৎনরি। আই.আই.তি পাতনাদা ইনফ্রাষ্ট্রকচর পাকথোক-চাউথোকপগী থবক পায়খৎলে। ঙদি বিহারগী মরুওইবা মহৈলোয়শঙ কয়া মতমগা চুনবা মওংদা শেমগৎপা হৌরে। এন.আই.তি পাতনাগী বিহতা কেম্পসসু মহৈরোয়শিংগীদমক হাংদোক্লে। পাতনা য়ুনিভর্সিতি, ভুপেন্দ্র মন্দল য়ুনিভর্সিতি, জয়প্রকাস য়ুনিভর্সিতি, চাপ্রা অমসুং নালান্দ ওপন য়ুনিভর্সিতিদা একাদেমিক ইনফ্রাষ্ট্রকচরগী উরেপ-উয়ুং তম্লে।

মরুপশিং,

অফবা মহৈলোয়শঙশিং লিংখৎপগা লোয়ননা, নিতিস কুমারগী সরকারনা বিহারগী নহারোলশিং লাইরিক তম্বদা চংবা শেনফমসু হন্থহল্লে। অৱাংবা থাক্কী মহৈ তম্বদা মহৈরোয়শিং ফি থিবগী অৱাবা লৈহন্দ্রে। ষ্টুদেন্ত ক্রেদিদ কার্দকী খুৎথাংদা অৱাংবা থাক্কী মহৈ তম্ববদা বিহার সরকারনা মহৈরোয়শিংগী মতাং পাংলে। হৌজিক অতোপ্পা মরুওইবা ৱারেপ অমা লৌরে। ক্রেদিদ কার্দ অসিগী খুৎথাংদা শেন্দোয় য়াওদনা ইজুকেসন লোন লৌবা য়ারে। মহৈরোয়শিংগী স্কোলারসিপ লুপা ১,৮০০ দগী লুপা ৩,৬০০ দা হেনগৎলে।

মরুপশিং,

ঙসিদি, ভারত মালেমদা নহারোল মশিং খ্বাইদগী য়াম্না লৈবা লৈবাক অমা ওইরে। নহারোল মশিং খ্বাইদগী য়াম্না লৈবা রাজ্যশিংগী মনুংদা বিহার য়াওরি। মরম অদুনা, বিহারগী নহারোলশিংগী খুদোংচাবা হেনগৎহনবদা মতমদা, মশা মথন্থ লৈবাক অসিগী মপাঙ্গল হেনগৎলক্কনি। বিহারগী নহারোলশিংগী তৌবা ঙম্বা হেনগৎনবা এন.দি.এ সরকারনা মপুংফানা থবক পায়খৎলি। আর.জে.দি-কংগ্রেস সরকারগা চাংদম্নবদা, বিহারগী ইজুকেসনগী বজেত শরুক কয়া হেনগৎলে। ঙসিগী বিহারগী খুঙ্গং খুদিংমক্ত স্কুল লৈরে। ইঞ্জিনিয়ারিং অমসুং মেদিকেল কোলেজ মশিংশু হেনগৎলে। হন্দক কেন্দ্র সরকারনা বিহারগী জিলা ১৯ গী কেন্দ্র বিদ্যলয়শিং অয়াবা পীখ্রে। মতম অমদা বিহারদা মালেম থাক্কী শান্নবগী ইনফ্রাষ্ট্রকচর লৈরমদে, ঙসিদি বিহারদা জাতি অমসুং মালেম থাক্কী শানবগী থৌরমশিং পাংথোক্লে।

মরুপশিং,

হৌখিবা চহি ২০ দা বিহার সরকারনা বিহারদা নহারোল লাখ ৫ দা থবক ফংহনখ্রে। হৌখিবা চহি খরদা, বিহারগী নহারোলশিংদা সরকারগী থবক লাখ ১ রোম ফংহনখ্রে। ইজুকেসন দিপার্তমেন্ত ওজা য়াম্না থবক হাপ্লে। হৌখিবা চহি খক্তদা বিহারদা ওজা ২৫০,০০০ হেন্না থবক হাপখ্রে।

মরুপশিং,

হৌজিক বিহার সরকারনা অনৌবা পান্দমশিংগা ফংনবা থবক পায়খৎলি। হৌখিবা চহি ২০ দা রাজ্য সরকারনা থবক কয়া ফংহনখ্রে অমসুং মথং চহি ৫ দা থবক ফংহনবা মশিং শরুক অনিদা হেনগৎহন্নবা নিতিস কুমারনা মহাক্কী ৱারোলদা ফোঙদোকখ্রে। হৌজিক বিহারগী নহারোলশিং বিহারদা থবক ফংলগনি, বিহারদা থবক শুরগনি।

মরুপশিং,

হৌজিক বিহারগী নহারোলশিংগী বোনস অনি ফংবা মতমনি। হৌজিক লৈবাক অসিদা জি.এস.তি সেভিংস ফেষ্টিবেল পাংথোক্লি। বাইকশিং অমসুং স্কুতরশিংদা জি.এস.তি হন্থবদা বিহারগী নহারোলশিং য়াম্না হরাওরে হায়বা ঐ খঙলে। লাক্লিবা ধান্তেরাসতা বাইকশিং লৈনবা নহারোল কয়া থৌরাং তৌখ্রে। মখোয়না দরকার ওইবা পোৎলমশিং জি.এস.তি হন্থবদা লৈবাক অসিগী অমসুং বিহারগী নহারোলশিংদা ঐনা হরাওবা ফোঙদোকচরি।

মরুপশিং,

স্কিলশিং হেনগৎলকপদা, লৈবাক অসি অত্মনির্ভর ওইরকই, মপান্দা থাদোকপা হেনগৎলকপদা, থবক ফংবগী খুদোংচাবশিংসু হেনগৎলকই। ২০১৪ গী মমাঙদা, ভারত নিংখায়রবা ইকোনোমি মঙাগী মনুংদা য়াওরমখি। মসিনা তাকপদি চাউখৎপা তপখি অমসুং থবক য়াম্না ফংখিদে হায়বনি। ঙসিদি ভারত মকোক থোঙবা ইকোনোমি অহুমগী মনুংচন্নবা মাইকৈদা চঙশিল্লি। মসিনা তাকপদি মেনফেকচরিং অমসুং থবক ফংবা হেনগৎলক্লি হায়বনি। মোবাইল ফোন, ইলেক্ত্রোনিক্স, ওতোমোবাইল অমসুং দিফেন্স সেক্তরশিংদা মমাঙদা অমুক্ত ওইখিদ্রিবা মওংদা মেনুফেকচরিং অমসুং মপান্দা থাদোকপা হেনগৎলে। ঐখোয়গী অচৌবা উদ্যোগশিং অমসুং এম.এস.এম.ইশিংনা মশিং য়াম্লবা থবকশিং ফংহল্লে। মসিনা আই.তি.আই তম্লকপা নহারোলশিং য়াওনা ঐখোয়গী নহারোল লাখ কয়া কান্নবা পীরে। মখোয়গী ললোন-ইতিক হৌবদা মুদ্রা স্কিমনা নহারোল লাখ কয়া মতেং পাংলে। হন্দক ভারত সরকারনা লুপা করোর লাখ ১ গী প্রধান মন্ত্রী বিকাস ভারত রোজগার য়োজনা হৌদোক্লে অমসুং মসিনা লৈবাক অসিদা প্রাইভে সেক্তরদা থবক ফংনবা নহারোল লাখ ৩৫ রোমদা মতেং পাংগনি।

মরুপশিং,

হৌজিক অসি লৈবাক অসিদা নহারোলশিং খুদোংচাবশিং মপুংফানা ফংবা মতমনি। থবক খুদিংমক্কী অতোপ্পা মহুৎশীনবা য়াবা অমা লৈরমগনি, অদুবু স্কিল, ইন্নোবেসন অমসুং থবক শুবা কনবগী মহুৎশীনবা ঙম্বা অমতা লৈতে। ভারতকী নহারোল খুদিংমক মসিগী গুন অসি চেল্লি। মসিগী নহারোলগী মপাঙ্গল অসি বিকসিত ভারত অমগী মপাঙ্গল ওইরক্কনি। থাজবা অসিগা লোয়ননা, আই.তি.আই লোয়রবা লৈবাক শীনবা থুংবগী নহারোলশিং ঐগা শরুক য়ারে অমসুং বিহার সরকারনা বিহারগী নহারোলশিংদা অনৌবা খুদোলশিং পীবদা ঐনা হরাওবা ফোঙদোকচরি। অদোম থাগৎপা ফোঙদোকচরি।

***