وزیر اعظم جناب نریندر مودی 20 ستمبر کو گجرات کا دورہ کریں گے ۔  وہ صبح تقریبا 10:30 بجے بھاؤ نگر میں 'سمندر سے سمردھی' تقریب میں شرکت کریں گے اور 34,200 کروڑ روپے سے زیادہ کے متعدد ترقیاتی منصوبوں کا افتتاح اور سنگ بنیاد رکھیں گے ۔  وہ اس موقع پر اجتماع سے خطاب بھی کریں گے ۔

اس کے بعد وزیر اعظم دھولیرا کا فضائی سروے کریں گے ۔  تقریبا 1:30 بجے ، وہ ایک جائزہ میٹنگ کی صدارت کریں گے اور لوتھل میں نیشنل میری ٹائم ہیریٹیج کمپلیکس کا بھی دورہ کریں گے ۔

سمندری شعبے کو ایک بڑے پیمانے پر  تقویت فراہم کرنے کی غرض سے  وزیر اعظم سمندری شعبے سے متعلق 7,870 کروڑ روپے سے زیادہ کے متعدد ترقیاتی منصوبوں کا افتتاح اور سنگ بنیاد رکھیں گے ۔  وہ اندرا ڈاک میں ممبئی انٹرنیشنل کروز ٹرمینل کا افتتاح کریں گے ۔  وہ کولکتہ کی شیاما پرساد مکھرجی بندرگاہ پر ایک نئے کنٹینر ٹرمینل اور اس سے وابستہ سہولیات کا سنگ بنیاد رکھیں گے ؛ ان میں پارادیپ بندرگاہ پر نیا کنٹینر برتھ ، کارگو ہینڈلنگ کی سہولیات  اور اس سے وابستہ ترقیات ؛ ٹونا ٹیکرا ملٹی کارگو ٹرمینل ؛ کامراجار بندرگاہ ، اینور میں آگ بجھانے کی سہولیات اور جدید سڑک رابطہ ؛ چنئی بندرگاہ پر سمندر سے متصل  دیواروں اور ریوٹمنٹس سمیت ساحلی تحفظ کے کام ؛ کار نکوبار جزیرے میں سمندری دیوار کی تعمیر ؛ دین دیال بندرگاہ ، کاندلا میں ایک کثیر مقصدی کارگو برتھ اور گرین بائیو میتھانول پلانٹ ؛ اور پٹنہ اور وارانسی میں جہاز کی مرمت کی سہولیات  وغیرہ شامل ہیں۔

مجموعی اور پائیدار ترقی کے لیے اپنے عزم کے مطابق ، وزیر اعظم مرکزی اور ریاستی حکومت کے متعدد پروجیکٹوں کا افتتاح اور سنگ بنیاد رکھیں گے ، جن کی مالیت 26,354 کروڑ روپے سے زیادہ ہے ، جو گجرات میں مختلف شعبوں کی ضرورتوں کو  پورا کریں گے ۔  وہ چھارا بندرگاہ پر ایچ پی ایل این جی ری گیسی فیکیشن ٹرمینل ، گجرات آئی او سی ایل ریفائنری میں ایکریلکس اور آکسو الکحل پروجیکٹ ، 600 میگاواٹ گرین شو انیشی ایٹو ، کسانوں کے لیے پی ایم-کسم 475 میگاواٹ کمپونینٹ سی شمسی فیڈر ، 45 میگاواٹ بادلی شمسی  پی وی پروجیکٹ ، دھورڈو گاؤں کی مکمل شمسی کاری کا افتتاح کریں گے ۔  وہ ایل این جی کے بنیادی ڈھانچے ، اضافی قابل تجدید توانائی کے منصوبوں ، ساحلی تحفظ کے کاموں ، شاہراہوں  اور صحت کی دیکھ بھال اور شہری نقل و حمل کے منصوبوں کا سنگ بنیاد رکھیں گے ، جن میں بھاؤنگر کے سر ٹی جنرل اسپتال ، جام نگر کے گرو گووند سنگھ سرکاری اسپتال  اور 70 کلومیٹر قومی شاہراہوں کو چار لین  والا بنانا شامل ہیں ۔

وزیر اعظم پائیدار صنعت کاری ، اسمارٹ انفراسٹرکچر اور عالمی سرمایہ کاری کے ارد گرد بنائے گئے گرین فیلڈ صنعتی شہر کے طور پر تصور کردہ دھولیرا خصوصی سرمایہ کاری علاقہ  (ڈی ایس آئی آر) کا فضائی سروے بھی کریں گے ۔  وہ لوتھل میں نیشنل میری ٹائم ہیریٹیج کمپلیکس (این ایچ ایم سی) جائیں گے  اور اس کی ترقی کا بھی جائزہ لیں گے اور جسے تقریبا 4500 کروڑ روپے کی لاگت سے تیار کیا جا رہا ہے ، تاکہ ہندوستان کی قدیم سمندری روایات کا جشن منایا جاسکے اور ان کا تحفظ کیا جاسکے تاکہ یہ سیاحت ، تحقیق ، تعلیم اور ہنر مندی کے فروغ کے مرکز کے طور پر کام کرے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ش ب۔ ق ر)

U. No.6309