प्रधानमन्त्री श्री नरेन्द्र मोदीले आज असमको दराङमा लगभग 6,500 करोड रुपियाँका विकास कार्यहरूको शिलान्यास र उद्घाटन गरेका छन्। यस अवसरमा उपस्थित जनसमूहलाई सम्बोधन गर्दै प्रधानमन्त्रीले असमको विकास यात्राको यस ऐतिहासिक दिनमा दराङका मानिल र असमका सबै नागरिकलाई हार्दिक बधाई तथा शुभकामना व्यक्त गरे।

प्रधानमन्त्रीले अपरेशन सिन्दूरको सफलतापछि हिजो पहिलो पटक असमको भ्रमण गरेको बताए। उनले अपरेशनको शानदार सफलताको श्रेय माता कामाख्याको आशीर्वादलाई दिए र उनको पवित्र भूमिमा पाइला राख्दा आध्यात्मिक सन्तुष्टिको गहिरो अनुभूति व्यक्त गरे। उनले असममा मनाइँदै गरेको जन्माष्टमीको अवसरमा पनि मानिसहरूलाई शुभकामना दिए। लाल किल्लाको प्राचीरबाट आफ्ना शब्दहरूलाई दोहोऱ्याउँदै श्री मोदीले भने अनुसार उनले भारतको सुरक्षा रणनीतिमा ‘सुदर्शन-चक्र’ को विचार प्रस्तुत गरेका थिए। श्री मोदीले मङ्गलदोईलाई एक यस्तो स्थानको रूपमा रेखाङ्कित गरे, जहाँ संस्कृति, ऐतिहासिक गौरव र भविष्यको आशाको सङ्गम हुन्छ। उनले उल्लेख गरे अनुसार यो क्षेत्र असमको पहिचानको एक केन्द्रीय प्रतीकको रूपमा उभिएको छ। प्रेरणा र वीरताले भरिएको यस धरतीमा, प्रधानमन्त्रीले भने कि आफूले मानिसहरूसँग भेट्ने र अन्तरक्रिया गर्ने अवसर पाउँदा भाग्यशाली महसुस गरे।

केही दिनअघि मात्र राष्ट्रले भारत रत्न तथा प्रख्यात स्वर कोकिला भूपेन हजारिकाको जन्मजयन्ती मनाएको स्मरण गर्दै श्री मोदीले हिजो उनको सम्मानमा आयोजित एक भव्य कार्यक्रममा भाग लिने अवसर पाएको बताए। उनले भने अनुसार असमका यस्ता महान् सपुतहरू र हाम्रा पुर्खाहरूले देखेका सपनाहरू अब केन्द्र र राज्यका सरकारहरूले पूर्ण इमानदारीका साथ पूरा गरिरहेका छन्।

प्रधानमन्त्रीले के कुरामा जोड दिए भने असमको सांस्कृतिक विरासतको संरक्षण र प्रवर्द्धन, साथै यसको तीव्र विकास, केन्द्र र राज्यका आफ्ना सरकारहरूको प्रमुख प्राथमिकता बनेको छ। उनले टिप्पणी गरे अनुसार  सरकार र असमका मानिसहरूको संयुक्त प्रयासबाट राज्यले अब राष्ट्रिय र वैश्विक स्तरमा उल्लेखनीय प्रभाव पारिरहेको छ।

“भारत वर्तमानमा विश्वमा सबैभन्दा छिटो विकास भइरहेको देश हो र असम देशको सबैभन्दा छिटो विकास भइरहेका राज्यहरू मध्ये एकको रूपमा देखा परेको छ”, प्रधानमन्त्रीले भने। उनले स्मरण गरे अनुसार एक समय थियो जब असम विकासमा पछाडि परेको थियो र देशको बाँकी भागसँग तालमेल मिलाउन सङ्घर्ष गरिरहेको थियो। यद्यपि, आज असम लगभग 13 प्रतिशतको विकास दरका साथ अगाडि बढिरहेको छ। श्री मोदीले यसलाई एक प्रमुख उपलब्धिको रूपमा वर्णन गरे तथा र यो सफलताको श्रेय असमका जनताको कडा परिश्रम र केन्द्र र राज्य सरकारहरूको संयुक्त प्रयासलाई दिए। उनले असमका जनताले यो साझेदारीलाई मजबुत बनाइरहेकोमा खुशी व्यक्त गरे। उनले उल्लेख गरे अनुसार यसैकारण मुख्यमन्त्री हिमन्त विश्व शर्मा र उनको टोलीले हरेक चुनाउमा लगातार भारी जनसमर्थन प्राप्त गरिरहेका छन्। प्रधानमन्त्रीले अघि बताए अनुसार हालैमा सम्पन्न भएका पञ्चायत चुनाउहरूमा पनि असमले ऐतिहासिक विजय हासिल गरेको छ र आफ्नो आशीर्वाद दिएको छ।

आफ्नो सरकारले असमलाई भारतको विकास इञ्जिन बनाउने दृष्टिकोणका साथ काम गरिरहेको कुरामा बल दिँदै प्रधानमन्त्रीले आजको कार्यक्रम यही प्रतिबद्धताको एक हिस्सा भएको टिप्पणी गरे। “केही समय अघि मात्र यसै मञ्चबाट लगभग 6,500 करोड रुपियाँ बराबरका विकास परियोजनाहरूको उद्घाटन गरिएको थियो”, उनले भने। श्री मोदीले आफ्ना केन्द्र र राज्य सरकारहरूले असमलाई सबैभन्दा जोडिएका राज्यहरू मध्ये एक र एक प्रमुख स्वास्थ्य सेवा केन्द्रको रूपमा विकास गरिरहेको कुरामा प्रकाश पारे। “यी परियोजनाहरूले हाम्रो सङ्कल्पलाई अझ बलियो बनाउनेछन्”, उनले थपे। श्री मोदीले दराङ मेडिकल कलेज तथा अस्पताल, राजमार्ग र रिङ रोडको लागि सबैलाई हार्दिक बधाई दिए।

प्रधानमन्त्रीले भने, “ विकसित भारत निर्माणको लागि पूरा देश एकजुट भएर अगाडि बढिरहेको छ; युवाहरूका लागि, विकसित भारत केवल एक सपना मात्र होइन तर एउटा सङ्कल्प पनि हो र यो राष्ट्रिय सङ्कल्प पूरा गर्न पूर्वोत्तरको महत्त्वपूर्ण भूमिका छ।” उनले औँल्याए अनुसार स्वतन्त्रतापछि प्रमुख शहरहरू, ठूला अर्थतन्त्रहरू र औद्योगिक केन्द्रहरू मुख्यतया पस्चिमी र दक्षिणी भारतमा विकसित भए, जबकि पूर्वी भारतमा एक विशाल क्षेत्र र जनसङ्ख्या विकासको दौडमा पछाडि रह्यो। श्री मोदीले भने अनुसार आफ्नो सरकारले अब यो स्थितिलाई बदल्नका लागि काम गरिरहेको छ। श्री मोदीले भने, “21औँ शताब्दीका पच्चीस वर्ष बितिसकेका छन् र यस शताब्दीको अघिल्लो चरण पूर्व र पूर्वोत्तरको हो।” उनले के कुरामा जोड़ दिए भने असम र पूर्वोत्तरको लागि भारतको विकासको गाथाको नेतृत्वको समय आएको छ।

“कुनै पनि क्षेत्रको तीव्र विकासको लागि तीव्र कनेक्टिभिटी आवश्यक हुन्छ, त्यसैले हाम्रो सरकारले पूर्वोत्तरमा कनेक्टिभिटी बढाउनमा बलियो ध्यान केन्द्रित गरेको छ”, श्री मोदीले भने। उनले सडक, रेल र हवाई बुनियादी ढाँचाको माध्यमद्वारा भौतिक कनेक्टिभिटीमा सुधारका साथ साथै 5 जी इन्टरनेट र ब्रडब्याण्डद्वारा डिजिटल कनेक्टिभिटीमाथि पनि जोड़ दिए। उनले भने अनुसार यी प्रगतिहरूले मानिसहरूलाई ठूलो सुविधा दिएका छन्, जीवनलाई सहज बनाएका छन् र व्यापार सञ्चालनलाई सुगम बनाएका छन्। प्रधानमन्त्रीले अघि भने अनुसार राम्रो कनेक्टिभिटीले यात्रालाई अझ सुलभ बनाएको छ, पर्यटनलाई बढ़ावा दिएको छ र यस क्षेत्रका युवाहरूका लागि नयाँ रोजगारी र जीविकोपार्जनका अवसरहरू सिर्जना गरेको छ।

राष्ट्रव्यापी कनेक्टिभिटी अभियानबाट असमले धेरै फाइदा उठाएको कुरामा जोड दिँदै श्री मोदीले एउटा विशेष उदाहरण उद्धृत गर्दै बताए अनुसार दिल्लीमा 6 दशकको विपक्षी शासन र असममा दशकौँको शासनको बावजुद, 60-65 वर्षमा ब्रह्मपुत्र नदीमा केवल तीन पुल निर्माण गरिएको थियो। उनले यसलाई आफ्नो सरकारको प्रदर्शनसँग तुलना गर्दै भने, “केवल एक दशकभित्र 6 वटा प्रमुख पुलहरू निर्माण भइसकेका छन्।” उनले कुरुआ-नारेङ्गी पुलको शिलान्यासको घोषणा गरे, जसले गुवाहाटी र दराङ बीचको यात्राको समयलाई केही मिनटमा सीमित गर्नेछ। प्रधानमन्त्रीले यो पुलले आम जनताको समय र पैसा दुवै बचत गर्ने, यातायातलाई अझ किफायती बनाउने, यात्रा समयलाई कम गर्ने र ट्राफिक जामलाई कम गर्ने कुरामा जोड दिए।

नयाँ रिङ रोडले जनताका लागि धेरै फाइदाजनक हुने बताउँदै प्रधानमन्त्रीले भने, “एक पटक यो काम पूरा भएपछि अप्पर असमतर्फ जाने सवारी साधनहरू अब शहरमा प्रवेश गर्न आवश्यक पर्दैन, जसले गर्दा शहरी ट्राफिक जाम कम हुनेछ।” उनले रिङ रोडले पाँच राष्ट्रिय राजमार्ग, दुई राज्य राजमार्ग, एउटा हवाई अड्डा तीन रेलवे स्टेशन र एउटा अन्तर्देशीय जल टर्मिनललाई जोड्ने कुरामा जोड दिए। यो असमको पहिलो निर्बाध मल्टी-मोडल कनेक्टिभिटी नेटवर्कको निर्माणको प्रतीक हुनेछ। श्री मोदीले पुष्टि गरे अनुसार यो आफ्ना केन्द्र र राज्य सरकारहरूद्वारा प्रदान गरिएको विकासको प्रकार हो।

सरकारले राष्ट्रलाई आजको आवश्यकताका लागि मात्र नभई आगामी 25 देखि 50 वर्षको आवश्यकताका लागि तयार गरिरहेको कुरामा जोड दिँदै प्रधानमन्त्रीले लाल किल्लाको प्राचीरबाट जीएसटीमा अघिल्लो पुस्ताको सुधारको बारेमा गरेको घोषणालाई स्मरण गरे अनि यी सुधारहरू अब कार्यान्वयन भइरहेको खुशीको खबर साझा गरे। उनले घोषणा गरे अनुसार आजबाट नौ दिनपछि नवरात्रिको अवसरमा जीएसटी दरहरूमा उल्लेखनीय कमी आउनेछ। श्री मोदीले यो कदमले असमको प्रत्येक घरलाई फाइदा पुऱ्याउने र धेरै दैनिक वस्तुहरू अझ किफायती बनाउनेछ भन्ने कुरामा जोड दिए। उनले जानकारी दिए अनुसार सिमेन्टमा कर घटाइएको छ, जसले घर बनाउनेहरूको लागत घटाउनेछ। क्यान्सर जस्ता गम्भीर रोगहरूको लागि महँगो औषधि सस्तो हुनेछ र बीमा प्रिमियम पनि कम हुनेछ। उनले थप बताए अनुसार नयाँ मोटरसाइकल वा कार किन्ने योजना बनाइरहेका मानिसहरूले अझ किफायती दाममा पाउनेछन्। प्रधानमन्त्रीले उल्लेख गरे अनुसार मोटर कम्पनीहरूले पहिले नै यी फाइदाहरूको विज्ञापन गर्न शुरु गरेका छन्। उनले जोड दिँदै भने अनुसार आमा, दिदीबहिनी, युवा, किसान र पसलेहरू - समाजका सबै वर्ग - ले यो निर्णयबाट लाभ उठाउनेछन्। उनले भने अनुसार यो सुधारले मानिसहरूका तिहारमा अझ उत्साह थप्नेछ।

चाडपर्वको मौसममा नागरिकहरूलाई एउटा महत्त्वपूर्ण सन्देश मनमा राख्न आग्रह गर्दै प्रधानमन्त्रीले स्वदेशी उत्पादहरू छनोट गर्नुपर्ने आवश्यकतामाथि जोड दिए। मानिसहरूले मेड इन इण्डियाका सामानहरू किन्नुपर्छ, मेड इन इण्डियाका उत्पादहरू उपहार दिनुपर्छ र पसलेहरूले पनि मेड इन इण्डियाका सामानहरू प्रवर्द्धन गर्न र बेच्नुपर्छ भन्ने कुरा सुनिश्चित गर्नुपर्छ भन्ने कुरामा उनले जोड दिए। उनले सबैलाई स्थानीय उत्पादको पक्षमा मुख हुन आह्वान गरे तथा यस दिशामा गरिएको हरेक प्रयासले राष्ट्रलाई मजबुत बनाउने कुरामा जोड दिए।

हालैका वर्षहरूमा स्वास्थ्य सेवा क्षेत्रमा उल्लेखनीय प्रगति भएको कुरालाई जोड दिँदै प्रधानमन्त्रीले पहिले अस्पतालहरू प्रमुख शहरहरूमा केन्द्रित थिए र त्यहाँ उपचार खोज्नु प्रायः महँगो हुन्थ्यो भन्ने कुरा उल्लेख गरे। यो समस्यालाई सम्बोधन गर्नका लागि सरकारले देशको हरेक कुनामा एम्स र मेडिकल कलेजहरूको सञ्जाल विस्तार गरेको छ। विशेष गरी असममा, समर्पित क्यान्सर अस्पतालहरू स्थापना गरिएका छन्। श्री मोदीले भने अनुसार पछिल्ला 11 वर्षमा भारतमा मेडिकल कलेजहरूको सङ्ख्या दोब्बर भएको छ - जुन स्वतन्त्रतापछिका 60-65 वर्षमा निर्माण गरिएको कुल सङ्ख्या बराबर छ। उनले औँल्याए अनुसार 2014 भन्दा पहिला असममा केवल 6 वटा मेडिकल कलेज थिए र दराङ मेडिकल कलेजको निर्माण पूरा भएपछि अहिले राज्यमा 24 वटा हुनेछन्। प्रधानमन्त्रीले मेडिकल कलेजहरूको स्थापनाले स्वास्थ्य सेवा पूर्वाधारमा सुधार गर्ने मात्र नभई युवाहरूलाई डाक्टर बन्ने थप अवसरहरू प्रदान गर्ने कुरामा जोड दिए। पहिले मेडिकल सीटको अभावका कारण धेरै इच्छुक डाक्टरहरूले आफ्नो करियर बनाउन सकेनन्। पछिल्ला 11 वर्षमा, देशमा मेडिकल सीटको सङ्ख्या दोब्बरभन्दा अधि भएको छ। प्रधानमन्त्रीले एक नयाँ लक्ष्यको पनि घोषणा गरे: आगामी चारदेखि पाँच वर्षमा सरकारले एक लाख नयाँ मेडिकल सीट थप्नेछ।

असमलाई देशभक्तहरूको भूमिको रूपमा वर्णन गर्दै विदेशी आक्रमणकारीहरूबाट राष्ट्रको रक्षा गर्न र स्वतन्त्रता सङ्ग्रामको क्रममा गरिएको बलिदानमा यसको महत्त्वपूर्ण भूमिकामाथि जोड दिँदै प्रधानमन्त्रीले पाथरुघाटको ऐतिहासिक किसान सत्याग्रहको सम्झना गरे अनि वर्तमान भेलासँग यसको निकटता र यसको स्थायी विरासतको उल्लेख गरे। शहीदहरूको यस पावन भूमिमा उभिएर श्री मोदीले विपक्षको एक अर्को कृत्यको पर्दाफास गर्नु आवश्यक भएको बताए। उनले आरोप लगाए अनुसार विपक्षीले आफ्नो राजनीतिक स्वार्थका लागि भारत विरोधी व्यक्ति र विचारधाराहरूसँग आफूलाई खड़ा गरेको छ। अपरेशन सिन्दूरलाई उल्लेख गर्दै उनले दाबी गरे अनुसार यस अभियानको समयमा पनि यस्ता प्रवृत्तिहरू स्पष्ट थिए। उनले टिप्पणी गरे अनुसार जब विपक्षी दल सत्तामा थियो, तब देश व्यापक आतङ्कवादबाट पीडित थियो जबकि विपक्षी दल मौन रह्यो। यसको विपरीत, उनले भने कि आज, वर्तमान सरकारको अधीनमा भारतीय सेनाले सिन्दूर जस्ता अपरेशनहरू चलाएर पाकिस्तानमा आतङ्ककारी मास्टरमाइण्डहरूलाई सफाया गरिरहेको छ। उनले भारतको सट्टा पाकिस्तानको सेनाको पक्षमा रहेको र आतङ्ककारीहरूलाई आश्रय दिनेहरूको एजेण्डालाई प्रवर्द्धन गरेकोमा विपक्षीको आलोचना गरे। उनले जोड दिँदै भने अनुसार पाकिस्तानको झूट विपक्षीको बयान बन्न पुगेको छ र जनतालाई विपक्षी दलहरू विरुद्ध सतर्क रहन आग्रह गरे।

प्रधानमन्त्रीले भने अनुसार विपक्षीहरूका लागि आफ्नो भोट ब्याङ्कको हितलाई राष्ट्रिय हितभन्दा सधैँ प्राथमिकतामा राखिएको छ। उनले आरोप लगाए अनुसार विपक्षी अब राष्ट्रविरोधी तत्त्व र घुसपैठहरूको प्रमुख संरक्षक बनेको छ। उनले दाबी गरे अनुसार सत्तामा रहँदा आफ्नो कार्यकालमा विपक्षीले सक्रिय रूपमा घुसपैठलाई प्रोत्साहन दिएको थियो र अहिले भारतमा घुसपैठ गर्नेहरूलाई स्थायी रूपमा बसोबास गर्ने कोशिश गरिरहेको छ। श्री मोदीले याद गराए कि मङ्गलदोईले एक पटक असमको पहिचानको रक्षा गर्न र अवैध घुसपैठको प्रतिरोध गर्न ठूलो आन्दोलन देखेको थियो। यद्यपि, उनले जोड दिए अनुसार अघिल्लो विपक्षी नेतृत्वको सरकारले यस प्रतिरोधको लागि जनतालाई दण्ड दियो र भूमिमा अवैध अतिक्रमणलाई अनुमति दिएर बदला लियो। उनले विपक्षीहरूले आस्थाका स्थलहरू अनि किसान र आदिवासी समुदायहरूको जमिनमा अतिक्रमणलाई बढ़ावा दिएको पनि आरोप लगाए।

प्रधानमन्त्रीले भने अनुसार उनीहरूको गठबन्धन सरकार गठन भएपछि यी स्थितिहरू उल्टा हुँदैछन्। उनले मुख्यमन्त्री हिमन्त विश्व शर्माको नेतृत्वमा असममा लाखौँ बिघा जमिन घुसपैठ गर्नेहरूबाट मुक्त गरिएको कुरामा प्रकाश पारे, जसमा दराङ जिल्लामा पनि उल्लेखनीय बरामदगी पनि सामेल छ। श्री मोदीले उल्लेख गरे अनुसार विपक्षीको शासनकालमा घुसपैठ गर्नेहरूको नियन्त्रणमा रहेको गोरुखुटी क्षेत्र अब पुनः प्राप्त गरिएको छ। पुनः प्राप्त गरिएको जमिन अब गोरुखुटी कृषि परियोजनाको घर हो, जहाँ स्थानीय युवाहरूले ‘कृषि सैनिक’ को रूपमा काम गरिरहेका छन् र तोरी, मकै, उडद, तिल र फर्सी जस्ता फसलहरूको खेती गरिरहेका छन्। प्रधानमन्त्रीले अघि बताए अनुसार पहिले घुसपैठीहरूले कब्जा गरेेको यो जमिन अहिले असममा कृषि विकासको एक नयाँ केन्द्र बनेको छ।

आफ्नो सरकारले घुसपैठीहरूलाई राष्ट्रको स्रोत र सम्पत्तिमाथि नियन्त्रण कब्जा गर्न अनुमति दिने छैन भन्ने कुरा पुष्टि गर्दै प्रधानमन्त्रीले भने कि भारतका किसान, युवा र आदिवासी समुदायको अधिकार कुनै पनि परिस्थितिमा सम्झौता गरिने छैन। उनले आमा, दिदीबहिनी र छोरीहरूमाथि घुसपैठीहरूले गरेको अत्याचारप्रति चिन्ता व्यक्त गर्दै त्यस्ता कार्यहरू सहन नसकिने घोषणा गरे। श्री मोदीले घुसपैठको माध्यमद्वारा सीमावर्ती क्षेत्रहरूको जनसाङ्ख्यिकीय संरचना परिवर्तन गर्ने निरन्तर षड्यन्त्रहरूको चेताउनी दिए, यसलाई राष्ट्रिय सुरक्षाको लागि गम्भीर खतराको रूपमा वर्णन गरे। यसको जवाबमा उनले एक राष्ट्रव्यापी जनसाङ्ख्यिकी मिशन शुरु गर्ने घोषणा गरे। उनले घुसपैठीहरूबाट देशलाई जोगाउने र भारतीय भूमिबाट तिनीहरूलाई पूर्ण रूपमा हटाउने आफ्नो प्रतिबद्धता दोहोऱ्याए।

असमको समृद्ध विरासतलाई संरक्षण र यसको विकासलाई तीव्र पार्ने सामूहिक जिम्मेवारीमा जोड दिँदै प्रधानमन्त्रीले यो हासिल गर्नका लागि समन्वित प्रयास आवश्यक रहेको बताए। उनले असम र पूर्वोत्तरलाई विकसित भारतको चालक शक्तिमा रूपान्तरण गर्ने दृष्टिकोण दोहोऱ्याउँदै आफ्नो भाषणको समापन गरे।

यस कार्यक्रममा असमका मुख्यमन्त्री श्री हिमन्त विश्व शर्मा, केन्द्रीय मन्त्री श्री सर्वानन्द सोनोवाल सहित अन्य विशिष्ट व्यक्तिहरू उपस्थित थिए।

पृष्ठभूमि

दराङमा प्रधानमन्त्रीले धेरै परियोजनाहरूको शिलान्यास गरे। यी परियोजनाहरूमा दराङ मेडिकल कलेज तथा अस्पताल, जीएनएम स्कूल र बीएससी नर्सिङ कलेज सामेल छन्, जसले यस क्षेत्रमा चिकित्सा शिक्षा र स्वास्थ्य सेवालाई मजबुत पार्नेछ; गुवाहाटी रिङ रोड परियोजना जसले शहरी गतिशीलतालाई बढाउनेछ, ट्राफिक जाम कम गर्नेछ र राजधानी शहर र यस वरपर कनेक्टिभिटीमा सुधार गर्नेछ अनि ब्रह्मपुत्र नदीमाथि कुरुवा-नारेङ्गी पुलले कनेक्टिभिटी सुधार गर्नेछ तथा क्षेत्रमा सामाजिक-आर्थिक विकासलाई बढ़ावा दिनेछ।

******

एमजेपीएस/एसआर