কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিৎ শাহনা কাররেগু‌ত্তালু চীংদোন্দা 'ওপরেসন ব্লেক ফোরেস্ত' মাইপাক্না পাংথোকখিবা সি.আর.পি.এফ., ছত্তিসগর পুলিস, দি.আর.জি. অমসুং কোব্রা জৱানশিংগা নই দিল্লীদা উনদুনা থাগৎপা ফোংদোকখ্রে। থৌরম অদুদা ছত্তিসগরগী মুখ্য মন্ত্রী, শ্রী বিষ্ণু দেব সাই অমসুং উপ মুখ্য মন্ত্রী শ্রী বিজয় শর্মাসু শরুক য়াখি।

কেন্দ্রগী গৃহ মন্ত্রী অমসুং কোওপরেসন মন্ত্রীনা কাররেগুত্তালু চীংদোন্দা পাংথোকখিবা 'ওপরেসন ব্লেক ফোরেস্ত'কী খ্বাইদগী চাউবা এন্তি-নাক্সলগী ওপরেসন অসিদা, থৌনা লৈরবা জৱানশিংনা থৌনা উৎখি অমসুং ওপরেসন অসি মায় পাকহনখি, সেক্যুরিতী ফোর্স পুম্নমক্কী জৱানশিংদা থম্মোয় শেংনা নুংঙাইবা ফোংদোকচরি। 'ওপরেসন ব্লেক ফোরেস্ত'কী মতমদা জৱানশিংগী থৌনা অমসুং লিংজেল অসি এন্তি-নাক্সলগী ওপরেশনশিংগী পুৱারীদা সনাগী পন্দুপ অমা ওইনা নীংশিংদুনা লৈহৌরগনি হায়না মহাক্না হায়খি।

শ্রী অমিত শাহনা হায়খি মদুদি মোদী সরকার অসিনা নক্সালাইত পুম্নমকপু সরেন্দর তৌহন্দ্রিবা ফাওবা নত্রগা ফাবা নৎত্রগা মুত্থৎত্রিফাউবা লেপ্লরোই। প্রধান মন্ত্রী, শ্রী নরেন্দ্র মোদীগী লুচিং মখাদা ঐখোয়না ভারতপু নক্সল-ফ্রী ওইহল্লগনি হায়না মহাক্না হায়খি।

কেন্দ্রগী মন্ত্রীনা হায়খি মদুদি মৈশা কয়া খাংদুনা, অৱাংবা মফমশিং অমসুং খোঙথাং খুদিংদা আই.ই.দি.গী খুদোংথীবা লৈরবসু, সেক্যুরিতী ফোর্সশিংনা ওপরেসন অসি য়াম্না থৌনা লৈনা মাই পাক্না পাংথোকখি অমসুং নক্সলাইতশিংগী বেজ কেম্প থুগাইখি। কাররেগুত্তালুগী চীংদোনদা শেমগৎখিবা নক্সলাইতশিংগী মেতরিএল দম্প অমসুং সপ্লাই চেন অসি ছত্তিসগর পুলিস, সি.আর.পি.এফ., দি.আর.জি. অমসুং কোব্রাগী জৱানশিংনা য়াম্না থৌনা লৈনা থুগাইখ্রে হায়না মআক্না হায়খি।

শ্রী অমিৎ শাহনা হায়খি মদুদি নক্সালাইতশিংনা লৈবাক অসিগী খ্বাইদগী হেন্না চাউখৎত্রিবা মফমশিংদা অৱাবা কয়া মায়োক্নহল্লে, অমাং-অতা কয়া থোকহল্লে। মখোয়না স্কুলশিং, হোস্পিতালশিং থিংখ্রে অমসুং সরকারগী স্কিমশিং মীয়ামদা য়ৌহন্দ্রে। মহাক্না হায়খি মদুদি নাক্সলগী মায়োক্তা চংশিল্লিবা থবকশিং অসিনা মরম ওইদুনা পশুপতিনাথতগী তিরুপাতি ফাওবগী লমদম অসিদা লৈরিবা মীওই কোতি ৬.৫গী পুন্সিদা অনৌবা পুন্সি অমা লাক্লে। শ্রী শাহনা হায়খি মদুদি মোদী সরকারনা নক্সলগী মায়োক্তা চত্থরিবা ওপরেসনশিংদা হকচাংগী অশোক-অপন নংলবা ফিভম শোক্লবা সেক্যুরিতী ফোর্সশিংগী পুন্সিবু হেন্না কোম্না হিংবা ঙম্না য়াম্না কন্না হোৎনরি। মোদী সরকারনা ২০২৬গী মার্চ ৩১ ফাওবদা লৈবাক অসি নক্সালিজম লৈতবা লমদম অমা ওইহন্নবা হোৎনরি হায়না মহাক্না হায়খি।

*****