مرکزی وزیر داخلہ اور امداد باہمی کے وزیر جناب امت شاہ نے نئی دہلی میں سی آر پی ایف ، چھتیس گڑھ پولیس ، ڈی آر جی اور کوبرا کے جوانوں سے ملاقات کی اور ان کی عزت افزائی کی ، جنہوں نے کریگٹالو پہاڑی پر ‘آپریشن بلیک فارسٹ’ کو کامیابی کے ساتھ انجام دیا ۔  اس موقع پر چھتیس گڑھ کے وزیر اعلی جناب وشنو دیو سائی اور نائب وزیر اعلی جناب وجے شرما بھی موجود تھے ۔

مرکزی وزیر داخلہ اور امداد باہمی کے وزیر نے کاریگٹالو پہاڑی پر اب تک کے سب سے بڑے نکسل مخالف آپریشن ‘آپریشن بلیک فارسٹ’ کو کامیاب بنانے میں بہادری کا مظاہرہ کرنے پر جوانوں کو مبارکباد دی ۔  انہوں نے کہا کہ ‘آپریشن بلیک فارسٹ’ کے دوران جوانوں کی دلیری اور بہادری کو انسداد نکسل کارروائیوں کی تاریخ میں ایک سنہرے باب کے طور پر یاد رکھا جائے گا ۔

جناب امت شاہ نے کہا کہ مودی حکومت اس وقت تک چین سے  نہیں  بیٹھے گی جب تک یا تو سبھی نکسل خودسپردگی کردیں یا وہ پکڑے جائیں یا ان کا خاتمہ ہوجائے ۔  انہوں نے کہا کہ وزیر اعظم جناب نریندر مودی کی قیادت میں ہم ہندوستان کو نکسل سے مبرا بنائیں گے ۔

مرکزی وزیر داخلہ نے کہا کہ گرمی ، اونچائی اور ہر قدم پر آئی ای ڈی کے خطرے کے باوجود سیکورٹی فورسز نے پورے جوش و خروش کے ساتھ آپریشن کو کامیاب بنایا اور نکسلیوں کے بیس کیمپ کو تباہ کر دیا ۔  انہوں نے کہا کہ کریگٹالو پہاڑی پر نکسلیوں کے سازوسامان کے ڈمپ اور سپلائی چین کو چھتیس گڑھ پولیس ، سی آر پی ایف ، ڈی آر جی اور کوبرا کے جوانوں نے بہادری سے تباہ کر دیا ۔

جناب امت شاہ نے کہا کہ نکسلیوں نے ملک کے سب سے کم ترقی یافتہ علاقوں کو بہت نقصان پہنچایا ہے ، اسکولوں ، اسپتالوں کو بند کر دیا ہے اور سرکاری اسکیموں کو لوگوں تک نہیں پہنچنے دیا ہے ۔  انہوں نے کہا کہ نکسل مخالف کارروائیوں کی وجہ سے پشوپتی ناتھ سے تروپتی تک کے علاقے میں 6.5 کروڑ لوگوں کی زندگیوں میں ایک نیا طلوع آفتاب ہوا ہے ۔  جناب شاہ نے کہا کہ مودی حکومت حفاظتی دستوں کی زندگیوں کو آسان بنانے کے لیے ہر ممکن کوشش کر رہی ہے ، جنہیں نکسل مخالف کارروائیوں میں شدید جسمانی چوٹیں آئی ہیں ۔  انہوں نے کہا کہ مودی حکومت 31 مارچ 2026 تک ملک کو نکسل ازم سے مبرا کرنے کے لیے پرعزم ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح – ا ع خ-ع ن)

U. No. 5597