ভারত অমসুং জপান, আইন্দা য়ুম্ফম ওইবা অথিংবা লৈতবা, শান্তি ওইবা, নুংঙাই-য়াইফবা অমসুং মনিংতম্বা ইন্দো-পেসিফিক লমদম অমগী মান্নবা পান্দমশিং লৈবা লৈবাক অনি ওইনা, অমনা অমদা রিছোর্সশিং, তেক্নোলোজিগী থবকশিং অমসুং চাংদম্নবশিং মতেং পাংনবা ইকোনোমি অনি, অমসুং মতম শাংনা মরুপ-মপাং ওইবগী মরী লৈরক্লবা লৈবাক অনি ওইনা, ঐখোয়গী লৈবাকশিংগী পান্দমশিং ফংনবা মতেং পাংনবা অমসুং হান্নদগী হেন্না ঐখোয়গী লৈবাকশিং অমসুং মীয়াম তুংদা অচেৎপা মরী থম্নবা, মথং চহি ১০ দা ঐখোয়গী লৈবাকশিং অমসুং মালেমদা অহোংবশিং অমসুং খুদোংচাবশিং পুন্না চৎমিন্ননবা ঐখোয়গী অপাম্বা ফোঙদোক্লি।

ভারত-জপান স্পিসিএল ষ্ট্রাতেজিক এন্দ গ্লোবেল পার্তনরশিপতা য়ুম্ফম ওইদুনা, মথং চহি ১০ গী পান্দমশিং অমসুং মখোয় থবক ওইনা পাংথোক্নবা মাইকৈদা থবকশিং পায়খৎপগা লোয়ননা ঐখোয়না ৱাফম নিপান থম্লে।

(I) তুংগী মীরোলগী শেন-থুমগী মরী

মালেমদা মরিশুবা অমসুং মঙাশুবা খ্বাইদগী চাউবা ইকোনোমিশিং ওইনা, ঐখোয়গী শেন-থুমগী কান্নবশিং অমনা অমদগী লৌনবা ঐখোয়না পান্দম থম্লি অমসুং ঐখোয়গী রিছোর্সশিং অমসুং কৈথেলশিংগী কান্নবা লৌবা হেনগৎহনগনি:

* ২০২২দগী ২০২৬ ফাওবদা জপান্দগী ইন্দিয়াদা সরকার অমসুং লনাইগী জপানিস য়েন ত্রিল্লিয়ন ৫ থাদনবা থবক পায়খৎলে অমসুং লনাই ওইনা জপানিস য়েন ত্রিল্লিয়ন ১০ থাদনবা অনৌবা পান্দম অমা থম্লে;

* ইন্দিয়া-জপান কমপ্রেহেন্সিপ ইকোনোমিক কোওপরেসন এগ্রিমেন্ত (সেপা) পায়খৎপা মখা তানা য়েংশিন্দুনা লৈবাক অনিগী ললোন-ইতিক অমসুং শেন থাদবগী থবকশিং ফগৎহনবা;

* জপানগী ফার্মশিংগীদমক অফবা মখলগী পোৎথোকশিং শীজিন্নদুনা ভারত্ত অফবা পোৎথোক পুথোকপদা মতেং পাংনবা ইন্দিয়া-জপান ইন্দষ্ট্রিয়েল কম্পতিতিপনেস পার্তনরশিপ (আই জে আই সি পি) গী খুৎথাংদা “মেক ইন ইন্দিয়া” গীদমক ইন্দিয়া-জপান উদ্যোগকী মতেং পাংনবা হেনগৎহনবা;

* ইন্দিয়া-জপান ফন্দগী মখাদা অনৌবা প্রোজেকশিং মশক খঙদোকপা, ভারতকী গিফ সিতিগী ইন্তরনেসনেল ফাইনান্সিএল সর্বিস সেন্তরদা জপানগী কোর্পোরেসনশিং য়োকখৎপা অমসুং জপান্দা ভারতকী ইন্দষ্ট্রি এসোসিএসনশিং, ত্রেদ অমসুং ইনভেষ্টমেন্ত প্রোমোসন এজেন্সিশিং শরুক য়াবা হেনগৎহনবা;

* করেন্সি ত্রান্সসেক্সনশিং য়াওনা, জপান অমসুং ভারতকী মরক্ত পেমেন্ত সিষ্টেমশিংদা পুন্না থবক তৌমিন্নবা হেনগৎহনবা;

* জপানগী এস.এম.ইশিং ভারত্ত চৎপা হেনগৎহন্দুনা, দাউনস্ত্রিম ইন্দষ্ট্রিশিং পাকথোক-চাউথোকহন্দুনা অমসুং ইন্দিয়া-জপান এস.এম.ই ফোরম অমা লিংখৎতুনা এস.এম.ইশিংগী মরক্ত পুন্না থবক তৌমিন্নবা য়োকখৎপা;

* ফুদ সেকুরিতি অমসুং লৌউ-শিংউগী ললোন-ইতিকশিং চাউখৎহনবা অমসং মোদেল ফার্মশিং উৎতুনা শেন থাদবা হেনগৎহনবা অমসুং ভারত অমসুং জপানগী ইন্সাং মথেলশিং থোংনবা মীওইশিং শেমগৎপা; অমসুং

* লনাই কাংবুগী ফার্মশিংগী মরক্ত আই.সি.তি অমসুং ললোন-ইতিক্কী খুদোংচাবশিং মশক খঙদোকপা।

গ্লোবেল সাউথকা শেন-থুমগী মরীশিং ফগৎনবা ঐখোয়গী লৈবাক অনি পুন্না থবক তৌমিন্নবা হেনগৎহন্নবা ঐখোয়না পান্দম থম্লি। মসিগীদমক, অফ্রিকাদা ইন্দিয়া-জপান কোওপরেসন ইনিসিয়েতিপ ফোর ষ্টেনেবল ইকোনোমিক দিবলপমেন্ত হৌদোকপদা ঐখোয়না তরাম্না ওক্লি। মসিগীদমক, ভারতকী ম্যুচুয়েল এন্দ হোলিষ্টিক এদভান্সমেন্ত ফোর সেকুরিতি এন্দ গ্রোথ এক্রোস রিজন্স (মহাসাগর) অমসুং জপানগী ইকোনোমিক রিজন ইনিসিয়েতিপ ওফ ইন্দিয়ান ওসিন-অফ্রিকাগী মখাদা, ঐখোয়না ভারত্ত লনাই ওইনা শেন থাদবা অমসুং ললোন-ইতিকশিং পুক্নিং থৌগৎকনি অমসুং সাউথ এসিয়া অমসুং অফ্রিকাদা অতোপ্পা লৈবাকশিংগা পুন্না ললোন-ইতিক্কী থবকশিং পায়খৎনবা মফম অমা ওইনা ভারত্ত জপানগী কম্পেনিশিং লৈবা হেনগৎহনগনি।

(II) তুংগী মীরোলগী শেন-থুমগী মরী

ঐখোয়গী লৈবাক অনিগী মরী অনৌবা থাকশিংদা পুখৎলকপগা লোয়ননা, মরুওইবা পোৎলমশিং অমসুং মচাকশিংগী সপ্লাই চেনশিং ফগৎহন্দুনা কৈথেল পাকথোক-চাউথোক্নবা অমসুং অৱাংবা থাক্কী তেক্নোলোজিশিংদা মপুংফানা মতেং পাংন্নবা ইন্দিয়া-জপান ইকোনোমিক সেকুরিতি ইনিসিয়েতিপ অমা হৌদোক্নবা ঐখোয়না পান্দম থম্লি:

* সেমিকন্দক্তরশিং, মরুওইবা মিনরেলশিং, হিদাক-লাংথকশিং অমসুং বাইওতেক্নোলোজি, তেলিকোম, ক্লিন ইনর্জি অমসুং অনৌবা তেক্নোলোজিশিংগী হিরমশিংদা প্রোজেকশিং মশক খঙদোকপা অমসুং থবক ওইনা পায়খৎপা;

* মথক্কী হিরমশিং অসিদা খ্বাইদগী ফবা থবকশিংগী থৌশিল, ইন্তিলিজেন্স অমসুং ই-পাউ শরুক য়ামিন্নবা;

* মিনরেল রিছোর্সশিং, ইন্দিয়া-জপান দিজিতেল পার্তনরশিপ ২.০, সেমিকন্দক্তর সপ্লাই চেন পার্তনরশিপতা মেমোরেন্দম ওফ কোওপরেসন অমসুং অতোপ্পা থবকশিংগী লমদা মেমোরেন্দম ওফ কোওপরেসনগী খুৎথাংদা সপ্লাই চেন অমসুং কৈথেলগী মতাংদা পুন্না থবক তৌমিন্নবা য়োকখৎপা;

* জেতরো, সি.আই.আই অমসুং জি.সি.সি.আই.আইনা ইকোনোমিক সেকুরিতি কোওপরেসনগী জোইন্ত এক্সন প্লান শৌগৎপা য়াওনা লনাই কাংবুনা লমজিংদুনা পুন্না থবক তৌমিন্নবা য়োকখৎপা;

* জোইন্ত এক্সন প্লান ফগৎনবা ললোন-ইতিক অমসুং তেক্নোলোজি য়াওনা ইন্দিয়া-জপান দাইলোগ ওন ইকোনোমিক সেকুরিতিগী মখাদা বিজিনেস পিল্লারশিং হৌদোকপা, ইকোনোমিক সেকুরিতিগী ইন্দিয়া-জপান প্রাইভেদ-সেক্তর দাইলোগ তরাম্না ওক্লি;

* লৈবাক অনিগী মরক্ত এ.আইগী মতেং পাংনবা হেনগৎনবা অমসুং অনৌবা অমসুং থাজবা য়াবা এ.আইগী ইকোসিষ্টেম অমা লৈহন্নবা জপান-ইন্দিয়া এ.আই কোওপরেতিপ ইনিসিয়েতিপ থবক ওইনা পায়খৎপা; অমসুং 

* অফবা বেত্তরিগী কৈথেল অমা লৈহন্নবা ইন্দিয়া-জপান বেত্তরি সপ্লাই চেনগী পুন্না থবক তৌমিন্নবা হেনগৎহনবা।

(III) তুংগী মীরোলগী চৎথোক-চৎশিনগী থবক

জপানগী অৱাংবা তেক্নোলোজিশিং অমসুং ভারতকী হৈথোই-শিংথোইবা শীজিন্নদুনা, ইনফ্রাষ্ট্রকচর, লোজিষ্টিক্স অমসুং মোবিলিতিগী মতেং পাংন্নবা ঙাক্লৌ অমা ওইনা ঐখোয়না নেক্স জেনেরেসন মোবিলিতি পার্তনরশিপ (এন জি এম পি) লিংখৎকনি। মসিগী মখাদা, ভারত্ত য়াম্না পাম্নবা মোবিলিতিগী হিরমশিংগী খুদোংচাদবশিং কোকহন্নবা অমসুং অনৌবা মীরোলগী মোবিলিতিগী থবকশিং চাউখৎনবা অমসুং মালেমগীদমক মেক ইন ইন্দিয়াগী পান্দম ফংনবা মরী লৈনবা উদ্যোগশিংগীদমক অপুনবা ওইনা পাম্বৈশিং শেমগৎনবা ঐখোয়না পান্দম থম্লি। দিজিতেল অমসুং স্মার্দ তেক্নোলোজিশিং শীজিন্নদুনা, তুংকোইনা চৎনবা য়াগদবা অমসুং মহৌশাগী অকোয়বা ফিবমদা অকায়বা পীদবা থবকশিং শীজিন্নদুনা, পুন্না থবক তৌমিন্নবা য়াবা হিরমশিং ঐখোয়না মশক খঙদোক্কনি, অদুবু মখাগী খুদমশিং অসি খক্ত নত্তে:

* মেক ইন ইন্দিয়াগী অনৌবা রোল্লিং ষ্টোক, শিঙ্গনেল অমসুং ওপরেসন কন্ত্রোল্লিং সিষ্টেমশিং, য়ুহা হাবা ঙাকথোকপা ঙম্বা, এ.আইদা য়ুম্ফম ওইদুনা য়েংশিনবা, রেলৱে সেক্তরদা ইনর্জিগী অওনবা পুরকপা, অৱাংবা থাক্কী মেত্রো রেল সিষ্টেমশিং, মাস রেপিদ ত্রান্সিত সিষ্টেমশিং য়াওনা হায়-স্পিৎ রেল সিষ্টেমশিং;

* ষ্টেসনগী মফমশিং শেমগৎপা, সর্বিস প্লেতফোমশিং মোবিলিতি ওইহনবা, সহর মনুংগী লম্বীশিং অমসুং চৎথোক-চৎশিন, পর্সোনেল রেপিদ ত্রান্সিৎগুম্বা ওতোমেতেদ অর্বান ত্রান্সপোর্তেসন সিষ্টেমশিংগী খুৎথাংদা শেমগৎ শাগৎপা;

* লম্বী চিনবা অমসুং নুংশিৎ মোৎপা ফহন্নবা অৱাংবা থাক্কী নমুনাগী খুৎথাংদা স্মার্দ সিতিশিং অমসুং কার্বোন থাদোক্তবা সহরশিং থৌরাং তৌগদবনি;

* মোবিলিতিগী লমদা অশোই-অঙাম থোকহন্দনবা পান্দমদা সোফৱায়ার দিফাইন ভেহিকলনা লমজিংদুনা তেক্নোলোজিশিংগী খুৎথাংদা মোবিলিতিগী লমদা দেতা শীজিন্নবা;

* গারিশিং অমসুং এয়রক্রাফ, জহাজশিং শাবা, মহৌশাগী অকোয়বা ফিবমদা শোকহন্দবা থাউ শীজিন্নবা অমসুং ত্রান্সপোর্ত ইনফ্রাষ্ট্রকচর ফগৎহনবা;

* চীঞ্জাক অমসুং হিদাক-লাংথকশিং পুনবা কোল্দ-চেন লোজিষ্টিক্স সর্বিসশিং; অমসুং

* সহর শেমগৎপা, দিজাষ্টর সিমুলেসন অমসুং খুদোংথিবা থৌদোক অমদা মী কন্নবা থৌরাংগী শেম্নবা ৩-দি সিতি মোদেলশিং শীজিন্নবা।

মথক্কী পোৎথোকশিং অসি ভারত্ত শানবা অমসুং মালেমগী কৈথেলশিংদা য়োন্নবা ভারত অমসুং জপানগী কম্পেনিশিংগী মরক্ত থবক তৌমিন্নবা ঐখোয়না য়োকখৎকনি। দিজাইন, ওপরেসনশিং অমসুং মোবিলিতিগী থবকশিং য়েংশিন্নবা হৈথোই-শিংথোইবা মীওইশিং শেমগৎনবা তেক্নিকেল ত্রেনিং অমসুং হুমেন রিছোর্স একচেঞ্জগী খুৎথাংদা ঐখোয়না ভারত্ত কেপাসিতি বিল্দিং মরুওইনা লৌগনি।

মসিগী লোয়ননা, অৱাবা মায়োক্নবা ঙম্বা ইনফ্রাষ্ট্রকচর শেমগৎতুনা অমসুং সেন্দাই ফ্রেমৱার্ক ফোর দিজাষ্টর রিক্স রিদক্সনগুম্বা মালেমগী থবকশিংদা মতেং পাংনবা হেনগৎহন্দুনা অমাং-অতা থোকপা হন্থহন্নবা ঐখোয়না পান্দম থম্লি।

(IV) তুংগী মীরোলগী ইকোলোজিকেল লিগেসিশিং

ঐখোয়গী তুংগী মীরোলশিংগীদমক ষ্টেনেবল দিবলপমেন্ত গোলশিং য়োকখৎতুনা অমসুং নোংজু-নুংশা চুশিন্নবা, ইনর্জিগী অওনবা পুরকপা, অমোৎপা হন্থহনবা অমসুং নেত-জিরো গোলশিংদা অমনা অমগী মতেং পাংনদুনা “মালেম অমা, তুংলমচৎ অমা” গী ঐখোয়গী পান্দম ফংনবা ঐখোয়না পান্দম থম্লি:

মিসন লাইফকী খুৎথাংদা ইনর্জি সেকুরিতি, কার্বোন য়াম্না থাদোক্তনা শেন-থুম চাউখৎহনবা অমসুং তুংকোইনা চৎনবা য়াবা পুন্সি মহিশিং লৈহনবা;

* তোঙান তোঙানবা লম্বীশিং অসিদা নেত-জিরো ইকোনোমি ফংনবা লৈবাক অমমমগী জাতিগী ফিবমশিং মমি তারে;

* ইন্দিয়া-জপান ইনর্জি দাইলোগকী খুৎথাংদা ইন্দিয়া-জপান ক্লিন ইনর্জি পার্তনরশিপগী মখাদা ইনর্জিগী পুন্না থবক তৌমিন্নবা মপাঙ্গল কনখৎহনবা;

* অমোৎপদগী ইনর্জি পুথোক্নবা তেক্নোলোজিশিং, অমোৎপা খন্দোকপা অমসুং রিসাইকল তৌনবা পাম্বৈশিংদা পুন্না থবক তৌমিন্নদুনা সর্কুলার ইকোনোমি অমা য়োকখৎপা;

* তুংকোইনা চৎনবা য়াবা লৌউ-শিংউগী থবকশিং য়োকখৎপা, পোৎথোক হেনগৎনবা নোংজু-নুংশা মায়োক্নবা ঙম্বা তেক্নোলোজিশিং ফগৎহনবা, সমুদ্র অমসুং সমুদ্র মপানগী ইকোসিষ্টেমশিং ঙাক-শেনবা, উমং শেন্নবা অমসুং লম্লক্কী শা-উচেক অমসুং পাম্বীশিং ঙাক-শেনবা, এগ্রোফোরেষ্ট্রি য়োকখৎপা অমসুং ৱা শীজিন্নবা;

* জোইন্ত ক্রেদিতিং মেকানিজম (জে সি এম), ইনিসিয়েতিপ ওফ ক্লিন ইনর্জি মোবিলিতি এন্দ ইনফ্রা ফোর নেক্স-জেনেরেসন (আই সি ই এম এ এন), গ্রিন হায়দ্রোজেন ভেলু চেন অমসুং মৈখু থাদোকপা হোৎনবা সেতেল্লাইত তেক্নোলোজি শীজিন্নবা অসিগুম্বা থবকশিংগী খুৎথাংদা ক্লিন ইনর্জি অমসুং মৈখু থাদোকপা অমসুং পোল্লুন হন্থহন্নবা মতেং পাংনবা; অমসুং

* লিদরশিপ গ্রুপ ফোর ইন্দষ্ট্রি ত্রান্সিসন (লিদআইতি) গ্রুপগুম্বা মালেমগী মালেমগী মহৌশাগী অকোয়বগী ফিবমগী লুপশিংগী থবকশিং ফগৎহনবা।

(V) অনৌবা তেক্নোলোজি অমসুং ইন্নোবেসনগী পুন্না থবক তৌমিন্নবা

মখাগী থবকশিং অসিগী খুৎথাংদা অনৌবা তেক্নোলোজিশিংনা শেন তানবগী থবকশিং য়াংশিন্নবা সাইন্সশিং অমসুং হিরম কয়াদা পুন্না থবক তৌমিন্নদুনা থিজিনবগী থবক চাউখৎনবা লৈবাক অমনা অমগী সাইন্তিফিক অমসুং তেক্নোলোজিগী তৌবা ঙম্বশিং, মহৈলোয়শঙশিং অমসুং মেনপৱারগী খুদোংচাবা লৌনবা ঐখোয়না পান্দম থম্লি:

* কেক, সুকুবা, ক্বান্তম তেক্নোলোজিশিং অমসুং অনৌবা রিছার্স তুলশিংগীদমক অৱাংবা থাক্কী কম্পুতিংগী খুৎথাংদা মরুওইবা রিছার্সকী লমদা পুন্না থবক তৌমিন্নবা;

* জপান্না হৌদোকখিবা জপান-ইন্দিয়া ষ্টার্দঅপ সপোর্ত ইনিসিয়েতিপ(জে আই এস এস আই)গী খুৎথাংদা ওপন-ইন্নোবেসন, খুন্নাইগী অৱাবশিং কোকহনবা, অৱাংবা তেক্নোলোজি, দেতা শীজিন্নবা, ইনকুবেসন অমসুং ফাইনান্সকী লমদা ষ্টার্দঅপ পুন্না থবক তৌমিন্নবা অমসুং লৈবাক অনিমক্ত মখোয়গী ললোন-ইতিকশিং চাউখৎনবা ইন্নোবেসনগী থবকশিং অমসুং থবক তৌরিবা ষ্টার্দঅপশিং শম্নবা;

* “ইন্দিয়া-জপান ফন্দ ফোর ফন্দস”গী খুৎথাংদা এ.আইগী হিরম য়াওনা ষ্টার্দঅপ কম্পেনিশিংগী ফন্দশিং ফংহনবা;

* ইন্দিয়া-জপান আই.সি.তি কোওপরেসন ফ্রেমৱার্কগী মখাদা জোইন্ত ৱার্কিং গ্রুপা অমগী খুৎথাংদা আই.সি.তি পুন্না থবক তৌমিন্নবা য়োকখৎপা;

* লুনার পোলার এক্সপ্লোরেসন (লুপেক্স) মিসনগী খুৎথাং য়াওনা স্পেস তেক্নোলোজিশিংদা পুন্না থবক তৌমিন্নবা হেনগৎহল্লে অমসুং স্পেস সেক্তরদা লনাই শেন তান্নবা লৈরিবা কাংবু অমসুং ষ্টার্দঅপশিং শম্নহল্লে;

* আই.তি.ই.আর অমসুং অপীকপা রিয়েক্তরশিংদা অপুনবা ওইনা থিজিনবা য়াওনা ফিজন অমসুং ফ্যুজন তেক্নোলোজিগী ৱারি শানবা; অমসুং

* জি-২০ ন্যু দিল্লি দিক্লারেসন অমসুং এদভান্সিং ইন্নোবেসন্স ফোর ইম্পৱারিং নেক্স জেনেরসন এগ্রিকলচর (এ আই-ইনগেজ)গী পান্দমগা লোয়ননা মিল্লেতশিং য়াওনা চীঞ্জাক্কী তেক্নোলোজি অমসুং লৌউ-শিংউগী সাইন্সশিংদা পুন্না থিজিনমিন্নবা।

(VI) হকশেলগী অনৌবা হিরমদা শেন থাদবা

অপুনবা ওইনা ক্লিনিকেল অমসুং মেদিকেল রিছার্সগী লমদা থবক তৌমিন্নবা, লাইচৎশিং থেংনবা অমসুং অনৌবা হকশেলগী থবকশিং য়োকখৎতুনা মীওই খুদিংমক হকশেলগী থবকশিংনা কোনশিন্নবা হকশেল অমসুং ঐখোয়গী মীয়াম য়াইফনবা শেন থাদনবা ঐখোয়না পান্দম থম্লি, মসিনা মখাগী থবকশিং অসিগী খুৎথাংদা মমল হোংবা পুন্সি কন্নবা হিদাকশিং অমসুং মহৌশাগী লায়য়েং অমসুং অতোপ্পা মেদিসিন ফংহনবা ঙমগনি:

* ভারতকী অয়ুস্মান ভারত অমসুং জপানগী এসিয়া হেল্থ এন্দ ৱেলভিং ইনিসিয়েতিপগী মরক্ত পুন্না থবক তৌমিন্না ফগৎহনবা;

অপুনবা কম্মিতিগী মীফমশিং চাংনাইনা পাংথোক্তুনা মখা তানা পুন্না থবক তৌমিন্নগদবা হিরমশিং মশক খঙদোকপা;

* জেনেরিক মেদিসিন, ষ্টেম সেল থেরাপী, রিজেনেরেতিপ মেদিসিন, জিন থেরাপী, সিন্থেতিক বাইওলোজি, দিজিতেল হেল্থ অমসুং ওতোমেতেদ দাইগ্নোস্তিক্কী নৌনা থোক্লকপা হিরমশিংদা পুন্না থিজিনমিন্নবা; 

* মীওই খুদিংমক হকশেলগী খুদোংচাবা ফংবা হেনগৎহন্নবা “য়ু.ঐচ.সি নোলেজ হব”গা লোয়ননা থবক তৌমিন্নবা;

* মেদিকেল ইন্সতিতুসনশিংগী মরক্ত হেন্না পুন্না থবক তৌমিন্নদুনা মেদিকেলগী শীনফমদা লৈরিবা মীওইশিং চৎথোক-চৎশিন তৌবা হেনগৎহনবা অমসুং মেদিকেলগী শীনফমদা লৈরিবশিংগী ফেল্লোসিপ অমা হৌদোকপা;

* ঐখোয়গী লৈবাক অনি অসিদা মরুওইবা হিদাকশিং, এ.পি.আইশিং অমসুং মেদিকেলগী খুৎলায়শিং ফংহনবা অমসুং মেদিকেল ইনফ্রাষ্ট্রকচর ফগৎহনবা;

* ভারতকী অয়ুস মিনিষ্ট্রিগী মতেংগা লোয়ননা জপান্দা য়োগ, ধ্যান তৌবা, অয়ুর্বেদা অমসুং ৱেলনেস য়োকখৎনবা সেন্তরস ফোর এক্সলেন্সশিং লিংখৎপা।

(VII) মীগা-মীগা লৈনবা অনৌবা মরীশিং

লৈবাক অনিগী মরক্ত লৈনরিবা পুৱারিগী মরীশিং অমসুং নাৎকী মরীশিং খঙলদুনা, মখা তানা মীগা-মীগা লৈনবা মরীশিং ফগৎনবা ঐখোয়না পান্দম থম্লি:

* মথং চহি ৫ দা, ভারত্তগী জপান্দা হৈথোই-শিংথোইরবা মীওই ৫০,০০০ য়াওনা মাইকৈ অনিমক্ত মীওই ৫০০,০০০ হেন্না চৎথোক-চৎশিন তৌনবা পান্দমশিংগা লোয়ননা ইন্দিয়া-জপান হুমেন রিছোর্স একচেঞ্জ এন্দ কোওপরেসনঘী এক্সন প্লান অমা হৌদোকপা;

* জপান-ইন্দিয়া ইন্সতিতুৎ ফোর মেনুফেকচরিং (জিম) অমসুং জপানিস ইন্দো কোর্সেস (জে ই সি)গী মাইপাকপশিংদা য়ুম্ফম ওইদুনা ইন্দিয়া-নিপ্পোন প্রোগ্রাম ফোর এপ্লাইদ কম্পেতেন্সি ত্রেনিং (ইনপেক্ত) গুম্বা থবকশিংগী মখাদা জপানদা ভারতমচাশিং ত্রেনিং পীবা অমসুং ভারত্ত কোর্সশিং অমসুং ভোকেসনেল ত্রেনিং প্রোগ্রামশিং হেনগৎহনবা;

* মেতি, জপানগী ইন্দিয়া-জপান তেলেন্ত ব্রিজ (আই জে তি বি) গী মখাদা লৈবাক অনিগী মরক্ত হৈশিংবা মীওইশিং চৎথোক-চৎশিন তৌবা ফগৎনবা অখন্নবা ৱেবসাইত অমগী খুৎথাংদা থবক ফংনবা থৌরমশিং, ইনতর্নশিপ থৌরমশিং, থবক সর্ভে তৌবা অমসুং ই-পাউ ফংহনবা হৌদোকপা;

* সকুরা সাইন্স একচেঞ্জ প্রোগ্রাম, লোতস প্রোগ্রাম, হোপ মীফমশিং অমসুং মেক্স, জপানগী ইন্তর-য়ুনিভর্সিতি একচেঞ্জ প্রোজেক্কী খুৎথাংদা থিজিল্লোয়শিং অমসুং মহৈরোয়শিং চৎথোক-চৎশিন তৌবা ফগৎহনবা অমসুং ইদু-পোর্ত জপানগী থবকশিংগী খুৎথাংদা লাইরিক-লাইশুগী লমদা থবক তৌমিন্নবদা মতেং পাংবা;

* ই-মাইক্রেত পোর্তে অমসুং ভারত্ত গ্লোবেল কেপাবিলিতি সেন্তরশিংগী খুৎথাংদা লুপশিং অমসুং থবক শুফমশিং পুন্না থবক তৌমিন্নবা হেনগৎহনবা;

* অমনা অমগী নাৎকী পুক্কৈশিং উৎতুনা লৈবাক অনিমক্কী লমকোয়বা মীওইশিং চৎথোক-চৎশিন হেনগৎহনবা;

* অখন্নবা জপান লোলগী ত্রেনিং পীদুনা লোয়ননা অফবা করিকুলম অমসুং মচাকশিং শেম-শাবদা মতেং পাংদুনা জপান লোলগী ওজাশিংগী ত্রেনিংগী খুদোংচাবশিং হেনগৎহনবা।

* ভারত্ত নিহোঙ্গো পার্তনরস প্রোগ্রাম (মতম শাংবা) হৌদোক্লে, মসিগী খুৎথাংদা, লমদম অমগী জপান লোলগী ওজাশিং অমসুং মহৈরোয়শিং মতেং পাংনবা সেকেন্দরি স্কুলশিংদা জপানগী মীওইশিং থারে।

(VIII) অনৌবা ষ্টেৎ-প্রিফেকচর পার্তনরশিপ

ভারত-জপান মরীগী পান্দমশিং ফংনবা মখোয়গী থৌনাশিং শীজিন্নবা ঙম্নবা চুনবা মফমশিং শেমগৎনবা ঐখোয়না পান্দম থম্লি, মথক্কী থবকশিং অসি পাংথোক্নবা ভারতকী রাজ্যশিং অমসুং জপানগী প্রিফেকচরশিংনা লৌরিবা মরুওইবা থৌদাং ফোঙদোক্লি;

* অনৌবা সিষ্টর-সিতি অমসুং ষ্টেৎ-প্রিফেকচর পার্তনরশি য়োকখৎপা;

* ভারত অমসুং জপানগী সহরশিংগী মরক্ত দাইরেক্ত ফ্লাইত হেন্না লৈহনবা;

* ইন্দিয়া-কন্সাই বিজিনেস ফোরমগী খুৎথাংদা অপীকপা অমসুং ময়াই ওইবা ইন্তরপ্রাইজশিং য়াওনা ললোন-ইতিক্কী থবকশিং ফগৎহনবা অমসুং ভারত অমসুং য়ুসুগী মরক্ত মান্নবা থবকশিং মশক খঙদোকপা;

* ভারত অমসুং জপানগী মনুংদা লমদমশিংদা লৈরিবা খুদোংচাবশিংগী মতাংদা ই-পাউ হেন্না পীনবা অমসুং রাজ্যশিং অমসুং প্রিফেকচরশিংগী মরক্ত খ্বাইদগী ফবা থবকশিং শরুক য়ামিন্নবা;

* ভারতকী এক্সতর্নেল এফেয়ার্স মিনিষ্ট্রি অমসুং জপানগী ফোরেন এফেয়ার্স মিনিষ্ট্রিনা শীন্দুনা ষ্টেৎ-প্রিফেকচর থাক্কী মীহুৎ কাংবু চহি অমদা অহুমলক চৎনবগী থবক পায়খৎপা;

মথক্কী থবক নিপান অসিগী খুৎথাংদা, ঐখোয় মরী লৈনরকপা চহি ৮০ অসিদা ভারত-জপানগী মরী অওনবা অমা পুরক্কনি হায়না ঐখোয়না থাজবা থম্লি অমসুং মসিনা ঐখোয়গী তুংগী মীরোলশিংদা পুন্না থবক তৌমিন্নবগী কান্নবা কয়া ফংহনগনি।

চহিগী মীফম ২০২৫ শরুক য়ানবা জপানগী প্রধান মন্ত্রী ইসিবা সিগেরুনা চেপাউ পীবদগী, ভারতকী প্রধান মন্ত্রী নরেন্দ্র মোদীগী, ওগষ্ট ৩৯-ওগষ্ট ৩০, ২০২৫, তোকিও খোঙচৎ মনুংদা, লাক্লিবা চহি ১০গীদমক ঐখোয়গী পান্দমশিং মমি তারবা, দোকুমেন্ত অসি ঐখোয়না চৎনরে।

***