কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা নুমিৎ নিনিগী ভাইব্রান্ত ভিলেজ প্রোগ্রাম (ভি.ভি.পি.) ৱার্কশোপকী হৌদোকপগী মীফমদা অথোইবা মীথুংলেন ওইনা ৱা ঙাংখ্রে। ৱার্কশোপ অসি মিনিস্ত্রী ওফ হোম এফিয়র্স (এম.ঐচ.এ.) গী বোর্দর মেনেজমেন্ত দিভিজন, ন্যু দিল্লীনা শীন-লাংদুনা পাংথোক্লি। থৌরম অদুদা কেন্দ্রগী গৃহ মন্ত্রী শ্রী অমিত শাহনা ভাইব্রান্ত ভিলেজ প্রোগ্রামগী লোগোসু হৌদোকখি। ভি.ভি.পি.গী অহানবা অমসুং অনিশুবা ফেজদা হোমগী কেন্দ্রগী রাজ্য মন্ত্রী, শ্রী বন্দি সঞ্জয় কুমার, হোম সেক্রেতরী, দিরেক্তর ওফ ইন্তেলিজেন্স ব্যুরো (আই.বি.), বোর্দর মেনেজমেন্ত সেক্রেতরী, ঙমখৈগী রাজ্যশিংগী চীফ সেক্রেতরীশিং য়াওখি, ঙমখৈ ঙাক-শেনবগীদমক্তা থবক তৌরিবা সেক্যুরিতী ফোর্সশিংগী দিরেক্তর জেনরেলশিং, অমসুং মরী লৈনবা জিলাশিংগী দিস্ত্রিক্ত মেজিস্ত্রেৎশিং, অমসুং অতৈ মকোক থোংবা মীওই কয়ানা শরুক য়াখি।

মহাক্কী ৱারোলদা কেন্দ্রগী গৃহ মন্ত্রী শ্রী অমিত শাহনা হায়খি মদুদি ভাইব্রেন্ত ভিলেজ প্রোগ্রাম অসি মরুওইবা পোইন্ত অহুমদা য়ুম্ফম ওইরি: ঙমখৈগী খুঙ্গংশিংদগী মাইগ্রেসন থিংবা, ঙমখৈগী খুঙ্গংশিংগী নাগরিক খুদিংমক্না কেন্দ্র অমসুং রাজ্য সরকারগী স্কিমশিংগী কান্নবা চাদা ১০০ ফংহনবা অমসুং ভি.ভি.পিগী মখাদা খুঙহগংশীংবধ বোর্দর অমসুং নেস্নেল সেক্যুরিতী মপাঙ্গল কনখৎহন্নবা শক্তি লৈবা খুৎলাই অমা ওইহনবনি। মহাক্না হায়খি মদুদি প্রধান মন্ত্রী শ্রী নরেন্দ্র মোদীনা ভাইব্রেন্ত ভিলেজ প্রোগ্রামগী ৱাখল্লোন পুথোকখিবা মতমদা, মসিবু তাঙ্কক নাইনা পায়খৎনবা ৱারেপ লৌখি। ঙমখৈগী খুঙ্গং খুদিংমক খুদোংচাবশিং ফংহনবতা নত্তনা, ঙমখৈগী খুঙ্গংশিং অসিদা লৈরিবা নাগরিক খুদিংমক্না মফম অদুদা লৈরিবা মীওইশিংগী পুন্সি মহিং ফগৎহন্নবা ভারত সরকার অমসুং রাজ্য সরকারশিংগী স্কিমশিং ফংহনগনি। মসিগী মথক্তা, খুঙ্গংশিং অসি লৈবাক অমসুং মাগী ঙমখৈগী সেক্যুরিতীগীদমক মপাঙ্গল কনবা খুৎলাই ওইনা শেমগৎকনি। মহাক্না মখা তারদুনা হায়খি মদুদি প্রধান মন্ত্রী শ্রী নরেন্দ্র মোদীনা লৈবাক অসিগী অরোইবা খুঙ্গংবু অহানবা খুঙ্গংনি হায়না মশক তাকপগা লোয়ননা ঙমখৈগী খুঙ্গংশিংদা ঐখোয়না য়েংলম্বা মীৎয়েং হোংহনখ্রে।

শ্রী অমিত শাহনা হায়খি মদুদি ভাইব্রান্ত ভিলেজ প্রোগ্রামগী মখাদা ঙল্লিঙৈদা মশক খঙদোক্লবা খুঙ্গংশিং অসি চহি খরগী মনুংদা ঐখোয়গী লৈবাক অমসুং মসিগী ঙমখৈগী ঙাকশেলদা য়াম্না মরু ওইবা খুৎলাই অমা ওইগনি। মহাক্না হায়খি মদুদি প্রোগ্রাম অসিগী খুত্থাংদা ইনফ্রাস্ত্রকচর দিবেলপমেন্ত প্রমোৎ তৌনবা, কলচর ঙাকশেনবা অমসুং হেনগৎহন্নবা, তুরিজমগী খুত্থাংদা থবক ফংহন্নবা অমসুং খুঙ্গংগী পুন্সিবু মখল খুদিংমক্কী ওইনা মল্তি-দাইমেন্সনেল অমসুং মল্তি-সেক্তরেল দিবেলপমেন্তকী ভিজন অমগা লোয়ননা হিংবা ওইহন্নবা হোৎনরি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি রাজ্য সরকারশিংগী চীফ সেক্রেতরীশিং, ভি.ভি.পি.দা য়াওরিবা খুঙ্গংশিংগী দিস্ত্রিক্ত কলেক্তরশিং, অমসুং সেন্ত্রেল আর্মদ  পুলিস ফোর্সেস (সি.এ.পি.এফ.) পুম্নমক্না ভি.ভি.পি. খক্তদা মীৎয়েং থম্বা থাদোক্তুনা মসিগী পান্দমশিং ফংনবগীদমক প্রোগ্রাম অসিগী মথক্তা করি অহেনবা খোংথাং লৌখৎপা য়াবগে হায়বদু য়েংশিনবা মথৌ তাই। ভি.ভি.পি.গী পান্দমশিং অসি মপুং ফাহন্নবগীদমক, ভারত সরকারগী দিপার্তমেন্ত পুম্নমক অমসুং রাজ্য সরকারশিংনা ঙমখৈগী খুঙ্গংশিং অসি তশেংনা মরু ওইবা সেক্যুরিতীগী খুৎলাইশিংদা ওন্থোক্নবা পুন্না থবক তৌমিন্নবা মথৌ তাই হায়না মহাক্না অকনবা ৱাফম থমখি।

শ্রী অমিত শাহনা হায়খি মদুদি ভাইব্রান্ত ভিলেজ প্রোগ্রামগী মঙলান অসি মংফাওনহন্নবগীদমক, সরকারগী স্কিমশিংদা চাদা ১০০গী সেচুরেসন ফংহনবা, তুরিজমগীদমক তঙাই ফদবা পব্লিক ফেসিলিতীশিং প্রমোৎ তৌবা, অমসুং কোওপরেতিব ইন্সতিত্যুসনশিংবু থবক ফংহন্নবা পুক্নিং থৌগৎপা মথৌ তাই। মহাক্না হায়খি মদুদি করিগুম্বা হোমস্তেগুম্বা খোংথাংশিং অসি ঙমখৈদা লৈবা খুঙ্গংশিংদা য়ৌহল্লবদি অমসুং রাজ্যগী তুরিজম দিপার্তমেন্তশিংনা বুকিংগীদমক চুনবা থৌরাংশিং পায়খৎলবদি, ঙমখৈদা লৈবা খুঙ্গংশিং অসিদা লৈরিবা ইমুং খুদিংমক্তা থবক ফংলগনি। রাজ্যশিংগী খুঙ্গং চাউখৎ-থৌরাংগী দিপার্তমেন্তশিংনা খুঙ্গংশিং অসিগী চাউথোকচবা হেনগৎহন্নবা থবক পায়খৎকদবনি হায়না শ্রী শাহনা অকনবা ৱাফম থমখি। মসিগী থবক অসিদা দিস্ত্রিক্ত কলেক্তরশিংনা মরুওইবা থৌদাং লৌরি। মহাক্না হায়খি মদুদি খুঙ্গংশিংদা খুদোংচাবশিং অমসুং থবক ফংহন্নবগী খুদোংচাবশিং লৈরবদি, মফম অদুগী মীওইশিংনা মফম অমদগী অতোপ্পা মফমদা চৎপা পাম্লরোই। গৃহ মন্ত্রীনা মখা তারদুনা হায়খি মদুদি নহা ওইরিবা দিস্ত্রিক্ত কল্লেক্তরশিংনা জিওগ্রাফিক কন্দিসনশিং অসি শীংননীংঙাই ওইরবসু, নাগরিকশিংনা মখোয়গী খুঙ্গংশিং থাদোক্তনবা, মাইগ্রেসন থিংনবা অমসুং খুঙ্গংগী মীশিং হেনগৎহন্নবা হোৎনগদবনি।

কেন্দ্রগী গৃহ মন্ত্রীনা হায়খি মদুদি অরুনাচল প্রদেশতা ভাইব্রেন্ত ভিলেজ প্রোগ্রাম পায়খৎলবা মতুংদা, ঙমখৈগী খুঙ্গং কয়াদা মীশিং হেনগৎলক্লি। মসি ঐখোয়গী লৈবাক অসিগী ঙমখৈদা লৈবা খুঙ্গং পুম্নমক্কীদমক্তা খুঙ্গংশিং অসিদা মাইগ্রেসনগী রিভর্স ত্রেন্দ অসি অচুম্বা মাইকৈদা চংশিল্লি হায়বগী অফবা পাউজেল অমনি।

গৃহ মন্ত্রী শ্রী অমিত শাহনা হায়খি মদুদি নীংতম্বা নুমিৎকী থৌরমদা প্রধান মন্ত্রী শ্রী নরেন্দ্র মোদীনা লাল কিলাগী লানবনদগী দেমোগ্রাফিক্কী অহোংবশিং অসি নুংনাংনিংঙাই ওইবা ৱাফম অমনি হায়না ফোংদোকখি। মহাক্না হায়খি মদুদি ভাইব্রেন্ত ভিলেজ প্রোগ্রামদা য়াওরিবা জিলাশিংগী কল্লেক্তরশিংনা মসিগী ৱাফম অসি য়াম্না মরুওইনা অমসুং কুপ্না মীৎয়েং চংদুনা য়েংশিনবা মথৌ তাই। ঙমখৈগী মফমশিংদা লৈরক্লিবা দেমোগ্রাফিক্কী অহোংবশিংনা লৈবাক অমসুং মসিগী ঙমখৈগী সেক্যুরিতীদা হকথেংননা অকায়বা পীরি। গৃহ মন্ত্রীনা হায়খি মদুদি মসি জিওগ্রাফীকেল কন্দিসনশিংগী মতুং ইন্না থোক্লিবনি হায়না লৌরোইদবনি। মসিগী মহুত্তা, মসি ৱাখলনা খল্লবা দিজাইন অমগী শরুক অমা ওইনা থোক্লি। মহাক্না মখা তাখি মদুদি রাজ্যশিংগী চীফ সেক্রেতরীশিং অমসুং সি.এ.পি.এফ.শিংনসু ইসু অসিদা পুক্নিং চংবা মথৌ তাই।

শ্রী অমিত শাহনা হায়খি মদুদি সরকারগী স্কিমশিংগী ১০০% সেচুরেসন ফংনবগীদমক, দিস্ত্রিক্ত কল্লেক্তরশিংনা সেন্ত্রেল আর্মদ পুলিস ফোর্সেস (সি.এ.পি.এফ.) গা কোওর্দিনেৎ তৌবা য়াগদ্রা হায়না খন্নগদবনি। মহাক্না হায়খি মদুদি সি.এ.পি.এফ.শিংনা হকশেল, শান্ন-খোৎনবা অমসুং মহৈ-মশিং তম্বগী লমদা মতেং পাংবা ঙম্মি। শ্রী শাহনা হায়খি মদুদি অরুনাচল প্রদেশতা, আই.তি.বি.পি.না নুংতিগী দরকার ওইবা পোৎলমশিং হায়বদি শঙ্গোম, মনা-মশিং, য়েরুম অমসুং চেং-হৱায়শিং ভাইব্রেন্ত ভিলেজশিংদগী ফংবা ঙম্লে। মহাক্না ঙমখৈগী খুঙ্গং খুদিংদা মসিগী এক্সপরিমেন্ত অসি লমদমসিদা পায়খৎপগী তঙাইফদবা অদুদা অকনবা ৱাফম থমখি। শ্রী শাহনা হায়খি মদুদি ঙমখৈশিংদা থুংলিবা লান্মীশিংনা গৃহ মন্ত্রালয় অমসুং ঙাকশেল মন্ত্রালয়গা খুৎশম্নদুনা ভাইব্রেন্ত ভিলেজশিংদা থবক পীবগী থৌদাং লৌগদবনি।

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা হায়খি মদুদি সেন্ত্রেল আর্মদ পুলিস ফোর্সেস (সি.এ.পি.এফ.) অমসুং দিস্ত্রিক্ত কল্লেক্তরশিংনা সি.এ.পি.এফ. অমসুং লান্মীগী দুধকী মথৌ তাবশিং খুঙ্গংশিংদগী হকথেংননা ফংহন্নবা দাইরী কোওপরেতিবশিং লিংখৎপা অসি মখোয়গী থৌদাংনি। মসিনা থবক ফংহনবদা মতেং পাংগনি। শ্রী শাহনা হায়খি মদুদি মসিগী এক্সপরিমেন্ত অসি ইফেক্তিব মোদেল অমা ওইনা শেমগৎকদবনি অমসুং গৃহ মন্ত্রালয়, সি.এ.পি.এফ. পুম্নমক, ঙাকশেল মন্ত্রালয়গী খুত্থাংদা আর্মী, অমসুং দিস্ত্রিক্ত কল্লেক্তরশিংনা থৌদাং লৌদুনা ভাইব্রেন্ত ভিলেজ খুদিংদা ইমপ্লিমেন্ত তৌগদবনি। মহাক্না মখা তাখি মদুদি থবক ফংহনবনা মশা মথন্তা মাইগ্রেসন হন্থহল্লগনি।

শ্রী অমিত শাহনা হায়খি মদুদি ঙমখৈগী খুঙ্গংশিংদা তেলিকম্ম্যুনিকেসন, লম্বীগী কন্নেক্তিবিতী, এজুকেসন, হেল্থকেয়র অমসুং থক্নবা ঈশিংগী খুদোংচাবশিং লৈগদবনি। মহাক্না অকনবা ৱাফম থমখি মদুদি ভাইব্রেন্ত ভিলেজ প্রোগ্রাম (ভি.ভি.পি.) অসি সরকারগী প্রোগ্রাম অমা খক্তমক ওইদুনা লৈরোইদবনি অদুবু মসি এদমিনিস্ত্রেসনগী স্পিরিৎ ওইগদবনি। থৌরাং অসিগী পান্দম অসি এদমিনিস্ত্রেতিব ইথোসতা য়াওরবা মতম খক্তদা ফংবা ঙমগনি হায়না গৃহ মন্ত্রীনা হায়খি। ভি.ভি.পি.গী মখাদা, এম.জি.এন.আর.ই.জি.এ.গী মখাদা অনৌবা পন্দশিং শেম্বা, কন্না হোৎন্দুনা উ পাম্বী থাবগী থবকশিং অমসুং পর্মিনেন্ত ইনফ্রাস্ত্রকচর শেম্বা অসিগুম্বা ওইথোকপা য়াবা থৌওংশিংসু খন্ননবা মহাক্না ফোংদোকখি।

কেন্দ্রগী গৃহ মন্ত্রীনা হায়খি মদুদি ভাইব্রেন্ত ভিলেজ প্রোগ্রাম-১দা, প্রোগ্রাম অদুখক্তদা হোৎনরিবশিং অদু অকক্নবা ওইখি, অদুবু ভাইব্রেন্ত ভিলেজ প্রোগ্রাম-২দা, এদমিনিস্ত্রেতিব এপ্রোচ অদু হোংদোকপগী তঙাইফদবা লৈ। মহাক্না ঙমখৈগী জিলাশিংগী কল্লেক্তরশিংদা অসিগুম্বা ‌এনক্রোচমেন্ত অসি থিংনবা হায়খি মসি ৱাখলনা খল্লবা থৌওং অমগী শরুক অমনি হায়না ফোংদোক্লদুনা আইন্না য়াদবা এনক্রোচমেন্ত থিংনবা মতিক চাবা থবক লৌখৎনবা তকশিনখি। মহাক্না অকনবা ৱাফম থমখি মদুদি ঙমখৈদগী কিলোমীতর ৩০গী রেদিয়স মনুংদা আইনগী ৱাংমদা লৈবা মফম পুম্নমক লৌথোক্কদবনি। শ্রী শাহনা হায়খি মদুদি গুজরাতনা মসিগী মতাংদা থাগৎনিংঙাই ওইবা থবক অমা পাংথোকখ্রে। মসিনা সমুদ্রগী অমসুং কংফালগী ঙমখৈ অনিমক্তা লৈরিবা এনক্রোচমেন্ত কয়ামরুম তকথোকখ্রে।

***