ঙসি প্রধান মন্ত্রী শ্রী নরেন্দ্র মোদীনা দিল্লিগী রোহিনিদা লুপা করোর ১১,০০০ রোমগী মরুওইবা নেসনেল হায়ৱে প্রোজেক অনি শঙ্গাখ্রে। থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি মফম অসি য়াম্না মরুওই, এক্সপ্রেসৱে অসিগী মমিংনা “দ্বারকা” হায়বনি অমসুং থৌরম অসি “রোহিনি” দা পাংথোক্লি। হৌজিক জন্মাষ্টামী কুহ্মৈগী হরাওবা মতমনি অমসুং মহাক মশামক দ্বারকাধিসকী লমদমদগী লাকপনি। ফিবম অসি ভগবান কৃষ্ণগী ইথিলনা পীক থল্লে। ওগষ্ট থা অসিদা নিংতম্বা অমসুং য়াওল ইহৌগী মচুশিংনা থল্লে। অজাদি কা অমৃত মহোৎসবকী থৌরম মরক্ত, ঙসি লৈবাক অসিগী কোনুংদা চাউখৎপগী অওনবা অমা উবা ফংলে। ঙসি, দ্বারকা এক্সপ্রেসৱেগী খুৎথাংদা দিল্লিগী চৎথোক-চৎশিন ফগৎলগনি অমসুং অর্বান এক্সতেন্সন রোদনা দিল্লি, গুরুগ্রাম অমসুং অপুনবা এন.সি.আর লমদমগী মীয়াম খুদোংচাবা হেন্না ফংলগনি। ওফিসশিং অমসুং ফেক্তরশিংদা লাকপদা হেন্না লাইরগনি, মীওই খুদিংমক মতম চঙলরোই। লম্বী অসিগী কান্নবা ললোনবশিং, ওন্ত্রেপ্রেন্যুরশিং অমসুং লৌমীশিংনা ফংলগনি। অনৌবা লম্বীগী ইনফ্রাষ্ট্রকচর শেমগৎলকপা অসিগীদমক দিল্লি-এন.সি.আরগী মীয়ামদা হরাওবা ফোঙদোকচরি।

ওগষ্ট ১৫,২০২৫ দা লাল কিলাদা মহাক্না লৈবাক অসিগী শেন-থুম, অত্মনির্ভর অমসুং মশানা মশাবু থাজবগী মতাংদা ঙাংখিবা অদু নিংশিংলদুনা, প্রধান মন্ত্রীনা হায়খি লৈবাক অসিগী অনিংবশিং, মঙলানশিং অমসুং মালেম শীনবা থুংনা খঙলবা ৱারেপশিংনা ঙসি ভারতকী মশক তাক্লে। মালেম্না ভারত্ত য়েংলকপা মতমদা অমসুং লৈবাক অসিগী চাউখৎপা নৈনরকপা মতমদা, মখোয়গী অহানবা মীৎয়েং লৈবাক্কী কোনুং দিল্লিদা য়েংলকই। চাউখৎলক্লিবা অমসুং থাজবা লৈরবা ভারতকী কোনুং অমনি হায়বদা মীওই খুদিংমক্না থাজবা থম্লবা, চাউখৎপগী নমুনা অমা ওইনা দিল্লি শেমগৎপা দরকার ওই। হৌখিবা চহি ১১ দা, চাউখৎপগী তোঙান তোঙানবা থাকশিং অসি য়ৌনবা সরকারনা লেপ্তনা থবক পায়খৎলে। হৌখিবা চহি ১০ অসিদা, দিল্লি-এন.সি.আরদা মমাঙদা অমুক্ত ওইখিদ্রিবা মওংদা লম্বী-থোং ফগৎলকপা উরে, লমদম অসিদা অনৌবা অমসুং পাক্লবা এক্সপ্রেসৱেশিং লৈরে। মালেমদা মেত্রো নেতৱার্ক খ্বাইদগী য়াম্না লৈবা মফমশিংগী মনুংদা হৌজিক দিল্লি-এন.সি.আর য়াওরে। লমদম অসিদা নমো ভারত রেপিদ রেলগুম্বা অৱাংবা থাক্কী খুদোংচাবশিং লৈরে। হৌখিবা চহি ১১দা, মমাঙগী মতমশিংগা চাংদম্নবদা দিল্লি-এন.সি.আরদা চৎথোক-চৎশিন য়াম্না লাইরে। দিল্লি মালেম থাক্কী সহর অমা ওন্থোক্নবা থবক পায়খৎলি। ঙসি, মীওই খুদিংমক্না চাউখৎপা অসি হকথেংননা উবা ফংলে। দ্বারকা এক্সপ্রেসৱে অমসুং অর্বান এক্সতেন্সন রোদ অসি য়াম্না ফজনা মগুন লৈনা শেমগৎলে। পেরিফেরেল এক্সপ্রেসৱেগী মতুংদা, হৌজিক অর্বান এক্সতেন্সন রোদনা দিল্লিগী ইনফ্রাষ্ট্রকচর অমসুং লম্বী-থোংদা শিংথাবা য়ানা মতেং পাংলগনি।

অর্বান এক্সতেন্সন রোদকী মরুওইবা শক্তমশিং পল্লদুনা, প্রধান মন্ত্রীনা হায়খি দিল্লিদা অমোৎপশিংগী চীংদুমশিং লৌথোকপদা লম্বী অসিনা মতেং পাংলি। অর্বান এক্সতেন্সন রোদ শেমগৎপদা অমোৎপা তন মিল্লিয়ন কয়া শীজিন্নরে। অমোৎপশিংগী চীংদুমশিং হন্থহন্দুনা, অমোৎপশিং লম্বী শেম্বদা অমুক হন্না শীজিন্নরে। বালসৱা লেন্দফিল ময়াদা লৈরিবা ইমুংশিং খুদোংচাদবা কয়া মায়োক্নরি। দিল্লিগী মীয়াম অসিগুম্বা খুদোংচাদবশিং অসিদগী কোকহন্নবা সরকারনা অকনবা থবক পায়খৎলি। শ্রীমতি রেখা গুপ্তগী লমজিং মখাদা, যমুনা তুরেল শেংদোক্নবা দিল্লি সরকারনা লেপ্তনা থবক পায়খৎলি। যমুনাদগী ইনাং মেত্রিক তন মিল্লিয়ন ১৬ লৌথোকখ্রে। তেনখ্রবা মতমগী মনুংদা, দিল্লিদা দেবী(দিল্লি ইলেক্ত্রিক ভেহিকল ইন্তরকন্নেক্তর) ইলেক্ত্রিক বস ৬৫ হৌদোক্লে। অথুবদা মতমদা সহর অসিদা ইলেক্ত্রিক বস মশিং ২,০০০ হেল্লগনি, মসিগী থবক অসিনা “গ্রিন দিল্লি-ক্লিন দিল্লি’ গী লাইৱা মপাঙ্গল কনখৎহল্লে।

প্রধান মন্ত্রীনা হায়খি চহি কয়াগী মতুংদা দিল্লিদা মখোয়গী দলনা সরকার পায়রে। মমাঙগী সরকারশিংগী মতমদা দিল্লিগী চাউখৎ-থৌরাংগী খোঙজেল য়াম্না তপখি। মমাংগী সরকারশিংগী অশোইবদগী দিল্লি চিংখৎপা অরুবা থবক অমা ওইরবসু, হৌজিক্কী সরকার অসিনা হোৎনগনি অমসুং দিল্লিগী চাউখৎপা অমসুং চাউথোকচবা অমুক হঞ্জিনহনগনি। অঙকপা মপা চানবা অমা ওইনা হৌজিক দিল্লি, হরিয়ানা, উত্তর প্রদেস অমসুং রাজস্থান্দা ঐখোয়গী সরকারশিং লৈরে। মখোয়গী দল অমসুং মসিগী লুচিংবগী থবক্ত লমদম অসি শীনবা থুংনা থৌজাল পীবগী মমি তারে। শীন্নরিবা থৌদাং অসি খঙলদুনা, দিল্লি-এন.সি.আর লমদম চাউখৎনবা সরকারনা মপুংফানা থবক পায়খৎলে। রাজনিতি দল খরদি হৌজিক ফাওবা মীয়ামগী ৱারেপ য়াবা ঙমদ্রি। হায়রিবা দলশিং অসি মখোয় মশামক মীয়ামগী থাজবা অমসুং অশেংবা থবকশিংদগী লাপ্না লৈরবনি। থা খরগী মমাঙদা, দিল্লি অমসুং হরিয়ানাগী মীয়াম অমগা অমগা নুংশিনদনবা লৌতুনবা থবক অমা পায়খৎখি। হরিয়ানাগী মীওইশিংনা দিল্লিগী ৱাতর সপ্লাইদা হু হাপচিল্লে হায়না মরাল শিখি। দিল্লি অমসুং অপুনবা এন.সি.আর হৌজিক অসিগুম্বা মথোং হুক্তবা রাজনিতিদগী মনিং তম্লে অমসুং এন.সি.আর অহোংবা পুরক্নবা সরকারনা থবক পায়খৎলে অমসুং মসিগী পান্দম অসি অথুবদা মাইপাক্না থবক ওইনা পাংথোক্লগনি। অফবা লৈঙাক অসি ঐখোয়গী সরকারশিংগী হোলমার্কনি অমসুং ঐখোয়না লৈবাক ঙাকপদা, মীয়াম্না মরুওইনা লৌরি। ঐখোয়গী দলগী থবক্তি মীয়াম হিংবদা লাইহনবনি। মসিগী থাজবা অসি দলগী থৌশিলশিং অমসুং ৱারেপশিংদা মমি তারে। হরিয়ানাদা মমাংগী সরকারশিংগী মতমদা, ইথিল য়াওদনা নত্ত্রগা রিকমেন্ত তৌরক্তনা থবক অমা হাপ্পদা অৱাবা ওইবা মতম অমা লৈরমখি। হরিয়ানাদা লৈরিবা মখোয়গী সরকারগী মখাদা, অরোন-অথুপ লৈতনা নহারোল লাখ কয়া সরকারগী থবকশিং ফংলে। কৎথোকপগা লোয়ননা মসিগী থবক অসি শ্রী নয়াব সিংহ সাইনিনা মখা চৎথরি।

প্রধান মন্ত্রীনা হায়খি দিল্লিদা মতম অমদা শ্লমশিংদা লৈরম্বা মীওইশিং হৌজিক পাক্কাগী য়ুমশিং ফংলে। মমাঙদা মৈ, ঈশিং  অমসুং গ্যাস ফংলমদবা মফমশিং হৌজিক তঙাইফদবা খুদোংচাবশিং ফংলে। হৌখিবা চহি ১১দা, লৈবাক শীনবা থুংনা রেকোর্দ অমা ওইনা লম্বী কয়া শেমগৎলে। হৌজিক রেলৱে ষ্টেসনশিং শেমগৎলি অমসুং বন্দে ভারতগুম্বা অনৌবা ত্রেনশিংগীদমক চাউথোকচরি। অপীকপা সহরশিংদা হৌজিক এয়রপোর্তশিং শেমগৎলে। এন.সি.আর লমদমদা শিংথাবা য়ানা এয়রপোর্তশিংগী মশিং হেনগৎলে। হিন্দন এয়রপোর্ততগী তোঙান তোঙানবা সহরশিংদা হৌজিক ফ্লাইতশিং পাইরে অমসুং নোইদা এয়রপোর্ত শেমগৎপা লোইশিল্লক্লে।

প্রধান মন্ত্রীনা হায়খি মদুদি হৌখিবা চহি ১০ দা চাউখৎলক্লিবা অসিদগী লৈবাক অসিগী চৎনদ্রবা থৌওংশিং হোংদোক্লে। লৈবাক অসিনা দরকার ওইরিবা ইনফ্রাষ্ট্রকচরগী চাং অমসুং মসি শেমগৎনবা দরকার ওইবা খোঙজেল, হৌখিবা মতমদা ফংবা ঙমখিদে। দিল্লি-এন.সি.আরনা ইষ্টর্ন অমসুং ৱেষ্টর্ন পেরিফেরেল এক্সপ্রেসৱে দরকার ওইবা অদু চহি কয়া ঙাইদুনা লাকখি। হৌখিবা সরকারশিংগী মতমদা, প্রোজেকশিং অসিগী ফাইলশিং লেংবা হৌখি, থবক তৌনবা মীয়াম্না মখোয়গী দলদা খুদোংচাবা পীরবা মতমদগী থবক হৌখি। কেন্দ্র অমসুং হরিয়ানা অনিমক্ত ঐখোয়গী সরকারশিং লৈরবা মতমদা লম্বীশিং শেম্বা হৌখি। ঙসিদি, হায়রিবা এক্সপ্রেসৱেশিং অসিনা মশক থোক্না লৈবাক অসিগী থবক তৌরে।

প্রধান মন্ত্রীনা হায়খি চাউখৎ-থৌরাংগী প্রোজেকশিং অসি দিল্লি-এন.সি.আর খক্তদা পায়খৎপা নত্তে, মসি লৈবাক শীনবা থুংনা পায়খৎলি। মমাঙদা ইনফ্রাষ্ট্রকচরগী বজেত য়াম্না পীকখি অমসুং সেঙ্কসন তৌরবা প্রোজেকশিং ফাওবা লোইশিনবদা চহি কয়া চঙখি। হৌখিবা চহি ১১ দা, ইনফ্রাষ্ট্রকচর বজেত শরুক ৬ হেনগৎলে। হৌজিক থম্লিবা পান্দমদি প্রোজেকশিং য়াংনা লোইশিনবনি, মরম অদুনা দ্বারকা এক্সপ্রেসৱেগুম্বা থবকশিং হৌজিক লোইশিনবা ঙম্বনি। হায়রিবা প্রোজেকশিং অসিদা য়াম্লবা শেনফম থাদবনা খুদোংচাবশিং ফংহনবা খক নত্তনা থবক মশিং য়াম্না ফংহল্লে। য়াম্লবা শেমগৎ-শাগৎপগী থবকশিংনা শিন্মীশিংদগী হৌরগা ইঞ্জিনিয়ারশিং ফাওবগী লনাই মীওই লাখ খবা থবক পীরে। শেমগৎ-শাগৎপগী মচাকশিং শীজিন্নবদগী মরী লৈনবা ফেক্তরশিং অমসুং দুকানশিংদা থবক য়াম্না পীরে। চাউখৎ-থৌরাংগী থবকশিং অসিনা মরম ওইদুনা ত্রান্সপোর্ত অমসুং লোজিষ্টিক্স সেক্তরদা থবক ফংনবগী খুদোংচাবা হেনগৎলকপা উরে।

প্রধান মন্ত্রীনা হায়খি মমাঙদা মতম শাংনা সরকার পায়রম্বশিংনা মীয়ামগী মথক্ত পানবা অসি মখোয়গী মরুওইবা পান্দমনি হায়না খনখি। মখোয়গী দলগী থবক্তি মীয়ামগী পুন্সিদা সরকারনা চৈরক খৎপা অমসুং তকশিবা লৈহন্দবনি। দিল্লিদা লু-নান্নবা শেংদোকপগী থবক তৌরিবা মীওইশিং মখোয় মীনাইশিংগুম্না লোইনরবদি কনানা দাইত্ব লৌগনি।

দিল্লি ম্যুনিসিপাল কোর্পোরেসন এক্তগী মখাদা, করিগুম্বা সেনিতেসন ৱার্কর অমনা মাঙজৌননা পাউ পীদনা লাক্ত্রবদি, মখোয় থা অমা জেলদা থমগদবনি। অসিগুম্বা আইনগী তুংদা লৈরিবা ৱাখল্লোন করিনো। করিশু লৈতবা অশোইবা অমগীদমক কমদৌনা সেনিতেসন ৱার্করশিং জেলদা থমগদৌরিবনো। হৌজিক খুন্নাইগী অচুম্বা পুরক্নবা ৱা ঙাংলিবশিংনা লৈবাক অসিদা অসিগুম্বা অরানবা আইনশিং চৎনহল্লমখি। ঐখোয়গী সরকারনা অসিগুম্বা অকনবা আইনশিং অসি মুৎথৎপনি। অসিগুম্বা আইন চা কয়া সরকারনা মমাঙদা মুৎথৎখ্রে অমসুং থবক অসি মখা চৎথরি। ঐখোয়গী ওইনা, অওনবা পুরকপা হায়বগী ৱাহন্থোক্তি অফবা লৈঙাক পাকথোক-চাউথোকহনবনি। অওনবশিং পুরক্নবা মখা তানা মীৎয়েং থম্লি। লাক্লিবা নুমিৎ খরনি অসিদা, পুন্সি অমসুং ললোন-ইতিক অনিমক লাইহন্নবা মরুওইবা অওনবা কয়া পুরক্লগনি। থবক অসিগী শরুক অমা ওইনা, জি.এস.তিদা অহোংবা পুরক্নবা থৌরাং তৌরে। হন্দক্কী দিৱালিদা, জি.এস.তিগী অওনবা পুরকপগী খুৎথাংদা মীয়াম্না বোসন শরুক অনি ফংলগনি। ভারত সরকারগী থবক অসিদা রাজ্য খুদিংমক্না মতেং পাংগনি হায়বগী থাজবা থম্লি। হন্দক্কী দিৱালি অসি হেন্না অখন্নবা অমা ওইনবা থবকশিং য়াংনা লোইশিনগদবনি। মখা তানা জি.এস.তি লাইহন্নবা অমসুং তেক্স রেতশিং অমুক হন্না শেমদোক্নবা সরকারনা পান্দম থম্লি। অহোংবা অসিগী কান্নবা লায়রবা অমসুং মিদল ক্লাস য়াওনা য়ুমথোং খুদিংমক ফংগনি। থাক খুদিংমক্কী ওন্ত্রেপ্রেন্যুরশিং অমসুং ললোনবশিং হায়রিবা অহোংবশিং অসিগী কান্নবা ফংগনি। ভারতকী খ্বাইদগী কনবা মপাঙ্গলদি লৈবাক অসিগী নাৎ অমসুং চৎনবীশিংনি। মসিগী নাৎ অমসুং চৎনবীনা মশক থোকপা পুন্সিগী ফিলোসোফি অমা শেম্বনি। ফিলোসোফি অসিগী মনুংদা ঐখোয়না “চক্রধারি মোহন” অমসুং “চার্খাধারি মোহন” অনিমক থেংনরি। মতম মতমগী মতুংইন্না, লৈবাক অসিনা হায়রিবা শক্নাইরবশিং অসিগী মহাও ফংলি। “চক্রধারি মোহন” হায়বনা সুদর্সন চক্রগী শক্তি উৎখিবা ভগবান শ্রী কৃষ্ণনি অমসুং “চার্খাধারি মোহন” না তরেংগী খুৎথাংদা লৈবাক অসি শ্বাদেসিগী মিকপ থোকহনখিবা মহাত্মা গান্ধীনি। ভারত মপাঙ্গল কনহন্নবা, ঐখোয়না চক্রধারি মোহন (শ্রী কৃষ্ণ) দগী ইথিল লৌগদবনি, ভারত অত্মনির্ভর ওইনবা, ঐখোয়না চর্খাধারি মোহন (মহাত্মা গান্ধী) গী লম্বী ইনগদবনি। “ভোকেল ফোর লোকেল” মীওই খুদিংমক্কী লাইৱা ওইগদবনি। মসিগী পান্দম অসি লৈবাক্কী ওইনা খুদোংথিবা নত্তে। মতম অমদা খাদি অসি মুৎপা য়াবা ফিবমদা লৈরমখি। মহাক্না লৈবাক মীয়ামদা অপীল তৌবদগী অপুনবা ৱারেপ অমনা লমজিংখি অমসুং মশক থোকপা ফলশিং উবা ফংলে। হৌখিবা চহি ১০ দা, খাদি য়োনবা শরুক ৭ হেনগৎলে। “ভোকেল ফোর লোকেল” গী ৱাখল্লোন্দা ভারতকী মীয়াম্না খাদি শীজিন্নরে। মীয়াম্না ভারত্ত শাবা মোবাইল ফোনশিংদা থাজবা থম্লে। চহি ১১ গী মমাঙদা, ভারতনা লৈবাক অসিগী মোবাইল ফোনশিং মপান লৈবাকশিংদগী পুশিল্লকখি। ঙসিদি, ভারতমচা অয়াম্বা ভারত্ত শাবা ফোনশিং শীজিন্নরে। হৌজিক ভারতনা চহি অমদা মোবাইল ফোন করোর ৩০ দগী ৩৫ ফাওবা শারে অমসুং মপান্দা থাদোক্লে। ভারতনা শাবা য়ু.পি.আই হৌজিক খুদক্ত দিজিতেলদা শেন থাদোক-থাজিনগী মালেমদা খ্বাইদগী চাউবা প্লেতফোর্ম ওইরে। ভারতনা শাবা রেল কোচশিং অমসুং লোকোমোতিপশিং হৌজিক অতোপ্পা লৈবাকশিংনা পাম্নবা হেনগৎলকপা উরে।

প্রধান মন্ত্রীনা হায়খি মদুদি রোদ ইনফ্রাষ্ট্রকচর অমসুং ইনফ্রাষ্ট্রকচর খুদিংমক্কী ভারতনা গাতি শক্তি প্লেতফোর্ম শেমগৎলে। প্লেতফোর্ম অসিদা দেতা লায়ার ১,৬০০ য়াওরি। প্রোজেক অমগীদমক মরী লৈনবা ই-পাউশিং-লম্লক্কী শা-উচেকশিং, উমংগী শরুক,তুরেলশিং নত্ত্রগা খোঙবালশিংগী মরমদা খুদক্ত খঙবা য়ারে। অসিগুম্বা ই-পাউশিং মিনিত খরগী মনুংদা ফংহনবনা প্রোজেকশিং য়াংনা পায়খৎপা ঙমহল্লে। গাতি শক্তিগী অখন্নবা য়ুনিভর্সিতি অমা হৌজিক লিংখৎলে। ভারত চাউখৎনবগীদমক গাতি শক্তি অসি শক্তি লৈবা অমসুং অওনবা পুরকপা লম্বী অমা ওইরে। চহি ১০ গী মমাঙদা, শান্নপোৎশিং ফাওবা ভারত্ত মপান লৈবাকশিংদগী পুশিল্লকখি। ভারতনা “ভোকেল ফোর লোকেল” চৎন্নবা ৱারেপ লৌবদগী, লৈবাক অসিদা শান্নপোৎশিং শাবা হেনগৎলকপা খক নত্তনা, ভারতনা মালেমগী লৈবাক ১০০ হেনবদা শান্নপোৎশিং থাদোক্লে।

প্রধান মন্ত্রীনা হায়খি ঐখোয়না লমদম অসিগী পোৎথোক শীজিন্নরসি, ঐখোয় মেদ ইন ইন্দিয়া পোৎথোকশিং থাজরসি অমসুং লৈরসি। করিগুম্বা অদোম ভারতমচা ওইরবদি, ভারত্ত শাবা করি লৈগনি। হৌজিক চৎথরিবা কুহ্মৈগী মতম অসিদা, মীওই খুদিংমকআন মখোয়না পামজবা লমদম অসিগী পোৎথোকশিং লৈগদবনি। ভারত্ত শাবা পোৎথোকশিং খক্ত খুদোল পোৎ ওইনা পীনবা মীয়াম্না ৱারেপ অমা লৌগদবনি।

দুকান ফম্বা মীওই খরনা শেন্দোং য়াম্না ফংনবা মপান লৈবাকশিংগী পোৎ-চৈশিং খক্ত য়োনবা য়াই। মখোয়না তৌরিবা অদু অরানবা অমতা নত্তে, অদুবু হৌজিক “ভোকেল ফোর লোকেল” গী লাইৱা শীজিন্নবা মখোয়দা তকশিনগদবনি। মসিগী অপীকপা খোঙথাং অসিনা লৈবাক অসিদা কান্নবা পীগনি অমসুং য়োল্লিবা পোৎলম খুদিংমক্না ভারতকী শিন্মী অমা নত্ত্রগা লায়রবা মীওই অমা শৌগৎকনি। য়োনবা খুদিংগী ফংলকপা শেনফম অদু ভারত্ত লৈগনি আমসুং ভারতমচাশিং কান্নবা পীগনি। মসিনা ভারতমচাশিংগী পোৎ-চৈ লৈবগী ঙম্বা হেনগৎহনগনি অমসুং শেন-থুমগী ফিবম ফগৎহনগনি। দুকান ফম্লিবশিংনা চাউথোকচনা মেদ ইন ইন্দিয়া পোৎথোকশিং য়োনগদবনি।

প্রধান মন্ত্রীনা হায়খি ভারতকী ফজরবা হৌখ্রবা মতম অমসুং লৈবাক অসিগী তুংলমচৎ শম্নবা কোনুং অমা ওইনা দিল্লি চাউখৎলক্লি। হন্দক অনৌবা সেন্ত্রেল সেক্রেতরিয়েত-কর্তব্য ভবন শঙ্গাখ্রে অমসুং অনৌবা সংসদ বিল্দিং শাবা লোইশিনখ্রে। অনৌবা শক্তম অমদা হৌজিক লৈবাক অসিগী মমাঙদা কর্তব্য পথ লৈরে। ভারত মন্দপম অমসুং যসোভুমিগুম্বা অনৌবা কনফরেন্স সেন্তরশিংনা দিল্লিগী থাক হেনগৎহল্লে। হায়রিবা চাউখৎ-থৌরাংগী থবকশিং অসিনা দিল্লি অসি ললোন-ইতিক্কী মরুওইবা মফম অমা ওইহল্লে। হায়রিবা থবকশিং অসিগী থৌনা অমসুং ইথিলনা, মালেমগী খ্বাইদগী ফজবা কোনুংশিংগী মনুংদা দিল্লি অমা ওইহনগনি হায়বগী থাজবা ফোঙদোক্লদুনা প্রধান মন্ত্রীগী ৱারোল লোইশিনখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা য়ুনিয়ন মিনিষ্টর শ্রী নিতিন গাদকারি, দিল্লিগী লেপ্তনেন্ত গভর্নর শ্রী বিনাই কুমার সক্সেনা, দিল্লগী চীফ মিনিষ্টর শ্রীমতি রেখা গুপ্ত, হরিয়ানাগী চীফ মিনিষ্টর শ্রী নয়াব সিংহ সাইনি, কেন্দ্রগী রাজ্য মন্ত্রীশিং, শ্রী অজয় তামতা, শ্রী হর্স মলহোত্রা য়াওখি।

নুঙগীৱারোল

প্রোজেক অনি-দ্বারকা এক্সপ্রেসৱেগী দিল্লি সেক্সন অমসুং অর্বান এক্সতেন্সন রোদ-২ ( য়ু ই আর-২) অসি লৈবাক্কী কোনুংদা চিনবা হন্থহন্নবা অমসুং চৎথোক-চৎশিনগী খুদোংচাবা হেনগৎহন্নবা, চৎপদা চঙবা মতম হন্থহন্নবা অমসুং দিল্লি অমসুং মসিগী অকোয়বা মফমশিংদা ত্রাফিক হন্থহন্নবা পান্দমশিংদা সরকারগী অপুনবা থৌরাং অমগী মখাদা পায়খৎপনি। মালেম থাক্কী ইনফ্রাষ্ট্রকচর শেমগৎতুনা হিংবদা লাইবা হেনগৎহন্নবা অমসুং অপনবা লৈতনা চৎথোক-চৎশিনগী খুদোংচাবা পীনবা প্রধান মন্ত্রী মোদীগী পান্দম অদু হায়রিবা থবকশিং অসিদা মমি তারে।

কিমি ১০.১ শাংবা দ্বারকা এক্সপ্রেসৱেগী দিল্লি সেক্সন অসি চাউরাক্না লুপা করোর ৫,৩৬০ রোম চঙনা পায়খৎকদবনি। সেক্সন অসিনা যসোভুমি, দি.এম.আর.সি ব্লু লাইন অমসুং ওরেঞ্জ লাইন, শেমগৎলক্লিবা বিজৱাসন রেলৱে ষ্টেসন অমসুং দ্বারকা ক্লষ্টর বস দিপোদা মখল কয়াগী চৎথোক-চৎশিনগী খুদোংচাবা পীগনি। সেক্সন অসিদা য়াওরিবদি:

•         পেকেজ ১: দ্বারকা সেক্সর-২১ দা সিব মুর্তি ইন্তরসেক্সন্দগী রোদ অন্দর ব্রিজ (আর য়ু বি) ফাওবগী কিমি ৫.৯

•         পেকেজ ২: দ্বারকা সেক্তর-২১ আর.য়ু.বিদগী দিল্লি-হরিয়ানা ঙমখৈ ফাওবগী কিমি ৪.২, অর্বান এক্সতেন্সন রোদ-২ ফাওবা হকথেংননা লম্বী ফংহনবা

দ্বারকা এক্সপ্রেসৱেগী কিমি ১৯ শাংবা হরিয়ানা সেক্সন প্রধান মন্ত্রীনা মার্চ ২০২৪ দা শঙ্গাখ্রে।

প্রধান মন্ত্রীনা লুপা করোর ৫,৫৮০ রোম চঙনা পায়খৎপা অর্বান এক্সতেন্সন রোদ-২গী অলিপুরদগী দিচাউন কলান পরি অমসুং বহাদুরগর অমসুং সোনিপতকী অনৌবা লিঙ্কশিং শঙ্গাখ্রে। মসিনা দিল্লিগী ইন্নর অমসুং আউতর রিং রোদশিং অমসুং য়াম্না চিনবা মফমশিং হায়বদি মুকারবা চোক, ধৌলা কুয়ান অমসুং এন.ঐচ-০৯ দা গারি চিনবা হন্থহনগনি। অনৌবা স্পুরশিংনা বহাদুরগরদা হকথেংননা য়ৌবা য়াগনি, উদ্যোগশিংগী চৎথোক-চৎশিন ফগৎহনগনি, সহরগী ত্রাফিক হন্থহনগনি অমসুং এন.সি.আরদা পোৎ-চৈশিং পুথোক-পুশিন য়াংহনগনি।

Connectivity across NCR will take a big leap forward with the inauguration of the Delhi section of Dwarka Expressway and UER-II. https://t.co/YWujS91BOY

— Narendra Modi (@narendramodi) August 17, 2025

Making Delhi a model of growth that reflects the spirit of a developing India. pic.twitter.com/lnnqb8WgOL

— PMO India (@PMOIndia) August 17, 2025

The constant endeavour is to ease people's lives, a goal that guides every policy and every decision. pic.twitter.com/Va8GyEO1Ng

— PMO India (@PMOIndia) August 17, 2025

For us, reform means the expansion of good governance: PM @narendramodi pic.twitter.com/CjlOdTWEJv

— PMO India (@PMOIndia) August 17, 2025

Next-generation GST reforms are set to bring double benefits for citizens across the country. pic.twitter.com/cMu9CsjthG

— PMO India (@PMOIndia) August 17, 2025

To make India stronger, we must take inspiration from Chakradhari Mohan (Shri Krishna).

To make India self-reliant, we must follow the path of Charkhadhari Mohan (Mahatma Gandhi). pic.twitter.com/v8xF2QYHrP

— PMO India (@PMOIndia) August 17, 2025

Let us be vocal for local. Let us trust and buy products made in India. pic.twitter.com/Jq5odlEsai

— PMO India (@PMOIndia) August 17, 2025

***