প্রধানমন্ত্রীগী লোইশঙ
পার্তিসন হোরর্স রিমেমব্রেন্স দেদা প্রধান মন্ত্রীনা পার্তিসন্না শোকহনখিবশিংগী মথৌনা অমদি খাঙবা কনবগী মফমদা শ্রদ্ধাঞ্জলি কৎখ্রে
Posted On:
14 AUG 2025 8:52AM by PIB Imphal
প্রধান মন্ত্রী শ্রী নরেন্দ্র মোদীনা ঙসি পার্তিসন হোরর্স রিমেমব্রেন্স দে, থৌরম পাঙথোক্তুনা ভারতকী পুৱারীগী খ্বায়দগী তমথিবা পন্দুপশিংগী মনুংদা অমা ওইখিবা মতমদুদা মশিং থিঙমদ্রবা মীওই কয়ানা থেংনখিবা অচৌবা কাংখোং চাইবা অমদি চৈনাশিংবু নীংশিংখ্রে।
প্রধান মন্ত্রীনা পর্তিসন্না শোকহনখিবশিংগী মথৌনা অমদি খাঙবা কনবগী মফমদা শ্রদ্ধাঞ্জলি কৎলদুনা মখোয়না ৱাখলনা লাম্বা ঙম্লোইদবা অমাঙ অতা কয়া থেংনরবসু মখোয়গী পুন্সিবু অমুক হন্না শেমগৎলক্নবা লৈখিবা মথৌনাবু নীংশিংখি।
X তা থাগৎপা পোস্ত অমদা মহাক্না হায়খি:
“ভারতনা #PartitionHorrorsRemembranceDay পাঙথোক্তুনা ঐখোয়গী পুৱারীগী খ্বায়দগী তমথিবা পন্দুপশিংগী মনুংদা অমা ওইখিবা মতমদুদা মশিং থিঙমদ্রবা মীওই কয়ানা থেংনখিবা অচৌবা কাংখোং চাইবা অমদি চৈনাশিংবু নীংশিংলি। মসি মখোয়গী মথৌনা… ৱাখলনা লাম্বা ঙম্লোইদবা অমাঙ অতা মায়োক্নবা ঙম্বগী মখোয়গী মতিং অমদি নৌহৌননবা অমুক হৌগৎলক্নবগী মতিকপু ইকায়খুম্নবা উৎপা নুমিৎ অমসুনি। মদুনা শোকহনখিবা মীওই কয়ানা মখোয়গী পুন্সি নৌহৌননা শেমগৎলকখি অমদি শিংথানিংঙাই ওইবা পন্দোল কয়া লোমখি। নুমিৎ অসি লৈবাক অসিবু অমত্তা ওইনা পুনশিল্লিবা পুকচেল খোয়জেল তিন্নবগী মরী অসিবু মপাঙ্গল কনখৎহন্নবা ঐখোয়গী থৌদাংবু নৌহৌননা নীংশিংহনবা নুমিৎ অমসুনি।”
***
(Release ID: 2156250)
Read this release in:
English
,
Urdu
,
Hindi
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam