পঞ্চায়তি রাজ মন্ত্রালয় (MoPR) না ওগস্ত ১৫ দা নই দিল্লীগী লাল কিলাদা পাঙথোক্কদৌরিবা নীংতম নুমিৎ থৌরমদা স্তেত অমসুং য়ুনিয়ন তেরিতরী ২৮ দগী পঞ্চায়তগী মীহুৎ ২১০ বু অখন্নবা মীথুং ওইনা শরুক য়াহনগদৌরি। মখোয় মখোয়গী মতৈ মনাওশিং. অমসুং নোদেল ওফিসরশিংগা লোয়ননা পুন্না মীওই ৪২৫ না হরাও কুমহৈগী থৌরম অসিদা শরুক য়াগদৌরি।

অখন্নবা মীথুংশিং অসিগী ওইবা অখন্নবা ওকপগী থৌরম অমা নই দিল্লীদা ওগস্ত ১৪, ২০২৫ দা পাঙথোক্কদৌরি। থৌরম অদুদা পঞ্চায়তি রাজকী কেন্দ্র মন্ত্রী শ্রী রাজিব রঞ্জন সিংহ এলিয়স ললন সিংহ অমদি পঞ্চায়তি রাজকী কেন্দ্রগী রাজ্য মন্ত্রী প্রোফেসর এস.পি. সিংহ বঘেলনা শরুক য়াগনি। সেক্রেতরী, MoPR শ্রী বিবেক ভরদ্বাজসু মন্ত্রালয়গী অতৈ মকোক থোংবা ওফিসিএলশিংগা লোয়ননা থৌরমসিদা শরুক য়াগনি। চহি অসিগী থীম “আত্মনিরভর পঞ্চায়ত, বিক্সিত ভারত কী পেহচান” অসিনা মরোমদোম লেপচবা ঙম্বা পঞ্চায়তপু চাওখৎপা ভারতকী মরুওইবা য়ুম্বী অমা ওইনা থম্লিবা ৱাখল্লোন মমি তারি। ওকপগী থৌরম অসিদা AI পৱার্দ সভাসার এপ্লিকেসন হৌদোকপা অমদি গ্রামোদয় সঙ্কল্প মেগাজিনগী ১৬শুবা ইসু ফোঙবগী থৌরমশিংসু য়াওরি।

চহি অসিগী অখন্নবা মীথুংশিংগী মনুংদা মখোয় মখোয়গী গ্রাম পঞ্চায়ত্তা হেন্না ফবা ইনফ্রাস্ত্রকচর, ফীভম ফগৎলবা পব্লিক সর্ভিস অমদি পুম্নমক কোনশিন্বা মীয়ামগী থৌরাংনচিংবা কয়া পায়খত্তুনা মশক থোক্না ফীভম ফগৎহনখিবা নুপী পঞ্চায়ত লুচিংবা মশিং য়াম্না য়াওরি। পঞ্চায়তি রাজ ইন্সতিত্যুসন (PRIs)শিং অসিগী নুপী মীহুৎশিং (EWRs) অসিনা খুঙ্গংগী লুচিংবশিংগী হেনগৎলক্লিবা মতিক উত্তুনা লৈবাক অসিগী তোঙান তোঙানবা মফমশিংদা মখোয়গী লৈঙাক্লোনগী থৌদাংবু মাঙদা মীৎয়েঙ থম্বা চাওখৎ থৌরাংগী থৌওংশিংগা মায় পাক্না পায়খৎলি। অখন্নবা মীথুংশিং অসিনা গ্রাসরুত থাক্তা ইনোভেতিব ওইবা লোকেল ইনিসিএতিব/ সোলুসনশিং পুক্নিং থৌগৎপগা লোয়ননা হর ঘর জল য়োজনা, প্রধান মন্ত্রী অৱাস য়োজনা – গ্রামিন, মিসন ইন্দ্রধনুস অসিনচিংবা লৈঙাক্কী ফ্লেগসিপ স্কীমশিং মপুং ফানা পায়খৎপদা মশক থোক্না মায় পাকপা ঙমহল্লি।

***