ইকাই খুম্নরবা চিয়রমেনজী

সেসন অসিগী হৌরকপদা, ঐহাক্না মীদিয়াগী মরুপশিংগা ৱারী শানবদা, ঐহাক্না ইকায় খুম্নরবা এম.পি. পুম্নমক্তা আপিল তৌবদা ৱাফম অমা পনখি। ঐহাক্না হায়খি মদুদি সেসন অসি ভারতকী মায় পাকপগী সেলেব্রেসন অমনি। পার্লিয়ামেন্তকী মীফম অসি ভারতকী মতিক-ময়াইবু শকখঙবগী মীফম অমনি।

ইকাই খুম্নরবা চিয়রমেনজী

বিজায়োৎসবকী মতাংদা ঐহাক্না হায়নীংবদি বিজায়োৎসব অসি তেরোরিস্ত হেদক্বার্তরশিং থুগাইবগী থৌরমনি। ঐহাক্না বিজয়োৎসব হায়বা মতমদা, সিন্দুরদা শকখিবা ৱাশক অদু থুংহনবগী ৱাফম অদুনি। ঐহাক্না বিজয়োৎসব হায়বা মতমদা, ঐহাক্না ভারতকী লান্মীগী থৌনা অমসুং শক্তিগী মায় পাকপগী ৱারী তাক্লি। ঐনা বিজয়োৎসব হায়বা মতমদা, ঐনা ভারত মচা করোর ১৪০গী অপুনবা অমসুং অপাম্বগী শক্তিগী মায় পাকপগী থৌরমগী মতাংদা ঙাংলি।

ইকাই খুম্নরবা চিয়রমেনজী

মায়পাকপগী ৱাখল্লোন অসিগা লোয়ননা, ঐহাক্না হাউস অসিদা ভারতকী ৱাখল্লোন অদু উৎনবা অমসুং ভারতকী ৱাখল্লোন অদু উবা ঙমদবা মীওইশিংদা মিংশেল ওইনা উৎনবা লেপখি।

ইকাই খুম্নরবা চিয়রমেনজী

ঐহাক্না লৈবাক অসিগী মীওই করোর ১৪০গী পুক্নিং ৱাখল্লোনদা ঐহাক্কী ভোইস পীনবা মফম অসিদা লাক্লি। ঐহাক্না মফম অসিদা লাক্লিবসি, হাউস অসিদা তাখিবা লৈবাক অসিগী মীওই করোর ১৪০গী ৱাখল্লোনদা ঐহাক্কী ভোইস অসি হাপচিন্নবনি।

ইকাই খুম্নরবা চিয়রমেনজী

ওপরেসন সিন্দুরগী মতমদা লৈবাক অসিগী মীয়াম্না ঐঙোন্দা মতেং পাংবীখিবা অমসুং ঐঙোন্দা য়াইফ-মঙ্গোল পীরকখিবা অদুগীদমক ঐহাক্না লৈবাক অসিগী মীয়ামগী মফমদা থাগৎপা ফোংদোকচরি। ঐহাক্না লৈবাক মীয়ামদা ঐহাক্কী থাগৎপা ফোংদোকচরি। ঐহাক্না মখোয়বু থাগৎচরি।

ইকাই খুম্নরবা চিয়রমেনজী

এপ্রিল ২২দা পহলগামদা থোকখিবা তমথিরবা থৌদোক অদু, মখোয়গী ধর্মগী মরমদা হংবীরবা মতুংদা তেরোরিস্তশিংনা অশোনবা মীওইশিংবু হাৎখিবা অসি অৱাংবা থাক্কী মীওৎ-মীনৈগী থৌওংনি। মসি ভারতপু হিংসাগী মৈ অমদা লংশিন্নবা নীংথিনা থৌরাং তৌরগা হোৎনবা অমনি। মসি ভারত্তা ইরাং শন্দোক্নবা ৱাখল্লোন অমনি। ঙসি ঐনা লৈবাক মীয়ামদা থাগৎপা ফোংদোকচরি মদুদি লৈবাক অসিনা অমত্তা ওইনা পুনশিন্দুনা মসিগী থৌওং অসি অরেম্বা তাহনখি।

ইকাই খুম্নরবা চিয়রমেনজী

এপ্রিল ২২গী মতুংদা, ঐহাক্না মালেম্না খংবা ঙম্নবগীদমক ইংলিসতা ৱাহৈ পরেং খরা শিজিন্নখি অমসুং মসি ঐখোয়গী ৱারেপনি হায়না ঐহাক্না হায়খি। ঐখোয়না তেরোরিস্তশিংবু মুত্থৎলগনি অমসুং ঐহাক্না মীয়ামদা হায়জখি মদুদি মখোয়গী মাস্তরশিংসু চৈরাক পীগনি অমসুং মখোয়না খল্লিবদগী হেন্না চাউবা চৈরাক ফংলগনি। ঐহাক এপ্রিল ২২দা মপান্দা লৈখি, ঐহাক অথুবা মতমদা হল্লকখি অমসুং হল্লক্লবা মতুংদা মীফম অমা কৌখি অমসুং মীফম অদুদা ঐখোয়না তেরোরিজমদা চুনবা পাউখুম অমা পীনবা ঐখোয়না ময়েক শেংনা খঙহনখি অমসুং মসি ঐখোয়গী নেস্নেল ৱারেপ্নি হায়না ফোংদোকখি।

ইকাই খুম্নরবা চিয়রমেনজী

ঐখোয়না ঐখোয়গী আর্মদ ফোর্সেসকী তৌবা ঙম্বদা মপুং ফানা থাজবা থম্লি, মখোয়গী তৌবা ঙম্বদা, মখোয়গী শক্তিদা, মখোয়গী থৌনাদা মপুং ফানা থাজবা থম্লি... আর্মীদা থবক তৌনবা অয়াবা পীখি অমসুং করম্বা মতমদা, কদাইদা, করম্না অমসুং করম্বা মওংদা থবক তৌগদগে হায়বদুসু আর্মীনা লেপকদবনি হায়খি। ৱাফমশিং অসি মীফম অদুদা ময়েক শেংনা ফোংদোকখি অমসুং ৱাফম খরদি মীদিয়াদা রিপোর্ত তৌররম্বা য়াই। তেরোরিস্তশিং অদু চৈরাক ফংখিবদা ঐখোয়না চাউথোকচরি অমসুং চৈরাক অদুনা ঙসি ফাওবা তেরোরিস্তশিং অহিংবা তুম্বা য়াদনা লৈরি।

ইকাই খুম্নরবা চিয়রমেনজী

ঐহাক্না ঐখোয়গী লান্মীগী মায়পাকপগা মরী লৈনবা ভারতকী ওইবা ৱাফমশিং অসি হাউসকী থোংদা লৈবাক মীয়ামগী মমাংদা থমজগে। অহানবদা, পহলগামগী লানগী মতুংদা, পাকিস্তানগী লান্মীনা ভারতনা অচৌবা এক্সন অমা লৌখৎলক্কনি হায়না খল্লম্মি। ন্যুক্লিয়র থ্রেৎকী ৱারোলশিংসু মখোয়গী মায়কৈদগী লাকপা হৌরকখি। মে ৬কী নুমিদাং অমসুং মে ৭গী অয়ুক্কী মতমদা ভারতনা ৱারেপ লৌখিবগী মতুং ইন্না থবক পায়খৎখি অমসুং পাকিস্তান্না করিগুম্বা অমত্তা তৌবা ঙমখিদে। ঐখোয়গী লান্মীনা এপ্রিল ২২দা মিনিত ২২গী মনুংদা লমন খুমখি। অনিশুবদা, ঐখোয়না পাকিস্তানগা লোয়ননা কয়ারক হন্না লান শোক্নখ্রে। অদুবু মসি ভারতকী অহানবা অসিগুম্বা স্ত্রেতেজীনি মসিদা ঐখোয়না হান্ননা চংখিদ্রিবা মফমশিংদা চংখি। পাকিস্তানগী মফম খুদিংমক্তা লৈবা তেরোরিস্ত বেজশিং অদু উৎ ওল্লহনখি। তেররগী ঘাত, কনাগুম্বা মীওই অমত্তনা মফম অদুদা চৎপা ঙমগনি হায়না কল্পনা তৌবা ঙমদে। বাহাৱালপুর অমসুং মুরিদকেসু থুগাইখি।

ইকাই খুম্নরবা চিয়রমেনজী

ঐখোয়গী লান্মীশিংনা তেরোরিস্ত বেজশিংবু থুগাইখি। অহুমশুবদা, ঐখোয়না পাকিস্তানগী ন্যুক্লিয়র থ্রেত অসি অরানবনি হায়না উৎলে। ন্যুক্লিয়র ব্লেকমেলিংনা মখা তানা কান্নবা ফংলরোই অমসুং ন্যুক্লিয়র ব্লেকমেলিংদা ভারতনা কোক নোল্লোই হায়বসি ভারতনা উৎখ্রে।

ইকাই খুম্নরবা চিয়রমেনজী

মরিশুবদা, ভারতনা মাগী তেক্নিকেল কেপাসিতী উৎখি। মসিনা পাকিস্তানবু ময়েক শেংনা শোকহনখি। পাকিস্তানগী এয়র বেজগী এসেতশিং অদু য়াম্না শোকহনখি অমসুং মখোয়গী এয়র বেজ কয়া অমা ঙসি ফাওবদা আই.সি.য়ু.দা লৈরি। ঙসিগী মতম অসি তেক্নোলোজীদা য়ুম্ফম ওইবা লানগী মতমনি। ওপরেসন সিন্দুরনা মসিগী এক্সপর্তিস অসিদা মায় পাক্লে। ঐখোয়না হৌখিবা চহি ১০ অসিদা শেম-শারিবা অসি পাংথোক্লমদ্রবদি, তেক্নোলোজীগী মতম অসিদা ঐখোয়না চাউনা মাংলম্বা য়াই হায়বসি ঐখোয়না খনবা য়াই। মঙাশুবদা, ওপরেসন সিন্দুরগী মতমদা, মালেম অসিনা অহানবা ওইনা মশা-মরোমদোম লেপচবা ভারতকী শক্তিবু মশক খঙলে। মেদ ইন ইন্দিয়া দ্রোনশিং, মেদ ইন ইন্দিয়া মিসাইলশিংনা পাকিস্তানগী খুৎলাইশিং অদু মাং তাকহনখি।

ইকাই খুম্নরবা চিয়রমেনজী

অতোপ্পা মরুওইবা থবক অমা পাংথোকখিবা অদুদি রাজীব গান্ধীনা লৈঙাক পায়রিঙৈ মতমদা, মহাক্কী এম.ও.এস.না ঙাকশেলগী থৌদাং লৌরম্মি। ঐনা সি.দি.এস. লাউথোকখিবা মতমদা, মহাক্না য়াম্না নুংঙাইনা ঐগা উননবা লাকখি অমসুং য়াম্না নুংঙাইখি। হায়রিবা মতম অসিদা, নেভি, আর্মী, এয়র ফোর্স, ওপরেসন অসিদা য়াওরিবা ফোর্স অহুম অসিগী অপুনবা এক্সন অমসুং মখোয়গী মরক্তা লৈরিবা সিনর্জী অসিনা পাকিস্তানবু চেলহনখি।

ইকাই খুম্নরবা চিয়রমেনজী

লৈবাক অসিদা মমাংদসু তেরোরিস্তকী থৌদোকশিং থোকখি। অদুবু মমাংদদি তেরোরিস্তশিংগী মাস্তরমাইন্দশিং অসি অকিবা পোকখিদে অমসুং তুংলমচৎকীদমক শেম-শাবদা মখোয়না লেপ্পা লৈতনা শেমশারম্মি। করিগুম্বা অমত্তা থোক্লরোই হায়বা মখোয়না খঙই। অদুবু হৌজিক্তি ফীভম অসি হোংখ্রে। হৌজিত্তি মাস্তরমাইন্দশিংনা এতেক অদুগী মতুংদা নুমিৎ খরা তুম্বা য়াখিদে, মখোয়না ভারতনা লাক্লগনি অমসুং মখোয়বু হাৎলগনি হায়বা খঙই। ন্যু নোর্মেল অসি ভারতনা শেমখ্রে।

ইকাই খুম্নরবা চিয়রমেনজী

মালেম অসিনা ঐখোয়গী এক্সনগী স্কোপ অসি কয়া য়াম্না চাউবা, মসিগী স্কেল অসি কয়া য়াম্না চাউবা হায়বদু উখ্রে। ঐখোয়না পাকিস্তানগী মায়োক্তা সিন্দুরদগী সিন্ধু ফাওবদা থবক পায়খৎলে। ওপরেসন সিন্দুরনা মসিবু ময়েক শেংনা তাক্লে মদুদি পাকিস্তান অমসুং মাগী মাস্তরশিংনা ভারত্তা পাংথোকখিবা তেরোরিস্ত এতেকশিংগীদমক অচৌবা চৈতাক অমা ফংবা তাই, হৌজিক্তি মখোয়না লেম্না নান্থোকপা য়ারোই।

ইকাই খুম্নরবা চিয়রমেনজী

ওপরেসন সিন্দুরনা ভারতনা প্রিন্সিপল অহুমদা য়ুম্ফম ওইদুনা ৱারেপ লৌখিবগী ৱাফম অদু ময়েক শেংলে। করিগুম্বা ভারত্তা তেরোরিস্ত এতেক অমা থোক্লবদি, ঐখোয়না ঐখোয়গী মওং-মতৌদা, ঐখোয়গী তর্মশিংদা, ঐখোয়গী মতম অদুদা পাউখুম পীরগনি। অনিশুবদা, হৌজিক ন্যুক্লিয়র ব্লেমমেল অমত্তা মথৌ তৌরোই অমসুং অহুমশুবদা, ঐখোয়না তেরোরিস্তশিংবু স্পোন্সর তৌরিবা সরকার অমসুং তেরোরিস্ত মাস্তরশিংবু তোঙানবা এন্তিতীশিং ওইনা উররোই।

ইকাই খুম্নরবা চিয়রমেনজী

ফোরেন পোলিসীগী মতাংদা মফম অসিদা কয়া অমা হায়খ্রে। মালেমগী মতেং পাংবগী মতাংদা কয়া অমা হায়খ্রে। ঙসি ঐহাক্না হাউস অসিদা করিগুম্বা খরদি য়াম্না ময়েক শেংনা হায়জরি। মালেমগী লৈবাক অমত্তনা ভারতপু মাগী সেক্যুরিতীগীদমক থবক লৌখৎপদগী থিংবা ঙমদ্রি। য়ুনাইতেদ নেসন্সকী লৈবাক ১৯৩দা লৈবাক ১৯৩গী মনুংদা, লৈবাক অহুমখক্তনা, ওপরেসন সিন্দুরগী মতমদা পাকিস্তানবু শৌগৎলদুনা ৱারোল পীখি, লৈবাক অহুমখক্তনি। ক্বাদ, ব্রিক্স, ফ্রান্স, রসিয়া, জর্মনী, লৈবাক অমা হেক্তা ওইরবসু, ভারতনা মালেমগী লৈবাক পুম্নমক্তগী মতেং ফংলি।

ইকাই খুম্নরবা চিয়রমেনজী

ঐখোয়না মালেমগী মতেং ফংলে, মালেমগী লৈবাকশিংগী মতেং ফংলে, অদুবু ঐগী লৈবাক্কী অথৌবশিংগী থৌনা অদুনা কংগ্রেসকী মতেং ফংদ্রিবা অসি য়াম্না নুংঙাইতবা অমনি। এপ্রিল ২২গী মতুংদা, এপ্রিল ২২গী তেরোরিস্ত এতেক্তকী নুমিৎ অহুম নৎত্রগা মরিগী মনুংদা, মখোয়না চঙশিল্লকখি অমসুং হায়রকখি মদুদি ইঞ্চি ৫৬গী চেস্ত অদু কদায়দা লৈ? মোদী কদায়দা চৎলিবগে? মোদীনা মায়থিরে, মখোয়না য়াম্না নুংঙাইখি, মখোয়না খনখি, ৱা! মখোয়না গেম অসি মায় পাক্লে। মখোয়না মখোয়গী পোলিসীশিং অসি পহলগামগী অশোনবা মীওইশিংবু শিহনবদসু তৌরম্মি। মখোয়না ঐহাকপু মখোয়গী ওইজবা থিবা রাজনিতীগীদমক তার্গেৎ তৌখি, অদুবু মখোয়গী পুকসেল পীবা মতৌ অদুনা মখোয়গী অৱাংবা থাক্কী ৱাখল্লোন অসিনা লৈবাক অসিগী সেক্যুরিতী ফোর্সশিংগী থৌনা হন্থহল্লি। কংগ্রেসকী লুচিংবা খরনা ভারতকী মপাঙ্গল অমসুং ভারতকী লান্মীদা থাজবা লৈতে, মরম অদুনা মখোয়না ওপরেসন সিন্দুরদা লেপ্পা লৈতনা ৱাহংশিং হংলকখি। মসি তৌদুনা, অদোম্না মীদিয়াদা হেদলাইনশিং ওইবা ঙমগনি, অদুবু লৈবাক মীয়ামগী থম্মোয়দা মফম অমা কনবদি ঙম্লোই।

ইকাই খুম্নরবা চিয়রমেনজী

মে ১০দা, ভারতনা ওপরেসন সিন্দুরগী মখাদা লৌখৎলিবা থবকশিং অদু লেপহন্নবগী পাউজেল পীখি। মসিগী মরমদা তোঙান তোঙানবা ৱাফম কয়া হায়খি। মসি ঙমখৈগী ৱাংমদগী শন্দোরক্লিবা প্রোপেগান্দা অদুগা চপ মান্নৈ। মীওই খরনা লান্মীনা পীরিবা ফেক্তশিং অদুগী মহুত্তা পকিস্তানগী অরানবা প্রোপাগান্দা শৌগৎপদা থৱায় য়াওরি। অদুগা ভারতকী ফিরেপতি মতম পুম্নমক্তা ময়েক শেংনা থম্লি।

ইকাই খুম্নরবা চিয়রমেনজী

ঐহাক্না করিগুম্বা খরা নিংশিংবা পাম্মি। সর্জিকেল স্ত্রাইক পাংথোকপা মতমদা, ঐখোয়না ঐখোয়গী লান্মীশিংবু মখোয়গী লমদমদা চৎলগনি অমসুং তেরোরিস্তশিংগী লোঞ্চিং পেদশিং থুগায়গনি হায়না শেম-শারি। অহিং অমদা পাঙথোকখিবা সর্জিকেল স্ত্রাইক্তা ঐখোয়গী মীওইশিংনা নুমিৎ থোরকপদা থবক লোইশিনখি অমসুং হল্লকখি। মসি পাংথোক্কদবনি হায়না পান্দম থমখি। ঐখোয়না বালাকোত এয়র স্ত্রাইক পাংথোকপা মতমদা, ঐখোয়গী পান্দমদি মতম অসিদা তেরোরিস্তশিংগী ত্রেনিং সেন্তরশিং থুগাইবনি অমসুং ঐখোয়না মসিসু পাংথোকখি। ওপরেসন সিন্দুরগী মতমদা, ঐখোয়গী তার্গেৎ অসি লেপখি অমসুং ঐখোয়গী পান্দমদি তেরোরিস্তশিংগী ইপিসেন্তর অমসুং পহলগামগী তেরোরিস্তশিংনা মপাঙ্গল কনবা থৌরাং, ত্রেনিং অমসুং থৌরাং পায়খৎলিবা মফম অদুদা লান্দাবনি। ঐখোয়না মখোয়গী নেভেলদা লান্দাখি। পহলগামগী তেরোরিস্তশিংবু থবক পীনবা, ত্রেনিং পীনবা, শেল থাদবা, ত্রেক তৌবা, তেক্নিকেল সপোর্ত ফংহনবা, খুৎলায়গী খুদোংচাবশিং ফংহল্লিবা মফম অদু ঐখোয়না মশক খঙদোক্লে অমসুং ওপরেসন সিন্দুরগী মখাদা তেরোরিস্তশিংগী নেভে অদু ঐখোয়না নিংথিনা লান্দাখি।

অমসুং ইকাই খুম্নরবা চিয়রমেনজী

মসিগী মতাংদসু ঐখোয়গী লান্মীনা লৈবাক অসিগী মপাঙ্গল অদু ১০০% পান্দম ফংদুনা উৎখ্রে। মীওই খরনা করিগুম্বা খরবু তৌগে য়াওনা কাউথোক্লি। লৈবাক অসিনা কাউদে, লৈবাক অসিনা নীংশিংলি, ওপরেসন অসি মে ৬কী নুমিদাং অমসুং মে ৭গী অয়ুক্কী মতমদা পাংথোকখি অমসুং মে ৭গী অয়ুক্কী মতমদা ঐখোয়গী লান্মীনা প্রেস কনফরেন্স অমা পাংথোকখি অমসুং প্রেস কনফরেন্স অদুদা ভারতনা ময়েক শেংনা হায়খি অমসুং অহানবা নুমিৎতগী ময়েক শেংনা হায়খি মদুদি ঐখোয়গী পান্দমদি তেরোরিস্তশিং, তেরোরিস্তশিংগী মাস্তরশিং, তেরোরিস্তশিংগী এরেঞ্জমেন্তশিং শেম্লিবা মফমশিং অমসুং মখোয়গী বেজশিং অদুনি, ঐখোয়না মখোয়বু মুৎপা পাম্মি অমসুং ঐখোয়না ঐখোয়গী থবক তৌরে হায়না প্রেস কনফরেন্স অদুদা হায়খি। ঐখোয়না ৱারেপ লৌখিবা অদু ঐখোয়না মপুং ফাহনখ্রে। অমসুং মসিনা মরম ওইদুনা মে ৬-৭তা ঐখোয়গী ওপরেসন অসি মায়পাক্লবা মতুংদা, ঐহাক্না রাজনাথ জীনা ঙরাং হায়খিবা অদু মপুং ফানা থাজবা থমদুনা অমুক হন্না হায়জরি, ভারতকী লান্মীনা পাকিস্তানগী লান্মীদা মিনিত খরগী মনুংদা মসি ঐখোয়গী পান্দমনি, ঐখোয়না পান্দম অসি মপুং ফাহনখ্রে হায়খি, মরম অদুনা মখোয়না খঙই অমসুং ঐখোয়না মখোয়গী থম্মোয় অমসুং ৱাখলদা করি লৈবগে হায়বা খঙই। ঐখোয়না ঐখোয়গী পান্দম ১০০% ফংলে। অমসুং করিগুম্বা পাকিস্তান্না ৱাখল লৈরম্বা তারবদি, তেরোরিস্তশিংগা লোয়ননা ফোংনা লেপ্পগী অশোয়বা অদু মখোয়না তৌরম্লোই। মখোয়না তেরোরিস্তশিংগীদমক লেপ্নবা ৱারেপ লৌখি। ঐখোয়না মপুং ফানা শেম-শারি, ঐখোয়না খুদোংচাবা অমা থিরি, অদুবু ঐখোয়গী পান্দমদি তেরোরিজম, তেরোরিস্ত মাস্তরশিং, তেরোরিস্তশিংগী মফমশিংনি হায়না ঐখোয়না মালেমদা হায়খি, অমসুং ঐখোয়না মদু পাংথোকখি। অদুবু পাকিস্তাননা তেরোরিস্তশিংবু মতেং পাংনবা ৱারেপ লৌদুনা লমদম অসিদা চঙশিনবা মতমদা, ভারতকী লান্মীনা য়াম্না চুনবা পাউখুম অমা পীখি মদি চহি কয়াগী মতুং ফাওবা নীংশিংদুনা লৈহৌরগনি মদুদি মে ৯গী অহিং নোংয়াই অমসুং মে ১০গী অয়ুক্কী মতম ফাওবদা, ঐখোয়গী মিসাইলশিংনা পাকিস্তানগী মফম খুদিংমক্তা লান্দাখি, মসি পাকিস্তান্না কাউরোইদবনি। অদুগা পাকিস্তাননা চংজবা তাখি অমসুং অদোম্না তি.ভি.দসু উখি, মদুদগী করি-করম্বা ৱারোলশিং লাকখি? পাকিস্তানগী মীওইশিংনা হায়নৈ, ঐহাক স্বিমিং পুলদা ইরুজরি, কনাগুম্বা অমনা হায়রি, ঐহাক ওফিসতা চৎনবা শেম-শাদুনা লৈরি, ঐখোয়না করিগুম্বা অমত্তা খনবা ঙম্নদ্রিঙৈদা, ভারতনা লান্দারকখি। হায়রিবশিং অসি পাকিস্তানগী মীয়ামগী ৱারোলনি অমসুং লৈবাক অসিনা মখোয়বু উরে। মখোয়না স্বিমিং পুলদা ইরুজরিঙৈদা পাকিস্তাননা অসিগুম্বা অৱাবা মায়োক্নবগী ৱাখল্লোন অমত্তা খল্লুদে। মদুদগী পাকিস্তাননা দি.জি.এম.ও.গী মমাংদা ৱাকৎখি, মসি লেপহল্লু, ঐখোয় চাউনা শোক্লে, হৌজিক্তি ঐখোয়না থেংনবা ঙম্নবা শক্তি লৈতে, চানবীদুনা লেপহল্লু হায়না হায়জখি। মসি পাকিস্তানগী দি.জি.এম.ও.গী ৱাফমনি অমসুং ভারতনা অহানবা নুমিৎতা হায়খি, তাং ৭কী অয়ুক্কী প্রেস কনফরেন্স অদু য়েংউ মদুদি ঐখোয়না ঐখোয়গী পান্দম অদু ফংলে, করিগুম্বা নখোয়না করিগুম্বা অমা তৌরক্লবদি, মদু অদোমগীদমক অচৌবা অমাংবা ওইগনি। ঙসি ঐহাক্না অমুক্কা হন্না হায়জরি মদুদি মসি ভারতকী ময়েক শেংবা পোলিসীনি, ৱাখল তানা খল্লবা পোলিসীনি, লান্মীগা খুৎশম্নদুনা ৱারেপ লৌখিবা পোলিসীনি অমসুং মদুদি ঐখোয়গী পান্দমদি তেরোরিস্তশিং, মখোয়গী মাস্তরশিং, মখোয়গী লৈফমশিংবু মাংহনবনি অমসুং ঐখোয়না হায়খি, ঐখোয়না অহানবা নুমিত্তা পাউগী মীফমদা হায়খি মদুদি ঐখোয়গী এক্সন অসি নন-এস্কেলেতরীনি। ঐখোয়না মসি হায়দুনা মসি পাংথোক্লে অমসুং মসিগীদমক্তা, মরুপশিং, ঐখোয়না এতেক অদু লেপহনখি।

চিয়েমেনজী,

মালেমগী লুচিংবা অমত্তনা ভারতপু ওপরেসন অসি থিংনবা হায়খিদে। মতম অদুদা, তাং ৯গী নুমিদাং, অমেরিকাগী ভাইস প্রসিদেন্তনা ঐগা ৱারী শাননবা হোৎনখি। মহাক্না পুং অমরোম হোৎনখি, অদুবু ঐহাক্না ঐগী লান্মীগা মীফম অমদা শরুক য়াখি। মরম অদুনা ঐহাক্না মহাক্কী কোল অদু পাইবা ঙমখিদে, মতুংদা ঐহাক্না মহাকপু অমুক হন্না কোল তৌখি। ঐহাক্না হায়খি মদুদি অদোম্না কোল তৌরক্লমখি, অদোমগী কোল অসি অহুম-মরিরক লাকখি, করি তৌরবগে? অসুম্না অমেরিকাগী ভাইস প্রসিদেন্তনা পকিস্তাননা অচৌবা এতেক অমা তৌরক্কদৌরে হায়না ঐঙোন্দা ফোন্দা হায়খি। মহাক্না মসি ঐঙোন্দা হায়খি, ঐহাক্কী পাউখুমদি, মদু খঙদবা মীওইশিংনা খঙলরোই। ঐহাক্কী পাউখুমদি, করিগুম্বা পাকিস্তাননা অসিগুম্বা পাম্বৈ অসি শীজিন্নরক্লবদি, মসিনা মখোয়দা চাউবা অৱাবা নংহনগনু। ঐহাক্না মসি অমেরিকাগী ভাইস প্রসিদেন্তদা হায়খি। করিগুম্বা পাকিস্তাননা লান্দারক্লবদি, ঐখোয়না অমুক চাউনা লান্দাবগা লোয়ননা পাউখুম পীরগনি, মসি ঐহাক্কী পাউখুমনি অমসুং মখা তানা ঐহাক্কী ৱাহৈ অমা লৈ, ঐহাক্না হায়রম্মি মদুদি, ঐখোয়না বুলেৎশিংবু শেলশিংনা পাউখুম পীরগনি। মসি ৯শুবা নুমিৎকী নুমিদাংনি অমসুং ৯শুবা নুমিৎকী নুমিদাং অমসুং ১০শুবা অয়ুক্তা ঐখোয়না পাকিস্তানগী লান্মীগী শক্তি অদু থুগাইখি অমসুং মসি ঐখোয়গী পাউখুমনি, মসি ঐখোয়গী ইথিলনি। অমসুং ঙসিদি পাকিস্তানসু ভারতকী পাউখুম খুদিংমক হান্নদগী হেন্না মপাঙ্গল কনখৎলক্কনি হায়বসি য়াম্না ফজনা খঙলে। তুংলমচৎতা করিগুম্বা মথৌ তারক্লবদি ভারতনা করিগুম্বা অমা হেক্তা তৌবা ঙম্মী হায়বা অসিসু লৈবাক অসিনা খঙই। মরম অসিনা ঐহাক্না অমুক হন্না হায়জনীংবদি, দেমোক্রেসিগী লাইশঙ অসিদা, ওপরেসন সিন্দুর অসি চত্থরি। করিগুম্বা পাকিস্তান্না মতিক লৈরবদি, মদুগী চপ চাবা পাউখুম পীরগনি।

ইকাই খুম্নরবা চিয়রমেনজী

ঙসিগী ভারত অসি মশাদা থাজবা মপুংফানা লৈরে। ঙসিগী ভারত অসি আত্মনির্ভরগী মন্ত্রগা লোয়ননা মপুং ফানা শক্তি লৈদুনা খোংজেল য়াংনা মাংলোমদা চংশিল্লি। লৈবাক অসিনা য়েংলি, ভারত অসি মশা-মরোমদোম লেপচবা ঙম্লে। অদুবু লৈবাক অসিনা মসিসু উরি মদুদি নাকল অমরোমদা ভারত অসি মশা-মরোমদোম লেপচবা ঙম্নবগী মায়কৈদা খোঙজেল য়াংনা চংশিল্লি, অদুবু কংগ্রেসনা ৱাফমশিংগীদমক্তা পাকিস্তানগী মখা পোল্লি। ঐহাক্না ঙসি নুমিৎ চুপ্পা য়েংখি, পুং ১৬ চুপ্না চত্থরকখিবা খন্ন-নৈনবগী থৌরম অদুদা, লাইবক থিবদি কংগ্রেসনা পাকিস্তানদগী ইসুশিং পুশিল্লকপা তাই।

ইকাই খুম্নরবা চিয়রমেনজী

ইনফোর্মেসন অমসুং নেরেতিবশিংনা ঙসিগী লানফমদা য়াম্না মরু ওইবা থৌদাং অমা লৌরি। নেরেতিবশিং শেম্বা অমসুং এ.আই.বু মপুং ফানা শীজিন্নদুনা, ফোর্সশিংগী থৌনা হন্থহন্নবা গেমশিং শান্নৈ। মীয়ামগী মরক্তা থাজদবা পোকহন্নবা হোৎনবা কয়া অমসু লৈরি। নুংঙাইতবা ৱাফমদি, কংগ্রেস অমসুং মাগী মরী লৈনবশিংনা অসিগুম্বা পাকিস্তানগী ৱাখল্লোনগী ৱাঙাংলোই ওইরক্লি।

ইকাই খুম্নরবা চিয়রমেনজী

লৈবাক অসিগী লান্মীনা সর্জিকেল স্ত্রাইক চত্থখি।

ইকাই খুম্নরবা চিয়রমেনজী

লৈবাক অসিগী লান্মীনা সর্জিকেল স্ত্রাইক মায় পাক্না পাংথোকপা মতমদা, কংগ্রেসকী মীওইশিংনা লান্মীদগী খুদক্তা প্রমান পীনবা হায়খি। অদুবু মখোয়না লৈবাক অসিগী ফিভম অদু উবদা, মখোয়গী তোন হোংবা হৌখি অমসুং হোংলবা মতুংদা মখোয়না করি হায়খিবগে? কংগ্রেসকী মীওইশিংনা হায়খি মদুদি সর্জিকেল স্ত্রাইক অসিদা অচৌবা ৱাফম করি লৈবগে, ঐখোয়না মসিসু পাংথোকখি। অমনা হায়রি, সর্জিকেল স্ত্রাইক অহুম তৌখি। অতোপ্পা অমনা, সর্জিকেল স্ত্রাইক ৬ পাংথোকখি হায়না হায়রি। অহুমশুবদা, সর্জিকেল স্ত্রাইক ১৫ পাংথোকখি হায়না হায়রি। লুচিংবা অদুনা হেন্না চাউরিবা মতিক মশিং অদুসু হেন্না চাউখৎলকখি।

ইকাই খুম্নরবা চিয়রমেনজী

মসিগী মতুংদা, লান্মীনা বালাকোত্তা এয়র স্ত্রাইক অমা পাংথোকখি। এয়র স্ত্রাইক অসি মখোয়না করিগুম্বা অমত্তা হায়বা ঙমখিদে, মরম অদুনা মখোয়না ঐখোয়সু মদু তৌখি হায়না হায়খিদে। মখোয়না মদুদা লৌশিং উৎখি, অদুবু ফোতোশিং খোমজিনবা হৌখি। করিগুম্বা এয়র স্ত্রাইক অমা তৌখ্রবদি, ফোতোশিং অদু উৎলু। করিনা কদায়দা তাখি? করি অকাই অতোই নংখি? কয়া য়াম্না অশোক-অপন থোকখ্রবগে? কয়া শিখি? মখোয়না মসি খক্তমক হংদুনা লৈখি! পাকিস্তানসু চপ মান্নবা ৱাহং অসি হংলকখি, মরম অদুনা মখোয়নসু চপ মান্নবা ৱাহং অসি হংলম্মি। মসি খক্তা নত্তনা...

ইকাই খুম্নরবা চিয়রমেনজী

পাইলোৎ অবিনন্দনবু ফাবা মতমদা, মখোয়না ভারতকী পাইলোৎ অমা ফাখিবদা পাকিস্তান্না নুংঙাইবা পোকপা অসি মহৌশানা ওইরম্মি, অদুবু মফম অসিদা মীওই খরসু লৈরম্মি মদুদি হৌজিক মোদী দাশা তারে, হৌজিক অবিনন্দন মফম অদুদা লৈরে, মোদীনা মহাকপু অমুক হল্লকহনগদবনি। হৌজিক মোদীনা করি তৌবগে হায়বদু য়েংসি। অমসুং অবিনন্দননা থোইদোক হেন্দোকপা মওংদা হল্লকখি। ঐখোয়না অবিনন্দনবু অমুক হন্না পুরকপা মতমদা, মখোয়না ৱা ঙাংবা ঙমখিদে। মখোয়না খল্লি, নুপা, মহাক অসি য়াম্না লাইবক ফবা মীশক্নি! ঐখোয়গী খুৎলাইশিং অসি ঐখোয়গী খুৎতগী নান্থোকখ্রে।

ইকাই খুম্নরবা চিয়রমেনজী

পহলগামগী এতেক মতুংদা, ঐখোয়গী বি.এস.এফ.গী লান্মী অমা পকিস্তাননা ফাজিনখি, মদুদগী মখোয়না হায়খি মদুদি ৱা! অচৌবা ইসু অমা লাক্লে, হৌজিক মোদী নান্থোকপা ঙম্লরোই। হৌজিক মোদীদি শোয়দনা ইকাইবা নংলগনি অমসুং মখোয়গী ইকোসিস্তেম্না বি.এস.এফ.কী লান্মী অসি করম থোক্কনি হায়না সোসিএল মীদিয়াদা ৱারী কয়া অমা ভাইরেল ওইহনখি। মহাক্কী ইমুং-মনুং করি ওইরক্কনি? মহাক্না করম্বা মতমদা হল্লক্কনি? মহাক্না মতৌ করম্না হল্লক্কনি? মখোয়না কয়া অমা শন্দোকখি।

ইকাই খুম্নরবা চিয়রমেনজী

বি.এস.এফ.গী জৱান অদুসু ইকাই খুম্নবা অমসুং চাউথোকচবগা লোয়ননা হল্লকখি। তেরোরিস্তশিংনা কপ্নরি, তেরোরিস্তশিংগী মাস্তরশিংনা কপ্নরি অমসুং  মফম অসিদা লৈরিবা মীওই খরসু কপ্নরি। হৌজিক য়েংবীয়ু, সর্জিকেল স্ত্রাইক অসি চত্থরি, মদুগী মতুংদা মখোয়না গেম অমা শান্ননবা হোৎনখি, মদু মথৌ তৌখিদে। এয়র স্ত্রাইক থোকপা মতমদা, মখোয়না অতোপ্পা গেম অমা শান্ননবা হোৎনখি, মদুসু মথৌ তৌখিদে। ওপরেসন সিন্দুর অসি পাংথোকপা মতমদা, মখোয়না অনৌবা ত্রিক অমা হৌখি অমসুং মখোয়না করি হৌখি, মখোয়না মসি করিগীদমক লেপখিবনো? অহানবদা মখোয়না করিগুম্বা অমা পাংথোক্নবা শেম-শাখিদে, হৌজিক মখোয়না করিগীদমক ঐখোয়না লেপখিবনো হায়রি? ৱা, অদোমগী ৱারোলশিং অসি য়াম্না থৌনা ফবনি! অদোম্না য়ানিংদবা ফোঙদোক্নবা মরম অমা মথৌ তাই অমসুং মসিনা মরম ওইদুনা ঐ খক্তা নত্তে, লৈবাক পুম্বনা নখোয়দা নোক্নরি।

ইকাই খুম্নরবা চিয়রমেনজী

লান্মীগী মায়োক্তা লৈবা, লান্মীগী মায়োক্তা নেগেতিবিতী, মসি কংগ্রেসকী অরিবা মওং ওইরি। লৈবাক অসিনা কার্গিল বিজয় দিবস পাঙথোকখ্রে, অদুবু লৈবাক অসিনা ময়েক শেংনা খঙই মদুদি মখোয়গী মতম অদুদা অমসুং ঙসি ফাওবদা, কংগ্রেসনা কার্গিলগী মায় পাকপা অদু য়াখিদে। কার্গিল বিজয় দিবস পাংথোকখিদে, কার্গিলগী মায় পাকপগী থৌরমসু পাংথোকখিদে। পুৱারীনা শাখি ওইরি, দোকলামদা লান্মীনা ঐখোয়গী থৌনা অদু উৎলিঙৈদা, হৌজিক মালেম পুম্বনা খঙলে মদুদি কংগ্রেসকী লুচিংবশিংনা কনাদা তুমিন্না পাউতমখি। নহাক্না তেপ অদু লৌথোক্লবদি, পাকিস্তানগী স্তেতমেন্ত খুদিংমক অমসুং মফম অসিদা ঐখোয়গা মাইয়োক্নরিবা মীওইশিংগী স্তেতমেন্তশিং অসি, মপুং ফাবা চখৈ, কোমা ফাওবা মান্নৈ। অদোম্না মসিদা করি হায়গনি? ঐখোয়না অচুম্বা ৱা ঙাংবদি য়াম্না নুংঙাইতবা ফাওই! ঐখোয়না পাকিস্তানগা লোয়ননা শান্তিদা লৈবা পামখি।

ইকাই খুম্নরবা চিয়রমেনজী

কংগ্রেসনা পাকিস্তানদা ক্লিন চিৎ পীখিবা অসিদা লৈবাক অসিনা থোইদোক্না নুংঙাইতবা ফাওখি। মখোয়গী ওদেসিতী অমসুং হৈনবী অসি মাঙখিদে। পহলগামগী তেরোরিস্তশিং অসি পাকিস্তানিশিংনি হায়বা প্রমান পীনবগী থৌনা । অদোম্না করি হায়রিবগে? মসি করম্বা মখলগী পাম্বৈনো? অদুগা পাকিস্তাননা কংগ্রেসকা চপ মান্নবা দিমান্দ তৌরি।

অমসুং ইকাই খুম্নরবা চিয়রমেনজী

ঙসিদি খুদম-চাংদমগী অৱাৎপা লৈতবা মতমদা, পুম্নমক ঐখোয়গী মাংদা উবা ফংলে, অদুগা মসি ওইরক্লিবা ফীভম্নি। করিগুম্বা খুদম অমত্তা লৈত্রবদি, হায়রিবা মীওইশিং অসিনা করি তৌরমগনি, অদোম্না ঐঙোন্দা হায়বীগদ্রা?

ইকাই খুম্নরবা চিয়রমেনজী

মিস্তর রাস্ত্রপতিজী, ওপরেসন সিন্দুরগী শরুক অমা ওইরিবা অসিগী মতাংদা খন্ন-নৈনবা অমসুং পুক্নিং চিংশিন্নবা কয়া অমা লৈরি। অদুবু লৈবাক অসিগীদমক্তা চাউথোকচনীংঙাই ওইবা তাঙ্কক খরদি লৈরি, মপাঙ্গল উৎপীবা, মদুগীদমক্তা মীৎয়েং চংবা অসিসু য়াম্না পাম্নৈ। ঐখোয়গী এয়র দিফেন্স সিস্তেম অসি মালেম পুম্বদা খন্ন-নৈনরি। ঐখোয়গী এয়র দিফেন্স সিস্তেম্না পাকিস্তানগী মিসাইলশিং অমসুং দ্রোনশিংবু চরুগুম্না মকুপ তাহনখি।

ইকাই খুম্নরবা চিয়রমেনজী

ঙসি ঐহাক্না স্তেতিস্তিক্স অমা শেয়র তৌবা পাম্মি। লৈবাক শীনবা থুংনা চাউথোকচবা পোক্কনি। মীওই খরদা করি ওইরক্কদগে হায়বা ঐ খঙদে, অদুবু লৈবাক পুম্বনা চাউথোকচবা পোক্কনি। মে ৯দা, পাকিস্তাননা ভারত্তা মিসাইল লিশিং অমা অমসুং খুৎলায়গী দ্রোন লিশিং অমা শীজিন্নদুনা চাউনা লান্দানবা হোৎনখি। করিগুম্বা হায়রিবা মিসাইলশিং অসি ভারতকী মফম অমা হেক্তদা তাখিবা তারবদি, মসিনা অচৌবা মাং-তাক্নিংঙাই ওইবা অমাং-অতা থোকহল্লমগনি, অদুবু ভারতনা অতিয়াদা পাইরিবা মিসাইল অমসুং দ্রোন লিশিং কয়া মাংহনখি। লৈবাক অসিগী মীপুম খুদিংমক্না মসিদা চাউথোকচবা ফাওই, অদুবু কংগ্রেসকী মীশিংনা ঙাইদুনা লৈখি, করিগুম্বা অমা থোক্লবদি, মোদীনা শিগনি! মহাক্না মফম অমদা দাশা তাদুনা লৈগনি! পাকিস্তাননা অদমপুর এয়রবেজদা এতেক তৌবগী তোকঙা শন্দোকখি, অরানবা অদু শন্দোক্নবা হোৎনখি, মাগী শক্তি পুম্নমক শীজিন্নখি। মথংগী নুমিত্তা ঐহাক অদমপুরদা য়ৌখি অমসুং মখোয়গী অরানবা অদু ঐহাক ইশামক্না ফোংদোকখি। মতম অদুদা মখোয়না মসিগী অরানবা ৱাফম অসি মখা তানা কান্রনরোই হায়বা মখোয়না খঙলকখি।

ইকাই খুম্নরবা চিয়রমেনজী

পোলিতিক্সতা অনৌবা ওইরিবা, অপীকপা পার্তীশিংগী ঐখোয়গী মরুপশিংনা লৈঙাক্কী শরুক য়ানবা খুদোংচাবা অমত্তা ফংখিদ্রি, মখোয়দগী করিগুম্বা খরা লাক্কনি হায়বা ঐনা খঙবা ঙম্লি। অদুবু কংগ্রেস পার্তীনা লৈবাক অসিবু মতম শাংনা লৈঙাক্লম্মী। মখোয়না গবর্নান্সকী সিস্তেমশিং অসি মপুং ফানা খঙই, মখোয় অসি অসিগুম্বা পোৎলমশিং অসিদগী থোরকপা মীওইশিংনি, মখোয়গীদমক গবর্নান্স হায়বসি করিনো হায়বদু মখোয়না মপুং ফানা খঙই। মখোয়গী এক্সপরিয়েন্স লৈ, মদুগী মতুংদসু ফোরেন মিনিস্ত্রীনা খুদক্তা পাউখুম পীরবদি, মদু য়াদে। করিগুম্বা ফোরেন মিনিস্তরনা পাউখুম পীরবদি, ইন্তর্ভিয়ু অমা পীরবদি, হন্না হন্না ৱা ঙাংবদি, মদু অয়াবা পীদে। হোম মিনিস্তরনা হায়রি, দিফেন্স মিনিস্তরনা হায়রি, কনা অমত্তদা থাজবা লৈতে। চহি কয়া লৈঙাক্লম্বা মীওইশিংনা লৈবাক অসিগী সিস্তেমশিংদা থাজবা লৈত্রবদি, মখোয়গী ফিভম অসি করম্না ওইগদগে হায়বগী চিংনবা অমা ফাওরকই।

ইকাই খুম্নরবা চিয়রমেনজী

হৌজিক্তি কংগ্রেসকী থাজবা অসি পাকিস্তানগী রিমোৎ কন্ত্রোলনা শেম্লে অমসুং হোংলে।

ইকাই খুম্নরবা চিয়রমেনজী

কংগ্রেসকী মপুং ফাবা অনৌবা মেম্বর অমা হায়রবদি মহাকপু ঙাকপীগদবনি, অনৌবা মেম্বর অমগী মরমদা করি হায়রুগদগে। অদুবু কংগ্রেসকী মকোক থোংবশিংনা মঙোন্দা অইবা ওইনা পীদুনা হায়হল্লি অমসুং মখোয় মশানা থৌনা লৈতে, মখোয়না মহাকপু ওপরেসন সিন্দুর অসি তামশা অমনি হায়না হায়হল্লি। তেরোরিস্তশিংনা মীওই ২৬ হাৎখি, অকিবা পোকহনবা থৌদোক অদুদা এসিদ হৈজিনবা হায়বা অসি পাপ অমনি। অদোম্না মসিবু তামশা হায়না কৌরবদি, অদোম্না মসি য়ারম্বা য়াই অদুগা কংগ্রেসকী লুচিংবশিংনা মহাকপু মসি হায়হনবনি।

ইকাই খুম্নরবা চিয়রমেনজী

শাস্ত্রশিংদা হায়রি, ঐখোয়গী শাস্ত্রশিংদা হায়রি, শাস্ত্রেন রক্ষিতে রাস্ত্রে শাস্ত্রা চিন্তা প্রবর্ততে, হায়বদি, লৈবাক অসি শাস্ত্রশিংনা ঙাক্লৌ পীরবদি, মদুদগী খক্তদা শাস্ত্রগী লৌশিংগী মতাংদা খন্ন-নৈনবগী থৌওং পাঙথোকপা ঙম্মি। ঙমখৈদা লান্মীশিং মপাঙ্গল কনখৎলকপা মতমদা খক্তদা দিমোক্রেসি চাউখৎপা ঙমগনি।

ইকাই খুম্নরবা চিয়রমেনজী

ওপরেসন সিন্দুর অসি হৌখিবা চহি তরা অসিদা ভারতকী লান্মীগী শক্তি হেনগৎলকপগী অচেৎপা খুদম অমনি। অসি অসিগুম্না থোকখিবা নত্তে। কংগ্রেসকী লৈঙাক্কী মতমদা, লান্মীবু মশা মথন্তা লেপচবগী ৱাখল্লোন অমত্তা লৈরমদে। ঙসি ফাওবদা, মশা-মরোমদোম লেপচবা হায়বা ৱাহৈ অসিসু কান্নদ্রে। মসি মহাত্মা গান্ধীদগী লাক্লবসু, ঙসি ফাওবদা মসিবু ইকায় খুম্নরি। কংগ্রেসনা ঙাকশেলগী য়ানচে খুদিংমক্তা মখোয়গী খুদোংচাবশিং অদু য়েংখি। অপীকপা খুৎলাইশিংগীদমক্তা মপানগী লৈবাকশিংদা মখা পোল্লি, মসি মখোয়গী মতম ওইরি। বুলেৎ প্রুফ জেকেৎশিং, নাইত ভিজন কেমেরাশিং লৈরমদে অমসুং লিস্ত অসি শাংখ্রে। জীপশিং, বোফরশিং, হেলিকোপ্তরশিংদগী হৌরগা, পুম্নমক্কী মরক্তাম স্কেম অমা লৈ।

ইকাই খুম্নরবা চিয়রমেনজী

ঐখোয়গী লান্মীশিংনা অনৌবা খুৎলাইশিং ফংনবগীদমক্তা চহি তরাগী খুজিং কয়া ঙাইদুনা লৈখি। নীংতম্বা ফংদ্রিঙৈ মমাংদা, অমসুং পুৱারীনা মসিগী খুদম ওইরি, মতম অমা লৈরম্মি মদুদা দিফেন্স মেন্যুফেকচরিংদা ভারত ভোইস তাখি। ঐখোয়না ঙাকশেলগী খুৎলায় পুথোকপদা মাংজিল থাখি। অদুবু নীংতম্বগী মতুংদা, ঐখোয়গী ঙাকশেলগী খুৎলায় পুথোকপগী মপাঙ্গল লৈবা মফম, ঐখোয়গী ইকোসিস্তেম পুম্বা মাংখি। রিসর্চ অমসুং মেন্যুফেকচরিংগী লম্বীশিং থিংখি। করিগুম্বা ঐখোয়না হায়রিবা পোলিসী অসি ঙাক্লবদি, ভারতনা ২১শুবা চহিচা অসিদা ওপরেসন সিন্দুরগী মরমদসু খল্লম্লোই। ভারতনা করিগুম্বা থবক লৌখৎপা তারবদি ঐখোয়না খুৎলাইশিং অসি কদাইদগী ফংগনি হায়না খনবা অসিগুম্লবা ফিভম অমা মখোয়না শেমখিবনি। ঐখোয়না রিসোর্সশিং অসি কদাইদগী ফংগনি? ঐখোয়না গনপাউদর অসি কদাইদগী ফংগনি? মদু মতম চানা ফংলগদ্রা নৎত্রগা ফংলরোইদ্রা? মসি মরক্তা থিংবা ঙমগদ্রা? মসিগী তেন্সন অসি লৌথোক্কদবনি।

ইকাই খুম্নরবা চিয়রমেনজী

হৌখিবা দিকেদ অসিদা আর্মীনা ফংলিবা মেক ইন ইন্দিয়া খুৎলাইনা ওপরেসন অসিদা অচৌবা থৌদাং অমা লৌখি।

ইকাই খুম্নরবা চিয়রমেনজী

চহি তরাগী মমাংদা, ভারতকী মীয়াম্না ঐখোয়গী লৈবাক অসি মপাঙ্গল কনবা, মশা-মরোমদোম লেপচবা অমসুং মোদর্ন নেসন অমা ওইহনগদবনি হায়না অচেৎপা ফিরেপ লৌখি। দিফেন্স অমসুং সেক্যুরিতীগী লম খুদিংমক্তা অহোংবা পুরক্নবা অকনবা খোংথাংশিং মথং-মনাও নাইনা লৌখৎখি। রিফোর্ম কয়া অমা পাংথোকখি অমসুং লৈবাক অসিগী লান্মীদা পাংথোকখিবা রিফোর্মশিং অসি নীংতম্বগী মতুংদা অহানবা ওইনা পাংথোকখি। দিফেন্স স্তাফকী চীফ ওইবগী ৱাখল্লোন অসি অনৌবা নত্তে। মালেমদা চাংয়েংশিং পাঙথোকই, ভারত্তা ৱারেপ লৌদে। মসি য়াম্না চাউবা রিফোর্ম অমনি, ঐখোয়না মসি পাংথোকখি অমসুং মখোয় অহুম্না পুক্নিং থৌগৎতুনা অমসুং মসিগী সিস্তেম অসিবু য়ানবা হোৎনবদা ঐহাক্না ঐখোয়গী আর্মী অহুমবু থাগৎপা ফোংদোকচরি। খ্বাইদগী চাউবা শক্তি অসি পুন্না থবক তৌমিন্নবা অমসুং পুনশিনবা অদুনি। মসিনা নেভি, এয়র ফোর্স, আর্মী ওইগেরা, পুনশিনবা অমসুং পুনশিনবনা ঐখোয়গী শক্তি অসি শরুক কয়া হেনগৎহল্লে অমসুং মসিগী মহৈসু ঐখোয়না উবা ফংলি। ঐখোয়না মসি তৌদুনা উৎলি। ঐখোয়না সরকারগী দিফেন্স প্রদক্সন কম্পনীশিংদা রিফোর্ম তৌখি। অহানবদা, মৈ থাবা থৌওংশিং, এজিতেসন, স্ত্রাইকশিং পাঙথোকখি। মখোয়না হৌজিক ফাওবা লেপখিদ্রি, অদুবু নেস্নেল ইন্তরেস্তপু খ্বাইদগী হেন্না মরু ওই হায়না লৌরদুনা, সরকারগী পথাপ অসিদা লৈরিবা ঐখোয়গী দিফেন্স ইন্দস্ত্রীদা লৈরিবা মীওইশিংনা থম্মোয় শেংনা লৌখি, রিফোর্মশিং অদু য়াখি অমসুং মখোয়সু ঙসি য়াম্না প্রদক্তিব ওইরে। মসি খক্তা নত্তে, ঐখোয়না প্রাইবেৎ সেক্তরগীদমক ঙাকশেলগী থোঙ হাংদোক্লে অমসুং ঙসিদি ভারতকী প্রাইবেৎ সেক্তরনা মাংলোমদা চংশিল্লি। ঙসিদি, দিফেন্সকী লমদা, ঐখোয়গী চহি ২৭-৩০গী নহাশিং, তায়র তু, তায়র থ্রি শহরশিংগী নহাশিং, অমসুং মফম খরদদি, নুপীমচাশিংনা স্তার্ত অপশিং লুচিংলি। ঙসিদি, দিফেন্স সেক্তরদা স্তার্তঅপ চা কয়া লিংখৎলি।

দ্রোনশিং, মওং অমদা, ঐহাক্না হায়জনীংবদি ঐখোয়গী লৈবাক অসিদা দ্রোনশিংগা মরী লৈনবা থবক থৌরম পুম্নমক্তা, হায়রিবা মীওইশিং অসিগী চাংচত্তা চহি ৩০-৩৫ ওইগনি। মীওই চাম্মগী মশীংনা মসি পাংথোক্লি অমসুং মসি মখোয়গী পাঙ্গলনি মরমদি মখোয়সু মসিদা শরুক য়াখি, অসিগুম্বা প্রদক্সনশিং অসি পাংথোকখিবা মীওইশিং অমসুং মখোয়না ওপরেসন সিন্দুরদা ঐখোয়দা য়াম্না কান্নখি। ঐনা মখোয় পুম্নমকপু মখোয়গী হোৎনবশিংগীদমক থাগৎপা ফোংদোকচরি অমসুং ঐনা মখোয়দা থাজবা পীরি, মাংলোমদা চংশিনবিয়ু, হৌজিক লৈবাক অসি লেপহৌরোই।

ইকাই খুম্নরবা চিয়রমেনজী

দিফেন্স সেক্তরদা মেক ইন ইন্দিয়া অসি স্লোগান অমা নত্তে। মসিগীদমক্তা ঐখোয়না বজেৎ অমসুং পোলিসীদা অহোংবা পুরকখি, অনৌবা থৌরাং কয়া পায়খৎখি অমসুং খ্বাইদগী মরুওইবদি, ময়েক শেংবা মীৎয়েং অমগা লোয়ননা ঐখোয়না লৈবাক অসিদা দিফেন্স সেক্তরদা মেক ইন ইন্দিয়াগী খোঙজেল য়াংনা মাংলোমদা চংশিল্লি।

ইকাই খুম্নরবা চিয়রমেনজী

চহি তরাগী মনুংদা, ঙাকশেলগী বজেৎ অসি শরুক অহুম হেনগৎখ্রে। দিফেন্স প্রদক্সন অসি চাদা ২৫০ হেনগৎলে, চাদা ২৫০। চহি ১১গী মনুংদা, দিফেন্স এক্সপোর্ত অসি শরুক ৩০ হেনখ্রে, শরুক ৩০ হেনখ্রে। ঙসিদি ঐখোয়না মালেমগী লৈবাক ১০০ রোমদা দিফেন্স এক্সপোর্ত তৌরি।

ইকাই খুম্নরবা চিয়রমেনজী

পুৱারীদা অচৌবা শাফু অমা পীবা করিগুম্বা খর লৈ। ওপরেসন সিন্দুরনা দিফেন্স মার্কেৎতা ভারতকী ফ্লেগ অমা লিংখৎলে। ভারতকী খুৎলাইশিংগী দিমান্দ নোংম-নোংমগী হেনগৎলক্লি। মসিনা ভারতকী ইন্দস্ত্রীশিংবুসু মপাঙ্গল কনখৎহল্লগনি, এম.এস.এম.ই.শিংবুসু মপাঙ্গল কনখৎহল্লগনি। মসিনা ঐখোয়গী নহারোলশিংদা থবক ফংহল্লগনি অমসুং ঐখোয়গী নহারোলশিংনা মখোয়না শাবা পোৎলমশিং অদুগী খুত্থাংদা মালেমদা মখোয়গী শক্তি উৎপা ঙম্লগনি। ঙাকশেলগী লমদা আত্মনির্ভর ভারতকী মায়কৈদা ঐখোয়না লৌখৎলিবা খোংথাংশিং অদু উবদা ঐহাক্না হরাওবা ফাওই। মীওই খরদি মখোয়গী শেঞ্জা-থুমজা অদু নান্থোকখিবদগী হৌজিক ফাওবা অৱাবা ফাওরি। মসি করম্বা মখলগী ৱাখল্লোননো? লৈবাক অসিনা অসিগুম্বা মীওইশিং অসিবু মশক খঙদোক্কদবনি।

ইকাই খুম্নরবা চিয়রমেনজী

ঙসিগী খুৎলায় পায়বগী লমদা মালেমগী শান্তি ফংনবগীদমক্তা ঙাকশেলগী লমদা ভারতকী মশা-মরোমদোম লেপচবা অসিসু তঙাইফদবা অমনি হায়না ঐহাক্না ময়েক শেংনা হায়জনীংই। ঐহাক্না মসি মমাংদসু হায়খ্রে, ভারত অসি বুদ্ধগী লৈবাক অমনি, লানগী লৈবাক নত্তে। ঐখোয়না চাউখৎপা অমসুং শান্তি পাম্মি, অদুবু চাউখৎপা অমসুং শান্তি ফংনবগী লম্বী অসি অকনবা মীৎয়েং চঙবদগী চৎলি হায়বসি ঐখোয়না কৈদৌঙৈদা খল্লোইদবনি।

ইকাই খুম্নরবা চিয়রমেনজী

ঐখোয়গী ভারত অসি ছত্রপতি শিবাজী মহারাজ, মহারাজা রনজীত সিংহ, রাজেন্দ্র চোদা, মহারানা প্রতাপ, লসিথ বোরফুকান অমসুং মহারাজা সুহেলদেবকী লমদমনি।

ইকাই খুম্নরবা চিয়রমেনজী

চাউখৎপা অমসুং শান্তিগীদমক ঐখোয়না স্ত্রেতেজিক কেপাবিলিতীশিংদসু মীৎয়েং থম্মি।

ইকাই খুম্নরবা চিয়রমেনজী

নেস্নেল সেক্যুরিতীগীদমক কংগ্রেসকী ৱাখল্লোন অমত্তা লৈরমদে অমসুং ঙসিদি মসিদা করিগুম্বা ৱাহং অমত্তা থোরক্লোই। কংগ্রেসনা মতম পুম্নমক্তা নেস্নেল সেক্যুরিতীগী মতাংদা য়ানিংদবা ফোঙদোক্লি। ঙসিদি, মখোয়না, করিগীদমক মখোয়না পি.ও.কে. ৱাফম অমা হায়রবদা, মখোয়না ৱাহং অসি ঐ খক্তদা হংজবা য়াগনি অমসুং মখোয়না অতোপ্পদা কনাদা হংগনি? অদুবু মসিগী মমাংদা, ৱাহং হংলিবা মীওইশিং অসিনা পাউখুম পীরগনি, করি সরকারনা পাকিস্তানবু পি.ও.কে.দা খুদোংচাবা পীখি? পাউখুম অসি ময়েক শেংই, পাউখুম অসি ময়েক শেংই, ঐনা নেহরু জীগী মতাংদা খন্ন-নৈনবদা, কংগ্রেস অমসুং মাগী ইকোসিস্তেম পুম্নমক্না খোইশাউনখি, করি ওইবগে হায়বা খঙদ্রে।

ইকাই খুম্নরবা চিয়রমেনজী

মীকুপ অমগী অশোইবশিংনা চহি চা কয়াগী মতুং ইন্না চৈরাক ফংখি। লৈবাক অসিনা নীংতম্বা ফংলবা মতুংদগী লৌখিবা ৱারেপশিংগী চৈরাক ফংলি। মফম অসিদা করিগুম্বা অমা হন্না হন্না পনখ্রে অমসুং ঐহাক্না অমুক্কা হন্না হায়জনীংই, অক্ষাই চিন, লমদম পুম্নমক অসি লৈহাও লৈতবা লমদমনি লাউথোকখি। লৈহাও চেনদে হায়দুনা ঐখোয়না লৈবাক অসিগী লম স্ক্বার কিলোমিতর ৩৮০০০ মাংহনখি।

ইকাই খুম্নরবা চিয়রমেনজী

ঐনা খঙই, ঐগী ৱাহৈ খরদি নুংঙাইতবা পোকহল্লি। ১৯৬২ অমসুং ১৯৬৩গী মরক্তা, কংগ্রেসকী লুচিংবশিংনা জম্মু অমসুং কাশ্মীরগী পুঞ্চ, উরি, নীলাম ভেলী অমসুং কিশাঙ্গঙ্গা থাদোক্নবা ৱাফম থমখি। ভারতকী লম...

ইকাই খুম্নরবা চিয়রমেনজী

অমসুং মদুসু লাইন ওফ পীসকী মিংদা তৌখি। ১৯৬৬দা, হায়রিবা মীওইশিং অসিনা রান ওফ কচ্ছকী মতাংদা মেদিএসন তৌবদা অয়াবা পীখি। মসি মখোয়গী নেস্নেল সেক্যুরিতীগী ভিজননি, অমুক্কা হন্না মখোয়না ভারতকী লম স্ক্বার কিলোমিতর ৮০০ রোম পাকিস্তানদা পীখি, মসিদা খাসানবেৎসু য়াওরি, মফম খরদা মসিবু খাসানবেৎ হায়নসু কৌই। ১৯৬৫গী লানফমদা ঐখোয়গী লান্মীনা হাজী পিয়র পাস অমুক হন্না ফংখি, অদুবু কংগ্রেসনা অমুক হন্না পীথোকখি। ১৯৭১দা, পাকিস্তানগী লান্মী ৯৩,০০০ ঐখোয়দা বন্দী ওইখি, পাকিস্তানগী স্ক্বার কিলোমিতর লিশিং কয়া ঐখোয়গী লান্মীনা লৌশিনখি। ঐখোয়না কয়া অমা তৌবা ঙম্মি, ঐখোয়না মায় পাকপগী ফীভমদা লৈরম্মি। মতম অদুদা করিগুম্বা খরা মায় পাক্লবদি, খরা খঙমিন্নরক্লবদি, মদুগী মতুংদা পি.ও.কে অমুক লৌশিনবগী ৱারেপ লৌবা ঙম্লমগনি। মদু খুদোংচাবা অমনি, খুদোংচাবা অদুসু মাংখি অমসুং মসি খক্তা নত্তনা, ঐখোয়গী মাংদা কয়া অমা লৈরিঙৈদা, অদোম্না কতারপুর সাহিবপু অমুক হন্না লৌশিনবা ঙম্লমগনি, অদোম্না মদুসু তৌবা ঙমখিদে। ১৯৭৪দা, কাচতিভু ইথৎ অসি শ্রী লঙ্কাদা খুদোল ওইনা পীরম্মি। ঙসি ফাওবদা ঐখোয়গী ঙামী ইচিল-ইনাওশিং অমদি ইচিল-ইনাওশিংনা মসিগীদমক অৱাবা ফাওরি, মখোয়গী পুন্সিদা খুদোংথীবা মায়োক্নরি। তামিল নাদুগী ঐহাক্কী ইচিল-ইনাওশিংগী হকশিং অদু লৌথোক্তুনা অতোপ্পশিংদা খুদোল ওইনা পীনবগীদমক্তা মখোয়গী অরানবা করিনো? কংগ্রেসনা সিয়াচেনদগী লান্মী লৌথোক্নবা চহি কয়া হোৎনদুনা লাক্লি।

ইকাই খুম্নরবা চিয়রমেনজী

হৌজিক্কী মতমদা, কংগ্রেসকী মীওইশিংনা ঐখোয়দা দিপ্লোমেসী তম্বীরি। ঐনা মখোয়বু মখোয়গী দিপ্লোমেসীগী মতাংদা নিংশিংহনবা পাম্মি। মখোয়নসু করিগুম্বা খরা নিংশিংনবা, করিগুম্বা খরা খঙনবা। ২৬/১১গী মতৌগুম্না মসি য়াম্না চাউবা তেরোরিস্ত এতেক অমা ওইখি। পাকিস্তানগীদমক কংগ্রেসকী নুংশিবা অসি লেপখিদে। অসিগুম্বা অচৌবা থৌদোক অসি ২৬/১১দা থোকখি। মপাল্লমদগী লাকপা প্রেসরকী মখাদা, কংগ্রেস সরকারনা এতেক তৌখ্রবা মতুং চয়োল খরগী মনুংদা পাকিস্তানগা ৱারী শানবা হৌখি।

ইকাই খুম্নরবা চিয়রমেনজী

২৬/১১গী অসিগুম্বা অচৌবা থৌদোক অমা থোকখ্রবা মতুংদসু কংগ্রেস সরকারনা ভারতকী দিপ্লোমেত অমত্তা এক্সপেল তৌখিদে। মদু তোকখ্রেো, মখোয়না ভিজা অমত্তা কেন্সেল তৌখিদে, মখোয়না ভিজা অমত্তা কেন্সেল তৌবা ঙমখিদে। লৈবাক অসিদা পাকিস্তানগী স্পোন্সরশিংনা অচৌবা এতেকশিং পাংথোকখি, অদুবু য়ু.পি.এ. সরকারনা পাকিস্তানবু মোস্ত ফেভর নেসনগী থাক পীখি, মদু হন্দোকখিদে। নাকল অমরোমদা, লৈবাক অসিনা মুম্বাইগী এতেক্তশিংগীদমক অচুম্বা ৱায়েল পীবীনবা হায়খি, অতোপ্পা নাকল অমরোমদা, কংগ্রেসনা পাকিস্তানগা লোয়ননা বিজিনেস তৌবদা থৱায় য়াওখি। পাকিস্তাননা মফম অদুদগী তেরোরিস্তশিং থারক্তুনা হোলিবু ঈগা লোয়ননা শান্নখি অমসুং কংগ্রেসনা মফম অসিদা শান্তিগী আশা তৌদুনা মুশাইরা পাংথোকখি, ঐখোয়না তেরোরিজমগী লম্বী অমখক্তমক চৎথোক-চৎশিন তৌবা অসি লেপহনখ্রে অমসুং শান্তিগীদমক আশা তৌরি। ঐখোয়না পাকিস্তানগী এম.এফ.এন. স্তেতস কেন্সেল তৌখি, ভিজা থিংখি, ঐখোয়না অত্তারি ৱাগা ঙমখৈ থিংখি।

ইকাই খুম্নরবা চিয়রমেনজী

ভারতকী কান্নবশিং থাদোকপসি কংগ্রেসকী অরিবা চৎনবী অমনি। মসিগী খ্বাইদগী চাউবা খুদমদি ইন্দস ৱাতর ত্রিতিনি। মসি  কনানা খুৎয়েক পীখি? নেহরুজীনা মসিদা খুৎয়েক পীখি অমসুং ৱাফম অসি ভারতকী তুরেলশিংগা মরী লৈনৈ, ঐখোয়গী মফমদগী হৌরকপা তুরেলশিং, মখোয়গী ঈশিং অদুনি। অমসুং হায়রিবা তুরেলশিং অসি চহি লিশিং কয়াদগী ভারতকী কলচরেল হেরিতেজ ওইদুনা লাক্লি। মখোয় অসি ভারতকী কন্সিয়স পাৱর ওইরি। ভারতপু চাউখৎহনবদা তুরেলশিং অসিনা চাউনা মতেং পাংলি। চহি চা কয়াদগী ভারতকী শক্তম ওইদুনা লাকখিবা সিন্ধু তুরেল, ভারত অসি মসিগীদমক খঙনরম্মি, অদুবু নেহরুজী অমসুং কংগ্রেসনা সিন্ধু অমসুং ঝেলমগুম্বা তুরেলশিংগী ৱাথোক অসিগীদমক কনাদা পীখিবগে? মখোয়না মসি ৱার্ল্দ বেঙ্কতা পীখি। ৱার্ল্দ বেঙ্কনা করি তৌগদগে হায়বদু লেপকদবনি, তুরেল অসি ঐখোয়গীনি, ঈশিং অসি ঐখোয়গীনি। ইন্দস ৱাতর ত্রিতি অসি ভারতকী মশক অমসুং ভারতকী মশাগী ইকাই খুম্নবা অদুদা অচৌবা বেত্রেয়েল অমনি।

ইকাই খুম্নরবা চিয়রমেনজী

ঙসিগী নহারোলশিংনা মসি তাবদা, মখোয়নসু ঐখোয়গী লৈবাক অসিগীদমক থবক তৌরিবা অসিগুম্বা মীওইশিং লৈরম্লিবসিদা অঙকপা পোক্কনি। নেহরুজীনা অতোপ্পা করি থৌরাং য়াৎপা থবক তৌরম্মি? ভারত্তগী হৌরকপা তুরেলশিংগী ঈশিংগী চাদা ৮০ পাকিস্তানদা পীনবা মহাক্না য়াখি। অদুগা অসিগুম্বা অচৌবা ভারত অসিদদি চাদা ২০ খক্তমক ঈশিং ওইরি। কনাগুম্বা অমনা ঐঙোন্দা মসি করম্বা মখলগী ইন্তেলিজেন্সনো, মসি করম্বা নেস্নেল ইন্তরেস্তনো, মসি করম্বা দিপ্লোমেসীনো, অদোম্না করি ফিভম অমা শেম্বগে হায়বদু শন্দোক্না তাকপীয়ু। মীশিং য়াম্লবা ঐখোয়গী লৈবাক অসিদা, হায়রিবা তুরেলশিং অসি মফম অসিদগী হৌরকই অমসুং মসিগী চাদা ২০ খক্তমক ঈশিং ফংলি। অমসুং মখোয়না ভারতপু মশাগী য়েক্নবশিংনি হায়না ময়েক শেংনা কৌরিবা লৈবাক অসিদা চাদা ৮০গী ঈশিং পীখি, ভারতপু য়েক্নবশিংনি হায়না কৌদুনা লৈরি। অমসুং হায়রিবা ঈশিং অসি ফংনবগী হক অসি কনাদা লৈবগে? ঐখোয়গী লৈবাক অসিগী লৌমীশিং, ঐখোয়গী লৈবাক অসিগী নাগরিকশিং, ঐখোয়গী পঞ্জাব, ঐখোয়গী জম্মু অমসুং কাশ্মীর। মখোয়না লৈবাক অসিগী চাউরবা শরুক অমবু ঈশিংগী অৱাবা মায়োক্ননবা হোৎনখি, মসিগী মরম অমখক্তনি। অমসুং স্তেতশিংগী মনুংদসু, ঈশিংগী মতাংদা মখোয় মশেলগী মরক্তা চয়েৎনবা থোক্লকখি, কম্পিতিসন থোক্লকখি, অমসুং পাকিস্তাননা মসিগী হক অদু ফংদুনা লৈখি। অমসুং মখোয়না মালেমদা মখোয়গী দিপ্লোমেসীগী মতাংদা লেপ্তনা তাকপীরম্মি।

ইকাই খুম্নরবা চিয়রমেনজী

করিগুম্বা হায়রিবা য়ানচে অসি লৈরমদ্রবদি, নোংচুপ থংবা তুরেলশিংদা অচৌবা প্রোজেক্ত কয়া অমা শারম্লমগনি। পঞ্জাব, হরিয়ানা, রাজস্থান অমসুং দিল্লীগী লৌমীশিংনা ঈশিং মরাং কায়না ফংলমগনি, থক্নবা ঈশিংগী খুদোংচাদবা লৈরোই। ভারতনা ইন্দস্ত্রীএল দিবেলপমেন্তকীদমক মৈ পুথোকপা ঙম্লমগনি, মসি খক্তমক নত্তে, নেহরুজীনা পাকিস্তানদা কেনেল অমা শাবগীদমক লুপা করোর কয়া পীখি

ইকাই খুম্নরবা চিয়রমেনজী

লৈবাক অসিনা হেন্না চাউবা ৱাফমশিংদা অঙকপা পোক্কনি, হায়রিবা থৌদোকশিং অসি লোৎশিন্দুনা থমজিনখ্রবনি। করিগুম্বা মফম অমা হেক্তদা দাম অমা শাবা তারবদি, মদু শেংদোক্নবা, দিস্তিল তৌনবা মেকানিজম অমা লৈ। মদু লৈখোম, নাপী অসিনচিংবশিংনা ফুনজিশিল্লকপা মতমদা, মদুগী কেপাসিতী হন্থরকই, মরম অদুনা মদু শেংদোক্নবগীদমক্তা ইনবিল্ত সিস্তেম অমা লৈ। নেহরুজীনা পাকিস্তানগী হায়জরকপদা মসিগী কন্দিসন অসি য়াখি, মদুদি দামশিং অসিদা লৈখোম চংশিনবা, অমোৎপা চংশিনবা মতমদা, ঐখোয়না মসিবু শেংদোকপা য়ারোই, ঐখোয়না দিসিল্তিং তৌবা য়ারোই। দাম অসি ঐখোয়গীনি, ঈশিং অসি ঐখোয়গীনি অদুবু ৱারেপ অসি পাকিস্তানগীনি। অদোম্না দিসিল্তিং তৌবা য়াদব্রা? মসি খক্তা নত্তনা, ঐহাক্না মসিগী মতাংদা অকুপ্পা মরোলশিং পল্লকপদা, দিসিল্তিং তৌনবগী গেত অমা দাম অসিদা লৈ, মদু ৱেলদেদ তৌখ্রে, মরম অদুনা কনাগুম্বা অমত্তনা থোং অদু হাংদুনা লৈখোম অদু লৌথোকপা ঙম্লোই। পাকিস্তাননা নেহরুজীবু ভারতনা মখোয়গী দামশিংদা লৈহৌরিবা শেংদোকপা য়ারোই, পাকিস্তানগী অয়াবা য়াওদনা দিসিল্তিং তৌরোই হায়না ইহনখি। মসিগী এগ্রীমেন্ত অসি লৈবাক অসিগী মায়োক্তা লৈরম্মি অমসুং তুংদা নেহরুজীসু মসিগী অশোয়বা অসি য়াখি। নিরঞ্জন দাস গুলাতি কৌবা নুপা অমা হায়রিবা এগ্রীমেন্ত অসিদা শরুক য়াখি। মহাক্না লাইরিক অমা ইখি, লাইরিক অদুদা মহাক্না ইখি মদুদি ১৯৬১গী ফেব্রুৱারীদা, নেহরুনা মহাকপু হায়খি, গুলাতি, ঐহাক্না আশা তৌখি মদুদি মসিগী এগ্রীমেন্ত অসিনা অতোপ্পা প্রোব্লেমশিং কোকহন্নবা লম্বী অমা হাংদোক্কনি, অদুবু ঐখোয়না হান্নগী ফিভম অদুদা অদুমক লৈরে, মসি নেহরুজীনা হায়খি। নেহরুজীনা খুদক্কী ওইবা ইফেক্তশিং খক্তমক উবা ঙমখি, মরম অদুনা মহাক্না হায়খি মদুদি ঐখোয়না ফিভম অদুদা অদুমক লৈরে, অদুবু অচুম্বা ৱাফমদি মসিগী এগ্রীমেন্ত অসিনা মরম ওইদুনা লৈবাক অসি শোত্থরি, লৈবাক অসি য়াম্না শোত্থরি অমসুং লৈবাক অসিনা অৱাবা কয়া মায়োক্নরি, ঐখোয়গী লৌমীশিংনা অৱাবা কয়া মায়োক্নরি, ঐখোয়গী লৌউ-শিংউদা অৱাবা কয়া মায়োক্নরি অমসুং নেহরুজীনা লৌমীশিংগী পুন্সি করিসু লৈতনা লৌবা দিপ্লোমেসী অদু খঙখি, মসি মহাক্না ফিভম অসি শেমখিবনি।

ইকাই খুম্নরবা চিয়রমেনজী

পাকিস্তাননা ভারতকী মায়োক্তা চহি তরাগী খুজিং কয়া লান চত্থদুনা লাকখি। অদুবু তুংদা লাকখিবা কংগ্রেস সরকারশিংনা ইন্দস ৱাতর ত্রিতিদা য়েংখিদে অমসুং নেহরুগী অশোয়বা অদু চুমথোকখিদে।

ইকাই খুম্নরবা চিয়রমেনজী

অদুবু হৌজিক ভারতনা অরিবা অশোয়বা অদু চুমথোকখ্রে অমসুং কংক্রিৎ ওইবা ৱারেপ লৌখ্রে। লৈবাক অসিগী অমসুং লৌমীশিংগী কান্ননবগীদমক নেহরুজীনা তৌখিবা অচৌবা অশোয়বা অমা ওইরিবা ইন্দস ৱাতর ত্রিতি ভারতনা থিংজিনখ্রে। লৈবাক অসিগীদমক খুদোংথীনিঙাই ওইরিবা ত্রিতী অসি অসিগুম্বা মওংদা মখা চত্থবা য়ারোই। ভারতনা ঈশিং অমসুং ঈনা অমত্তা ওইনা চেনবা ঙম্লোই হায়না ৱারেপ লৌরে।

ইকাই খুম্নরবা চিয়রমেনজী

মফম অসিদা লৈরিবশিং অসিনা তেরোরিজমগী মরমদা কুইনা ঙাংনরি। লৈবাক অসিনা মখোয়না লৈঙাক পায়রিঙৈদা, মখোয়না লৈঙাক পায়বগী খুদোংচাবা লৈরিঙৈদা লৈবাক্কী ওইখিবা ফিভম অদু কাউদ্রি। করিগুম্বা ঐখোয়না ২০১৪গী মমাংদা লৈবাক অসিদা লৈরম্বা ফিভম অদু নীংশিংলবদি, মীশিংনা থম্মোয় কায়রি।

ইকাই খুম্নরবা চিয়রমেনজী

ঐখোয় পুম্নমক্না নীংশিংলি, অনৌবা জেনরেসনগী অঙাংশিংনা খঙদে, ঐখোয় পুম্নমক্না খঙই। মফম খুদিংমক্তা লাউথোকখি, রেলৱে স্তেসনদা চৎকদবনি, বস স্তেন্দদা চৎকদবনি, এয়রপোর্ত্তা চৎকদবনি, কৈথেলদা চৎকদবনি, লাইশঙদা চৎকদবনি, মী য়াম্না তিনবা মফম অমদা চৎকদবনি, করিগুম্বা অদোম্না ক্লেম তৌদবা পোৎশক অমত্তা উরবদি, মদু শোক্লোইদবনি, পুলিসতা খুদক্তা পাউতাক পীগদবনি, মদু বোম্ব অমা ওইবা য়াই, ঐখোয়না মসি ২০১৪ ফাওবা তাদুনা লৈখি, মতম অদুগী ফিভম অদু মসিনি। লৈবাক অসিগী মফম খুদিংমক্তা অসিগুম্বা ফিভম অসি লৈরম্মি। খোংথাং খুদিংমক্তা বোম্বশিং লৈরম্লবদি হায়না ফাওখি অমসুং নাগরিকশিংনা মখোয় মশাবু কনজবা তাই, মখোয়না মদু লাউথোকখি।

ইকাই খুম্নরবা চিয়রমেনজী

কংগ্রেসকী অশোনবা লৈঙাকশিংনা মরম ওইদুনা লৈবাক অসিনা পুন্সি কয়া মাংখ্রে।

ইকাই খুম্নরবা চিয়রমেনজী

তেরোরিজম লাকশিন্নবা অসি তৌরম্বা য়াই। ঐখোয়গী সরকারনা চহি ১১দা মসি পাংথোকখ্রে, মসি অচৌবা খুদম অমনি। ২০০৪ অমসুং ২০১৪গী মরক্তা থোকখিবা তেরোরিস্তকী থৌদোকশিংদা চাউনা হন্থরকখি। মরম অসিনা লৈবাক অসিনা খঙবা পাম্মি মদুদি ঐখোয়গী সরকারনা তেরোরিজম লাকশিনবা ঙম্লবদি, তেরোরিজম অসিবু মপাঙ্গল কনখৎহনখিবা কংগ্রেস সরকারশিংগী কমপলজন অদু করিনো।

ইকাই খুম্নরবা চিয়রমেনজী

করিগুম্বা তেরোরিজম অসি কংগ্রেসকী লৈঙাক্লোনগী মতমদা চাউখৎলক্লবদি, মসিগী অচৌবা মরমদি মখোয়গী এপীজমেন্ত, ভোৎ বেঙ্ক পোলিসী অসিনি। দিল্লীদা বতলা হাউস এনকাউন্তর অদুদা, কংগ্রেসকী শক্নাইরবা লুচিংবা অমনা মহাক্কী মমিৎতগী মপি তাখি, মরমদি তেরোরিস্তশিং শিখি, মসিগী পাউ অসি ভারতকী মফম খুদিংমক্তা শন্দোক্তুনা ভোত হেন্না ফংহনখি।

ইকাই খুম্নরবা চিয়রমেনজী

২০০১দা লৈবাক অসিগী পার্লিয়ামেন্তদা এতেক তৌখি, মতম অদুদা কংগ্রেসকী মরু ওইবা নেতা অম অফজল গুরুদা বেনিফিত ওফ দাউত পীবগী মতাংদা ঙাংনখি।

ইকাই খুম্নরবা চিয়রমেনজী

অসিগুম্বা অচৌবা তেরোরিস্ত এতেক অমা মুম্বাইদা ২৬/১১দা থোকখি। পাকিস্তানগী তেরোরিস্ত অমা হিংলিঙৈদা ফাখি। পাকিস্তানগী মীদিয়া, মালেম্না মহাক অসি পাকিস্তানগীনি হায়না য়াখি, অদুবু মফম অসিদা কংগ্রেস পার্তীনা পাকিস্তানগী অচৌবা অশোয়বা অমা, অচৌবা পাকিস্তানগী তেরোরিস্ত এতেক অমগী পাপ লংশিনখি? ভোৎ বেঙ্ক পোলিসীগীদমক্তা মখোয়না করি তৌখিবগে? কংগ্রেস পার্তীনা মসিবু সেফ্রোন তেররনি হায়না প্রমান তৌনবা হোৎনখি। কংগ্রেসনা মালেমদা হিন্দু তেরোরিজমগী থিওরী য়োনবদা থৱায় য়াওখি। কংগ্রেসকী লুচিংবা অমনা মকোক থোংবা অমেরিকান দিপ্লোমেত অমদসু হায়খি মদুদি ভারতকী হিন্দু গ্রুপশিং অসি লস্কর-ই-তৈবাদগী হেন্না চাউবা খুদোংথীনিংঙাই ওই। কংগ্রেসনা ভারতকী সংবিধান, বাবা সাহেব অম্বেদকরগী সংবিধান, জম্মু অমসুং কাশ্মীরদা চঙবগী অয়াবা পীখিদে, মখোয়বু চঙহল্লমদে, মখোয়বু থাদোকখি। এপীজমেন্ত অমসুং ভোৎ বেঙ্ক পোলিসীগীদমক, কংগ্রেসনা মতম পুম্নমক্তা লৈবাক অসিগী ঙাকশেলবু কত্থোকখি।

ইকাই খুম্নরবা চিয়রমেনজী

এপিজমেন্তগীদমক কংগ্রেসনা মরম পুম্নমক্তা তেরোরিজমগা মরী লৈনবা আইনশিং মপাঙ্গল শোন্থহনখি। গৃহ মন্ত্রীনা ঙসি হাউসতা ময়েক শেংনা থমখ্রে ঐহাক্না অমুক হঞ্জিন্না হায়ররোই।

ইকাই খুম্নরবা চিয়রমেনজী

ঐহাক্না মীফম অসিগী হৌরকপদা হায়জখি, ঐহাক্না হায়জখি মদুদি পার্তীগী কান্ননবগীদমক ঐখোয়না ঐখোয়গী ভোৎশিং ফংলবসু নত্ত্রগা ফংদ্রবসু, ঐখোয়গী থম্মোয় অসি লৈবাক অসিগী কান্ননবগীদমক্তা ওইগদবনি। পহলগামগী থৌদোক্না ঐখোয়দা অকিবা কয়া পীখি, মসিনা লৈবাক অসিবু অৱাবা পীখি, মসিগী পাউখুম ওইনা ঐখোয়না ওপরেসন সিন্দুর পাংথোকখি, আর্মদ ফোর্সশিংগী থৌনা অমসুং ঐখোয়গী আত্মনির্ভর কেম্পেননা লৈবাক অসিদা সিন্দুরগী ৱাখল্লোন অমা শেমখি। ঐখোয়গী মীহুৎ কাংবুশিংনা মালেম শিনবা থুংনা ভারতকী মীৎয়েং শন্দোক্নবগীদমক চৎখিবা মতমদা ঐখোয়না মসিগী সিন্দুরগী ৱাখল্লোন অসি উখি। ঐহাক্না ঐহাক্কী ইচিল-ইনাও পুম্নমকপু থাগৎচরি। অদোম্না মালেমদা ভারতকী মীৎয়েং য়াম্না কান্নবা মওংদা উৎখ্রে। অদুবু ঐহাক্না নুংঙাইতবা ফাওই, কংগ্রেসকী অচৌবা লুচিংবশিংনি হায়না মশানা মশাবু খঞ্জরিবা মীওইশিং অসিনা ভারতকী মীৎয়েং অসি মালেমদা খঙহনবদা করিগীদমক নুংঙাইতবা পোক্লিবনো হায়বগী মতাংদা খনবা হৌরকপা অসিদা ঐহাক্না নুংঙাইতবা ফাওই, অঙকপসু পোকই। অদুবু লুচিংবা খরদি হাউস অসিদা ৱা ঙাংবদা অথিংবা থম্বসু য়াওরি।

ইকাই খুম্নরবা চিয়রমেনজী

অসিগুম্বা ৱাখল্লোন অসি থাদোকপগী তঙাইফদবা লৈ। ঐগী ৱাখলদা ৱাহৈ পরেং খরা লাকই, ঐনা ঐগী ৱাখল্লোনশিং অদু ফোংদোকপা পাম্মি।

ইকাই খুম্নরবা চিয়রমেনজী

কয়া অমা খন্ন-নৈনৌ, কয়া অমা খন্ন-নৈনৌ,

য়েংক্নবদা অকিবা পোকহল্লু, য়েংক্নবদা অকিবা পোকহল্লু,

মসি খংজিল্লু, মসি খংজিল্লু,

ইকাই খুম্নবা, সিন্দুর অমসুং লান্মীনা ৱাহংশিং হংবদা ফাওবা অচেৎপা থাজবা থমগদবনি,

করিগুম্বা ভারতী ইমাদা লান্দারক্লবদি, অকনবা মওংদা লান্দাবা অমা মথৌ তাই,

য়েক্নবশিংনা মফম অমা হেক্তদা লৈরবসু, ঐখোয়না ভারতকীদমক হিংগদবনি

ঐহাক্না ঐহাক্কী কংগ্রেসকী মরুপশিংবু ইমুং অমগী প্রেসর মখাদা পাকিস্তানদা ক্লিন চিৎ পীবা তোক্নবা হায়জরি। কংগ্রেসনা লৈবাক অসিগী মায়পাকপগী তাঙ্কক অসি লৈবাক অসিগীদমক্তা ইকায়খুম্নবা মাংবা তাঙ্কক অমা ওইহল্লোইদবনি। কংগ্রেসনা মাগী অশোয়বা অদু চুমথোক্কদবনি। ঙসি হাউস অসিদা ঐহাক্না অমুক্কা হন্না ময়েক শেংনা হায়জনীংই মদুদি হৌজিক ভারতনা তেরোরিস্তশিংবু তেরোরিস্ত নর্সরীদা থুগায়গনি। ঐখোয়না পাকিস্তানবু ভারতকী তুংলমচৎকা শান্নহল্লরোই অমসুং মরম অসিনা ওপরেসন সিন্দুর লোইদ্রি, ওপরেসন সিন্দুর মখা চত্থরি। অমসুং মসি পাকিস্তানগীদমক্তসু নোতিস অমনি, ভারতকী মায়োক্তা তেরোরিজমগী লম্বী থিংদ্রিবমখৈ, ভারতনা থবক পায়খৎকনি। ভারতকী তুংলমচৎ অসি ঙাকশেল অমসুং চাউখৎপা ওইগনি, মসি ঐখোয়গী ৱারেপ্নি। ৱাখল্লোন অসিগা লোয়ননা, মহৈ য়ানবা খন্ন-নৈনবগীদমক ঐনা অমুক্কা হন্না মীহুৎ পুম্নমক্তা থাগৎপা ফোংদোকচরি অমসুং ঐনা ভারতকী মীৎয়েং অদু ফোংদোক্লি, ভারতকী মীয়ামগী ৱাখল্লোন ফোংদোক্লি। ঐনা অমুক্কা হন্না হাউস অসিদা থাগৎপা ফোংদোকচরি।

হন্না-হন্না থাগৎচরি।

***