কেন্দ্রগী মন্ত্রীমন্দলনা অয়াবা পীখিবা এমপ্লোইমেন্ত লিঙ্ক ইন্সেন্তিব (ELI) স্কিম অসি 2025গী ওগস্ত 1দগী “পি.এম. ভিক্সিৎ ভারত রোজগার য়োজনা (PM-VBRY)” ওইনা চৎনবা হৌরগনি। মমিং অসি ভিক্সিৎ ভারত ইনিসিএতিবকী মায়কৈদা স্কিম অসিগী অপুনবা পান্দমগা চুনৈ অমসুং লৈবাক অসিদা ইনক্লুসিব অমসুং সস্তেনেবল এমপ্লোইমেন্তগী খুদোংচাবশিং পুথোক্নবা সরকারগী অচেৎপা ফিরেপ অদু উৎলি।

মমাংদা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা স্কিম অসিবু অয়াবা পীখি। লুপা করোর 99,446গী আউৎলে অমগা লোয়ননা PMVBRYগী পান্দমদি চহি অনিগী মনুংদা লৈবাক অসিদা থবক করোর 3.5 হেন্না ফংহন্নবা হোৎনবনি। মসিগী মনুংদা, বেনিফিসরী করোর 1.92দি ৱার্কফোর্সতা অহানবা ওইনা চংলকপা মীওইশিংনি। স্কিম অসিগী কান্নবশিং অসি ওগস্ত 1, 2025 অমসুং জুলাই 31, 2027গী মরক্তা শেমখিবা থবকশিংদা ফংহনগনি।

থবক পীরিবা মীওইশিংবু অনৌবা থবক ফংহন্নবা ইন্সেন্তিভাইজ তৌরিবা স্কিম অসিনা মেনুফেকচরিং সেক্তরদা অখন্নবা মীৎয়েং থমদুনা তোঙান তোঙানবা সেক্তরশিংদা অনৌবা থবক ফংহন্নবগীদমক কান্নবশিং পীনবা পান্দম থম্মি। থবক ফংহনবগী লমজিং মখাদা চাউখৎ-থৌরাংগী খুত্থাংদা শেন্মিৎলোনগী চাউখৎপা হেনগৎহন্নবা মসিনা ভারতকী স্ত্রেতেজীগী মরুওইবা শরুক অমা ওইরি।

স্কিম অসিদা শরুক অনি য়াওই। পার্ত A অসি ফার্স্ত তাইমরশিংদা মীৎয়েং থম্লি অমসুং পার্ত B অসি থবক পীরিবা মীওইশিংদা মীৎয়েং থম্লি।

পার্ত A: ফার্স্ত-তাইম এমপ্লোয়ীশিং ইন্সেন্তিভাইজ তৌবা:

EPFOদা অহানবা ওইনা রেজিস্তর তৌরবা এমপ্লোয়ীশিংদা পান্দম থমদুনা, পার্ত অসিনা ইন্সতোমেন্ত অনিদা লুপা 15,000 ফাওবগী EPFগী থা অমগী খুৎশুমল পীগনি। লুপা লাখ 1 ফাওবগী চাংদা তোলবকীদমক এমপ্লোয়ীশিংনা ইলিজিবল ওইগনি। অহানবা ইন্সতোলমেন্ত অদু থা 6কী সর্ভিস লোইরবা মতুংদা অমসুং অনিশুবা ইন্সতোলমেন্ত অদু থা 12কী সর্ভিস লোইরবা মতুংদা অমসুং এমপ্লোয়ী অদুনা ফাইনান্সিএল লিতরেসী প্রোগ্রাম অমা লোইরবা মতুংদা পীগনি। শেল তুংশিনবগী হৈনবী পুক্নিং থৌগৎনবগীদমক, ইন্সেন্তিব অদুগী শরুক অমা সেভিং ইন্সত্রুমেন্ত নত্ত্রগা দিপোজিৎ একাউন্ত অমদা অকক্নবা মতমগী ওইনা থমগনি অমসুং এমপ্লোয়ী অদুনা তুংদা লৌথোকপা য়াই।

পার্ত B: এমপ্লোয়রশিংদা পীবা সপ্পোর্ত:

মসিগী পার্ত অসিনা মেন্যুফেকচরিং সেক্তরদা অখন্নবা মীৎয়েং থমদুনা সেক্তর খুদিংমক্তা অহেনবা থবক ফংহন্নবগী মতাংদা খন্নগনি। এমপ্লোয়রশিংনা লুপা লাখ 1 ফাওবগী তোলব চাবা এমপ্লোয়ীশিংগা মরী লৈননা ইন্সেন্তিব ফংলগনি। সরকারনা য়ামদ্রবদা থা তরুক্কী ওইনা লেপ্তনা থবক পীবগা লোয়ননা অহেনবা এমপ্লোয়ী অমমমগীদমক এমপ্লোয়রশিংদা থা অমদা লুপা 3000 ফাওবা চহি অনিগী ওইনা ইন্সেন্তিব পীরগনি। মেন্যুফেকচরিং সেক্তরগী ওইনা, ইন্সেন্তিবশিং অসি অহুমশুবা অমসুং মরিশুবা চহিদসু শাংদোক্লগনি।

EPFOদা রেজিস্তর তৌরবা এস্তব্লিসমেন্তশিংনা য়ামদ্রবদা অহেনবা এমপ্লোয়ী অনি (এমপ্লোয়ী 50দগী হন্থবা এমপ্লোয়রশিংগীদমক) নৎত্রগা অহেনবা এমপ্লোয়ী মঙা (এমপ্লোয়ী 50 নৎত্রগা মসিগী মথক্তা লৈবা এমপ্লোয়রশিংগীদমক) য়ামদ্রবদা থা তরুক্কী ওইনা লেপ্পা লৈতনা থবক পীবা মথৌ তাই।

ইন্সেন্তিবকী স্ত্রকচর অসি মখাদা পীরিবা অসি ওইগনি:

*লুপা 10,000 ফাওবগী EPFকী খুৎশুমল ওইবা এমপ্লোয়ীশিংনা প্রপোর্স্নেল ইন্সেন্তিব অমা ফংগনি।

ইন্সেন্তিব পীবগী মেকানিজম:

স্কিম অসিগী পার্ত Aগী মখাদা ফার্স্ত তাইম এমপ্লোয়ীশিংদা পীগদবা শেনফম পুম্নমক আধার ব্রিজ পেমেন্ত সিস্তেম (ABPS) শীজিন্নদুনা DBT (দাইরেক্ত বেনিফিৎ ত্রান্সফর)গী খুত্থাংদা পীগনি। পার্ত Bগী মখাদা এমপ্লোয়রশিংদা পীরিবা শেলফমশিং অসি মখোয়গী PAN-লিঙ্ক একাউন্তশিংদা হকথেংননা পীগনি।

*****