প্রধানমন্ত্রীগী লোইশঙ
ব্রাজিলগী রিও দে জেনিরোদা ১৭ শুবা ব্রিক্স মীফম নাকলদা প্রধান মন্ত্রীনা মালেসিয়াগী প্রধান মন্ত্রী উনখ্রে
Posted On:
07 JUL 2025 5:13AM by PIB Imphal
ব্রাজিলগী রিও দে জেনিরোদা ১৭ শুবা ব্রিক্স মীফম নাকলদা ঙসি প্রধান মন্ত্রী শ্রী নরেন্দ্র মোদীনা মালেসিয়াগী প্রধান মন্ত্রী অনৱার বিন ইব্রাহিম উনখ্রে।
ললোন-ইতিক, শেন থাদবা, ঙাক-শেন, লাইরিক-লাইশু, হকশেল, তুরিজম অমসুং মীগা মীগা লৈনবা মরীশিং য়াওনা ওগস্ত ২০২৪ দা মালেসিয়াগী প্রধান মন্ত্রীগী সরকারগী খোঙচৎ মতুংদা লৈখিবা ভারত অমসুং মালেসিয়াগী মরীশিং লুচিংবশিংনা অমুক হন্না য়েংশিনখ্রে।
পেহালগাম তেরোরিস্ত এক্তেক য়াম্না কন্না য়ানিংদবা ফোঙদোকপগীদমক প্রধান মন্ত্রীনা প্রধান মন্ত্রী ইব্রাহিম থাগৎপা ফোঙদোকখি। লুচিংবা অনিনা মালেমগী তোঙান তোঙানবা থৌদোক ৱাথোকশিং অমসুং রিজনেল সেকুরিতিগী মতাংদা খন্নখি।
মাইপাক্না অসিয়ান লুচিংবগীদমক প্রধান মন্ত্রীনা মালেসিয়া থাগৎপা ফোঙদোকখি অমসুং অসিয়ান-ইন্দিয়া এফ.তি.এ অথুবা মতমদা মাইপাক্না লোইশিন্নবা হন্না য়েংশিনবা য়াওনা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মপাঙ্গল কনখৎনবা লৈবাক অসিদা শৌগৎপদা থাগৎপা ফোঙদোকখ্রে।
***
(Release ID: 2142800)
Read this release in:
English
,
Urdu
,
Hindi
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam