প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ত্রিনিদাদ অমসুং তোবেগোগী পার্তলিয়ামেন্তী জোইন্ত সেসনদা ৱা ঙাংখ্রে
চাউথোকচনীংঙাই ওইরবা দেমোক্রেসী অমসুং মরুপ-মপাং ওইরিবা লৈবাক অমগী মীখলদা মায় পাক্লবা মীহুৎশিং, অদোমগী মাংদা ঐহাক্না লেপচবা অসি য়াম্না ইকাই খুম্নবা অমনি: পি.এম.
ভারতকীদমক দেমোক্রেসী অসি পুন্সিগী লম্বী অমনি: পি.এম.
ভারত অমসুং ত্রিনিদাদ অমসুং তোবেগোনা চহিচা কয়াগী অরিবা মরীশিংদা য়ুম্ফম ওইবা মরী অমা লৈনৈ: পি.এম.
ঐখোয়না মোদর্ন ইন্দিয়া অমা শেমগৎনবা নুপীশিংগী খুৎশিং মপাঙ্গল কনখৎহল্লি: পি.এম.
ঐখোয়গী চাউখৎ-থৌরাং অসি অতোপ্পশিংগী মায়কৈদা লৈরিবা থৌদাং অমা ওইনা ঐখোয়না উই; অমসুং ঐখোয়গী প্রাইওরিতী অসি মতম চুপ্পদা গ্লোবেল সাউথনি: পি.এম.
গ্লোবেল সাউথনা চাউখৎলক্লি; মখোয়না অনৌবা অমসুং মান্নবা ৱার্ল্দ ওর্দর অমা উবা পাম্মি: পি.এম.
MAHASAGAR অসি গ্লোবেল সাউথকীদমক ভারতপু লমজিং লমতাক্লিবা ভিজিননি: পি.এম.
Posted On:
04 JUL 2025 10:51PM by PIB Imphal
সেনেৎকী প্রসিদেন্ত, ঐচ.ই. ৱেদ মার্ক অমসুং হাউসকী স্পিকর, ঐচ.ই. জগদেও সিংহনা বর্তন তৌরকপদগী প্রধান মন্ত্রী শ্রী নরেন্দ্র মোদীনা ঙসি ত্রিনিদাদ অমসুং তোবেগোগী পার্লিয়ামেন্তকী জোইন্ত এসেমব্লীদা ৱা ঙাংখ্রে। মহাক্না ভারতকী অহানবা প্রধান মন্ত্রীনি T&T পার্লিয়ামেন্তদা ৱা ঙাংখিবা ওইখি অমসুং থৌরম অসিনা ভারত-ত্রিনিদাদ অমসুং তোবাগোগী নাকল অনিগী ওইবা মরীদা মাইলস্তোন অমা ওইখি।
অৱাংবা থাক্কী হাউস অদুদা ৱা ঙাংলদুনা, প্রধান মন্ত্রীনা মালেমগী খ্বাইদগী চাউবা দেমোক্রেসীগী মীহুৎশিংদা অখন্নবা য়াইফ পাউজেল পীখি। মহাকপু মখোয়গী খ্বাইদগী ৱাংবা নেস্নেল ইকায় খুম্নবগীদমক T&Tগী মীয়ামদা মহাক্না থাগৎপা ফোংদোকখি। ভারতকী দেমোক্রেসীগী মপাঙ্গলগী মতাংদা মহাক্না পনখি মদুদি ভারতনা দেমোক্রেসীগী মমানা ওইবনা মাগী চৎনবী অমসুং পুন্সিগী শরুক অমা ওইহল্লে। মহাক্না হায়খি মদুদি মসিগী থৌওং অসিনা ভারতকী দাইভর্সিতী অসি চাউখৎহন্নবা অমসুং ৱাখল্লোন পুম্নমক পুন্না লৈমিন্নবা অমসুং পার্লিয়ামেন্তরী দিস্কোর্স অমসুং মীয়ামগী দিবেৎশিংবু মপাঙ্গল কনখৎহন্নবা অয়াবা পীখি।
প্রধান মন্ত্রীনা T&Tবু মাগী মায়পাকপা দেমোক্রেসীগী খোঙচৎকীদমক থাগৎপা ফোংদোকখি। ভারতনা T&Tগী মীয়ামগা লোয়ননা মখোয়গী নীংতম লম্বীদা অমত্তা ওইনা লেপচবা অসি ভারতকী খুদোংচাবা অমনি হায়না মহাক্না ফোংদোকখি। মহাক্না মখা তারদুনা হায়খি মদুদি লৈবাক অনিগী মরক্তা লৈরিবা অচেৎপা মরী অসি মোদর্ন নেসনশিং ওইনা মপাঙ্গল হেনগৎলক্লি। ভারতনা পীখিবা স্পিকরগী চেয়র অসিনা দেমোক্রেসী অনিগী মরক্তা লৈনরিবা নক্নবা মরী অদু ময়েক শেংনা তাক্লি হায়না পল্লদুনা প্রধান মন্ত্রীনা লৈবাক অনিগী পার্লিয়ামেন্তরী একচেঞ্জশিং মখা তানা হেনগৎহন্নবা হায়খি। হাউস অসিদা নুপী পার্লিয়ামেন্তরীশিং মশিং য়াম্না য়াওরকপদা নুংঙাইবা ফোংদোক্লদুনা মহাক্না ভারতনা পার্লিয়ামেন্ত অমসুং রাজ্যগী লেজিসলেচরশিংদা নুপীশিংগীদমক সিৎ ৩৩% রিজর্ব তৌবগী পুৱারী ওইরবা খোঙথাং লৌখৎখিবগী মতাংদা পনখি। মহাক্না ভারত্তা গ্রাসরুৎ লেবেলদা লুচিংবা নুপী লুচিংবশিংগী মতাংদসু পনখি। মসিগী মতাংদা মহাক্না লৈবাক অসিদা লোকেল গবর্নান্স ইন্সতিত্যুসনশিংদা পাৱর পীরিবা ইলেক্তেদ নুপী মিলিয়ন ১.৫গী মতাংদা পনখি।
মীওইবা খুন্নাইনা থেংনরিবা শিংনবশিংগী মতাংদা প্রধান মন্ত্রীনা অকুপ্পা মরোল কয়া পীখি। শান্তি পাম্বা খুন্নাইদা অচৌবা খুদোংথীবা অমা ওইরিবা তেরোরিজমগী মায়োক্তা লান্থেংনবা মালেমগী কম্ম্যুনিতীদা মহাক্না তকশিনখি। মহাক্না গ্লোবেল গবর্নান্সকী রিফোর্ম তৌনবা অমসুং গ্লোবেল সাউথতা মসিগী হক পীবা হায়না হায়খি। মহাক্না ভারত-CARICOM মরী মখা তানা চেৎশিলহন্নবা ফিরেপ লৌখি।
ত্রিনিদাদতা ভারত মচাশিং লাকপগী চহি ১৮০গী থৌরম পাংথোক্লিবা অদু নীংশিংলদুনা প্রধান মন্ত্রীনা হায়খি মদুদি লৈবাক অনিগী মরক্তা লৈনরিবা মরী অসি চহি চা কয়াগী মরীদা য়ুম্ফম ওইরি অমসুং মসি মখা তানা হেন্না চেৎশিল্লগনি অমসুং চাউখৎলগনি।
***
(Release ID: 2142420)
Visitor Counter : 2
Read this release in:
Odia
,
English
,
Urdu
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam