প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা মেঘালয়াগী মৌলিনখুং (শিল্লোংগী মনাক্তা) দগী অসামগী পঞ্চগ্রাম (সিলচরগী মনাক্তা) ফাওবা 166.80 km শাংবা নেস্নেল হায়ৱে নম্বর-০৬গী লেন 4গী গ্রীনফিল্দ এক্সেস কন্ত্রোলগী দিবেলপমেন্ত, মেনতেন্সন অমসুং মেনেজমেন্তকী প্রপোজেল অদু অপুনবা কেপিতেল কোস্ত লুপা করোর 22,864দা এক্সেস কন্ত্রোল গ্রীনফিল্দ হাই-স্পীদ কোরিদোর অমা ওইনা হাইব্রিদ এন্যুতী মোদতা অয়াবা পীখ্রে। প্রোজেক্ত অসিগী অশাংবা 166.80 km অসি মেঘালয় (144.80 km) অমসুং অসাম (22.00 km)দা লৈ।

প্রপোজ তৌরিবা গ্রীনফিল্দ হাই স্পীদ কোরিদোর অসিনা গুৱাহাতিদগী সিলচরদা চৎপা ত্রাফিক্কী সর্ভিস লেবেল হেনগৎহনগনি। মসিগী কোরিদোর অসি শেমগৎলকপনা ত্রিপুরা, মিজোরম, মনিপুর অমসুং অসামগী বরাক ভেলী লমদমগা মেনলেন্দ অমসুং গুৱাহাতিদগী চৎথোক-চৎশিন তৌবগী অরাপ্পা অমসুং চৎথোক-চৎশিন তৌবগী মতম হন্থহন্দুনা কন্নেক্তিবিতী হেনগৎহল্লগনি। মসিনা লৈবাক অসিগী লোজিস্তিক্সকী ইফিসিএন্সী হেনগৎহনবদা মতেং পাংগনি।

কোরিদোর অসিনা অসাম অমসুং মেঘালয়গী মরক্তা কন্নেক্তিবিতী ফগৎহল্লগনি অমসুং মেঘালয়গী সিমেন্ত অমসুং কোইলা পুথোকপা মফমশিংদগী মসিনা ফাওদুনা চৎলগা মেঘালয়দা ইন্দস্ত্রীশিং চাউখৎহনবা য়াওনা শেন্মিৎলোনগী চাউখৎপা হেনগৎহল্লগনি। কোরিদোর অসিনা গুৱাহাতিদগী সিলচর ফাওবা শম্নহল্লিবা নীংথিনা শম্নহল্লবা গুৱাহাতি এয়রপোর্ত, শিল্লোং এয়রপোর্ত, সিলচর এয়রপোর্ত (হৌজিক লৈরিবা NH-06গী খুত্থাংদা)দগী লাকপা লৈবাক অসিগী অমসুং মালেমগী তুরিস্তশিংদা মতেং পাংগনি। মসিনা অৱাং-নোংপোক লমদমগী তুরিস্ত এত্রেক্সনগী মফমশিং শম্নহল্লগনি অমসুং তুরিজম চাউখৎহল্লগনি।

মসিগী মরুওইবা ইনফ্রাস্ত্রকচর প্রোজেক্ত অসিনা রি ভোই, ইস্ত খাসি হিল্স, মেঘালয়গী ৱেস্ত জেন্সিয়া হিল্স, ইস্ত জেন্সিয়া হিল্স অমসুং অসামগী কচার দিস্ত্রিক্ত ফাওদুনা চৎলিবা গুৱাহাতি, শিল্লোং অমসুং সিলচরগী মরক্তা ইন্তর-সিতী কন্নেক্তিবিতী ফগৎহল্লগনি অমদি NH-06দা লৈরিবা কঞ্জেসন হন্থহল্লগনি অমসুং পি.এম. গতী শক্তি নেস্নেল মাস্তর প্লানগী মতুং ইন্না ত্রান্সপোর্ত ইনফ্রাস্ত্রকচর দিবেলপমেন্ত হেনগৎহল্লগনি।

প্রোজেক্ত অসি NH-27, NH-106, NH-206, NH-37 য়াওনা মরুওইবা ত্রান্সপোর্ত কোরিদোরশিংগা পুনশিন্নদুনা গুৱাহাতি, শিল্লোং, সিলচর, দিয়ংপাসো, উম্মুলোং, ফ্রামের, খলিরিয়ৎ, রতাচেরা, উমকিয়াং, কালাইনদা অপনবা লৈতবা কন্নেক্তিবিতী লৈহল্লগনি।

শিল্লোং-সিলচর কোরিদোর অসি লোইরবা মতুংদা, গুৱাহাতি, শিল্লোং, সিলচর, ইম্ফাল, আইজোল অমসুং আগরতলাগী মরক্তা কন্নেক্তিবিতী ফগৎহন্দুনা রিজনেল ইকোনোমিক গ্রোথতা মরু ওইবা থৌদাং অমা লৌগনি। প্রোজেক্ত অসি সরকারগী আত্মনির্ভর ভারতকী মীৎয়েং অদুগা চুনৈ, মসিনা ইনফ্রাস্ত্রকচর হেনগৎহন্দুনা থবক ফংহল্লগনি অমসুং মেঘালয়, অসাম, মনিপুর, মিজোরাম অমসুং ত্রিপুরাদা সোসিও-ইকোনোমিক দিবেলপমেন্ত পুক্নিং থৌগৎলগনি।

****