సమాచార, ప్రసార మంత్రిత్వ శాఖ
ముంబయిలో వేవ్స్‌పై సమీక్ష సమావేశానికి కేంద్ర సమాచార, ప్రసార శాఖ సహాయ మంత్రి శ్రీ ఎల్. మురుగన్ అధ్యక్షత; సదస్సు వేదిక వద్ద సన్నాహాల పరిశీలన
Posted On:
18 APR 2025 4:19PM
|
Location:
PIB Hyderabad
ప్రపంచ దృశ్య, శ్రవణ వినోద సదస్సు (వేవ్స్)-2025కు సంబంధించి ముంబయిలో నేడు జరిగిన సమీక్ష సమావేశానికి కేంద్ర సమాచార, ప్రసార శాఖ సహాయ మంత్రి శ్రీ ఎల్. మురుగన్ అధ్యక్షత వహించారు. జియో వరల్డ్ కన్వెన్షన్ సెంటర్‌లో ఈ సమీక్ష సమావేశం నిర్వహించగా.. ఈ కార్యక్రమానికి సంబంధించి కేంద్రం, మహారాష్ట్ర ప్రభుత్వాల నోడల్ అధికారులు పాల్గొన్నారు. వేవ్స్ కు ప్రధాన ప్రాతిపదికలైన సమాచార ప్రసారం- టీవీ కార్యక్రమాలు, ఏవీసీజీ- ఎక్స్ఆర్, డిజిటల్ మీడియా- ఆవిష్కరణ, సినిమాలు అనే అంశాల్లో పురోగతిపై ఈ సమావేశంలో చర్చించారు. వేవ్స్ బజార్, వేవెక్స్, భారత్ పెవిలియన్, క్రియేట్ ఇన్ ఇండియా చాలెంజితోపాటు వివిధ ఇతర కార్యక్రమాల కింద చేపట్టిన పనుల వివరాలను చర్చించారు. ఎలా ముందుకెళ్లాలన్న అంశంపై చర్చించారు. వివిధ విభాగాలకు చెందిన నోడల్ అధికారులు సన్నాహాల పురోగతి గురించి మంత్రికి వివరించారు. ఈ సందర్భంగా సదస్సు వేదిక వద్ద కార్యక్రమ ఏర్పాట్లను కూడా శ్రీ ఎల్. మురుగన్ పరిశీలించారు.
వేవ్స్ గురించి
మీడియా, వినోద రంగాల్లో కీలకమైన కార్యక్రమం తొలి ప్రపంచ దృశ్య, శ్రవణ వినోద సదస్సు (వేవ్స్)ను ముంబయిలో మే 1 నుంచి 4 వరకు కేంద్ర ప్రభుత్వం నిర్వహించనుంది. మీరు సంబంధిత రంగంలో నిపుణులైనా, పెట్టుబడిదారులైనా, సృజనకారులైనా, ఆవిష్కర్తలైనా... అనుసంధానం, భాగస్వామ్యం, ఆవిష్కరణలతో మీడియా, వినోద రంగంలో ప్రతిభను చాటుకునేందుకు అత్యున్నత అంతర్జాతీయ వేదికగా ఈ సదస్సు నిలుస్తుంది.
భారతీయ సృజన శక్తిని వేవ్స్ విస్తృతంగా చాటబోతోంది. కంటెంట్ సృజన, మేధో సంపత్తి, సాంకేతిక ఆవిష్కరణల నిలయంగా దేశ స్థానాన్ని మరింత సుస్థిరం చేయనున్నది. సమాచార ప్రసారం, ముద్రణ మాధ్యమాలు, టీవీ, రేడియో, సినిమా, యానిమేషన్, విజువల్ ఎఫెక్ట్స్, గేమింగ్, కామిక్స్, సంగీతం, ప్రకటనలు, డిజిటల్ మీడియా, సోషల్ మీడియా వేదికలు, ఉత్పాదక కృత్రిమ మేధ, అగ్మెంటెడ్ రియాలిటీ (ఏఆర్), వర్చువల్ రియాలిటీ (వీఆర్), ఎక్స్‌టెండెడ్ రియాలిటీ (ఎక్స్ఆర్) వంటి పరిశ్రమలు, రంగాలపై దృష్టి సారించారు.
ఇంకా సందేహాలున్నాయా? జవాబుల కోసం ఇక్కడ చూడండి.
వేవ్స్ పీఐబీ బృందం ఎప్పటికప్పుడు అందించే తాజా ప్రకటనలను చదవండి.
రండి, మాతో కలసి ప్రయాణించండి! ఇప్పుడే వేవ్స్ కు రిజిస్టర్ చేసుకోండి.
***
Release ID:
(Release ID: 2122816)
| Visitor Counter:
40
Read this release in:
Odia
,
Khasi
,
English
,
Urdu
,
Marathi
,
Hindi
,
Nepali
,
Punjabi
,
Gujarati
,
Tamil
,
Kannada
,
Malayalam