U Myntri Khynnah ka sorkar pdeng ba dei khmih ia ka tnad Information and Broadcasting, u L Murugan u la pynïaid ïa ka jingialang peit bniah ha Mumbai mynta ka sngi na ka bynta ka World Audio Visual Entertainment Summit (WAVES) 2025. Ki Nodal ophisar na ka bynta kane ka jingïalang na ka Sorkar India bad Sorkar Jylla Maharashtra ki la ïashim bynta ha ka jingialang peit bniah kaba la long ha Jio World Convention Centre. Ha kane ka jingïalang la ïakren ïa ka jingïaid shaphrang ki kam bapher bapher hapoh ki saw tylli ki nongrim jong ka WAVES kata ka Broadcasting bad Infotainment, ka AVGC-XR, ka Digital Media bad ka jingsaindur thymmai bad ki Phlim. La bishar bniah ïa ki kam ba la shimkhia hapoh ki jingthmu bapher bapher kum ka WAVES Bazar, WAVEX, Bharat Pavilion, ki jingiakop Create in India bad kiwei kiwei bad la pyrkhat ruh ïa ka lynti ban ïaid shakhmat. Ki nodal ophisar na ka bynta ki bynta bapher bapher ki la pyntip ia u myntri ha kaba iadei bad ka jingiaid shaphrang ki jingpynkhreh. Ha katei ka sngi u L Murugan u la peit bniah ruh ïa ki jingpynkhreh ha ka jaka ban pynlong ia ka jingialang.

Shaphang ka WAVES

Ka World Audio Visual & Entertainment Summit (WAVES) kaba nyngkong, kaba dei ka jingïalang kaba kongsan bha na ka bynta ka kam Media & Entertainment (M&E), yn pynlong da ka Sorkar India ha Mumbai, Maharashtra, naduh ka 1 haduh ka 4 tarik Jymmang, 2025.

Lada phi dei u nongtrei ha ka kam, u nongbei tyngka, u nongthaw, ne nongsaindur

thymmai, ka Summit ka ai ka rynsan kaba pawnam ha ka pyrthei ban pynïasoh,

ïatreilang, saindur bad noh synñiang sha ka kam M&E.

Ka WAVES ka la buh ban kyntiew ïa ka bor saindur jong ka India, ban pynkhraw ïa

ka kyrdan jong ka kum ka jaka pdeng ban thaw ïa ki prokram, ka jingdon jingem ha

ka liang ka jingstad, bad ka jingsaindur thymmai ia ka teknoloji. Ki karkhana bad ki

bynta ba la pynleit jingmut ki kynthup ïa ka jingpynbna khubor, Print Media,

Television, Radio, Films, Animation, Visual Effects, Gaming, Comics, Sound and

Music, Advertising, Digital Media, Social Media Platforms, Generative AI, Augmented

Reality (AR), Virtual Reality (VR), bad Extended Reality (XR).

Don jingkylli? Peit ia ki jubab hangne

To bud ryntih ia ki jingpynbna ba thymmai na ka PIB Team WAVES

Pynrung kyrteng na ka bynta ka WAVES mynta.

* * *