ప్రతిష్ఠాత్మక వేవ్స్ వీఎఫ్ఎక్స్ పోటీలు (డబ్ల్యూఏఎఫ్ఎక్స్)లో పాల్గొనే వారిని ఉత్సాహపరిచే లక్ష్యంతో యాప్‌టెక్ లిమిటెడ్, ఏబీఏఐ సహకారంతో సమాచార, ప్రసార మంత్రిత్వ శాఖ.. డబ్ల్యూఏఎఫ్ఎక్స్ సెమినార్ సిరీస్‌ను ప్రారంభించింది. దేశంలో క్రియేటివ్ ఎకానమీని బలోపేతం చేసేందుకు, తర్వాతి తరం వీఎఫ్ఎక్స్ ప్రతిభను ప్రోత్సహించేందుకు క్రియేట్ ఇన్ ఇండియా మొదటి సంచికలో భాగంగా ప్రభుత్వం చేపడుతున్న ప్రయత్నాల్లో ఈ సిరీస్ కీలకమైనది.

డబ్ల్యూఏఎఫ్ఎక్స్ సెమినార్ సిరీస్‌లో భాగంగా వీఎఫ్ఎక్స్ పరిశ్రమలోని అగ్రశ్రేణి నిపుణులతో వర్ధమాన కళాకారులకు మార్గనిర్దేశం చేస్తారు. ఈ సెమినార్లో పరిశ్రమలో నూతన ధోరణులు, అధునాతన వీఎఫ్ఎక్స్ పద్ధతులు, కెరీర్ వృద్ధి అవకాశాల గురించి విలువైన సమాచారం అందిస్తారు. అలాగే అభివృద్ధి చెందుతున్న వీఎఫ్ఎక్స్ పరిశ్రమ గురించి అర్థమయ్యేలా వివరించి పోటీలకు సన్నద్ధం చేస్తారు.

యాప్‌టెక్ ముంబయిలో జరిగిన మొదటి సెమినార్‌కు ప్రముఖ వీఎఫ్ఎక్స్ సూపర్వైజర్ జతీన్ థక్కర్ హాజరయ్యారు. పోచార్, లియో, భేడియా వంటి చిత్రాలకు ఆయన పనిచేశారు. మరో కార్యక్రమంలో స్కాన్‌లైన్ వీఎఫ్ఎక్స్‌లో వీఎఫ్ఎక్స్ సూపర్వైజర్‌గా పనిచేస్తున్న జే మెహతాతో మాక్ (ఎంఏఏసీ) వెబినార్ ఏర్పాటు చేసింది. దేశవ్యాప్తంగా ప్రత్యక్ష ప్రసారమైన ఈ వెబినార్లో వీఎఫ్ఎక్స్ ప్రపంచంలో ప్రత్యేక అవకాశాల గురించి ఆయన వివరించారు.

వేవ్స్ - 2025 సంబంధించి, డబ్ల్యూఏఎఫ్ఎక్స్ జోనల్ స్థాయి తుదిపోటీలు ఛండీగఢ్, ముంబయి, బెంగళూరు, కోల్‌కతా నగరాల్లో ఏప్రిల్ నెలలో జరుగుతాయి. ఈ పోటీల్లో అగ్రస్థానాల్లో నిలిచినవారు మే 1 నుంచి 4 వరకు ముంబయిలోని జియో వరల్డ్ సెంటర్లో జరిగే వేవ్స్ - 2025 గ్రాండ్ ఫినాలేలో పాల్గొనేందుకు అర్హత సాధిస్తారు. ఆల్ ఇండియా ఆన్లైన్ వీఎఫ్ఎక్స్ పోటీల్లో పాల్గొనే వారు తమ ప్రతిభను ప్రముఖుల ముందు ప్రత్యక్షంగా ప్రదర్శించే అవకాశాన్ని కల్పించే వేదికే డబ్ల్యూఎఫ్ఎక్స్ జోనల్ తుది పోటీలు. గెలుపొందిన వారికి పరిశ్రమలో గుర్తింపు, బహుమతులతో పాటు, ప్రముఖ వీఎఫ్ఎక్స్ సంస్థల్లో ఇంటర్న్‌షిప్, ఉద్యోగ అవకాశాలు లభిస్తాయి.

డబ్ల్యూఏఎఫ్ఎక్స్, జరగబోయే సెమినార్లు, ప్రాంతీయ స్థాయి పోటీలకు సంబంధించిన మరిన్ని వివరాల కోసం సందర్శించండి: https://wafx.abai.avgc.in/

మరిన్ని వివరాలు లేదా మీడియా ప్రశ్నలకు సంప్రదించండి: శ్రీనిధి అయ్యర్, యాప్‌టెక్ లిమిటెడ్(కార్పొరేట్ కమ్యూనికేషన్స్), ఈ-మెయిల్: srinidhi.iyer@

వేవ్స్ గురించి

పాత్రికేయ, వినోద (ఎం అండ్ ఈ) రంగంలో ముఖ్యమైన కార్యక్రమంగా నిలిచిపోయే ఈ మొదటి విడత వరల్డ్ ఆడియో విజువల్, ఎంటర్ టైన్మెంట్ సమ్మిట్ (వేవ్స్)ను భారత ప్రభుత్వం మహారాష్ట్ర రాజధాని ముంబయిలో మే 1 నుంచి 4 వరకు నిర్వహించనుంది.
ఈ రంగంలో నిపుణులు, పెట్టుబడిదారుడు, ఆవిష్కర్త... ఇలా ఏ పాత్రను మీరు పోషిస్తున్నా సరే.. ఈ సమ్మేళనంలో పాల్గొనవచ్చు. పాత్రికేయ, వినోద పరిశ్రమతో అనుసంధానమయ్యేందుకు, సహకారం పెంపొందించుకొనేందుకు, నూతన ఆవిష్కరణలు చేయడానికి, మీ వంతు తోడ్పాటు అందించేందుకు అంతర్జాతీయ వేదికను వేవ్స్ మీకు అందిస్తుంది.
ఇండియాలో దాగున్న సృజనాత్మకతను ప్రోత్సహించి, కంటెట్ రూపకల్పన, మేధోహక్కులు, సాంకేతి. ప్రసార రంగం, పత్రికా మాధ్యమం, టెలివిజన్, రేడియో, చల, యానిమేషన్, విజువల్ ఎఫెక్ట్స్, గేమింగ్, కామిక్స్, - సంగీతం, ప్రకటనలు, డిజి, సామాజిక మాధ్యమ వేదికలు, జనరేటివ్ ఏఐ, ఆగ్మెంటెడ్ రియాల్టీ (ఏఆర్), వర్చువల్ రియాల్టీ (వీఆర్), ఎక్స్టెండెడ్ రియాల్టీ (ఎక్స్‌ఆర్) తదితర రంగాలు, పరిశ్రమలపై దృష్టి సారించింది.

ఇంకా సందేహాలున్నాయా? వాటికి సమాధానాలు  ఈ లింక్‌లో దొరుకుతాయి.

తాజా సమాచారాన్ని పీఐబీ టీం వేవ్స్ నుంచి పొందండి.

రండి, మాతో కలసి ప్రయాణించండి! వేవ్స్ లో పాల్గొనేందుకు ఇప్పుడే రిజిస్టర్ చేసుకోండి.

***