মুম্বাই, মার্চ ২৭, ২০২৫

ইনফোর্মেশন অমসুং ব্রোদকাস্তিং মন্ত্রালয়না এপতেক লিমিতেদ অমসুং ABAIগা খুৎশম্নদুনা WAFX সেমিনার সিরীজ হৌদোকখ্রে, মসি য়াম্না ফিদম্নিংঙাই ওইরবা WAVES VFX কমপিতিশন (WAFX)কীদমক্তা পার্তিসিপেন্তশিং শেমগৎনবা অমসুং থৌগৎনবগী পান্দমদা হৌদোকপা অনৌবা থৌরাং অমনি। সিরীজ অসি ক্রিয়েত ইন ইন্দিয়া সীজন ১গী মখাদা য়াম্না মরুওইবা খোংথাং অমনি, মসি ভারতকী ক্রিয়েতিব ইকোনোমীবু অনৌবা ইনোৎ হাপ্নবা অমসুং VFX তেলেন্তকী মথংগী মীরোল শেমগৎনবা সরকারনা পাইখৎলকপা থৌরাংশিংনি।

WAFX সেমিনার সিরীজ অসিনা থৱায় য়াওবা VFX আর্তিস্তশিংবু তাকপী-তম্বীনবা অমসুং লমজিংবীনবা মকোক থোংবা ইন্দস্ত্রী প্রোফেস্নেলশিংশু মসিদা শরুক য়াহল্লগনি। সেমিনারশিং অসিনা ইন্দস্ত্রী ত্রেন্দশিং, অনৌবা VFX তেক্নিকশিং, অমসুং করিয়র শেমগৎনবগী খুদোংচাবশিংগী মতাংদা য়াম্না মমল য়াম্লবা ৱাখল-লৌশিংশিং পীনবগী পান্দম থম্লি, মসিনা পার্তিসিপেন্তশিংদা VFX ইন্দস্ত্রীগী হোংলক্লিবা শক্তমশিং অদুবু নিংথিজনা খঙলবা মতুং কমপিতিশন অসিগীদমক্তা শেম-শাবদা মতেং পাংলগনি।

এপতেক মুম্বাইদা পাংথোকখিবা অহানবা সেমিনার অসিদা পোচর, লিও অমসুং ভেরিয়াদা তৌখিবা মহাক্কী থবক্কীদমক্তা মশক খঙনরবা শক্নাইরবা VFX সুপর্ভাইজর, জাতীন থাক্করশু শক্তম লাংলগনি। সেসন অতোপ্পা অমদনা MAACনা স্কেনলাইন VFXতা VFX সুপর্ভাইজর ওইবা জয় মেহতাগী ৱেবিনার অমা শিনখি, হায়রিবশিং অসি ভারত শিনথুংনা লাইব-স্ত্রীম তৌখি। মহাক্না VFXকী তাইবংদা অখন্নবা তোপ-তোপ্পা শক্তম অমা উহনখি।

WAVES ২০২৫কী শরুক অমা ওইনা, WAFX জোনেল ফাইনেলশিং অদু মরু ওইবা সহর মরি – চান্দিগর, মুম্বাই, বেঙ্গলুরু অমসুং কোলকাতাদা ২০২৫গী এপ্রিল থায়াই চনশিল্লকপদা পাংথোক্লগনি। রোউন্দ অসিদগী খ্বাইদগী মকোক থোংবা তেলেন্তশিং অদুনা মুম্বাইগী জিও ৱার্ল্দ সেন্তরদা ২০২৫কী মে ১দগীনা ৪ ফাওবা পাংথোক্কদবা WAVES ২০২৫কী গ্রান্দ ফিনালেদা শরুক য়ারগনি। WAFX জোনেল ফাইনেলশিং অদু ওল ইন্দিয়া ওনলাইন VFX কন্তেস্তকী পার্তিসিপেন্তশিং অদুনা  ইকাইখুম্নরবা জ্যুরীশিংগী মমাংদা লাইব ওইনা লম্বা তৌনবা য়াবা প্লেতফোর্ম অমদা পাংথোক্লগনি। মাইপাক্লবশিং অদুনা ইন্দস্ত্রীগী রিকোগ্নিশন, প্রাইজশিং অমসুং মমিং লৈরবা VFX ফর্মশিংদা স্তুদিয়ো ইন্তর্নশিপ ফংদুনা মখোয়গী করিয়র খুমাং চাউশিন্নবগী খুদোংচাবা ফংলগনি।

 WAFX, লাক্কদবা সেমিনারশিং অমসুং জোনেল কন্তেস্তশিংগী মতাংদা অকুপ্পা মরোলশিংগীদমক্তা https://wafx.abai.avgc.in/ তা চংবীয়ু

অকুপ্পা মরোলশিং অমসুং মীদিয়াগা মরি লৈনবা ৱাহংশিংগীদমক্তা পীরিবা অসিদা কন্তেক্ত তৌবীয়ু: এপতেক লিমিতেদ; স্রিনিধি আইয়র (কোর্পোরেত কম্যুনিকেশন্স); Email: srinidhi.iyer@aptech.ac.in

WAVESকী মতাংদা

খ্বাইদগী অহানবা ৱার্ল্দ ওদিয়ো ভিজুৱল এন্দ এন্তরতেন্মেন্ত সম্মিত (WAVES), মীদিয়া অমসুং এন্তরতেন্মেন্ত সেক্তরগী য়াম্না শিংথানিংঙাই ওইরবা থৌরম অসি ২০২৫কী মে ১দগী ৪ ফাওবা মহারাস্ত্রগী মুম্বাইদা ভারত সরকারনা শিল্লগনি।

কনাগুম্বা অমনা ইন্দস্ত্রী প্রোফেস্নেল, ইনভেস্তর, ক্রিয়েতর, নত্রগা ইন্নোভেতর অমা ওইগেরা, সম্মিত অসিনা M&E লেন্দস্কেপকা কনেক্ত তৌনবা, ইন্নোভেত তৌনবা অমসুং মসিদা শরুক য়াদুনা থৌদাং লৌনবা খ্বাইদগী অথোইবা গ্লোবল প্লেতফোর্ম অমা পীরি।

WAVESনা ভারতকী ক্রিয়েতিব তেলেন্তপু হেন্না হেনগৎহল্লগনি, মসিনা কন্তেন্ত ক্রিয়েশন, ইন্তেলেক্চুৱল প্রোপর্তী অমসুং তেক্নোলোজিকেল ইন্নোভেশনগীদমক্তা হব অমা ওইনা ওইহল্লগনি। মসিদা অকন্নবা মীৎয়েং থমগদৌরিবা সেক্তরশিং অদুদা ব্রোদকাস্তিং, প্রিন্ত মীদিয়া, তেলিভিজন, এদভর্তাইজিং, দিজিতেল মীদিয়া, সোসিয়েল মীদিয়া প্লেতফোর্মশিং, জেনরেতিব AI, ওগমেন্তেদ রিয়েলিতী (AR), ভর্চুৱল রিয়েলিতী (VR), এক্সতেন্দেদ রিয়েলিতী (XR)শু য়াওরগনি।

ৱাহং লৈব্রা? অসিদা পাউখুম ফংবীয়ু

PIB Team WAVES তগী খ্বাইদগী অনৌবা পাউগা লোইননা অপদেৎ ওইবীয়ু

লাক্লো, ঐখোয়গা পুন্না শরুক য়ামিন্নরসি! WAVESকীদমক্তা হৌজিক রেজিস্তর তৌবীয়ু

***