য়োর এক্সিলেন্সী, য়ুরোপিয়ন কম্মিসনগী প্রসিদেন্ত,

য়ুরোপিয়ন কোলেজ ওফ কম্মিসনর্স,

দেলিগেৎশিং,

মেদিয়াগী মরুপশিং,

খুরুমজরি!

য়ুরোপিয়ন কম্মিসনগী প্রসিদেন্ত অমসুং কোলেজ ওফ কম্মিসনর্সগী ভারত খোংচৎ অসি মমাংদা অমুক্তা ওইখিদ্রি।

মসি য়ুরোপিয়ন কম্মিসনগী ভারত্তা লাকপা অহানবা খোংচৎ নত্তে, লৈবাক অমহেক্তদা য়ুরোপিয়ন কম্মিসনগী অসিগুম্বা মখলগী অহানবা কমপ্রিহেন্সিব এঙ্গেজমেন্তসু ওইরি। মসিগা লোয়ননা, মসি অনৌবা কম্মিসন অসিনা মখোয়গী অনৌবা তর্ম অসিদা চৎখিবা অহানবা খোঙচৎশিংগী মনুংদা অমনি। পুৱারী ওইরবা থৌরম অসিদা, ঐহাক্না য়ুরোপিয়ন কম্মিসনগী প্রসিদেন্ত অমসুং কোলেজ ওফ কম্মিস্নর্সপু ভারত্তা তরাম্না ওকচরি।

মরুপশিং,

ভারত অমসুং ই.য়ু.গী মরক্তা চহি তরাগী খুজিং অনিগী ওইবা স্ত্রেতেজিক পার্তনরশিপ অসি মহৌশাগী ওইবা অমসুং ওর্গানিক ওইবা অমনি। মসিগী য়ুম্ফম অসি থাজবা, দিমোক্রেতিক ভেল্যুশিংদা মান্নবা থাজবা, অমসুং চাউখৎপা অমসুং মান্নবা খুমাং চাউশিনবগী অমত্তা ওইবা ফিরেপনা শেমখিবনি।

ৱাখল্লোন অসিগা লোয়ননা ঐখোয়না ঙরাং অমসুং ঙসিগী মরক্তা তোঙান তোঙানবা সেক্তরশিংগী মিনিস্তরগী থাক্তা মীফম 20 রোম পাংথোকখ্রে। তোঙান তোঙানবা রিজনেল অমসুং গ্লোবেল ইস্যুশিংদা অখন্নবা অমসুং কান্নরবা খন্ন-নৈনবশিং পাংথোকখি। ঐখোয়গী পার্তনরশিপ অসি হেন্না মপাঙ্গল কনখৎহন্নবা অমসুং খোঙজেল য়াংখৎহন্নবা মরুওইবা ৱারেপ কয়া লৌখ্রে।

ঐখোয়না ত্রেদ, তেক্নোলোজী, ইনভেস্তমেন্ত, ইন্নোভেসন, গ্রীন গ্রোথ, সেক্যুরিতী, স্কিলিং অমসুং মোবিলিতীগী লমশিংদা তেংবাং পীননবা ব্লুপ্রিন্ত অমা শেমখ্রে। ঐখোয়না ঐখোয়গী তীমশিংদা চহি অসিগী অরোইবা ফাওবদা নাকন অনিমক্কী কান্নগদবা বাইলেতরেল ফ্রী ত্রেদ এগ্রীমেন্ত অমা লোইশিন্নবা খঙহনখ্রে।

মরুপশিং,

ইনভেস্তমেন্ত ফ্রেমৱার্ক মপাঙ্গল কনখৎহন্নবা, ইনভেস্তমেন্ত প্রোতেক্সন অমসুং GI এগ্রীমেন্তকী মতাংদা খন্ন-নৈনবগী ৱাফমসু লৈখ্রে। তেক্নোলোজী অমসুং ইন্নোভসনগী লমদা থাজবা অমসুং সেক্যুর ভেল্যু চেন অসি ঐখোয়গী অপুনবা প্রাইওরিতী অমনি।

সেমিকন্দক্তরশিং, AI, হাই পর্ফোমেন্স কম্প্যুতিং অমসুং 6Gদা মতেং পীনবা হেনগৎনবা ঐখোয়না য়ানখি। ঐখোয়না স্পেস দাইলোগ অমা হৌদোক্নবা ৱারেপ লৌরে।

মরুপশিং,

ইকোলোজী অমসুং ইকোনোমীগী মরক্তা খল কাইহনদবা অসি ঐখোয়গী অপুনবা ফিরেপ মঅমনি, অমসুং মসিগী মাইকৈ অসিদা ঐখোয়গী কোওপরেসন অসি মপাঙ্গল কনবা ওইরি। ঐখোয়না গ্রীন হাইদ্রোজেন ফোরম অমসুং ওফশোর ৱিন্দ ইনর্জী বিজিনেস সম্মিৎ পাংথোক্নবা ৱারেপ লৌরে। EV বেতরীশিং, মেরিন প্লাস্তিকশিং অমসুং গ্রীন হাইদ্রোজেনগী মতাংদা পুন্না রিসর্চ তৌগনি। ঐখোয়না সস্তেনেবল অর্বান দিবেলপমেন্তকীদমক ঐখোয়গী জোইন্ত প্লানসু মাংলোমদা পুখৎকনি।

কন্নেক্তিবিতীগী লমদা, ইন্দিয়া-মিদ্দল ইস্ত-য়ুরোপ ইকনোমিক কোরিদোর নৎত্রগা "IMEEC"বু মাংলোমদা পুখৎনবগীদমক অকনবা খোঙথাংশিং লৌখৎকনি। ঐহাক্না থাজবা থম্লি মদুদি " IMEECনা লাক্কদৌরিবা নুমিৎশিংদা মালেমগী কম্মর্স, তুং কোইনা চৎথগদবা গ্রোথ অমসুং চাউখৎপা পুরক্নবা ইঞ্জিন অমা ওইনা মথৌ তৌগনি।

মরুপশিং,

দিফেন্স অমসুং সেক্যুরিতীগা মরী লৈনবা হিরমশিংদা ঐখোয়গী হেনগৎলক্লিবা কোওপরেসন অসি ঐখোয়গী অমগা অমগা থাজবগী খুদম অমনি। সাইবর সেক্যুরিতী, মেরিতাইম সেক্যুরিতী অমসুং কাউন্তর তেরোরিজমদা ঐখোয়না মতেং পাংমিন্নগনি।

ইন্দো-পেসিফিক লমদমদা শান্তি, সেক্যুরিতী, স্তেবিলিতী অমসুং চাউখৎপগী মরুওইবা অদুদা নাকল অনিমক্না য়ানখি। "ইন্দো-পেসিফিক ওসিনস ইনিসিএতিব"দা EUনা শরুক য়ানবা ৱারেপ লৌখিববু ঐখোয়না তরাম্না ওক্লি। ঐখোয়না ইন্দো-পেসিফিক রিজন অমসুং আফ্রিকাদা তুংকোইনা চৎকদবা অমসুং ইনক্লুসিব দিবেলপমেন্তকীদমক ত্রাইএঙ্গুলর দিবেলপমেন্ত প্রোজেক্তশিংদা পুন্না থবক তৌমিন্নগনি।

মরুপশিং,

মী অমগা অমগা শম্নবা হায়বসি ঐখোয়গী মরীগী খ্বাইদগী মপাঙ্গল লৈবা পোৎশক অমনি। ঙসি, ঐখোয়না ঐখোয়গী মরক্তা একাদেমিয়া, রিসর্চ অমসুং ইন্দস্ত্রীগী পার্তনরশিপশিং হেনগৎহন্নবা অনৌবা য়ানা ৱারোল অমদা য়ৌরে। ঐহাক্না থাজৈ মদুদি ভারতকী নহা ওইরিবা তেলেন্ত অমসুং য়ুরোপকী ইন্নোভেসন্না পুন্না ঙমখৈ লৈতবা ওইথোকপা য়াবশিং শেম্বা ঙমগনি।

ঐখোয়না EUগী অনৌবা ভিসা কেসকেদ রিজিমবু তরাম্না ওক্লি। মসিনা ভারতকী হৈ-শিংলবা নহারোলশিংগী তৌবা ঙম্বশিংবু হেন্না ফবা মওংদা শীজিন্নবা ঙমহনগনি।

ঙসি ঐখোয়না 2025গী মতুংগী মতমগীদমক ভারত-EU পার্তনরশিপকীদমক্তা অচৌবা অমসুং অম্বিসিয়স ওইবা রোদমেপ অমা শেম্নবা ৱারেপ লৌরে। মসি মথংগী ভারত-EU সম্মিৎ মনুংদা হৌদোক্লগনি।

এক্সিলেন্সী,

অদোমগী ভারত খোঙচৎ অসিনা ঐখোয়গী পার্তনরশিপ অসিদা অনৌবা ইথিল, ইনর্জী অমসুং থৌনা পীরি। খোঙচৎ অসিনা ঐখোয়গী পান্দম অসিবু থবক ওইনা পাংথোকহনগদবা খ্বাইদগী চাউবা কেতালাইজরনি।

মথংগী ভারত-EU সম্মিৎকীদমক অদোমবু ভারত্তা তরাম্না ওকপগী খুদোংচাবা ফংলগনি হায়না ঐনা থাজবা থম্লি।

হন্না-হন্না থাগৎচরি।

******