দ্রগকী মায়োক্ত তুমিন্না লৈথোক্তবা থৌশিলগী শরুক অমা ওইনা প্রধান মন্ত্রী শ্রী নরেন্দ্র মোদীগী লমজিং মখাদা ২০২৪ দা লুপা করোর ২৫,১১০ হেনবগী দ্রগশিং ফারে, মসি ২০২৩ দা লুপা করোর ১৬,১০০ গী ফাখিবা অদুদগী চাদা ৫৫ হেল্লে। মসি প্রধান মন্ত্রী মোদীগী লুচিং মখাদা অমসুং য়ুনিয়ন হোম মিনিস্তর শ্রী অমিত সাহগী লমজিং মখাদা পাংথোকখিবা ‘মখোঙদগী মতোন’ অমসুং ‘মতোন্দগী মখোঙ’ থৌরাং মাইপাকপগী খুদম অমনি। দ্রগ লৈতবা ভারত অমা ওইহন্নবা সরকারগী অপুনবা থৌরাং অমগা লোয়ননা মোদী সরকারনা মাঙলোমদা চঙশিল্লি।

২০২৪ দা, খুৎশেমগী দ্রগশিং, কোকেন অমসুং সাইকোত্রিপিক সবস্তেন্স ওইনা শীজিন্নবা ফার্মাসিউত্যুকেলগী দ্রগশিং ফাখি।

২০২৪ দা মেথামফেতামাইনগুম্বা এ.তি.এস কুইন্তল ৮০ ফাখি, মসি ২০২৩ দা কুইন্তল ৩৪ ফাখিবা অদুদগী শরুক অনি হেল্লবনি। ২০২৩ দা কোকেন কেজি ২৯২ ফাবদা ২০২৪ দা কেজি ১৪৬২ ফাখি। ২০২৩ দা মেফেদ্রোন কেজি ৬৮৮ ফাবদা ২০২৪ দা কেজি ৩৩৯১ ফাখি। ২০২৩ দা হাসিস কুইন্তল ৩৪ ফাবদা ২০২৪ দা কুন্তল ৬১ ফাখি। সাইকোত্রোপিক সবস্তেন্সশিং ওইনা লান্না শীজিন্নবা ফার্মাসিত্যুকেলগী দ্রগশিং করোর ১.৮৪ দগী করোর ৪.৬৯ দা হেনগৎলে।

২০২৪ দা এজেন্সি কয়াগা লোয়ননা এন.সি.বিনা অচৌবা ওপরেসন কয়া পাংথোকখ্রে:

ফেব্রুৱারি ২০২৪: এন.সি.বি অমসুং দিল্লি পুলিসকী অখন্নবা সেলনা মালেমগী দ্রগ ললোনবা কাংবু অমা থুগাইদুনা মীওই অহুম ফাখি অমসুং সেদোফেদ্রিন কেজি ৫০ ফাখি। অস্ত্রেলিয়া অমসুং ন্যু জিলেন্দনা পাউ পীরকপদগী এন.সি.বি অমসুং দিল্লি পুলিসকী অপুনবা কাংবু অমনা দ্রগ ললোনবা কাংবু অমা থুগায়খি।

ফেব্রুৱারি ২০২৪: এন.সি.বি, নেভি অমসুং এ.তি.এস গুজরাত পুলিসনা ভারত মহাসাগরদা ‘সাগর মন্থন-১’ কৌবা অপুনবা ওপরেসন অমা পাংথোক্তুনা দ্রগ কেজি ৩৩০০ ( চরস কেজি ৩১১০, মেথ পাউদর কেজি ১৫৮.৩ অমসুং হিরোইন কেজি ২৪.৬) ফাখি। মসি লৈবাক অসিদা সমুদ্রদা খ্বাইদগী য়াম্নবা চরস ফাবনি। থৌদোক অসিদা মপান লৈবাক্কী মীওই ৫ ফাখি।

মার্চ ২০২৪: ফেব্রুৱারি ২০২৪ দা এন.সি.বিনা দ্রগ ললোনবা কাংবুগী লুচিংবা জাফর সাদিগ ফাখি। এন.সি.বিনা ফার্ম অমগী গোদাউন্দগী সেদোফেদ্রিন কেজি ৫০.০৭০ ফাখিবা ফেব্রুৱারি ১৫, ২০২৪ দগী জাফর সাদিগ নান্থোক্তুনা চেনখিবনি অমসুং থৌদোক অসিদা মহাক্কা নক্নবা মীওই অহুম ফাখি।

এপ্রিল ২০২৪: এন.সি.বি, গুজরাত পুলিসকী এ.তি.এস অমসুং ভারতকী কোস্ত গার্দকী অপুনবা ওপরেসন অমদা মপান লৈবাক্কী হি অমদগী হিরোইন কেজি ৮৬ ফাখি অমসুং পাকিস্থানমচা ১৪ ফাখি। ওপরেসন অদুদা লুপা করোর ৬০২ রোমগী দ্রগশিং ফাখি।

ওক্তোবর ২০২৪: গৌতম বুদ্ধ নগর জিলাগী কসানা ইন্দস্ত্রিএল এরিয়াদা এন.সি.বিনা ওপরেসন অমা পাংথোকখি অমসুং মপং অমসুং মহিগী মওংশিংদা মেতামফেতামাইন কেজি ৯৫ রোম ফাখি। এসিতোন, সোদিয়ম হায়দ্রোসাইদ, মেথিলিন ক্লোরাইদ, ইথানোল, তুলুলিন, রেদ ফোসপরস, ইথাইল এসেতেতগুম্বা কেমিকেলশিং অমসুং দ্রগ শুনবা মেছিনশিং ফাখি।

নবেম্বর ২০২৪: ভারত অমসুং দিল্লি এন.সি.আর লমদমদা দ্রগ ললোনবশিংগী মথক্ত য়াম্না চাউনা পাংথোকপা ওপরেসন অমদা, এন.সি.বিনা দিল্লিদা কোকেন লোৎফম খ্বাইদগী চাউবা মফম অমা থুগাইখ্রে। তেক্নিকেল অমসুং মীওইবগী ইন্তিলিজেন্সগী খুৎথাংদগী, এন.সি.বিনা দিল্লিগী জনকপুরি অমসুং নাংলোই এরিয়াদগী অফবা মখলগী কোকেন কেজি ৮২.৫৩ ফাখি।

নবেম্বর ২০২৪: এন.সি.বি, নেভি অমসুং এ.তি.এস গুজরাত পুলিসনা ভারত মহাসাগরদা ‘সাগর মন্থন-৪’ কৌবা অপুনবা ওপরেসন অমা পাংথোক্তুনা গুজরাত্ত মালেমগী দ্রগ ললোনবা কাংবু অমা থুগায়খি অমসুং মেথ কেজি ৭০০ রোম ফাখি।

*****