ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ, ନିଶାଦ୍ରବ୍ୟ ବିରୁଦ୍ଧରେ ଶୂନ୍ୟ-ସହନଶୀଳତା ନୀତି ଅନୁରୂପ 2024 ମସିହାରେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ସମେତ ଦେଶର ସମସ୍ତ ଆଇନ ପ୍ରବର୍ତ୍ତନକାରୀ ସଂସ୍ଥା ପ୍ରାୟ 25,330 କୋଟି ଟଙ୍କା ମୂଲ୍ୟର ନିଶାଦ୍ରବ୍ୟ ଜବତ କରିଥିଲେ, ଯାହା 2023 ମସିହାରେ ଜବତ ହୋଇଥିବା 16,100 କୋଟି ଟଙ୍କା ମୂଲ୍ୟର ନିଶାଦ୍ରବ୍ୟ ତୁଳନାରେ 55 ପ୍ରତିଶତ ଅଧିକ। ଏହି ସଫଳତା ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଏବଂ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ଅମିତ ଶାହଙ୍କ ମାର୍ଗଦର୍ଶନରେ ଗ୍ରହଣ କରାଯାଇଥିବା 'ତଳରୁ ଉପର' ଏବଂ 'ଉପରରୁ ତଳ' ଆଭିମୁଖ୍ୟର ଏକ ପ୍ରମାଣ। ମୋଦୀ ସରକାର ଏକ ସମ୍ପୂର୍ଣ୍ଣ ସରକାରୀ ଆଭିମୁଖ୍ୟ ନେଇ ଏକ ନିଶା ମୁକ୍ତ ଭାରତ ଗଠନ ଦିଗରେ ଆଗକୁ ବଢ଼ୁଛନ୍ତି।

2024 ରେ, ଅଧିକ କ୍ଷତିକାରକ ଏବଂ ନିଶା ସିନ୍ଥେଟିକ୍ ଡ୍ରଗ୍ସ, କୋକେନ୍, ଏବଂ ସାଇକୋଟ୍ରୋପିକ୍ ପଦାର୍ଥ ଭାବରେ ବ୍ୟବହୃତ ଫାର୍ମାସ୍ୟୁଟିକାଲ୍ ଡ୍ରଗ୍ସ ଜବତ ଉଲ୍ଲେଖନୀୟ ଭାବରେ ବୃଦ୍ଧି ପାଇଛି, ଯାହାର ମୂଲ୍ୟ ମଧ୍ୟ ବହୁତ ଅଧିକ ।

2024 ରେ, ମେଥାମ୍ଫେଟାମାଇନ୍ ପରି ଏଟିଏସ୍ (ଆମ୍ଫେଟାମାଇନ୍-ଟାଇପ୍ ଷ୍ଟିମୁଲାଣ୍ଟସ୍) ର ପରିମାଣ 2023 ରେ 34 କ୍ୱିଣ୍ଟାଲରୁ ଦ୍ୱିଗୁଣିତ ହୋଇ 2024 ରେ 80 କ୍ୱିଣ୍ଟାଲକୁ ବୃଦ୍ଧି ପାଇଛି। ସେହିଭଳି ଜବତ ହୋଇଥିବା କୋକେନ୍ ପରିମାଣ ମଧ୍ୟ 2023 ରେ 292 କିଲୋଗ୍ରାମରୁ 2024 ରେ 1426 କିଲୋଗ୍ରାମକୁ ବୃଦ୍ଧି ପାଇଛି। ଜବତ ହୋଇଥିବା ମେଫେଡ୍ରୋନ୍ ପରିମାଣ ମଧ୍ୟ 2024 ରେ 3391 କିଲୋଗ୍ରାମକୁ ବୃଦ୍ଧି ପାଇଥିଲା ଯାହା 2023 ରେ 688 କିଲୋଗ୍ରାମ ଥିଲା । ସେହିଭଳି, ଜବତ ହୋଇଥିବା ହାସିସର ପରିମାଣ 2023 ରେ 34 କ୍ୱିଣ୍ଟାଲରୁ 2024 ରେ 61 କ୍ୱିଣ୍ଟାଲକୁ ବୃଦ୍ଧି ପାଇଛି। ସାଇକୋଟ୍ରୋପିକ୍ ପଦାର୍ଥ ଭାବରେ ଅଧିକରୁ ଅଧିକ ଅପବ୍ୟବହାର କରାଯାଉଥିବା ଫାର୍ମାସ୍ୟୁଟିକାଲ୍ ଔଷଧର ପରିମାଣ 1.8 କୋଟିରୁ 4.69 କୋଟିକୁ ବୃଦ୍ଧି ପାଇଛି।

ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଦ୍ୱାରା ବିଭିନ୍ନ ଏଜେନ୍ସି ସହଯୋଗରେ 2024 ଫେବୃଆରୀରେ କରାଯାଇଥିବା ପ୍ରମୁଖ ଅପରେସନ ।

ଫେବୃଆରୀ ୨୦୨୪ : ଏନସିବି ଏବଂ ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ୍ ତିନି ଜଣଙ୍କୁ ଗିରଫ କରିବା ସହିତ ଏକ ଆନ୍ତର୍ଜାତୀୟ ନିଶା କାରବାର ନେଟୱାର୍କର ପର୍ଦ୍ଦାଫାସ କରିଛି ଏବଂ 50 କିଲୋଗ୍ରାମ ନିଶା ତିଆରି ରାସାୟନିକ ସ୍ୟୁଡୋଫେଡ୍ରିନ ଜବତ କରିଛି। ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡ କର୍ତ୍ତୃପକ୍ଷଙ୍କ ଦ୍ୱାରା ପ୍ରଦାନ କରାଯାଇଥିବା ସୂଚନା ଉପରେ କାର୍ଯ୍ୟ କରୁଥିବା ଏନ୍ସିବି ଏବଂ ଦିଲ୍ଲୀ ପୋଲିସର ଏକ ମିଳିତ ଦଳ ନେଟୱାର୍କକୁ ଠାବ କରିଥିଲେ।

ଫେବୃଆରୀ 2024: ଏନସିବି, ନୌସେନା ଏବଂ ଏଟିଏସ୍ ଗୁଜରାଟ ପୋଲିସ ଦ୍ୱାରା କରାଯାଇଥିବା 'ସାଗର ମନ୍ଥନ-1' ନାମକ ଏକ ମିଳିତ ଅପରେସନରେ ଭାରତ ମହାସାଗରରେ ଆନୁମାନିକ 3300 କିଲୋଗ୍ରାମ ନିଶା ସାମଗ୍ରୀ (3110 କିଲୋଗ୍ରାମ ଚରସ/ହଶିଶ, 158.3 କିଲୋଗ୍ରାମ କ୍ରିଷ୍ଟାଲାଇନ୍‍ ପାଉଡର ମେଥ ଏବଂ 24.6 କିଲୋଗ୍ରାମ ସନ୍ଦିଗ୍ଧ ହେରୋଇନ୍) ର ଏକ ବିଶାଳ ସାମଗ୍ରୀ ଜବତ କରାଯାଇଥିଲା। ଦେଶର ବେଳାଭୂମିରେ ସମୁଦ୍ର କୂଳରେ ଚରସ୍/ହାଶିଶ୍ ଜବତ ପରିମାଣ ଦୃଷ୍ଟିରୁ ଏହା ଏକ ରେକର୍ଡ ଥିଲା । ଏହି ମାମଲାରେ ପାଞ୍ଚ ଜଣ ସନ୍ଦିଗ୍ଧ ବିଦେଶୀ ନାଗରିକଙ୍କୁ ଅଟକ ରଖାଯାଇଥିଲା।

ମାର୍ଚ୍ଚ 2024: ଫେବୃଆରୀ, 2024 ମାସରେ ଏହା ଦ୍ୱାରା ଠାବ ହୋଇଥିବା ନିଶା କାରବାର ନେଟୱାର୍କର ମୁଖ୍ୟ ଜାଫର ସାଦିକଙ୍କୁ ଏନସିବି ଗିରଫ କରିଥିଲା। ଜାଫର ସାଦିକ ପଳାତକ ଥିଲା ଏବଂ 15 ଫେବୃଆରୀ, 2024 ଠାରୁ ଫେରାର ଥିଲା ଯେତେବେଳେ ଏନସିବି ଏକ ଫାର୍ମର ଗୋଦାମରୁ 50.070 କେଜି ସ୍ୟୁଡୋଇଫେଡ୍ରିନ ଜବତ କରିଥିଲା ଏବଂ ଏହି ସମ୍ବନ୍ଧରେ ଜାଫର ସାଦିକର ତିନି ସହଯୋଗୀଙ୍କୁ ଏପ୍ରିଲ 2024 ରେ ଗିରଫ କରିଥିଲା ।

ଏପ୍ରିଲ ୨୦୨୪ : ଏନସିବି, ଗୁଜରାଟ ପୋଲିସର ଏଟିଏସ ଏବଂ ଭାରତୀୟ ତଟରକ୍ଷୀ ବାହିନୀ ଦ୍ୱାରା ଏକ ମିଳିତ ସାମୁଦ୍ରିକ ଅପରେସନରେ, ପ୍ରାୟ 86 କିଲୋଗ୍ରାମ ସାମଗ୍ରୀ ବହନ କରୁଥିବା ଏକ ବିଦେଶୀ ଡଙ୍ଗାରୁ ହେରୋଇନ୍ ଜବତ କରାଯାଇଥିଲା ଏବଂ 14 ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଥିଲା। ପ୍ରାୟ ୬୦୨ କୋଟି ଟଙ୍କା ମୂଲ୍ୟର ନିଶା ସାମଗ୍ରୀ ଏହି ଅପରେସନ ସମୟରେ ଜବତ କରାଯାଇଥିଲା।

ଅକ୍ଟୋବର 2024: ଗୌତମ ବୁଦ୍ଧ ନଗର ଜିଲ୍ଲାର କାସନା ଶିଳ୍ପାଞ୍ଚଳରେ ଥିବା ଏକ କାରଖାନାରେ ଏନ ସି ବି. ଏକ ସର୍ଚ୍ଚ ଅପରେସନ କରିଥିଲା ଏବଂ କଠିନ ଏବଂ ତରଳ ରୂପରେ ପ୍ରାୟ 95 କିଲୋଗ୍ରାମ ମେଥାମ୍ଫେଟାମାଇନ୍ ପାଇଥିଲା। ଏସିଟୋନ୍, ସୋଡିୟମ୍ ହାଇଡ୍ରୋକ୍ସାଇଡ୍, ମିଥିଲିନ୍ କ୍ଲୋରାଇଡ୍, ପ୍ରିମିୟମ୍ ଗ୍ରେଡ୍ ଇଥାନଲ, ଟୋଲୁଇନ୍, ରେଡ୍ ଫସଫରସ୍, ଇଥାଇଲ ଏସିଟେଟ୍ ଇତ୍ୟାଦି ରାସାୟନିକ ପଦାର୍ଥ ଏବଂ ଉତ୍ପାଦନ ପାଇଁ ଆମଦାନୀ ହୋଇଥିବା ଯନ୍ତ୍ରପାତି ମଧ୍ୟ ମିଳିଥିଲା।

ନଭେମ୍ବର 2024: ଭାରତରେ ଏବଂ ବିଶେଷ କରି ଦିଲ୍ଲୀ ଏନସିଆର ଅଞ୍ଚଳରେ କାର୍ଯ୍ୟ କରୁଥିବା ନିଶା ସିଣ୍ଡିକେଟ୍ ବିରୁଦ୍ଧରେ ଏକ ପ୍ରମୁଖ ସଫଳତା ହାସଲ କରି, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଦିଲ୍ଲୀରେ ସବୁଠାରୁ ବଡ କୋକେନ୍ ଜବତ କରିଥିଲା। ଏହି ମାମଲାଗୁଡ଼ିକରେ ସୃଷ୍ଟି ହୋଇଥିବା ସୂତ୍ର ଉପରେ କାର୍ଯ୍ୟ କରିବା ପରେ, ଏବଂ ବୈଷୟିକ ଏବଂ ମାନବ ଗୁଇନ୍ଦା ମାଧ୍ୟମରେ, ଏନସିବି ଶେଷରେ ନିଷିଦ୍ଧ ଦ୍ରବ୍ୟର ଉତ୍ସରେ ପହଞ୍ଚିବାରେ ସକ୍ଷମ ହୋଇଥିଲା ଏବଂ ଦିଲ୍ଲୀର ଜନକପୁରୀ ଏବଂ ନାଙ୍ଗଲୋଇ ଅଞ୍ଚଳରୁ ୮୨.୫୩ କିଲୋଗ୍ରାମ ଉଚ୍ଚ ଗ୍ରେଡ୍ କୋକେନ୍ ଜବତ କରାଯାଇଥିଲା।

ନଭେମ୍ବର 2024: 'ସାଗର ମନ୍ଥନ-4' ନାମକ ଏକ ମିଳିତ ଅପରେସନରେ, ଏନସିବି, ଭାରତୀୟ ନୌସେନା ଏବଂ ଏଟିଏସ ଗୁଜରାଟ ପୋଲିସ ଏକ ଆନ୍ତର୍ଜାତୀୟ ନିଶା କାରବାର କାର୍ଟେଲକୁ ଠାବ କରି ଗୁଜରାଟରୁ ପ୍ରାୟ 700 କିଲୋଗ୍ରାମ ନିଷିଦ୍ଧ ମେଥ୍‍ ଜବତ କରିଥିଲା।

HS