Ka jingiakhun "Shna Reel" ha ka World Audio Visual & Entertainment Summit (WAVES) 2025 ka la ioh ka jingiashim bynta kaba shitrhem, lyngba ka jingdon 3,379 ki jingkyntiew kyrteng na kylleng ka ri bad na 20 tylli ki ri.

Ka Create in India

Ia kane ka jingiakop, la sdang kum ka sienjam ba kongsan hapoh ka WAVES 2025, kaba ban jur ia ka jingkiew ka bor jong ka India kum ka jaka pdeng kylleng ka pyrthei na ka bynta ka kam media bad jingpynbyrnia bad pyni ruh ia ka jingiar sted ka ioh ka kot digital jong ka ri. Ka iahap bad ka thong “Create in India” jong ka sorkar India, kaba pynkupbor ia ki sap na kylleng ka ri bad na shabar ri.

Ha kane ka jingiakop la sakhi ka jingiashim bynta shitrhem nabar ri kum Afghanistan, Albania, the United States, Andorra, Antigua and Barbuda, Bangladesh, UAE, Australia, bad Germany, bad kiwei kiwei. Kane ka jingpoi kylleng ki ri ka pyni ka jingkiew ka bor jong ka kam saindur jong ka India bad ka jingkhring jong ka WAVES kum ka rynsan na ka bynta ki nongpynmih prokram kylleng ka pyrthei.

Na Tawang sha Port Blair: Ka jingkiew ka jingiathuh khana ha kylleng ka ri

Hapoh ri, ka jingiakop ka la khring ia ki jingkyntiew kyrteng na ki jaka bapher bapher jong ka ri, kynthup Tawang (Arunachal Pradesh), Dimapur (Nagaland), Kargil (Ladakh), Leh, Shopian (Kashmir), Port Blair (Andaman & Nicobar Islands), Teliamora (Tripura), Kasaragod (Kerala) bad Gangtok (Sikkim). Ka jingiashim bynta kaba khlain ia ka jingiakop “Shna Reel” jong ka WAVES na ki sorbah barit bad ki jaka pdeng jong ka kam saindur ka pyni ka jingriewspah ka dustur iathuh khana jong ka India bad ka jingkiew ka jinglojng jingman jong ka kam digital.

Kum shi bynta ka jingiakop, ki nongiashim bynta kiba 20 snem shaneng ki donkam ban shna ia ki reel halor ki phang pdeng kum ka “Viksit Bharat”, kaba ban jur ia ki jingkiew shaphrang ki kam teknoloji bad ki jingdon jingem jong ka India, bad ka “India @ 2047”, ka jingthmu na ka lawei ba kiew shaphrang jong ka ri ha kine ki kam. Kine ki phang pdeng ki pynbiang ka rynsan ia ki nongiathuh khana ban pyni ia ka jingiaid lynti ka kam saindur thymmai jong ka India lyngba ki phlim ba lyngkot kiba 30-60 sekon, kaba pyni ia ka sap jong ki bad ka thong na ka bynta ka jingkiew shaphrang ka ri.

Ki lahduh jong ka jingiakop shna Reel kin ioh lad ba kyrpang, ba kynthup:

• Ka jingshah khot sha ka prokram ba pynlong da ka Meta bad ka reels masterclass ha u 2025.
• Ka jingioh iashim bynta ha ka WAVES 2025 ha kaba la pynbiang lut ia ki jinglut jingsep, ha kaba kin shah pynkup burom.
• Ka Tnad ka kyrshan ia kiba rung final ban iashim ha ki jingiakop pynmih prokram ha ki rynsan shabar ri.
• Yn pyni ia ki reel kiba ioh jingjop ha ka WAVES Hall of Fame, ha ka website jong ka WAVES, bad ki rynsan social media.

Ka ‘Make in India, Make for the World’

Ka WAVES 2025 ka ioh mynsiem na ka thong jong u Myntri Rangbah duh, Narendra Modi bad ka thong ban pynkhreh ka jingithuh ba thymmai ha kylleng ka ri na ka bynta ka jingtbit ka kam saindur jong ka India bad ban pynlong ia ka India kum ka jaka na ka bynta ka kam media, kam pynbyrnia bad kam pynmih prokram. Kane ka Summit kan wanrah lang ia ki nongialam karkhana, kito kiba don ha ka kam, bad ki nongsaindur thymmai ban iakren ia ki jinglong kiba don mynta, kyntiew ki jingiatreilang, pyni ia ka jingriewspah ka kam saindur jong ka India bad ban pyntreikam ia ka thong ‘Make in India, Make for the World’ jong u Myntri Rangbah duh.

Lyngba ka jingiashim bynta jan baroh ki kyndong kynshrot jong ka India bad 20 tylli ki ri haduh mynta, ka jingiakop shna Reel kalong ka dak jong ka jingiar bad jingshtirhem ka jingiathuh khana jong ka India, kaba pynkhlain ia ka nongrim jong ka kum ka bor ha ka kam media bad kam pynbyrnia kylleng ka pyrthei.

Na ka bynta ki jingtip ba kham bniah, leit ha ka: https://wavesindia.org/challenges-2025

*****