থাগী ওইনা চাংচৎতা লুপা লাখ 1 ফাওবগী ইনকম লাকপদা ইনকম তেক্স লৌররোই; মিদ্দল ক্লাসকী য়ুমগী সেভিংস অমসুং কঞ্জ্যুম্পসন হেনগৎহল্লগনি

অনৌবা তেক্স রেজিমদা চহিদা লুপা লাখ 12.75 ফাওবা লাকপা সেলরী ক্লাসনা ইনকম তেক্স থীররোই

কেন্দ্রগী বজেৎনা চাউখৎ-থৌরাংগী ইঞ্জিন 4 মশক খঙদোকখ্রে – এগ্রিকলচর, MSME, ইনভেস্তমেন্ত অমসুং এক্সপোর্তস

লৌমী করোর 1.7দা কান্নবা ফংহন্দুনা ‘প্রধান মন্ত্রী ধন-ধান্যা কৃশী য়োজনা’ অসিনা এগ্রিকলচরেল প্রদক্তিবিতী হন্থবা জিলা 100 কোনশিল্লগনি

তুর, উরদ, অমসুং মসুরদা অখন্নবা মীৎয়েং থম্বগা লোয়ননা “মিসন ফোর আত্মনির্ভরতা ইন পলজেস” হৌদোকখ্রে

শেমদোক্লবা ইন্তরেস্ত সবভেন্সন স্কিমগী মখাদা KCCগী খুত্থাংদা লুপা লাখ 5 ফাওবগী লোনশিং

FY-25না 4.8%গী ফিস্কল দেফিসিৎকা লোয়ননা লোইশিন্নবা এস্তিমেদ তৌখ্রে, FY-26দা 4.4%দা হন্থহন্নবা পান্দম থম্মি

MSMEশিংদা গরেন্তী কবরগা লোয়ননা ক্রেদিৎ অসি লুপা করোর 5দগী লুপা করোর 10 ফাওবা শীংথানিংঙাই ওইনা হেনগৎহনখ্রে

 “মেক ইন ইন্দিয়া” খুমাং চাউশিনহন্নবা স্মোল, মেদিয়ম এন্দ লার্জ ইন্দস্ত্রীশিং কোনশিল্লিবা নেস্নেল মেন্যুফেকচরিং মিসন

মথংগী চহি 5দা সরকারগী স্কুলশিংদা অতল তিঙ্করিং লেব 50,000 লৈহনবা

লুপা করোর 500গী অপুনবা আউৎচেগা লোয়ননা সেন্তর ওফ এক্সিলেন্স ইন আর্তিফিসিএল ইন্তেলিজেন্স ফোর এজুকেসন

পি.এম. স্বানিধি অসি বেঙ্কশিংদগী লোন লৌবগী চাং হেনগৎহনখ্রে অমসুং UPIগা লিঙ্ক তৌবা ক্রেদিৎ কার্দশিংদা লুপা 30,000গী লিমিৎ হেনগৎহনখ্রে

গিগ ৱার্করশিংনা শক্তাকচা ফংলগনি, ই-শ্রম পোর্তেলদা রেজিস্ত্রেসন তৌরগনি অমসুং পি.এম. জন আরোগ্যা য়োজনাগী মখাদা হেল্থকেয়র ফংলগনি

 ‘সিতিজ এস গ্রোথ হবস’কীদমক লুপা করোর লাখ 1গী অর্বান চেলেঞ্জ ফন্দ

লুপা করোর 20,000গী আউৎলেগা লোয়ননা স্মোল মোদ্যুলর রিএক্তরশিংগী R&Dগীদমক ন্যুক্লিয়র ইনর্জী মিসন

শেমদোক্লবা উরান স্কিমনা অনৌবা দেস্তিনেসন 120দা রিজনেল কন্নেক্তিবিতী হেনগৎহল্লগনি

অতোপ্পা স্ত্রেস হাউসিং য়ুনিৎ লাখ 1 থুনা লোইশিনবা ঙম্নবা লুপা করোর 15,000গী স্বামিহ ফন্দ থমখ্রে

প্রাইবেৎ সেক্তরনা লমজিংবা রিসর্চ দিবেলপমেন্ত এন্দ ইন্নোবেতিব ইনিসিএতিবশিংগীদমক লুপা করোর 20,000 এল্লোকেৎ তৌখ্রে

মেন্যুস্ক্রিপ্ত করোর অমা হেন্না কবর তৌনবা মেন্যুস্ক্রিপ্তশিংগী সর্ভে অমসুং কঞ্জর্বেসনগীদমক জ্ঞান ভারতম মিসন

ইন্দুরেন্সকী FDI লিমিৎ অসি চাদা 74দগী চাদা 100দা হেনগৎখ্রে

তোঙান-তোঙানবা আইনশিংদা প্রোভিজন 100 হেন্না দিক্রিমিনেলাইজ তৌনবগীদমক জন বিশ্বাস বিল 2.0 হৌদোক্লগনি

অপদেৎ তৌরবা ইনকম তেক্স রিতর্নসকী তাইম লিমিৎ অসি চহি অনিদগী মরিদা হেনগৎহনখ্রে

TCS পেমেন্তদা থিন্থবা অসি দিক্রিমিনেলাইজ তৌখ্রে

রেন্ততা লৌবা TDS অসি লুপা লাখ 2.4দগী লুপা লাখ 6তা হেনগৎহনখ্রে

কেন্সর, রিয়র অমসুং ক্রোনিক দিজিজশিং লায়েংনবগীদমক লাইফসেভিং দ্রগ অমদি হীদাক 36দা BCD লৌদ্রে

IFPDদা লৌবা BCD 20% হেনগৎখ্রে অমসুং ওপন সেল্সতা 5%দা হন্থখ্রে

ওপন সেল্সকী শরুক খরদা BCD লৌদবনা দোমেস্তিক মেন্যুফেকচরিং প্রমোৎ তৌরগনি

অমসুং মোবাইল বেত্তরী মেন্যুফেকচরিংগীদমক এদিস্নেল কেপিতেল গুদস লৌদবনা বেত্তরী পুথোকপা হেনগৎহল্লগনি

জহাজ শাবদা শিজিন্নবা রো মেতরিএলশিং অমদি কম্পোনেন্তশিংদা চহি 10 BCD লৌররোই

BCD অসি ফ্রোজন ফিশ পেস্ততা 30%দগী 5%দা অমসুং ফিশ হাইদ্রোলিসেত্তা 15%দগী 5%দা হন্থহনখ্রে

কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী. নির্মলা সিতারমননা ঙসি সংসদতা 2025-26গী য়ুনিয়ন বজেৎ পুথোকখ্রে। মহাক্না বজেৎকী মতাংদা ৱা ঙাংখিবগী শম্লপ্পা ৱারোল মখাদা পীরি;

পার্ত A

তেলুগু কবি অমসুং দ্রামা ইবা শ্রী গুরাজদা অপ্পা রাওগী মমিং লৈরবা ৱারোল পল্লদুনা মহাক্না হায়খি, "লৈবাক অসি লৈমাই খক্তা নত্তে, লৈবাক অসি মাগী মীয়ামনি।" - শেলথুম মন্ত্রীনা 2025-26গী কেন্দ্রগী বজেৎ অসি "সবকা বিকাস" হায়বা থিমদা পুথোকখি, মসিনা লমদম পুম্নমক্তা বেলেন্স গ্রোথ লৈহনগনি।

হীরম অসিগী মতুং ইন্না, শেল-থুম মন্ত্রীনা মখাদা পীরিবশিং অসি য়াওনবা বিক্সিত ভারতকী অচৌবা প্রিন্সিপলশিং অদু শন্দোক্না তাকখি:

a) জিরো-পোভর্তী;

b) ক্বালিতী চাদা চামা লৈবা অফবা স্কুল এজুকেসন;

c) হায়-ক্বালিতী, অহোংবা অমসুং কমপ্রিহেন্সিব হেল্থকেয়র ফংহনবা;

d) অফবা থবক্কা লোয়ননা চাদা চামা স্কিল লৈরবা শিন্মী;

e) শেন্মিৎলোনগী থবকশিংদা চাদা 70 নুপীশিং য়াওবা; অমসুং

f) লৌমীশিংনা ঐখোয়গী লৈবাক অসিবু মালেমগী "ফুদ কস্ত" ওইহল্লি।

2025-2026গী য়ুনিয়ন বজেৎ অসিনা গ্রোথ তপথহন্নবা, ইনক্লুসিব দিবেলপমেন্ত ফংহন্নবা, প্রাইবেৎ সেক্তরগী ইনভেস্তমেন্তশিং পুক্নিং থৌগৎনবা, ইমুং মনুংগী পুক্নিং থৌগৎনবা অমসুং ভারতকী চাউখৎলক্লিবা মিদ্দল ক্লাসকী শেল থাদবগী শক্তি হেনগৎহন্নবা সরকারনা হোৎনরিবশিং অসি মখা তানা চৎথখিগনি হায়না থাজবা পীরি। বজেৎ অসিদা লায়রবশিং (গরিব), নহারোলশিং, লৌমীশিং (অন্নদাতা) অমসুং নুপীশিং (নারী) দা মীৎয়েং থমদুনা চাউখৎ থৌরাংগী খোঙথাংশিং লৌখৎনবা ৱাফম থম্লি ।

ভারতকী গ্রোথ পোতেন্সিএল অমসুং গ্লোবেল কম্পিতিতিবনেস হেনগৎহন্নবা বজেৎ অসিনা তেক্সেসন, পৱার সেক্তর, অর্বান দিবেলপমেন্ত, মাইনিং, ফাইনান্সিএল সেক্তর অমসুং রেগুলেতরী রিফোর্মশিংদা ত্রান্সফোর্মেতিব রিফোর্মশিং হৌদোক্নবা পান্দম থম্লি।

এগ্রিকলচর, MSME, ইনভেস্তমেন্ত অমসুং এক্সপোর্ত অসি ইনক্লুসিবিতীগী স্পিরিৎনা লমজিংদুনা রিফোর্মশিংবু ফ্যুএল ওইনা শীজিন্নদুনা বিক্সিত ভারতকী খোঙচৎ অসিদা ইঞ্জিনশিংনি হায়না য়ুনিয়ন বজেৎনা ফোংদোক্লি।

অহানবা ইঞ্জিন: এগ্রিকলচর

পোত্থোক হেনগৎহন্নবা, ক্রোপ দাইভর্সিফিকেসন তৌববা, পোস্ত-হর্ভেস্ত স্তোরেজ হেনগৎহন্নবা, ইরিগেসনগী খুদোংচাবশিং ফগৎহন্নবা অমসুং অশাংবা মতমগী অমসুং অতেনবা মতমগী ক্রেদিৎ ফংহন্নবা রাজ্য 100গা খুৎশম্নদুনা প্রধান মন্ত্রী ধন-ধান্যা কৃশী য়োজনাগী বজেৎ লাউথোকখ্রে।

স্তেতশিংগা খুৎশম্নদুনা স্কিলিং, ইনভেস্তমেন্ত, তেক্নোলোজী অমসুং খুঙ্গংগী শেন্মিৎলোনবু মপাঙ্গল কনখৎহন্দুনা লৌউ-শিংউদা থবক ফংদবগী অৱাবা কোকহন্নবা মল্তি-সেক্তোরেল "রুরেল প্রোস্পেরিতি অমসুং রেসিলিয়েন্স" প্রোগ্রাম অমা হৌদোক্লগনি। পান্দমদি খুঙ্গংগী লমশিংদা খুদোংচাবা কয়া ফংহন্নবা, খুঙ্গংগী নুপীশিং, নহা ওইরিবা লৌমীশিং, খুঙ্গংগী নহাশিং, মর্জিনেল অমসুং অপীকপা লৌমীশিং, অমসুং লম লৈতবা ইমুংশিংদা মীৎয়েং চংবনি।

তুর, উরাদ অমসুং মাসুরদা অখন্নবা মীৎয়েং থমদুনা সরকারনা চহি 6গী 'মিসন ফোর আত্মনির্ভরতা ইন পলজেস' হৌদোক্লগনি হায়না কেন্দ্রগী শেল-থুম মন্ত্রীনা লাউথোকখি। সেন্ত্রেল এজেন্সীশিং (NAFED অমসুং NCCF) না লৌমীশিংদগী মথংগী চহি মরিগী মনুংদা পীরিবা পোৎলমশিং অদুগী মতুং ইন্না পোৎলম অহুম অসি লৌনবা শেম-শারি।

লৌউ-শিংউ অমসুং মসিগা মরী লৈনবা থবক থৌরমশিংবু মরুওইবা মওংদা প্রমোৎ তৌনবা অতৈ খোঙথাংশিংগী মরক্তা, বজেৎ অসিনা মনা-মশিং অমসুং উহৈশিংগীদমক কম্প্রেহেন্সিব প্রোগ্রাম, নেস্নেল মিসন ওন হাই য়িল্দিং সিদস, অমসুং চহি মঙাগী মিসন ফোর কতন প্রদক্তিবিতীগীদমক খোঙথাংশিং অদু পনখি।

ইন্তরেস্ত সবভেন্সন স্কিমগী মখাদা কিসান ক্রেদিৎ কার্দকী খুত্থাংদা লৌবা লোনশিংগীদমক লোন লিমিৎ অসি লুপা লাখ 3দগী লুপা লাখ 5দা হেনগৎহনখ্রে হায়না শ্রীমতী সিতারামননা লাউথোকখি।

অনিশুবা ইঞ্জিন: MSMEশিং

MSMEশিং অসি চাউখৎপগী অনিশুবা পাৱর ইঞ্জিননি হায়না শেল-থুম মন্ত্রীনা হায়খি মরমদি মখোয়না ঐখোয়গী এক্সপোর্তকী 45% ওইরি। MSMEশিংনা স্কেলগী হেন্না ৱাংবা ইফিসিএন্সী, তেক্নোলোজিকেল অপগ্রেদেসন অমসুং কেপিতেলদা হেন্না ফবা এক্সেস ফংবদা মতেং পাংনবা, MSME পুম্নমক্কী ক্লাসিফিকেসনগী ইনভেস্তমেন্ত অমসুং তর্নওভর লিমিৎশিং মথংশিৎনা 2.5 অমসুং 2দা হেনগৎহনখ্রে। মসিগী মথক্তা, গেরেন্তী কভরগা লোয়ননা ক্রেদিৎ ফংহনবগী থৌওংসু লাউথোকখ্রে।

শেল-থুম মন্ত্রীনা নুপী লাখ 5, সেদ্যুল্দ কাস্ত অমসুং সেদ্যুল্দ ত্রাইবকী অহানবা ওইনা ওন্তপ্রিন্যুওর ওইরিবা মীওইশিংগীদমক অনৌবা স্কিম অমা হৌদোক্লে হায়নসু লাউথোকখি। মসিনা লাক্কদৌরিবা চহি 5দা লুপা করোর 2 ফাওবগী তর্ম লোন ফংহল্লগনি।

শ্রীমতী সীতারমননা সরকারনা ভারতপু 'মেদ ইন ইন্দিয়া' ব্রান্দগী মহুৎ শিন্দুনা শান্নপোৎশিংগী মালেমগী হব অমা ওইহন্নবা স্কিম অমা পায়খৎলগনি হায়না লাউথোকখি। মহাক্না মখা তাখি মদুদি সরকারনা "মেক ইন ইন্দিয়া"দা খুমাং চাউশিলহন্নবা স্মোল, মেদিয়ম অমসুং লার্জ ইন্দস্ত্রীশিং কোনশিন্দুনা নেস্নেল মেনুফেকচরিং মিসন অমা লিংখৎকনি।

অহুমশুবা ইঞ্জিন: ইনভেস্তমেন্ত

ইনভেস্তমেন্ত অসি গ্রোথকী অহুমশুবা ইঞ্জিননি হায়না ৱাহন্থোক পীরদুনা কেন্দ্রগী মন্ত্রীনা মীয়াম, শেন্মিৎলোন অমসুং ইন্নোবেসনদা ইনভেস্তমেন্ত তৌবদা অখন্নবা মীৎয়েং থমখি।

ইনভেস্তমেন্ত ইন পিপলগী মখাদা, লাক্কদৌরিবা চহি 5দা সরকারগী স্কুলশিংদা অতল তিঙ্করিং লেব 50000 লিংখৎলগনি হায়না মহাক্না লাউথোকখি।

ভারতনেত প্রোজেক্তকী মখাদা খুঙ্গংগী মফমশিংদা লৈরিবা সরকারগী সেকেন্দরী স্কুলশিং অমসুং প্রাইমরী হেল্থ সেন্তরশিংদা ব্রোদবেন্দ কনেক্তিবিতী ফংহনগনি হায়না শ্রীমতী নির্মলা সীতারমননা লাউথোকখি।

মহাক্না হায় স্কুল অমসুং হায়র এজুকেসনগীদমক দিজিতেল-ফোর্মদা ভারতকী লোনশিংদা লাইরিকশিং ফংহন্নবা ভারতীভাশা পুস্তক স্কিম পায়খৎকনি।

ঐখোয়গী নহারোলশিংদা মেক ফোর ইন্দিয়া, মেক ফোর ৱার্ল্দ মেনুফেকচরিংগীদমক মথৌ তাবা স্কিলশিং পীনবা গ্লোবেল এক্সপর্তিজ অমসুং পার্তনরশিপশিংগা লোয়ননা স্কিলিংগীদমক নেস্নেল সেন্তর ওফ এক্সেলেন্স মঙা লিংখৎলগনি।

এজুকেসনগীদমক্তা আর্তিফিসিএল ইন্তেলিজেন্সতা সেন্তর ওফ এক্সিলেন্স অমা পুন্না লুপা করোর 500 থাদদুনা লিংখৎকনি।

গিগ ৱার্করশিংগীদমক সরকারনা আইদেন্তিতী কার্দশিং, মখোয়বু ই-শ্রম পোর্তেলদা রেজিস্তর তৌনবা অমসুং পি.এম. জন আরোগ্য য়োজনাগী মখাদা হকশেলগী লমদা মতেং পাংনবা থৌরাং তৌগনি হায়না বজেৎতা লাউথোকখি।

ইকোনোমীদা ইনভেস্তমেন্তকী মখাদা, শ্রীমতি সিতারমননা হায়খি ইনফ্রাস্ত্রকচরগা মরী লৈনবা মন্ত্রালয়শিংনা পি.পি.পি. মোদতা চহি 3গী ওইবা পাইপলাওন প্রোজেক্তশিং পায়খৎলগনি।

মহাক্না মখা তাখি মদুদি রাজ্যশিংদা কেপিতেল এক্সপেন্দিচর অমসুং রিফোর্মশিংগী ইন্সেন্তিবশিংগীদমক চহি 50গী ওইবা ইন্তরেস্ত ফ্রী লোনগীদমক লুপা করোর লাখ 1.5গী শেনফম পুথোক্নবা ৱাফম থমখি।

মহাক্না অনৌবা প্রোজেক্তশিংদা লুপা করোর লাখ 10গী কেপিতেল হাপ্নবা অনিশুবা এসেৎ মোনেতিজেসন প্লান 2025-30সু লাউথোকখি।

'জন ভাগিধারী'গী খুত্থাংদা ইনফ্রাস্ত্রকচরগী ক্বালিতী অমসুং রুরেল পাইপ ৱাতর সপ্লাই স্কিমশিংগী ওপরেসন অমসুং মেনতেন্সন্দা মীৎয়েং থমদুনা জল জীবন মিসন অসি 2028 ফাওবা শাংদোকখি।

সরকারনা "সিতীশিংবু গ্রোথ হবশিং ওইনা", "সিতীশিংগী ক্রিএতিব রিদিবেলপমেন্ত" অমসুং "ৱাতর অমসুং সেনিতেসন"গী প্রপোজেলশিং ইমপ্লিমেন্ত তৌনবা লুপা করোর লাখ 1গী অর্বান চেলেঞ্জ ফন্দ অমা লিংখৎকনি।

ইন্নোবেসনদা ইনভেস্তমেন্তকী মখাদা, প্রাইবেৎ সেক্তরনা লমজিংবা রিসর্চ, দিবেলপমেন্ত অমসুং ইন্নোবেসন ইনিসিয়েতিব ইমপ্লিমেন্ত তৌনবা লুপা করোর 20,000গী এলোকেসন অমা লাউথোকখ্রে।

অর্বান প্লান্নিংগী কান্নবা ফংহন্নবা ফাউন্দেস্নেল জিওস্পেসিএল ইনফ্রাস্ত্রকচর অমসুং দেতা শেমগৎনবা নেস্নেল জিওস্পেসিএল মিসন অমা শেমগৎপা শেল-থুম মন্ত্রীনা পুখৎখি।

একাদমিক ইন্সতিত্যুসনশিং, ম্যুজিয়মশিং, লাইব্রেরীশিং অমসুং প্রাইবেৎ কল্লেক্তরশিংগা লোয়ননা মেনুস্ক্রিপ্স করোর 1 হেনবগী সর্ভে, দোক্যুমেন্তেসন অমসুং কঞ্জার্বেসনগীদমক বজেৎ অসিনা জ্ঞান ভারতম মিসনগী ৱাফম থম্লি। লৌশিং শেয়র তৌনবগীদমক নেস্নেল দিজিতেল রিপোজিতোরি ওফ ইন্দিয়ন নোলেজ সিস্তেমসু প্রপোজ তৌরি।

মরিশুবা ইঞ্জিন: এক্সপোর্তস

শ্রীমতী সিথারমননা এক্সপোর্ত অসি গ্রোথকী মরিশুবা ইঞ্জিননি হায়না ফোংদোকখি। মহাক্না হায়খি মদুদি কম্মর্স, MSME অমসুং ফাইনান্স মন্ত্রালয়শিংনা পুন্না থৌরাং তৌদুনা এক্সপোর্ত প্রমোসন মিসননা MSMEশিংবু এক্সপোর্ত মার্কেত্তা চঙবদা মতেং পাংগনি। মহাক্না মখা তাখি মদুদি ইন্তর্নেস্নেল ত্রেদকী দিজিতেল পব্লিক ইনফ্রাস্ত্রকচর, ভারত ত্রেদ নেত (BTN) অসি ত্রেদ দোক্যুমেন্তেসন অমসুং ফাইনান্সিং সোলুসনগী য়ুনিফাইদ প্লেৎফোর্ম অমা ওইনা প্রপোজ তৌখি।

ঐখোয়গী শেন্মিৎলোন অসি মালেমগী সপ্লাই চেনশিংগা পুনশিন্ননবগীদমক দোমেস্তিক মেন্যুফেকচরিং কেপাসিতীশিং চাউখৎহন্নবা মতেং পীরগনি হায়না শেল-থুম মন্ত্রীনা পনখি। ইন্দস্ত্রী 4.0গা মরী লৈনবা খুদোংচাবশিং শীজিন্ননবা গবর্নমেন্তনা দোমেস্তিক ইলেক্ত্রোনিক ইক্বিপমেন্ত ইন্দস্ত্রীদা মতেং পাংগনি হায়নসু মহাক্না লাউথোকখি। তায়র 2গী শহরশিংদা গ্লোবেল কেপবিলিতী সেন্তরশিং প্রমোৎ তৌনবা নেস্নেল ফ্রেমৱার্ক অমসু প্রপোজ তৌখ্রে।

সরকারনা ইনফ্রাস্ত্রকচর অমসুং এয়র কার্গোগীদমক ৱেরহাউজিংগী অপগ্রেদেসনগী খুদোংচাবা পীগনি। মসিগী মনুংদা অৱাংবা ভেল্যু লৈবা পেরাইসিবল হোর্টিকলচরগী পোত্থোকশিং য়াওরি।

রিফোর্মনা শাহৌ পীবা

রিফোর্মশিংবু ইঞ্জিনগী শাহৌ ওইনা মশক তাক্লদুনা, শ্রীমতী সিতারামন্না হায়খি মদুদি হৌখিবা চহি 10 অসিদা সরকারনা তেক্সপেয়রশিংগী খুদোংচাবগীদমক রিফোর্ম কয়া অমা পায়খৎলে, খুদম ওইনা ফেসলেস এসেসমেন্ত, তেক্সপেয়র চার্তর, রিফোর্মশিং অথুবা মতমদা পীবা, রিফোর্মশিংগী চাদা 99দি সেল্ফ এসেসমেন্তদা পীবা, অমসুং ভিভাদ সে বিশ্বাস স্কিম অসিনচিংবা। মসিগী খোঙথাং অসি মখা চত্থদুনা মহাক্না তেক্স দিপার্তমেন্তকী "হান্না থাজবা, মতুংদা চেকশিন্না য়েংশিনবা"গী ফিরেপ অদু অমুক হন্না ফোংদোকখি।

ফাইনান্সিএল সেক্তরগী রিফোর্মশিং অমসুং দিবেলপমেন্ত

"ইজ ওফ দুইং বিজিনেস"কী মায়কৈদা সরকারগী অচেৎপা ফিরেপ অমা উৎলদুনা, কেন্দ্রগী শেল-থুম মন্ত্রীনা ভারত্তা শেল-থুমগী ফিভমদা অহোংবা পুরক্নবা ৱাফম থমখি। মসিগী পান্দমদি কমপ্লাইএন্স, সর্ভিসশিং পাকথোক চাউথোকহনবা, মপাঙ্গল কনবা রেগুলেতরী এনভাইরনমেন্ত শেমগৎপা, ইন্তর্নেস্নেল অমসুং দোমেস্তিক ইনভেস্তমেন্ত প্রমোৎ তৌবা অমসুং অরিবা আইনগী প্রোভিজনশিং অসি দিক্রিমিনেলাইজেসন তৌবা অসিনি।

ইন্সুরেন্সকীদমক্তা ফোরেন দাইরেক্ত ইনভেস্তমেন্ত (FDI) গী লিমিৎ অসি 74%দগী 100%দা হেনগৎহন্নবা কেন্দ্রগী শেল-থুম মন্ত্রীনা ৱাফম থমখি।

শ্রীমতী সীতারমননা প্রিন্সিপলশিং অমসুং থাজবতা য়ুম্ফম ওইবা লাইত-তচ রেগ্যুলেতরী ফ্রেমৱার্ক অমা প্রোদক্তিবিতী অমসুং এমপ্লোইমেন্ত থোরক্নবা পুথোকখি। মহাক্না 21শুবা চহীচাগী মোদর্ন, ফ্লেক্সিবল, পিপল-ফ্রেন্দলী, অমসুং ত্রস্ত-বেজ রেগ্যুলেতরী ফ্রেমৱার্ক অসি শেমগৎনবা অকক্নবা পাম্বৈ মরি পুথোকখি। মখোয় অদুদি:

1. রেগুলেতরী রিফোর্মশিংগীদমক অৱাংবা থাক্কী কম্মিতী

• নন-ফাইনান্সিএল সেক্তরগী রেগুলেসনশিং, সর্তিফিকেসনশিং, লাইসেন্সশিং অমসুং অয়াবাশিং অমুক হন্না য়েংশিনবা।
• থাজবদা য়ুম্ফম ওইবা ইকোনোমিক গবর্নান্স মপাঙ্গল কনখৎহনবা অমসুং "ইজ ওফ দুইং বিজিনেস" হেনগৎহন্নবা ত্রান্সফোর্মেস্নেল ওইবা খোঙথাংশিং লৌখৎপা, মরুওইনা ইন্সপেক্সন অমসুং কমপ্লাইন্সকী হিরমদা
• চহি অমগী মনুংদা রিকমেন্দেসনশিং পীবা
• রাজ্যশিংবু ওনবোর্দ তৌনবা পুক্নিং থৌগৎকনি

2. রাজ্যশিংগী ইনভেস্তমেন্ত ফ্রেন্দলীনেস ইন্দেক্স

• কম্পিতিতিব কোওপরেতিব ফেদরেলিজমগী স্পিরিৎ অসি মখা তানা য়োকখৎনবগীদমক ইনভেস্তমেন্ত ফ্রেন্দলীনেস ইন্দেক্স ওফ স্তেৎস অমা 2025দা হৌদোক্লগনি।

3. ফাইনান্সিএল স্তেবিলিতী অমসুং দিবেলপমেন্ত কাউন্সিল(FSDC) গী মখাদা মেকানিজম

• হৌজিক চৎনরিবা ফাইনান্সিএল রিগুলেসনশিং অমসুং সবসিদিএরী ইন্সত্রক্সনশিংগী ইম্পেক্ত এভালুএৎ তৌনবা মেকানিজম।
• মখোয়গী রেস্পোন্সিবিলিতি অমসুং ফাইনান্সিএল সেক্তর চাউখৎহন্নবা ফ্রেমৱার্ক অমা শেম্বা।

4. জন বিশ্বাস বিল 2.0

• তোঙান তোঙানবা আইনশিংদা য়াওরিবা প্রোভিজন 100 হেন্না দিক্রাইমিনেলাইজ তৌনবা।

ফিস্কল কনসোলিদেসন

শেন-থুমগী ফীভম ফগৎহন্নবগীদমক লেপ্লি হায়না অমুক হন্না পল্লদুনা কেন্দ্রগী শেন-থুম মন্ত্রীনা হায়খি মদুদি সরকার অসিনা চহি খুদিংগী শেন-থুমগী দিফিসিৎ অসি GDPগী চাদা অমদা সেন্ত্রেল গবর্নমেন্ত দেত লেপ্তনা হন্থহন্নবা হোৎনরি অমসুং মথংগী চহি 6গীদমক মচা খায়বা রোদমেপ অদু FRBMগী স্তেতমেন্তদা পনখ্রে। শ্রীমতী নির্মলা সিতারামননা ফিক্সেল দিফিসিৎকী রিভাইস তৌরবা এস্তিমেৎ 2024-25গী GDP অসি চাদা 4.8নি, অদুগা বজেৎ এস্তিমেৎ 2025-26গী GDP অসি চাদা চাদা 4.4 ওইগনি হায়না ফোংদোকখি।

রিভাইজ তৌরবা এস্তিমেৎ 2024-25

মন্ত্রীনা হায়খি মদুদি লোন লৌবগী মথক্তা অপুনবা রেসিদেন্সকী রিভাইস এস্তিমেসন অসি লুপা করোর লাখ 31.47নি, মসিগী মনুংদা নেৎ তেক্স রিসিত অসি লুপা করোর লাখ 25.57নি। অপুনবা শেনফমগী রিভাইস তৌরবা এস্তিমেৎ অসি লুপা করোর লাখ 47.16নি, মসিগী মনুংদা কেপিতেল শেনফম অসি লুপা করোর লাখ 10.18নি হায়না মহাক্না মখা তাখি।

বজেৎ এস্তিমেৎ 2025-26

শেনবা চহি 2025-26গী ওইনা, লোন লৌবগী মথক্তা অপুনবা রিসিত অমসুং অপুনবা বোরোৱিং অসি মথংশিৎনা লুপা করোর লাখ 34.96 অমসুং লুপা করোর লাখ 50.65 ওইগনি হায়না কেন্দ্রগী শেল-থুম মন্ত্রীনা ফোংদোকখি। নেৎ তেক্স রিসিত অসি লুপা করোর লাখ 28.37 ওইগনি হায়না পানরি।

পার্ত B

লৈবাক শেমগৎপদা মিদ্দল ক্লাসকী থাজবা অমুক হন্না থমদুনা 2025-26কী য়ুনিয়ন বজেৎনা অনৌবা ইনকম তেক্স রেজিমগী মখাদা অনৌবা দাইরেক্ত তেক্স স্লেবশিং অমসুং রেৎশিং পুথোক্লে। মসিনা মরম ওইদুনা চহিগী ওইনা লুপা লাখ 12 ফাওবগী অপুনবা ইনকম, হায়বদি থা অমদা লুপা লাখ 1গী চাংচত্তা ইনকম, কেপিতেল গেনগুম্বা অখন্নবা রেৎকী ইনকম নত্তনা অতোপ্পা শেনফম অমত্তদা ইনকম তেক্স পীবগী মথৌ তাদে। চহিগী ওইনা লুপা লাখ 12.75 ফাওবা ফংলিবা তোলোপ চাবা মীওইশিংনা লুপা 75,000গী স্তেন্দর্দ দিদক্সনগী মতুং ইন্না NIL তেক্স পীগনি। অনৌবা তেক্স স্ত্রকচর অমসুং অতোপ্পা দাইরেক্ত তেক্স প্রপোজেলশিংগী মায়কৈদা সরকারনা লুপা করোর লাখ 1গী রেভেন্যু মাংহনগনি।

প্রধান মন্ত্রী শ্রী নরেন্দ্র মোদীগী লমজিং মখাদা, সরকারনা মীয়ামগী মথৌ তাবশিং খঙনবগীদমক খোঙথাং কয়া লৌখৎলি। দাইরেক্ত তেক্সকী প্রপোজেলশিংগী মনুংদা মিদ্দল ক্লাসতা অখন্নবা মীৎয়েং থমদুনা পর্সনেল ইনকম তেক্সকী রিফোর্ম, TDS/TCS রেসনেলাইজেসন, ভোল্যুন্তরী কমপ্লাইএন্সতা পুক্নিং থৌগৎপা অমসুং কমপ্লাইএন্স বর্দন হন্থহনবা, ললোন-ইতিক তৌবদা লাইহনবা অমসুং থবক পীবা অমসুং ইনভেস্তমেন্ত পুক্নিং থৌগৎপা য়াওরি।

অনৌবা তেক্স রেজিমগী মখাদা বজেৎ অসিনা প্রপোজ তৌখিবা রিভাইজ তৌরবা তেক্স রেৎ স্ত্রকচর মখাদা পীরি;

TDS/TCS রেস্নেলাইজ তৌনবগীদমক, বজেৎনা সেনিয়র সিতিজনশিংনা ফংলিবা ইন্তরেস্ততা তেক্স ককথৎপগী লিমিৎ অসি হৌজিক লৈরিবা লুপা 50,000দগী লুপা লাখ 1দা হেনগৎহনখ্রে। মখা তানা, চহিগী ওইনা লুপা লাখ 2.4 ওইরম্বদগী রেন্তদা TDSগী থ্রেশহোল্দ অসি লুপা লাখ 6দা হেনগৎহনখ্রে। অতোপ্পা খোঙথাংশিংগী মনুংদা TCS লৌনবা থ্রেশহোল্দ অসি লুপা লাখ 10দা হেনগৎহনবা অমসুং নন-পেন কেসশিংদা হেনগৎপা TDS ককথৎপা মখা চত্থবা য়াওরি। TDS পীবদা থেংথবগী থবক অসি দি-ক্রিমিনেলাইজেসন তৌরবা মতুংদা, TCS পীবদা থেংথবগী থবক অসি হৌজিক দি-ক্রিমিনেলাইজেসন তৌখ্রে।

ভোলুন্তরী কমপ্লাইএন্স পুক্নিং থৌগৎতুনা, বজেৎ অসিনা হৌজিক লৈরিবা চহি অনিগী লিমিৎ অদুদগী চহি মরিদা, এসেসমেন্ত চহি অমহেক্তগীদমক অপদেৎ তৌরবা রিতর্ন ফাইল তৌবগী মতম শাংদোক্লে। তেক্সপেয়র লাখ 90 হেনবনা মখোয়গী ইনকম অপদেৎ তৌনবগীদমক অহেনবা তেক্স পীখি। অপীকপা চেরিতেবল ত্রস্তশিং/ইন্সতিত্যুসনশিংবু মখোয়গী রেজিস্ত্রেসনগী মতম চহি 5দগী 10দা হেনগৎহন্দুনা কান্নবা পীরি। মসিনা কমপ্লাইএন্স বর্দন হন্থহল্লি।  মসিগী মথক্তা, তেক্স থীরিবশিংনা হৌজিক্তি শিংনবা অমত্তা য়াওদনা মশাগী ওইনা শিজিন্নবা প্রোপর্তী অনিগী চহিগী ভেল্যু অসি NIL ওইনা ক্লেম তৌবা য়াই। হৌখিবা বজেৎকী বিভাদ সে বিশ্বাস স্কিমদা চাউনা কান্নবা ফংখি। তেক্স থীরিবশিংগী মনুংদগী চাউরাক্না 33,000না স্কিম অসিগী খুদোংচাবা লৌদুনা মখোয়গী ৱারোইশিন পুরকখি। সেনিয়র অমসুং য়াম্না সেনিয়র ওইবস সিতিজেনশিংদা কান্নবা পীদুনা, নেস্নেল সেভিংস স্কিম একাউন্তশিংদগী 2024গী ওগস্ত 29 নত্ত্রগা মসিগী মতুংদা লৌথোকখিবা শেনফমশিংদি কোমথোক্লে। NPS ভৎসলয়া একাউন্তশিংসু অসিগুম্বা কান্নবা ফংগনি।

ইজ ওফ দুইং বিজিনেসকীদমক্তা, চহি অহুমগী ব্লোক পেরিওদ অমগীদমক ইন্তর্নেস্নেল ত্রাঞ্জেক্সনগী আর্ম লেন্থ প্রাইস লেপ্পগী স্কিম অমা বজেৎ অসিনা হৌদোক্লি। মসি মালেমগী খ্বাইদগী ফবা থৌওংশিংগা চুনৈ। মখা তানা, সেল্ফ হার্বরগী কাংলোনশিং অসি ইন্তর্নেস্নেল তেক্সেসনদা সেক্যুরিতী পীনবা পাকথোক চাউথোকহল্লি।

এমপ্লোইমেন্ত অমসুং ইনভেস্তমেন্ত প্রমোৎ তৌনবগীদমক, ইলেক্ত্রোনিক মেন্যুফেকচরিং ফেসিলিতী অমা লিংখৎলিবা নত্ত্রগা চলাইরিবা রেসিদেন্ত কম্পনী অমদা সর্ভিসশিং পীরবা নন-রেসিদেন্তশিংগীদমক প্রেজুম্পতিব তেক্সেসন রিজিম অমা শেম্নবা খন্নরি। মখা তানা, হৌজিক লৈরিবা তোনেজ তেক্স স্কিমগী কান্নবশিং অসি ইনলেন্দ ভেসলশিংদা য়ৌহন্নবা প্রপোজ তৌরি। স্তার্ত-অপ ইকোসিস্তেম প্রমোৎ তৌনবগীদমক, ইনকোর্পোরেসনগী মতম চহি 5গী ওইনা শাংদোক্লে। ইনফ্রাস্ত্রকচর সেক্তরদা ইনভেস্তমেন্ত প্রমোৎ তৌনবগীদমক, বজেৎ অসিনা সোভরেন ৱেল্থ ফন্দশিং অমসুং পেন্সন ফন্দশিংদা ইনভেস্তমেন্ত তৌবগী তাং অদু চহি মঙাগী ওইনা মার্চ 31, 2030 ফাওবা শাংদোক্লে।

ইন্দস্ত্রিএল গুদসকী কস্তম তারিফকী রেস্নেলাইজেসনগী শরুক অমা ওইনা, বজেৎ অসিনা (i) তারিফ তরেৎ লৌথোক্নবা, (ii) ইফেক্তিব দ্যুতী ইন্সিদেন্স লৈহন্নবা মতিক চাবা সেস লৌখৎনবা, অমসুং (iii) সেস অমা নৎত্রগা সরচার্জ অমদগী হেন্দবা লৌথোক্নবা প্রপোজ তৌরি।

দ্রগ/মেদিসিনশিং ইম্পোর্ত তৌবদা রিলিফ পীরদুনা, লাইফ সেভিং দ্রগ 36 অমসুং কেন্সর, রিয়র দিজিজ অমসুং ক্রোনিক দিজিজশিং লায়েংনবা হিদাকশিংবু বেসিক কস্তম দ্যুতী (BCD) দগী মপুং ফানা লৌথোকখ্রে। মসিগী মথক্তা, পেসেন্ত এসিস্তেন্স প্রোগ্রামগী মখাদা করিগুম্বা মখোয় অসি পেসেন্তশিংদা লেম্না পীথোক্লবদিঅনৌবা হিদাক-লাংথক অমসুং হিদাক-লাংথক 13গা লোয়ননা হিদাক-লাংথক 37দি বেসিক কস্তম দ্যুতী (BCD) দগী লৌথোকখ্রে।

দোমেস্তিক মেন্যুফেকচরিং অমসুং ভেল্যু এদিসন সপোর্ত তৌনবগীদমক, দোমেস্তিক ওইনা ফংদ্রিবা মরুওইবা মিনরেল 25দা BCD অসি জুলাই 2024 ফাওবা লৌথোকখ্রে। বজেৎ 2025-26না কোবাল্ত পাউদর অমসুং ৱেস্ত, লিথিয়াম-আইওন বেতরীগী স্ক্রেপ, লিদ, জিঙ্ক অমসুং অতৈ মরুওইবা মিনরেল 12 মপুং ফানা লৌথোক্লে। দোমেস্তিক তেক্সতাইল প্রদক্সন প্রমোৎ তৌনবা, মপুং ফানা একজেম্প তৌরবা তেক্সতাইল মেছিনরীদা অতোপ্পা মখল অনিগী শাতল-লেস ৱুমশিং হাপচিনখি। মখা তানা, “10%দগী 20% ফাওবগী মনুংদা লৈবা তারিফ লাইন মাপন কোনশিনবা নিত্তেদ বেব্রিকশিংদা BCD অসি “20% নত্ত্রগা কে.জি.দা লুপা 115, অৱাংবা অমদা” রিভাইজ তৌখ্রে।

ইনভর্তেদ দ্যুতী স্ত্রকচর চুমথোক্নবা অমসুং 'মেক ইন ইন্দিয়া' প্রমোৎ তৌনবা, ইন্তরেক্তিব ফ্লেত পেনেল দিসপ্লে (IFPD) দা BCD 20%দা হেনগৎখি অমসুং ওপন সেলশিংদা 5%দা হন্থখি। ওপন সেলশিং পুথোকপদা মতেং পাংনবা, ওপন সেলশিংগী শরুকশিংদা BCD লৌথোকখ্রে।

লৈবাক অসিদা লিথিয়ন-আইওন বেতরী পুথোকপা হেনগৎহন্নবা, EV বেতরী পুথোকপদা অহেনবা কেপিতেল গুদস 35 অমসুং মোবাইল ফোন বেতরী পুথোকপদা অহেনবা কেপিতেল গুদস 28গী লিস্ততা য়াওহল্লকখি। 2025-26কী য়ুনিয়ন বজেৎনা শিপ বিলদিংগীদমক রো মেতরিএল, কম্পোনেন্তশিং, কঞ্জুমেবলশিং নৎত্রগা পার্তশিংদা BCDদা মখা তানা চহি 10গী ওইনা একজেম্পসন পীরি। কেরিয়র গ্রেদ ইথর্নেৎ স্বিৎচশিংদা নন-কারিয়র গ্রেদ ইথর্নেৎ স্বিৎচশিংগা মান্নহন্নবা বজেৎনা BCD 20দগী 10দা হন্থহনখি।

এক্সপোর্ত প্রমোসনগীদমক, বজেৎ 2025-26না হেন্দিক্রাফকী পোৎলমশিং এক্সপোর্ত তৌবদা মতেং পাংলি, ভেল্যু এদিসন অমসুং এমপ্লোইমেন্তকীদমক ৱেৎ ব্লু লেদরদা BCD লৌথোক্লে, ফ্রোজন ফিশ পেস্ততা BCD 30%দগী 5%দা হন্থখ্রে অমসুং ফিশ অমসুং শ্রিম্প ফীদশিং শুংনবগী ফিশ হাইস্রোলিসেত্তা BCD 15%দগী 5%দা হন্থহনখ্রে।

কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী. নির্মলা সীতারমননা হায়খি মদুদি দেমোক্রেসী, দেমোগ্রাফি অমসুং দিমান্দ অসি বিক্সিত ভারতকী খোঙচৎকী মরুওইবা য়ুম্বীনি। মহাক্না হায়খি মিদ্দল ক্লাসনা ভারতকী গ্রোথকী শক্তি পীরি অমসুং সরকারনা মখোয়গী কন্ত্রিব্যুসনগীদমক মতম মতমগী ওইনা 'নিল তেক্স' স্লেব হেনগৎহল্লি। মহাক্না হায়খি মদুদি প্রপোজ তৌরিবা অনৌবা তেক্স স্ত্রকচর অসিনা মিদ্দল ক্লাসকী খুৎতা শেল হেন্না থাদদুনা কঞ্জ্যুম্পসন, সেভিং অমসুং ইনভেস্তমেন্তবু চাউনা হেনগৎহনগনি।

*****