નાણા મંત્રાલય
આગામી પાંચ વર્ષ ‘સબકા વિકાસ’ ને સાકાર કરવા માટે એક અનોખી તક રજૂ કરે છે; યુનિયન બજેટ 2025-26
કૃષિ, MSME, રોકાણ અને નિકાસ વિકાસની સફરમાં ચાર શક્તિશાળી એન્જિન બનશે
બજેટમાં ગરીબ, યુવા, અન્નદાતા અને નારી પર ધ્યાન કેન્દ્રિત
प्रविष्टि तिथि:
01 FEB 2025 1:01PM by PIB Ahmedabad
આગામી પાંચ વર્ષને ‘સબકા વિકાસ’ને સાકાર કરવાની એક અનોખી તક તરીકે જોવામાં આવે છે, એમ કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણે આજે સંસદમાં કેન્દ્રીય બજેટ 2025-26 રજૂ કરતી વખતે જણાવ્યું હતું. તેમના બજેટ ભાષણમાં કેન્દ્રીય નાણાં મંત્રીએ તમામ ક્ષેત્રોના સંતુલિત વિકાસને પ્રોત્સાહિત કરવા પર ભાર મૂક્યો હતો.
મંત્રીએ જણાવ્યું હતું કે, આપણી અર્થવ્યવસ્થા તમામ મુખ્ય વૈશ્વિક અર્થતંત્રોમાં સૌથી ઝડપથી વિકસતી છે. છેલ્લા 10 વર્ષનો આપણો વિકાસ ટ્રેક રેકોર્ડ અને માળખાકીય સુધારાઓએ વૈશ્વિક ધ્યાન ખેંચ્યું છે. આ સમયગાળા દરમિયાન ભારતની ક્ષમતા અને સંભાવનામાં વિશ્વાસ વધ્યો છે, એમ મંત્રીએ ઉમેર્યું.
કેન્દ્રીય બજેટ 2025-26 સરકારના વિકાસને વેગ આપવા, સમાવેશી વિકાસને સુરક્ષિત કરવા, ખાનગી ક્ષેત્રના રોકાણોને પ્રોત્સાહન આપવા, ઘરગથ્થુ ભાવનાઓને ઉત્તેજીત કરવા અને ભારતના ઉભરતા મધ્યમ વર્ગની ખર્ચ શક્તિ વધારવાના પ્રયાસોને પ્રકાશિત કરે છે.
વિકાસની યાત્રામાં કૃષિ, MSME, રોકાણ અને નિકાસને ચાર શક્તિશાળી એન્જિન તરીકે ઉલ્લેખ કરતા, મંત્રીએ ભાર મૂક્યો કે આ બજેટ છ ક્ષેત્રોમાં પરિવર્તનશીલ સુધારા શરૂ કરવાનો છે. આગામી પાંચ વર્ષ દરમિયાન, કરવેરા, વીજળી ક્ષેત્ર, શહેરી વિકાસ, ખાણકામ, નાણાકીય ક્ષેત્ર અને નિયમનકારી સુધારાના ક્ષેત્રો આપણી વૃદ્ધિની સંભાવના અને વૈશ્વિક સ્પર્ધાત્મકતાને વધારશે. નાણાં મંત્રીએ કહ્યું કે વિકાસની યાત્રામાં, "આપણા સુધારા" ઈંધણ છે; જ્યાં, "સમાવેશકતા" એક માર્ગદર્શક ભાવના છે; અને "વિકસિત ભારત" ગંતવ્ય સ્થાન છે.
કેન્દ્રીય બજેટ 2025-26ના તેમના ભાષણમાં ગરીબ, યુવા, અન્નદાતા અને નારી પર ધ્યાન કેન્દ્રિત કરતા કેન્દ્રીય નાણાં મંત્રીએ દસ વ્યાપક ક્ષેત્રોમાં વિસ્તૃત પ્રસ્તાવિત વિકાસ પગલાં પર ભાર મૂક્યો છે. જેમાં કૃષિ વિકાસ અને ઉત્પાદકતાને પ્રોત્સાહન આપવું; ગ્રામીણ સમૃદ્ધિ અને સ્થિતિસ્થાપકતાનું નિર્માણ કરવું; સર્વસમાવેશક વિકાસ માર્ગ પર બધાને સાથે લઈને ચાલવું; ઉત્પાદનને વેગ આપવો અને મેક ઇન ઇન્ડિયાને આગળ વધારવું; MSMEને ટેકો આપવો; રોજગાર-આધારિત વિકાસને સક્ષમ બનાવવો; લોકો, અર્થતંત્ર અને નવીનતામાં રોકાણ કરવું; ઉર્જા પુરવઠો સુરક્ષિત કરવો; નિકાસને પ્રોત્સાહન આપવું અને નવીનતાને પોષવું.
કેન્દ્રીય મંત્રીએ અવલોકન કર્યું કે "વિકસિત ભારત"માં શૂન્ય-ગરીબી; સો ટકા સારી ગુણવત્તાવાળી શાળા શિક્ષણ; ઉચ્ચ-ગુણવત્તાવાળી, સસ્તું અને વ્યાપક આરોગ્યસંભાળની પહોંચ; અર્થપૂર્ણ રોજગાર સાથે સો ટકા કુશળ શ્રમ; આર્થિક પ્રવૃત્તિઓમાં સિત્તેર ટકા મહિલાઓ અને ખેડૂતો આપણા દેશને 'ફૂડ બાસ્કેટ ઓફ ધ વર્લ્ડ' બનાવે છે.
AP/IJ/GP/JD
(रिलीज़ आईडी: 2098419)
आगंतुक पटल : 302
इस विज्ञप्ति को इन भाषाओं में पढ़ें:
Odia
,
Bengali
,
Khasi
,
English
,
Urdu
,
हिन्दी
,
Nepali
,
Marathi
,
Assamese
,
Punjabi
,
Tamil
,
Kannada
,
Malayalam