اقتصادی جائزہ 2024-25 جسے مرکزی وزیر خزانہ اور کارپوریٹ امور محترمہ نرملا سیتا رمن  کی طرف سے آج پارلیمنٹ میں پیش کیا گیا، بتاتا ہے کہ ترقی کی بلند شرح کو برقرار رکھنے کے لیے ہندوستان کو اگلی دو دہائیوں میں بنیادی ڈھانچے کی سرمایہ کاری میں مسلسل اضافے کی ضرورت ہے۔

اقتصادی سروے میں کہا گیا ہے کہ بنیادی ڈھانچے کی تعمیر-حقیقی، ڈیجیٹل اور سماجی- پچھلے پانچ سالوں میں حکومت کے لیے مرکزی توجہ کاایریا رہا ہے۔ اس کی مختلف جہتیں ہیں-  بنیادی ڈھانچے پر عوامی اخراجات میں اضافہ، منظوریوں کی رکاوٹوں کو دور کرنے کے لیے اداروں کی تشکیل اور عمل درآمد اور وسائل کو متحرک کرنے کے اختراعی  طریقے۔ اس میں کہا گیا ہے کہ صرف عوامی سرمایہ ہی ملک کے بنیادی ڈھانچے کو Viksit Bharat@2047 کی ضروریات کے مطابق اپ گریڈ کرنے کے مطالبات کو پورا نہیں کر سکتا۔

ہمیں منصوبوں کو تصور کرنے کی صلاحیت اور رسک اور ریونیو شیئرنگ میکانزم، کنٹریکٹ مینجمنٹ، تنازعات کے حل اور پروجیکٹ کی بندش میں ان کے اعتماد کو بہتر بنا کر انفرااسٹرکچر میں نجی شراکت میں اضافہ کو یقینی بنانے کی ضرورت ہے۔ سروے میں کہا گیا ہے کہ مرکزی حکومت کی کوششوں کو پورے ملک میں بنیادی ڈھانچے میں پبلک پرائیویٹ پارٹنرشپ کی ضرورت کو دل سے قبول کرنے کے ساتھ پورا کرنے کی ضرورت ہوگی۔ سروے میں مزید کہا گیا ہے کہ اتنا ہی اہم، نجی شعبے کو بھی اس کا بدلہ دینا چاہیے۔

نجی شراکت کو تیز کرنے کی حکمت عملی میں شامل تمام اسٹیک ہولڈرز کی مربوط کارروائی کی ضرورت ہے  یعنی مختلف سطحوں پر حکومتیں، مالیاتی مارکیٹ کے کھلاڑی، پروجیکٹ مینجمنٹ کے ماہرین اور منصوبہ ساز اور نجی شعبے۔ منصوبوں کو تصور کرنے کی صلاحیتوں، عمل درآمد کے لیے سیکٹر کے لیے مخصوص اختراعی حکمت عملی تیار کرنے اور اعلیٰ مہارت والے شعبوں کو تیار کرنے جیسے کہ رسک اور ریونیو شیئرنگ، کنٹریکٹ مینجمنٹ، تنازعات کے حل اور پروجیکٹ کی بندش کو کافی حد تک بہتر کرنے کی ضرورت ہے۔

بنیادی ڈھانچے کے بڑے شعبوں میں مرکزی حکومت کے سرمائے کے اخراجات کی رفتار مالی سال 25 کی پہلی سہ ماہی  کے دوران متاثر ہوئی، جس کی بڑی وجہ عام انتخابات کے دوران ماڈل ضابطہ اخلاق کا نفاذ ہے۔ پچھلے مانسون سیزن کے غیر معمولی نمونوں نے بھی کام کی پیش رفت کو سست کر دیا۔  اس لیےسال بہ سال موازنہ مالی سال 25 کی پہلی سہ ماہی کے لیے مناسب نہیں ہو سکتا۔ جیسا کہ انتخابی عمل پورا ہوا، جولائی-نومبر 2024 میں سرمائے کے اخراجات میں اضافہ دیکھنے میں آیا۔ موجودہ مالی سال کے بقیہ مہینوں میں بنیادی ڈھانچے کے شعبوں میں کیپٹل اخراجات کے مزید رفتار حاصل کرنے کی توقع ہے۔ اوسطاً، بنیادی ڈھانچے کے شعبوں سے متعلق وزارتوں نے اپریل سے نومبر 2024 کے دوران بجٹ کے کیپٹل اخراجات کا 60 فیصد استعمال کیا۔یہ مالی سال 20 میں جب 17ویں لوک سبھا کے انتخابات منعقد ہوئے تھے، اسی مدت میں حاصل کی گئی پیش رفت کا احسن طریقے سے موازنہ کرتا ہے۔

اقتصادی جائزے  میں  بتایا گیا ہے کہ حکومت نے بہت سے رکاوٹوں کو دور کرنے اور سہولت فراہم کرنے والے طریقہ کار جیسے نیشنل انفرااسٹرکچر پائپ لائن، نیشنل مونیٹائزیشن پائپ لائن اور پی ایم-گتی شکتی قائم کیے ہیں، جنہوں نے ترقی کی ہے۔ مالیاتی مارکیٹ کے ریگولیٹرز نے نجی شراکت کی حوصلہ افزائی کے لیے اصلاحات متعارف کرائی ہیں۔ اس کے باوجود، بہت سے بنیادی شعبوں میں پرائیویٹ انٹرپرائز کا  اضافہ محدود ہے۔

 ۔۔۔۔۔۔۔۔۔۔۔

ش ح۔ اک۔ ت ع۔

Urdu No. 5850