ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ନୀତି ଆୟୋଗଠାରେ ବିଶିଷ୍ଟ ଅର୍ଥନୀତିଜ୍ଞମାନଙ୍କୁ ଭେଟିଲେ ପ୍ରଧାନମନ୍ତ୍ରୀ
ଏହି ବୈଠକର ବିଷୟବସ୍ତୁ: ବିଶ୍ୱ ଅନିଶ୍ଚିତତା ସମୟରେ ଭାରତର ଅଭିବୃଦ୍ଧି ଧାରା ବଜାୟ ରଖିବା
୨୦୪୭ ସୁଦ୍ଧା ଭାରତକୁ ବିକଶିତ କରିବା ପାଇଁ ମାନସିକତାରେ ମୌଳିକ ପରିବର୍ତ୍ତନ ଆବଶ୍ୟକ; ଏହା ଲକ୍ଷ୍ୟ ହାସଲରେ ସହାୟକ ହେବ : ପ୍ରଧାନମନ୍ତ୍ରୀ
ନିଯୁକ୍ତି ସୃଷ୍ଟି, ଦକ୍ଷତା ବିକାଶ, କୃଷି ଉତ୍ପାଦକତା ବୃଦ୍ଧି, ପୁଞ୍ଜିନିବେଶ ଆକୃଷ୍ଟ କରିବା, ରପ୍ତାନି ବୃଦ୍ଧି ଆଦି ବିଭିନ୍ନ ପ୍ରସଙ୍ଗରେ ଅର୍ଥନୀତିଜ୍ଞମାନେ ପରାମର୍ଶ ଦେଇଛନ୍ତି
ପୋଷ୍ଟ କରାଯିବା ଦିନାଙ୍କ:
24 DEC 2024 6:47PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୀତି ଆୟୋଗରେ ୨୦୨୫-୨୬ କେନ୍ଦ୍ର ବଜେଟ୍ ପ୍ରସ୍ତୁତି ନେଇ ବିଶିଷ୍ଟ ଅର୍ଥନୀତିଜ୍ଞଙ୍କ ସହ ଆଲୋଚନା କରିଛନ୍ତି ।
ବିଶ୍ୱ ଅନିଶ୍ଚିତତା ସମୟରେ ଭାରତର ଅଭିବୃଦ୍ଧି ଧାରା ବଜାୟ ରଖିବା ଶୀର୍ଷକରେ ଏହି ବୈଠକ ଅନୁଷ୍ଠିତ ହୋଇଥିଲା।
ପ୍ରଧାନମନ୍ତ୍ରୀ ତାଙ୍କ ବକ୍ତବ୍ୟରେ ବକ୍ତାମାନଙ୍କୁ ସେମାନଙ୍କ ଗୁରୁତ୍ବପୂର୍ଣ୍ଣ ମତାମତ ପାଇଁ ଧନ୍ୟବାଦ ଅର୍ପଣ କରିଥିଲେ । ୨୦୪୭ ସୁଦ୍ଧା ଭାରତକୁ ବିକଶିତ କରିବା ଦିଗରେ ଉଦ୍ଦିଷ୍ଟ ମାନସିକତାରେ ମୌଳିକ ପରିବର୍ତ୍ତନ ମାଧ୍ୟମରେ ବିକଶିତ ଭାରତ ହାସଲ କରାଯାଇପାରିବ ବୋଲି ସେ ଗୁରୁତ୍ୱାରୋପ କରିଥିଲେ।
ବୈଶ୍ୱିକ ଅର୍ଥନୈତିକ ଅନିଶ୍ଚିତତା ଏବଂ ଭୂ-ରାଜନୈତିକ ଉତ୍ତେଜନା ଦ୍ୱାରା ସୃଷ୍ଟି ହୋଇଥିବା ଆହ୍ୱାନର ମୁକାବିଲା, ବିଶେଷ କରି ଯୁବବର୍ଗଙ୍କ ମଧ୍ୟରେ ନିଯୁକ୍ତି ବୃଦ୍ଧି ଏବଂ ବିଭିନ୍ନ କ୍ଷେତ୍ରରେ ସ୍ଥାୟୀ ନିଯୁକ୍ତି ସୁଯୋଗ ସୃଷ୍ଟି ପାଇଁ ରଣନୀତି, ନିଯୁକ୍ତି ବଜାରର ବିକଶିତ ଆବଶ୍ୟକତା ସହିତ ଶିକ୍ଷା ଏବଂ ପ୍ରଶିକ୍ଷଣ କାର୍ଯ୍ୟକ୍ରମଗୁଡ଼ିକୁ ଯୋଡ଼ିବା ପାଇଁ ରଣନୀତି, କୃଷି ଉତ୍ପାଦକତା ବୃଦ୍ଧି ଏବଂ ସ୍ଥାୟୀ ଗ୍ରାମୀଣ ନିଯୁକ୍ତି ସୁଯୋଗ ସୃଷ୍ଟି କରିବା, ଅର୍ଥନୈତିକ ଅଭିବୃଦ୍ଧିକୁ ତ୍ୱରାନ୍ୱିତ କରିବା ଏବଂ ନିଯୁକ୍ତି ସୃଷ୍ଟି କରିବା ଏବଂ ଆର୍ଥିକ ଅନ୍ତର୍ଭୁକ୍ତୀକରଣକୁ ପ୍ରୋତ୍ସାହିତ କରିବା, ରପ୍ତାନିକୁ ପ୍ରୋତ୍ସାହିତ କରିବା ଏବଂ ବିଦେଶୀ ପୁଞ୍ଜିନିବେଶ ଆକର୍ଷଣ କରିବା ପାଇଁ ଭିତ୍ତିଭୂମି ପ୍ରକଳ୍ପ ଗୁଡିକ ପାଇଁ ସରକାରୀ ପାଣ୍ଠି ସଂଗ୍ରହ କରିବା ସମେତ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଅଂଶଗ୍ରହଣକାରୀମାନେ ସେମାନଙ୍କର ମତ ବ୍ୟକ୍ତ କରିଥିଲେ। ।
ଏହି ଆଲୋଚନାଚକ୍ରରେ ଡ. ସୁରଜିତ ଏସ୍ ଭଲ୍ଲା, ଡ. ଅଶୋକ ଗୁଲାଟି, ଡ. ସୁଦୀପ୍ତ ମୁଣ୍ଡଲେ, ଧର୍ମକୀର୍ତ୍ତି ଯୋଶୀ, ଜନ୍ମେଜୟ ସିହ୍ନା, ମଦନ ସବନାଭିସ୍, ପ୍ରଫେସର ଅମିତା ବାତ୍ରା, ରିଦ୍ଧମ ଦେଶାଇ, ପ୍ରଫେସର ଚେତନ ଘଟେ, ପ୍ରଫେସର ଭାରତ ରାମାସ୍ୱାମୀ, ଡ. ସୌମ୍ୟ କାନ୍ତି ଘୋଷ, ସିଦ୍ଧାର୍ଥ ସାନ୍ୟାଲ, ଡ. ଲବୀଶ ଭଣ୍ଡାରୀ, ରଜନୀ ସିହ୍ନା, ପ୍ରଫେସର କେଶବ ଦାସ, ଡ. ପ୍ରୀତମ ବାନାର୍ଜୀ, ଶ୍ରୀ ରାହୁଲ ବାଜୋରିଆ, ଶ୍ରୀ ନିଖିଲ ଗୁପ୍ତା ଓ ପ୍ରଫେସର ଶାଶ୍ବତ ଆଲୋକ ପ୍ରମୁଖ ଯୋଗ ଦେଇଥିଲେ। ।
HS
(ରିଲିଜ ଆଡି: 2087758)
ପରିଦର୍ଶକ କାଉଣ୍ଟର : 61
ଏହି ରିଲିଜ ପଢନ୍ତୁ :
English
,
Urdu
,
Marathi
,
हिन्दी
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam