ঙসি জি-২০ মীফমগী হৌদোকপগী সেসন্দা “খুন্নাইগী থোং মান্নবা অমসুং চারা হেনবা অমসুং লায়রবা থেংন্নবা” হিরমদা প্রধান মন্ত্রী শ্রী নরেন্দ্র মোদী ৱা ঙাংখ্রে। মীফম অসি য়ুম্বু ওইবগীদমক অমসুং মহাক্না তরাম্না ওকপগীদমক প্রধান মন্ত্রী মোদীনা ব্রাজিলগী রাস্ত্রপতি ইনাসিও লুলা দ সিলভা থাগৎপা ফোঙদোকখ্রে। নিউ দিল্লি জি-২০ মীফমদা খন্নখিবা গ্লোবেল সাউথ অমসুং মীয়ামগী য়াইফনবা ৱারেপশিংগা লোয়ননা স্তেনেবেল দিবলপমেন্ত গোলশিং ব্রাজিল জি-২ মীফমদা মীৎয়েং চঙবদা মহাক্না থাগৎপা ফোঙদোকখ্রে। ভারতনা জি-২০গী প্রসিদেন্ত ওইখিবা মতমদা ফোঙদোকখিবা মালেম অমা, ইমুং অমা, তুংলমচৎ অমাগী মরুওইবা অদু মহাক্না মখা তানা ফোঙদোকখি।

লায়রবা অমসুং চারা হেনবা কোকহন্নবা ভারতনা পায়খৎলিবা থবকশিংগী মতাংদা, প্রধান মন্ত্রীনা হায়খি হৌখিবা চহি ১০ দা ঐখোয়না মীওই করোর ২৫০ লায়রবা কোকহল্লে অমসুং মীওই মিল্লিয়ন ৮০০ হেন্না লেম্না চেঙ ফংহল্লে। চীঞ্জাক ৱাত্তনা ফংহন্নবা ভারতনা পায়খৎলিবা থবকশিংগী মতাংদা প্রধান মন্ত্রীনা হায়খি মদুদি ঐখোয়না মাইপাকপগী মরুওইবা মরম অসি ঐখোয়গী থবক অসিনি: তঙাইফদবা থবকশিংদা হঞ্জিল্লকপা অমসুং তুংলোমদা চঙশিনবনি। নুপীশিংনা মাংজিল থাদুনা চাউখৎপা পুরক্নবা ভারতনা থবক কয়া পায়খৎলে।

প্রধান মন্ত্রীনা হায়খি অফ্রিকা অমসুং মালেমগী অতৈ মফমদা চীঞ্জাক ৱাৎহন্দনবা ভারতনা থবক কয়া পায়খৎলে। হিরম অসিগী মতাংদা চারা হেনবা অমসুং লায়রবা মুৎথৎনবা ব্রাজিলগী মালেমগী চুংশিন্নবা থবক ঐখোয়না শৌগৎলি। মালেমগী মুক্নবশিং অসিনা মরম ওইদুনা গ্লোবেল সাউথকী লৈবাকশিং চীঞ্জাক, থাউ অমসুং হারগী অৱাবা মায়োক্নরে। মখোয়গী ৱাফমশিং অসি মরুওইনা লৌগদবনি।

প্রধান মন্ত্রীগী মপুংফাবা ৱারোল মফম অসিদা ফংগনি।

*****