নতুন দিল্লীত আজি অনুষ্ঠিত এক সংবাদমেলত কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী শ্ৰী মনসুখ মাণ্ডবিয়াই ৰাষ্ট্ৰীয় যুৱ মহোৎসৱ (এনৱাইএফ) ২০২৫ৰ এক পৰিৱৰ্তনশীল পুনৰ কল্পনাৰ কথা ঘোষণা কৰে।ভাৰতৰ ভৱিষ্যত গঢ় দিয়াত যুৱক-যুৱতীৰ অংশগ্ৰহণ বৃদ্ধিৰ বাবে প্ৰধানমন্ত্ৰীৰ দৃষ্টিভংগী আওঁৰাই, পুনৰ কল্পনা কৰা উৎসৱটোৰ নাম হ'ব "বিকশিত ভাৰত যুৱ নেতাৰ আলোচনা"। এই গতিশীল মঞ্চই ভাৰতীয় যুৱক-যুৱতীসকলক বিকশিত ভাৰতৰ দৃষ্টিভংগী পূৰণৰ দিশত নিজৰ ধাৰণা আৰু দৃষ্টিভংগীৰ অৱদান আগবঢ়াবলৈ সক্ষম কৰিব।

বিকশিত ভাৰত যুৱ নেতা আলোচনাৰ মূল উদ্দেশ্যৰ ৰূপৰেখা দাঙি ধৰি কেন্দ্ৰীয় মন্ত্ৰী ড^০ মনসুখ মাণ্ডবিয়াই কয়, “যুৱ প্ৰতিভাক চিনাক্ত আৰু লালন-পালন কৰা, তেওঁলোকক বিকশিত ভাৰতৰ বাবে তেওঁলোকৰ ধাৰণাসমূহ ভাগ-বতৰা কৰাৰ এক মঞ্চ প্ৰদান কৰাই এই উৎসৱৰ লক্ষ্য। ইয়াত যুৱক-যুৱতীসকলে প্ৰধানমন্ত্ৰীৰ সৈতে প্ৰত্যক্ষভাৱে মত বিনিময় কৰাৰ আৰু ভাৰতৰ ভৱিষ্যতৰ বাবে তেওঁলোকৰ ধাৰণাসমূহ উপস্থাপন কৰাৰ সুযোগ লাভ কৰিব, যাৰ ফলত ৰাজনীতি আৰু নাগৰিকসকলৰ জীৱনত যুৱক-যুৱতীসকলৰ সম্পৰ্ক বৃদ্ধি পাব।”

কেন্দ্ৰীয় মন্ত্ৰীগৰাকীয়ে এইবাৰৰ বিকশিত যুৱ নেতা আলোচনাৰ মূল লক্ষ্যসমূহৰ ওপৰত আলোকপাত কৰি কয় যে এইবাৰৰ উৎসৱটো দুটা ডাঙৰ লক্ষ্যক কেন্দ্ৰ কৰি সুক্ষ্ম চিন্তাৰে গঠন কৰা হৈছে। প্ৰথমতে, স্বাধীনতা দিৱসৰ ভাষণৰ সময়ত প্ৰধানমন্ত্ৰীয়ে এই ক্ষেত্ৰসমূহত অৰাজনৈতিক পটভূমিৰ ১ লাখ যুৱকক জড়িত কৰাৰ আহ্বানৰ প্ৰতি সঁহাৰি জনাই ৰাজনীতিত নতুন যুৱ নেতাসকলক আকৰ্ষণ কৰা। ৰাষ্ট্ৰীয় যুৱ মহোৎসৱৰ জৰিয়তে নেতৃত্বৰ সম্ভাৱনা থকা যুৱ প্ৰতিভাক চিনাক্ত আৰু লালন-পালন কৰা হৈছে, যাৰ ফলত তেওঁলোকে প্ৰধানমন্ত্ৰীৰ সৈতে পোনপটীয়াকৈ বিকশিত ভাৰতৰ বাবে তেওঁলোকৰ ধাৰণা আৰু দৃষ্টিভংগী ভাগ-বতৰা কৰাৰ এক মঞ্চ প্ৰদান কৰা হৈছে।

দ্বিতীয়তে, স্বচ্ছ আৰু গণতান্ত্ৰিক, যোগ্যতা ভিত্তিক বাছনি ব্যৱস্থাৰ জৰিয়তে যুৱক-যুৱতীসকলৰ অৰ্থপূৰ্ণ অৱদান নিশ্চিত কৰা। এই পদক্ষেপে ভাৰতৰ অগ্ৰগতি আৰু উন্নয়নক আগুৱাই নিবলৈ পৰৱৰ্তী প্ৰজন্মক শক্তিশালী কৰাৰ বাবে চৰকাৰৰ দায়বদ্ধতাক গুৰুত্ব আৰোপ কৰে।

ড০ মাণ্ডবিয়াই সকলো যোগ্য যুৱক-যুৱতীক এই উল্লেখযোগ্য আলোচনাত অংশগ্ৰহণ কৰিবলৈ আহ্বান জনায়, চৰকাৰৰ যুৱ শক্তিৰ সম্ভাৱনাক বিকশিত ভাৰত গঢ়ি তোলাৰ বাবে ব্যৱহাৰ কৰাৰ প্ৰতিশ্ৰুতি পুনৰ দোঁহাৰে।

বিকশিত ভাৰত চেলেঞ্জত চাৰিটা পৰ্যায়ৰ প্ৰতিযোগিতা

ৰাষ্ট্ৰীয় যুৱ মহোৎসৱৰ পুনঃকল্পিত বিকশিত ভাৰত যুৱ নেতা আলোচনাত ভাৰতৰ ভৱিষ্যত গঢ় দিয়াত যুৱক-যুৱতীসকলৰ নিয়োজিততাক অনুপ্ৰাণিত কৰাৰ বাবে চাৰিটা পৰ্যায়ৰ প্ৰতিযোগিতাত অংশগ্ৰহণ কৰা হৈছে। এই চেলেণ্ড তলত দিয়া ধৰণে আগবাঢ়িছে:

১। প্ৰথম ৰাউণ্ডঃ বিকশিত ভাৰত কুইজ

২০২৪ চনৰ ২৫ নৱেম্বৰৰ পৰা ২০২৪ চনৰ ৫ ডিচেম্বৰৰ ভিতৰত মেৰা যুৱ ভাৰত (MY Bharat) প্লেটফৰ্মত আয়োজিত ডিজিটেল কুইজত এজন ব্যক্তিয়ে (১৫-২৯ বছৰ বয়সৰ ব্যক্তিয়ে) অংশগ্ৰহণ কৰিব,

২। দ্বিতীয় ৰাউণ্ড: ৰচনা/ব্লগ লিখন

পূৰ্বৰ ৰাউণ্ডৰ বিজয়ীসকলে প্ৰায় ১০টা নিৰ্দিষ্ট বিষয়বস্তু যেনে-‘বিকশিত ভাৰতৰ বাবে প্ৰযুক্তি’, ‘বিকশিত ভাৰতৰ বাবে যুৱক সবলীকৰণ’ আদি বিষয়ৰ ওপৰত ৰচনা লিখি ৰাষ্ট্ৰীয় উন্নয়নৰ বাবে নিজৰ ধাৰণাসমূহ প্ৰদৰ্শন কৰিব। এই প্ৰতিযোগিতা MY Bharat প্লেটফৰ্মতো আয়োজন কৰা হ'ব।

৩। তৃতীয় ৰাউণ্ডঃ বিকশিত ভাৰত ভিজন পিচ ডেক – ৰাজ্যিক পৰ্যায়ৰ উপস্থাপন

দ্বিতীয় ৰাউণ্ডৰ যোগ্যতা অৰ্জন কৰা অংশগ্ৰহণকাৰীসকলে ৰাজ্যিক পৰ্যায়ত নিজৰ নিৰ্বাচিত বিষয়বস্তুৰ ওপৰত নিজৰ ধাৰণা দাঙি ধৰিব। এই উপস্থাপনসমূহৰ জৰিয়তে প্ৰতিখন ৰাজ্যই ৰাষ্ট্ৰীয় পৰ্যায়ৰ বাবে অংশগ্ৰহণকাৰী নিৰ্বাচনৰ বাবে প্ৰতিযোগিতা আয়োজন কৰি চিনাক্তকৃত বিষয়বস্তুৰ ওপৰত বিভিন্ন দল গঠন কৰিব।

৪। চতুৰ্থ ৰাউণ্ড : ভাৰত মণ্ডপামত বিকশিত ভাৰত ৰাষ্ট্ৰীয় চেম্পিয়নশ্বিপ

২০২৫ চনৰ ১১– ১২ জানুৱাৰীত অনুষ্ঠিত হ’বলগীয়া ৰাষ্ট্ৰীয় যুৱ মহোৎসৱত বিভিন্ন বিষয়বস্তুভিত্তিক ৰাজ্যিক পৰ্যায়ৰ দলসমূহে প্ৰতিযোগিতাত অংশগ্ৰহণ কৰিব আৰু বিজয়ী দলসমূহে প্ৰধানমন্ত্ৰী শ্ৰী নৰেন্দ্ৰ মোদীৰ আগত বিকশিত ভাৰতৰ বাবে নিজৰ দৃষ্টিভংগী আৰু ধাৰণাসমূহ দাঙি ধৰিব।

বিকশিত ভাৰত যুৱ নেতা আলোচনা–ৰাষ্ট্ৰীয় যুৱ মহোৎসৱ ২০২৫ত তিনিটা সুকীয়া ক্ষেত্ৰৰ পৰা নিৰ্বাচিত যুৱক-যুৱতীসকলৰ এক বিশাল সমাবেশ অনুষ্ঠিত কৰা হ’ব। প্ৰথমটো গোটত নতুনকৈ ঘোষিত বিকশিত ভাৰত চেলেঞ্জৰ অংশগ্ৰহণকাৰীসকলে অংশগ্ৰহণ কৰিব। দ্বিতীয়টো গোটত জিলা আৰু ৰাজ্যিক পৰ্যায়ৰ যুৱ মহোৎসৱৰ পৰা ওলাই অহা প্ৰতিভাৱান যুৱক-যুৱতীসকলে অংশগ্ৰহণ কৰিব, য’ত তেওঁলোকে বিভিন্ন শাখাত যেনে চিত্ৰকলা, বিজ্ঞান প্ৰদৰ্শনী, সাংস্কৃতিক পৰিবেশন, ঘোষণা প্ৰতিযোগিতা আদিত প্ৰতিযোগিতাত অংশগ্ৰহণ কৰিব।তৃতীয় গোটত বৈচিত্ৰ্যৰ পৰা আদি কৰি উদ্যোগীকৰণ, ক্ৰীড়া, কৃষি, আৰু প্ৰযুক্তিকে ধৰি অন্যান্য ডমেইনসমূহত উল্লেখযোগ্য কৃতিত্ব অৰ্জনকাৰী আৰু যুৱ আইকনসকল অন্তৰ্ভুক্ত কৰা হ’ব।

মুঠতে ২০২৫ চনৰ ১১-১২ জানুৱাৰীত নতুন দিল্লীৰ ভাৰত মণ্ডপামত অনুষ্ঠিত হ’বলগীয়া ৰাষ্ট্ৰীয় অনুষ্ঠানৰ বাবে এই ক্ষেত্ৰসমূহৰ জৰিয়তে প্ৰায় ৩ হাজাৰ যুৱক-যুৱতীক নিৰ্বাচিত কৰা হ’ব।

বিকশিত ভাৰত যুৱ নেতা আলোচনা-ৰাষ্ট্ৰীয় যুৱ মহোৎসৱ ২০২৫ৰ অন্যান্য মুখ্য দিশসমূহ

বিকশিত ভাৰতৰ যুৱ নেতা আলোচনাত বিকশিত ভাৰত প্ৰত্যাহ্বানৰ সমান্তৰালকৈ কেইবাটাও উল্লেখযোগ্য আলোকপাত থাকিব:

১। বিকশিত ভাৰত প্ৰদৰ্শনী: ইয়াত ৰাজ্য/কেন্দ্ৰীয় শাসিত অঞ্চল আৰু কেন্দ্ৰীয় মন্ত্ৰালয়ৰ যুৱ-কেন্দ্ৰিক পদক্ষেপসমূহ প্ৰদৰ্শন কৰা হ’ব, যিয়ে যুৱ অংশগ্ৰহণকাৰীসকলক ভাৰতৰ উন্নয়ন দৃষ্টিভংগীৰ সৈতে জড়িত হ’বলৈ এক অন্তৰংগ আলাপ আলাপৰ মঞ্চ প্ৰদান কৰিব। ইয়াত ৰাজ্যিক প্ৰদৰ্শনী, শিক্ষা, দক্ষতা বিকাশ, আৰু উদ্যোগীকৰণৰ যুৱকেন্দ্ৰিক প্ৰকল্পসমূহৰ ওপৰত আলোকপাত কৰা আৰু মন্ত্ৰালয় প্ৰদৰ্শনী, য’ত মন্ত্ৰালয়সমূহে নেতৃত্ব, সামাজিক প্ৰভাৱ আৰু উদ্ভাৱনৰ ক্ষেত্ৰত যুৱক-যুৱতীসকলৰ বাবে ধ্বজাবাহী কাৰ্যসূচী আৰু সুযোগসমূহ প্ৰদৰ্শন কৰিব।

২। পূৰ্ণাংগ অধিবেশন: ইয়াত যুৱক-যুৱতীসকলৰ সৈতে পাৰস্পৰিক আলোচনা আৰু কৰ্মশালাত লিপ্ত হোৱা বিশিষ্ট ৰাষ্ট্ৰীয় আৰু বিশ্বব্যাপী আইকনসকলে তেওঁলোকক ধাৰণা বিনিময়, অন্তৰ্দৃষ্টি লাভ আৰু প্ৰেৰণাদায়ক ব্যক্তিত্বৰ পৰা পোনপটীয়াকৈ শিকিবলৈ এক অনন্য সুযোগ প্ৰদান কৰিব।

৩। ভাৰতৰ ঐতিহ্য উদযাপনঃ এই ​​উৎসৱত সাংস্কৃতিক উপাদানো অন্তৰ্ভুক্ত হ’ব, “বিকাশো, ঐতিহ্যও”ৰ বহল দৃষ্টিভংগীৰ অংশ হিচাপে ভাৰতৰ চহকী ঐতিহ্যক উদযাপন কৰা হ’ব। ভাৰতৰ পৰম্পৰাৰ সজীৱতাক ধৰি ৰখা পৰিবেশন আৰু প্ৰদৰ্শনীৰ জৰিয়তে এই সাংস্কৃতিক কাৰ্যসূচীয়ে উৎসৱৰ প্ৰগতিৰ ওপৰত গুৰুত্ব দিয়াৰ পৰিপূৰক হ’ব। এই কাৰ্যসূচী সমগ্ৰ ভাৰতীয় ৰাজ্যসমূহত বিস্তৃত হ’ব, দেশজোৰা অংশগ্ৰহণ আৰু উদযাপনৰ পোষকতা কৰিব।

বিকশিত ভাৰতৰ বাবে ভাৰতৰ যুৱক-যুৱতীসকলক সবলীকৰণ

বিকশিত ভাৰত যুৱ নেতা আলোচনা এটা উৎসৱেই ৱহয়—ই ভাৰতৰ যুৱক-যুৱতীসকলক দেশৰ উন্নয়ন যাত্ৰাত সক্ৰিয় অৱদানকাৰী হিচাপে সৱলীকৰণৰ আন্দোলন। বিকশিত ভাৰত চেলেঞ্জৰ দৰে পদক্ষেপৰ জৰিয়তে ই যুৱ মনক নিজৰ ধাৰণা প্ৰদৰ্শন, চিন্তাশীল নেতাৰ সৈতে জড়িত হোৱাৰ, আৰু উন্নত ভাৰতৰ দৃষ্টিভংগী পূৰণৰ ক্ষেত্ৰত সহযোগিতা কৰাৰ এক পৰিৱৰ্তনশীল মঞ্চ প্ৰদান কৰে।

বিকশিত ভাৰত যুৱ নেতা আলোচনা– ৰাষ্ট্ৰীয় যুৱ মহোৎসৱ ২০২৫ সম্পৰ্কীয় সবিশেষ জানিবলৈ মাই ভাৰত প্লেটফৰ্মৰ  (https://mybharat.gov.in/) লিংকত চাব পাৰিব।

******

Himanshu Pathak/DB