ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ, ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਅੱਜ ਐਲਾਨ ਕੀਤਾ ਕਿ ਭਾਰਤ 20 ਤੋਂ 24 ਨਵੰਬਰ ਤੱਕ ਗੋਆ ਵਿੱਚ ਵਿਸ਼ਵ ਔਡੀਓ ਵਿਜ਼ੁਅਲ ਅਤੇ ਮਨੋਰੰਜਨ ਸਮਿਟ ਦੀ ਮੇਜ਼ਬਾਨੀ ਕਰੇਗਾ, ਜੋ ਦੁਨੀਆ ਭਰ ਦੇ ਮੀਡੀਆ ਅਤੇ ਮਨੋਰੰਜਨ ਉਦਯੋਗ ਦੇ ਲਈ ਇੱਕ ਇਤਿਹਾਸਿਕ ਆਯੋਜਨ ਹੈ। ਸ਼੍ਰੀ ਵੈਸ਼ਣਵ ਨੇ ਅੱਜ ਨਵੀਂ ਦਿੱਲੀ ਵਿੱਚ ਗੋਆ ਦੇ ਮੁੱਖ ਮੰਤਰੀ ਸ਼੍ਰੀ ਪ੍ਰਮੋਦ ਸਾਵੰਤ ਅਤੇ ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਰਾਜ ਮੰਤਰੀ ਡਾ. ਐੱਲ. ਮੁਰੂਗਨ ਦੇ ਨਾਲ ਇੱਕ ਪ੍ਰੋਗਰਾਮ ਵਿੱਚ ਇਹ ਐਲਾਨ ਕੀਤਾ।

ਇਸ ਅਵਸਰ ‘ਤੇ ਦਹਾਕਿਆਂ ਨੂੰ ਸੰਬੋਧਨ ਕਰਦੇ ਹੋਏ, ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ ਕਿ, “ਮੀਡੀਆ ਅਤੇ ਮਨੋਰੰਜਨ (ਐੱਮ ਐਂਡ ਈ) ਦੀ ਦੁਨੀਆ ਇੱਕ ਸੰਰਚਨਾਤਮਕ ਪਰਿਵਰਤਨ ਤੋਂ ਗੁਜ਼ਰ ਰਹੀ ਹੈ ਅਤੇ ਇਸ ਵਿੱਚ ਬਹੁਤ ਅਧਿਕ ਟੈਕਨੋਲੋਜੀ ਦਾ ਸਮਾਵੇਸ਼ਨ ਹੋਇਆ ਹੈ। ਇਸ ਨੇ ਇੱਕ ਤਰਫ਼ ਤਾਂ ਕਈ ਅਵਸਰ ਖੋਲ੍ਹੇ ਹਨ, ਲੇਕਿਨ ਦੂਸਰੀ ਤਰਫ਼, ਕੁਝ ਪ੍ਰਤੀਭਾਗੀਆਂ ਦਰਮਿਆਨ ਚਿੰਤਾ ਵੀ ਪੈਦਾ ਕੀਤੀ ਹੈ ਜੋ ਇਸ ਬਦਲਾਅ ਦੇ ਨਾਲ ਤਾਲਮੇਲ ਨਹੀਂ ਬਿਠਾ ਪਾਏ ਹਨ। ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ ਦ੍ਰਿਸ਼ਟੀਕੋਣ ਦੇ ਅਨੁਰੂਪ ਅੱਜ ਜਨਤਕ ਨੀਤੀ ਦੀ ਭੂਮਿਕਾ ਇਸ ਸੰਰਚਨਾਤਮਕ ਪਰਿਵਰਤਨ ਨਾਲ ਸਰਵਸ਼੍ਰੇਸ਼ਠ ਲਾਭ ਉਠਾਉਣ ਵਿੱਚ ਸਮਰੱਥ ਬਣਾਉਣਾ ਹੈ।” ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਇਸ ਬਦਲਾਅ ਨਾਲ ਨਿਪਟਣ ਵਿੱਚ ਮੀਡੀਆ ਅਤੇ ਮਨੋਰੰਜਨ ਦੇ ਪੂਰੇ ਈਕੋਸਿਸਟਮ ਨੂੰ ਸਹਿਯੋਗ ਕਰਨ ਦੇ ਲਈ ਪ੍ਰਤੀਬੱਧ ਹੈ।

ਆਪਣੇ ਲਕਸ਼ਾਂ ਨੂੰ ਪ੍ਰਾਪਤ ਕਰਨ ਦੇ ਲਈ ਅਵਸਰਾਂ ਅਤੇ ਅੰਤਰਨਿਰਹਿਤ ਪ੍ਰਯਾਸਾਂ ‘ਤੇ ਬੋਲਦੇ ਹੋਏ, ਮੰਤਰੀ ਨੇ ਕਿਹਾ ਕਿ ਸਰਕਾਰ ਦਾ ਧਿਆਨ ਮੀਡੀਆ ਅਤੇ ਮਨੋਰੰਜਨ ਖੇਤਰ ਵਿੱਚ ਰੋਜ਼ਗਾਰ ਸਿਰਜਣ ਅਤੇ ਪ੍ਰਤਿਭਾ ਪਾਈਪਲਾਈਨ ਨੂੰ ਵਧਾਉਣ ‘ਤੇ ਹੈ। ਇਸ ਨੂੰ ਸੰਰਚਨਾਤਮਕ ਅਤੇ ਪ੍ਰਕਿਰਿਆਤਮਕ ਦੋਵਾਂ ਪ੍ਰਯਾਸਾਂ ਦੇ ਮਾਧਿਅਮ ਨਾਲ ਲਾਗੂ ਕੀਤਾ ਜਾਵੇਗਾ। ਇਹ ਪ੍ਰਯਾਸ ਇੱਕ ਅਜਿਹੇ ਈਕੋਸਿਸਟਮ ਦਾ ਨਿਰਮਾਣ ਸੁਨਿਸ਼ਚਿਤ ਕਰਨਗੇ ਜੋ ਉੱਚ ਗੁਣਵੱਤਾ ਵਾਲੀ ਸਮੱਗਰੀ ਨੂੰ ਪ੍ਰੋਤਸਾਹਿਤ ਕਰਦਾ ਹੈ, ਦੇਸ਼ ਵਿੱਚ ਆਈਪੀ ਅਧਿਕਾਰਾਂ ਦਾ ਨਿਰਮਾਣ ਅਤੇ ਸੰਭਾਲ ਕਰਦਾ ਹੈ ਅਤੇ ਦੁਨੀਆ ਨੂੰ ਭਾਰਤ ਨੂੰ ਆਪਣੇ ਸਮੱਗਰੀ ਨਿਰਮਾਣ ਕੇਂਦਰਾਂ ਦੀ ਸਥਾਪਨਾ ਦੇ ਲਈ ਇੱਕ ਸੁਭਾਵਿਕ ਵਿਕਲਪ ਦੇ ਰੂਪ ਵਿੱਚ ਮਾਣਤਾ ਦਿੰਦਾ ਹੈ।

ਉਨ੍ਹਾਂ ਨੇ ਕਿਹਾ ਕਿ ਇਸ ਪ੍ਰਯਾਸ ਦੇ ਲਈ ਮੀਡੀਆ ਅਤੇ ਮਨੋਰੰਜਨ ਉਦਯੋਗ, ਵਿੱਤੀ ਖੇਤਰ ਅਤੇ ਟੈਕਨੋਲੋਜੀ ਦੀ ਦੁਨੀਆ ਦੇ ਵਿੱਚ ਗੂੜ੍ਹੇ ਤਾਲਮੇਲ ਦੀ ਜ਼ਰੂਰਤ ਹੋਵੇਗੀ। ਇਸ ਦੇ ਲਈ ਸੁਵਿਚਾਰਿਤ ਨੀਤੀਗਤ ਪਹਿਲ ਦੀ ਜ਼ਰੂਰਤ ਹੈ ਅਤੇ ਮੰਤਰੀ ਨੇ ਉਮੀਦ ਜਤਾਈ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਸਰਕਾਰ ਅਤੇ ਉਦਯੋਗ ਇਸ ਲਕਸ਼ ਦੀ ਦਿਸ਼ਾ ਵਿੱਚ ਆਪਣੇ ਪ੍ਰਯਾਸਾਂ ਨੂੰ ਮਿਲਾਉਣਗੇ।

ਮੰਤਰੀ ਮਹੋਦਯ ਨੇ ਅੱਗੇ ਕਿਹਾ ਕਿ ਵੇਵਸ ਅਤੇ ਇੱਫੀ ਇੱਕ ਹੀ ਸਪੈਕਟ੍ਰਮ ਦੇ ਅਲੱਗ-ਅਲੱਗ ਹਿੱਸੇ ਹੋਣਗੇ ਅਤੇ ਵੇਵਸ ਸਮਿਟ ਇਨਪੁਟ ਦਾ ਪ੍ਰਤੀਨਿਧੀਤਵ ਕਰਦਾ ਹੈ, ਜਦਕਿ ਭਾਰਤੀ ਅੰਤਰਰਾਸ਼ਟਰੀ ਫਿਲਮ ਮਹੋਤਸਵ (ਇੱਫੀ) ਆਉਟਪੁਟ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਨਪੁਟ ਅਤੇ ਆਉਟਪੁਟ ਦਾ ਤਾਲਮੇਲ ਗੋਆ ਨੂੰ ਰਚਨਾਤਮਕਤਾ ਅਤੇ ਪ੍ਰਤਿਭਾ ਦੇ ਇੱਕ ਪ੍ਰਮੁੱਖ ਕੇਂਦਰ ਦੇ ਰੂਪ ਵਿੱਚ ਸਥਾਪਿਤ ਕਰੇਗਾ, ਜੋ ਇਨੋਵੇਸ਼ਨ ਅਤੇ ਆਰਟਿਸਟਿਕ ਐਕਸਪ੍ਰੈਸ਼ਨ ਦੇ ਲਈ ਇੱਕ ਪ੍ਰਕਾਸ਼ ਥੰਮ੍ਹ ਦੇ ਰੂਪ ਵਿੱਚ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰੇਗਾ। ਉਨ੍ਹਾਂ ਨੇ ਇੱਫੀ ਦੇ ਨਾਲ-ਨਾਲ ਵੇਵਸ 2024 ਦੀ ਮੇਜ਼ਬਾਨੀ ਕਰਨ ਦੇ ਲਈ ਗੋਆ ਦੇ ਮੁੱਖ ਮੰਤਰੀ ਦੇ ਪ੍ਰਤੀ ਆਭਾਰ ਵਿਅਕਤ ਕੀਤਾ ਤਾਕਿ ਸਪੈਕਟ੍ਰਮ ਦੇ ਦੋਵੇਂ ਛੋਰ ਇਕੱਠੇ ਆ ਸਕਣ।

ਮੰਤਰੀ ਨੇ ਹੋਰ ਪਤਵੰਤਿਆਂ ਦੇ ਨਾਲ ਵੇਵਸ 2024 (https://wavesindia.org/) ਦੀ ਵੈਬਸਾਈਟ ਸ਼ੁਰੂ ਕੀਤੀ ਅਤੇ ਸਮਿਟ ਦੇ ਬ੍ਰੌਸ਼ਰ ਦਾ ਅਨਾਵਰਣ ਕੀਤਾ।

ਗੋਆ ਦੇ ਮੁੱਖ ਮੰਤਰੀ ਸ਼੍ਰੀ ਪ੍ਰਮੋਦ ਸਾਵੰਤ ਨੇ ਕਿਹਾ ਕਿ ਜਿੱਥੇ ਇੱਫੀ ਲੰਮੇ ਸਮੇਂ ਤੋਂ ਸਿਨੇਮਾਈ ਉਤਕ੍ਰਿਸ਼ਟਤਾ ਦਾ ਪ੍ਰਤੀਕ ਰਿਹਾ ਹੈ, ਉੱਥੇ ਵੇਵਸ ਉੱਭਰਦੇ ਹੋਏ ਐੱਮ ਅਤੇ ਈ ਖੇਤਰ ‘ਤੇ ਧਿਆਨ ਕੇਂਦ੍ਰਿਤ ਕਰਕੇ ਉਦਯੋਗ ਸਹਿਯੋਗ ਦਾ ਇੱਕ ਨਵਾਂ ਆਯਾਮ ਪੇਸ਼ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਦੋਵੇਂ ਆਯੋਜਨ ਮਿਲ ਕੇ ਬੇਮਿਸਾਲ ਅਵਸਰਾਂ ਦੇ ਭਵਿੱਖ ਵਿੱਚ ਛਲਾਂਗ ਲਗਾਉਣ ਦਾ ਅਵਸਰ ਪੈਦਾ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਵੇਵਸ ਗੋਆ ਨੂੰ ਇੱਕ ਸੱਭਿਆਚਾਰ ਕੇਂਦਰ ਦੇ ਰੂਪ ਵਿੱਚ ਸਥਾਪਿਤ ਕਰੇਗਾ, ਉਨ੍ਹਾਂ ਨੇ ਐੱਮ ਅਤੇ ਈ ਉਦਯੋਗ ਨੂੰ ਇਨੋਵੇਸ਼ਨ ਅਤੇ ਸਹਿਯੋਗ ਦੀ ਭਾਵਨਾ ਦੇ ਨਾਲ ਗੋਆ ਆਉਣ ਦੇ ਲਈ ਸੱਦਾ ਕੀਤਾ।

ਕੇਂਦਰੀ ਰਾਜ ਮੰਤਰੀ ਡਾ. ਐੱਲ. ਮੁਰੂਗਨ ਨੇ ਕਿਹਾ ਕਿ ਵੇਵਸ 2024 ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਐੱਮ ਐਂਡ ਈ ਉਦਯੋਗ ਨਾਲ ਗਲੋਬਲ ਲੀਡਰਸ ਨੂੰ ਭਾਰਤ ਲਿਆਉਣ ਦੇ ਦ੍ਰਿਸ਼ਟੀਕੋਣ ਨੂੰ ਸਾਕਾਰ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਸਮਿਟ ਇਸ ਖੇਤਰ ਨਾਲ ਦੇਸ਼ ਦੇ ਕੁਸ਼ਲ ਜਨਸ਼ਕਤੀ ਨੂੰ ਪ੍ਰੋਤਸਾਹਿਤ ਕਰਨ ਦੇ ਲਈ ਇੱਕ ਮੰਚ ਤਿਆਰ ਕਰੇਗਾ।

ਸਕੱਤਰ ਸ਼੍ਰੀ ਸੰਜੈ ਜਾਜੂ ਨੇ ਕਿਹਾ ਕਿ ਸਮਿਟ ਦਾ ਉਦੇਸ਼ ਵਿਸ਼ਵ ਪੱਧਰੀ ਐੱਮ ਐਂਡ ਈ ਸਮਿਟ ਬਣਾਉਣਾ ਹੈ: “ਇਸ ਪਹਿਲ ਦਾ ਉਦੇਸ਼ ਭਾਰਤ ਦੇ ਆਰਥਿਕ ਵਾਧੇ ਦੇ ਨਾਲ-ਨਾਲ ਭਾਰਤ ਦੀ ਸੌਫਟ ਪਾਵਰ ਨੂੰ ਮਜ਼ਬੂਤ ਕਰਨਾ ਹੈ। ਸਮਿਟ ਨਾਲ ਰਚਨਾਤਮਕਤਾ, ਇਨੋਵੇਸ਼ਨ ਅਤੇ ਪ੍ਰਭਾਵ ਵਿੱਚ ਨਵੇਂ ਮਿਆਰ ਸਥਾਪਿਤ ਹੋਣ ਦੀ ਉਮੀਦ ਹੈ।” ਉਨ੍ਹਾਂ ਨੇ ਕਿਹਾ ਕਿ ਸਮਿਟ ਇਨੋਵੇਸ਼ਨ ਅਤੇ ਟੈਕਨੋਲੋਜੀਕਲ ਐਡਵਾਂਸਮੈਂਟ ਨੂੰ ਹੁਲਾਰਾ ਦੇਣ, ਸਾਡੇ ਉਦਯੋਗ ਦੀ ਆਲਮੀ ਮੁਕਾਬਲਾਤਮਕਤਾ ਨੂੰ ਵਧਾਉਣ, ਉਦਯੋਗ ਸਹਿਯੋਗ ਨੂੰ ਮਜ਼ਬੂਤ ਕਰਨ, ਨਿਵੇਸ਼ ਆਕਰਸ਼ਿਤ ਕਰਨ, ਕੌਸ਼ਲ ਵਿਕਾਸ ਨੂੰ ਹੁਲਾਰਾ ਦੇਣ, ਸਮੱਗਰੀ ਵਿਵਿਧਤਾ ਨੂੰ ਪ੍ਰੋਤਸਾਹਿਤ ਕਰਨ ਅਤੇ ਟਿਕਾਊ ਵਿਕਾਸ ਨੂੰ ਹੁਲਾਰਾ ਦੇਣ ਦੇ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨ ਦੇ ਲਈ ਨਿਰਧਾਰਿਤ ਕੀਤਾ ਜਾਵੇਗਾ।

ਸਕੱਤਰ ਨੇ ਸਮਿਟ ਵਿੱਚ ਮਿਲਣ ਵਾਲੇ ਅਵਸਰਾਂ ਬਾਰੇ ਜਾਣਕਾਰੀ ਦਿੱਤੀ ਅਤੇ ਕਿਹਾ ਕਿ ਵਿਸ਼ਾ-ਵਸਤੂ ਉਤਪਾਦਨ ਅਤੇ ਇਨੋਵੇਸ਼ਨ, ਐਨੀਮੇਸ਼ਨ, ਵੀਐੱਫਐਕਸ ਅਤੇ ਗੇਮਿੰਗ ਅਤੇ ਸੰਗੀਤ ਅਤੇ ਬੌਧਿਕ ਸੰਪਦਾ (ਆਈਪੀ) ਸਿਰਜਣ ਇਸ ਦੇ ਕੇਂਦਰ ਹੋਣਗੇ।

ਵੇਵਸ ਦਾ ਲਕਸ਼ ਇੱਕ ਪ੍ਰਮੁੱਖ ਮੰਚ ਬਣਨਾ ਹੈ, ਜੋ ਉੱਭਰਦੇ ਹੋਏ ਐੱਮ ਐਂਡ ਈ ਉਦਯੋਗ ਲੈਂਡਸਕੇਪ ਦੇ ਅੰਦਰ ਸੰਵਾਦ, ਵਪਾਰ ਸਹਿਯੋਗ ਅਤੇ ਇਨੋਵੇਸ਼ਨ ਨੂੰ ਹੁਲਾਰਾ ਦੇਵੇ। ਸਮਿਟ ਵਿੱਚ ਉਦਯੋਗ ਜਗਤ ਦੇ ਨੇਤਾਵਾਂ, ਹਿਤਧਾਰਕਾਂ ਅਤੇ ਇਨੋਵੇਟਰਸ ਨੂੰ ਅਵਸਰਾਂ ਦਾ ਪਤਾ ਲਗਾਉਣ, ਚੁਣੌਤੀਆਂ ਨਾਲ ਨਿਪਟਣ, ਭਾਰਤ ਵਿੱਚ ਵਪਾਰ ਨੂੰ ਆਕਰਸ਼ਿਤ ਕਰਨ ਅਤੇ ਖੇਤਰ ਦੇ ਭਵਿੱਖ ਨੂੰ ਆਕਾਰ ਦੇਣ ਦੇ ਲਈ ਬੁਲਾਇਆ ਜਾਵੇਗਾ।

ਗਤੀਸ਼ੀਲ ਐੱਮ ਅਤੇ ਈ ਲੈਂਡਸਕੇਪ ਵਿੱਚ ਭਾਰਤ ਨੂੰ ਇੱਕ ਬੇਮਿਸਾਲ ਆਲਮੀ ਸ਼ਕਤੀ ਦੇ ਰੂਪ ਵਿੱਚ ਸਥਾਪਿਤ ਕਰਨ ਦੀ ਦ੍ਰਿਸ਼ਟੀ ਨਾਲ, ਵੇਵਸ ਦਾ ਲਕਸ਼ ਦੁਨੀਆ ਭਰ ਵਿੱਚ ਰਚਨਾਤਮਕਤਾ, ਇਨੋਵੇਸ਼ਨ ਅਤੇ ਪ੍ਰਭਾਵ ਦੇ ਨਵੇਂ ਮਿਆਰ ਸਥਾਪਿਤ ਕਰਨਾ ਹੈ। ਇਸ ਦਾ ਮਿਸ਼ਨ ਵੇਵਸ ਦੇ ਪ੍ਰੀਮੀਅਰ ਪਲੈਟਫਾਰਮ ਦੇ ਮਾਧਿਅਮ ਨਾਲ ਆਲਮੀ ਐੱਮ ਅਤੇ ਈ ਨੇਤਾਵਾਂ ਨੂੰ ਵਿਸ਼ੇਸ਼ ਨਿਵੇਸ਼ ਅਵਸਰਾਂ ਦੇ ਨਾਲ ਸਸ਼ਕਤ ਬਣਾਉਣਾ ਹੈ।

ਇਸ ਪ੍ਰੋਗਰਾਮ ਵਿੱਚ ਟ੍ਰਾਈ ਦੇ ਚੇਅਰਪਰਸਨ, ਸ਼੍ਰੀ ਅਨਿਲ ਕੁਮਾਰ ਲੋਹਾਟੀ ਅਤੇ ਗੋਆ ਦੇ ਮੁੱਖ ਸਕੱਤਰ, ਸ਼੍ਰੀ ਪੁਨੀਤ ਕੁਮਾਰ ਗੋਇਲ ਵੀ ਉਪਸਥਿਤ ਸਨ। ਵਿਭਿੰਨ ਵਿਦੇਸ਼ੀ ਮਿਸ਼ਨਾਂ ਦੇ ਰਾਜਦੂਤ ਅਤੇ ਰਾਜਨੀਤਕ ਪ੍ਰਤੀਨਿਧੀ ਵੀ ਉਪਸਥਿਤ ਸਨ।

ਉਦਘਾਟਨ ਸਮਾਰੋਹ ਵਿੱਚ ਵੇਵਸ ਲੋਗੋ, ਵੈਬਸਾਈਟ ਅਤੇ ਬ੍ਰੌਸ਼ਰ ਨੂੰ ਰਿਲੀਜ਼ ਕੀਤਾ ਗਿਆ, ਇਸ ਦੇ ਬਾਅਦ ਸੀਈਓ ਰਾਉਂਡਟੇਬਲ ਦਾ ਆਯੋਜਨ ਕੀਤਾ ਗਿਆ। ਰਾਉਂਡਟੇਬਲ ਵਿੱਚ ਲਗਭਗ 60 ਸੰਗਠਨਾਂ, ਸੰਘਾਂ, ਉਦਯੋਗ ਨਿਕਾਵਾਂ ਨੇ ਹਿੱਸਾ ਲਿਆ, ਜਿਸ ਵਿੱਚ ਬ੍ਰੌਡਕਾਸਟਿੰਗ, ਏਵੀਜੀਸੀ, ਡਿਜੀਟਲ ਮਿਡੀਆ ਆਦਿ ਖੇਤਰਾਂ ਦੇ ਅਗ੍ਰਣੀ ਮੀਡੀਆ ਸੰਗਠਨਾਂ ਦੇ 80 ਟੌਪ ਪ੍ਰਬੰਧਕਾਂ ਨੇ ਹਿੱਸਾ ਲਿਆ।

ਵੇਵਸ ਦਾ ਆਯੋਜਨ 20 ਤੋਂ 24 ਨਵੰਬਰ, 2024 ਤੱਕ ਗੋਆ, ਭਾਰਤ ਵਿੱਚ ਕੀਤਾ ਜਾਵੇਗਾ, ਜੋ ਐੱਮ ਐਂਡ ਈ ਉਦਯੋਗ ਕੈਲੰਡਰ ਵਿੱਚ ਇੱਕ ਇਤਿਹਾਸਿਕ ਪ੍ਰੋਗਰਾਮ ਹੋਣ ਦਾ ਵਾਅਦਾ ਕਰਦਾ ਹੈ।

****

ਪ੍ਰਗਿਆ ਪਾਲੀਵਾਰ/ਸੌਰਭ ਸਿੰਗ