কেন্দ্রগী ইনফোর্মেসন অমসুং ব্রোদকাস্তিং মন্ত্রী শ্রী অশ্বানি বৈষ্ণবনা ঙসি ভারতনা মালেমদা লৈরিবা মীদিয়া অমসুং এন্তর্তেন্মেন্ত ইন্দস্ত্রীগী মরুওইবা থৌরম অমা ওইরিবা গোৱাদা ৱার্ল্দ ওদিও ভিজুএল অমসুং এন্তর্তেন্মেন্ত সম্মিত নবেম্বর ২০-২৪দা গোৱাদা পাঙথোক্লগনি হায়না লাউথোকখ্রে। মন্ত্রীনা মসি নৈ দিল্লীদা ঙসি গোৱাগী মুখ্য মন্ত্রী শ্রী প্রমোদ সৱান্ত অমসুং রাজ্যগী ইনফোর্মেসন অমসুং ব্রোদকাস্তিংগী কেন্দ্রগী মন্ত্রী দা. এল মুরুগানগা লোইননা পাঙথোকপা কর্তেন রেজরগী থৌরমদা লাউথোকখিবনি।

থৌরম অদুদা তিল্লিবা মীয়ামদা ৱা ঙাংলদুনা শ্রী অশ্বিনি বৈষ্ণবনা হায়খি, "মীদিয়া অমসুং এন্তর্তেন্মেন্তকী তাইবংদা স্ত্রকচরগী ওইবা অহোংবা অমা লাক্লে অমসুং তেক্নোলোজী কয়া শীজিন্নবা উরে। মসিনা অতোপ্পা অমদা খুদোংচাবা কয়া অমগী থোং লাউনা হাংদোক্লি, অদুবু অতোপ্পা অমদনা অহোংবা অসিদা চৎমিন্নবা ঙমজদবা মীওই খরদা নুংনাংহল্লি। প্রধান মন্ত্রী শ্রী নরেন্দ্র মোদীগী মঙলানগা চুননবা ঙসিগী পব্লিক পোলিসীগী থৌদাং অসি স্ত্রকচরেলগী ওইবা অহোংবা অসিদগী খ্বাইদগী ফবা পুথোকপনি।" মহাক্না মখা তারদুনা হায়খি মদুদি লৈঙাক অসিনা মীদিয়া অমসুং এন্তর্তেন্মেন্তপু হায়রিবা অহোংবা অসিদা চঙবা ঙম্নবা মতেং পাংনবা লেপ্লি হায়খি।

পান্দম অসি ফংনবগী পাম্বৈশিংগী মতাংদা ফোংদোক্লদুনা মন্ত্রীনা হায়খি মদুদি লৈঙাক অসিনা মীদিয়া অমসুং এন্তর্তেন্মেন্ত সেক্তরদা থবক পীনবা হোৎনরি অমসুং তেলেন্ত পাইপ্লাইনশিং হেনগৎনবা হোৎনরি। হায়রিবসি স্ত্রকচরেল অমসুং প্রোসিজ্যুরেল এফর্ত অনিমক্তা হোৎনগনি। হায়রিবা থৌরাং অসিনা মগুন লৈবা কন্তেন্তশিং শেম্নবা অমউং লৈবাক অসিগী আই.পি. রাইৎশিং ঙাক্কনি অমসুং মালেমদা ভারতপু মখোয়গী কন্তেন্ত ক্রিএসন সেন্তর হাংদোক্নবগী পাম্নরবা মফম অমা ওইহনগনি।

মহাক্না মখা তাখি মদুদি, থৌরাং অসিদা এম & ই ইন্দস্ত্রী, ফাইনান্সিএল সেক্তর অমসুং তেক্নোলোজীগী তাইবংগী মরক্তা নক্ননা হোৎনমিন্নবা অমা চঙই। মসিনা মুন্না খন্নরবা পোলিসী শেম্বা অমা তঙাইফদে অমসুং মন্ত্রীনা লাক্কদবা থা খরসিদা লৈঙাক অমসুং ইন্দস্ত্রী অসিনা পান্দম অসি ফংনবা অঙম্বা থাক্তা পুন্না হোৎনমিন্নগনি।

মন্ত্রীনা মখা তারদুনা হায়খি মদুদি WAVES অমসুং IFFI না চপ মান্নবা স্পেক্ত্রমদা তোঙান-তোঙানবা শরুকশিং শেমগনি অমসুং হায়রিবা WAVES সম্মিত অসিনা ইনপুতকী মহুৎ শিল্লি অমসুং ইন্তর্নেসনেল ফিল্ম ফেস্তিভেল ওব ইন্দিয়া (IFFI)না আউৎপুতনি। মহাক্না হায়খি ইনপুত অমসুং আউৎপুত পুনশিন্নবনা গোৱাবু ক্রিএতিবিতী অমসুং তেলেন্তকী মরুওইবা হব অমা ওইহল্লগনি, মসিনা ইন্নোভেসন অমসুং আর্তিস্তিক এক্সপ্রেসনগী মৈঙাল ওইনা লৈরম্বদু হেন্না চেৎশিলহল্লগনি। মহাক্না মখা তানা গোৱাগী মুখ্য মন্ত্রীবু IFFI গী নাকন্দা WAVES ২০২৪ কী য়ুম্বু ওইবীবগীদমক থাগৎপা ফোংদোকখি, মসিনা স্পেক্ত্রমগী নাকল অনিমক পুন্না চৎমিন্নরগনি।

মন্ত্রীনা অতৈ শক্নাইরবা মীওইশিংগা লোইননা WAVES ২০২৪গী ৱেবসাইত ( https://wavesindia.org/ ) লোঞ্চ তৌখি অমসুং সম্মিত অসিগী ব্রোক্যুর মায়খুম হাংখি।

গোৱাগী মুখ্য মন্ত্রী শ্রী প্রমোদ সৱন্তনা হায়খি মদুদি IFFI না মতম শাংনা সিনেমাতিক এক্সিলেন্সকী মৈরা ওইদুনা লাক্লবসু WAVES না হৌগৎলক্লিবা এম ও ই সেক্তরদা মীৎয়েং থমদুনা ইন্দস্ত্রী কোলাবোরেসনগী অনৌবা মায়কৈ অমা পুরক্লগনি। মহাক্না হায়খি মদুদি থৌরম অনি অসিনা অপুনবা ওইনা চাংদম্ননিংঙাই লৈত্রবা খুদোংচাবা কয়াগী তুংলমচৎতা পুরগনি। WAVES না গোৱাবু নাৎকী হব অমা ওইহল্লগনি হায়রদুনা মহাক্না এম ও ই ইন্দস্ত্রীবু গোৱাদা ইন্নোভেসনগী ইনোৎ অমসুং কোলাবোরেসনগা লোইননা লাক্নবা পাউজেনখি।

রাজ্যগী কেন্দ্রগী মন্ত্রী দা. এল মুরুগান্না হায়খি মদুদি WAVES ২০২৪না প্রধান মন্ত্রী মোদীগী এম & ই ইন্দস্ত্রীদগী মালেমগী লুচিংবশিংবু ভারত্তা পুরক্নবগী মঙলান অদু মঙফাওনহল্লগনি। মহাক্না মখা তানা হায়খি মদুদি সম্মিৎ অসিনা লৈবাক অসিগী সেক্তর অসিদা লৈরিবা হৈথোই শিংথোইরবা মেনপাৱরশিংবু পুক্নিং থৌগৎনবা ফম্বাক অমা পীরগনি।

সেক্রেতরী শ্রী সঞ্জয় জজুনা হায়খি মদুদি সম্মিত অসিনা মালেমগী থাক্তা লৈবা এম & ই সম্মিত অমা শেম্নবা পান্দম থম্লিঃ "থৌরাং অসিগী পান্দমদি ভারতকী অথোৎপা শক্তি অসিবু ভারতনা শেন্মিৎলোন চাউখৎলকপা মতমদা হেন্না পাঙ্গল কলহন্নবনি। সম্মিত অসিনা ক্রিএতিবিতী, ইন্নোভেসন অমসুং ইনফ্লুএন্সতা অনৌবা বেঞ্চমার্ক অমা শেম্লগনি।" মহাক্না হায়খি মদুদি সম্মিত অসিনা ইন্নোভেসন অমসুং তেক্নোলোজীগী খুমাং চাউশিনবা, ঐখোয়গী ইন্দস্ত্রীগী গ্লোবেল কম্পিতিতিবনেস হেনগৎহনবা, ইন্দস্ত্রী কোলাবোরেসন হেনগৎহনবা, ইনভেস্তমেন্ত চিংশিনবা, স্কিল দিবেলপমেন্ত হেনগৎহনবা, কন্তেন্তকী পাক চাউবা হেনগৎহনবা অমসুং তুং কোইনা চৎপা য়াবা চাউখৎপা পুরকপনি।

সেক্রেতরীনা সম্মিত অসিনা পুরক্কদবা খুদোংচাবশিংগী মতাংদসু পনখি অমসুং হায়খি মদুদি কন্তেন্ত পুথোকপা অমসুং ইন্নোভেসন, এনিমেসন, ভি এফ এস অমসুং গেমিং অমসুং অরোইবদা ঈশৈ অমসুং ইন্তেলেকচুএল প্রোপর্তী (আই.পি.) ক্রিএসন্না মখোয়গী ঙাক্লৌ শেম্লগনি।

WAVESনা প্রেমিয়র ফোরম অমা ওইনবা, দাইলোগ হেনগৎনবা, ত্রেদ কোলাবোরেসন অমসুং ইন্নোভেসনশিং হৌরক্লিবা এম&ই ইন্দস্ত্রী লেন্দস্কেপকী মনুংদা শেমগৎনবা হোৎনরি। সম্মিত অসিনা ইন্দস্ত্রী লুচিংবা, স্তেকহোল্দর, অমসুং ইন্নোভেতরশিংদা খুদোংচাবশিং থিদোক্নবা, শীংনবশিং লাকশিন্নবা, ভারত্তা ত্রেদ চিংশিন্নবা অমসুং সেক্তর অসিগী তুংগী লম্বী শেম্নবা পাউজেনগনি।

ভারতপু দাইনামিক এম&ই লেন্দস্কেপ্তা মালেমগী পাৱরহাউস ওইনা থম্নবগীদমক, WAVES না ক্রিএতিবিতী, ইন্নোভেসন অমসুং মালেমদা ইথীল পীনবা অনৌবা থাক অমা শেম্নবা হোৎনরি। মসিগী মিসন অসি মালেমগী এম&ই লুচিংবশিং WAVES কী অখন্নবা ফম্বাক অসিগী খুত্থাংদা ইনভেস্তমেন্তকী খুদোংচাবা পীনবা হোৎনবনি।

থৌরম অদুদা ত্রাইগী চীয়রপার্সন, শ্রী অনিল কুমার লোহাতি অমসুং গোৱাগী চীফ সেক্রেতরী শ্রী পুনিত কুমার গোৱলনা শরুক য়াখি। তোঙান-তোঙানবা ফোরেন মিসনশিংদগী এম্বাসেদর অমসুং দিপ্লোমেতিক্কী মীহুতশিংসু থৌরম অদুদা শরুক য়াখি।

WAVES কী লোগো, ৱেবসাইত, অমসুং ব্রোক্যুর ফোংবগী কর্তেন রেজর অসিগী মতুংদা সি.ই.ও. রাউন্দতেবলসু পাঙথোকখি। রাউন্দতেবল অসিদা ব্রোদকাস্তিং, AVGC, দিজিতেল মীদিয়া অসিনচিংবা য়াওনা মকোক থোংবা মীদিয়া ওর্গানাইজেসনশিংদগী তোপা মেনেজর ৮০না মহুৎ শিন্দুনা ওর্গানাইজেসন, এসোসিএসনশিং, ইন্দস্ত্রী বোদী ৬০না শরুক য়াখি।

WAVES অসি নবেম্বর ২০দগী ২৪, ২০২৪ ফাওবা ভারতকী গোৱাদা পাঙথোক্কনি, মসিনা এম&ই ইন্দস্ত্রী কেলেন্দরদা মরুওইবা থৌরম অমা ওইহৌরগনি।

***************