ଭାରତ ନଭେମ୍ବର ୨୦ରୁ ୨୪ ପର୍ଯ୍ୟନ୍ତ ଗୋଆଠାରେ ବିଶ୍ୱ ଅଡିଓ ଭିଜୁଆଲ ଓ ମନୋରଞ୍ଜନ ଶିଖର ସମ୍ମିଳନୀର ପ୍ରଥମ ସଂସ୍କରଣ ରୂପେ ଏକ ଐତିହାସିକ କାର୍ଯ୍ୟକ୍ରମ ଆୟୋଜନ କରିବ ବୋଲି କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଆଜି ଘୋଷଣା କରିଛନ୍ତି । ଗୋଆର ମୁଖ୍ୟମନ୍ତ୍ରୀ ଶ୍ରୀ ପ୍ରମୋଦ ସାୱନ୍ତ ଏବଂ କେନ୍ଦ୍ର ସୂଚନା ଓ ପ୍ରସାରଣ ରାଷ୍ଟ୍ରମନ୍ତ୍ରୀ ଡ. ଏଲ୍ ମୁରୁଗାନଙ୍କ ସହ ଆଜି ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ କେନ୍ଦ୍ର ମନ୍ତ୍ରୀ ଏହି ଘୋଷଣା କରିଛନ୍ତି।

ଏହି ଅବସରରେ ଉପସ୍ଥିତ ଦର୍ଶକଙ୍କୁ ସମ୍ବୋଧିତ କରି ଶ୍ରୀ ଅଶ୍ୱିନୀ ବୈଷ୍ଣବ କହିଥିଲେ ଯେ, ଗଣମାଧ୍ୟମ ଏବଂ ମନୋରଞ୍ଜନ (ଏମ୍ ଆଣ୍ଡ ଇ) ଦୁନିଆ ଏକ ଢାଞ୍ଚାଗତ ପରିବର୍ତ୍ତନ ଦେଇ ଗତି କରୁଛି ଏବଂ ପ୍ରଚୁର ଜ୍ଞାନକୌଶଳ ପ୍ରୟୋଗ ଦେଖିଛି। ଗୋଟିଏ ପଟେ ଏହା ଅନେକ ସୁଯୋଗ ସୃଷ୍ଟି କରିଥିବା ବେଳେ ଅନ୍ୟପଟେ ଏହି ପରିବର୍ତ୍ତନକୁ ବଜାୟ ରଖିବାରେ ସକ୍ଷମ ହୋଇନଥିବା କିଛି ଅଂଶଗ୍ରହଣକାରୀଙ୍କ ମଧ୍ୟରେ ଚିନ୍ତା ମଧ୍ୟ ସୃଷ୍ଟି କରିଛି। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ଅନୁଯାୟୀ, ଆଜିର ସାର୍ବଜନୀନ ନୀତିର ଭୂମିକା ହେଉଛି ଏହି ଢାଞ୍ଚାଗତ ପରିବର୍ତ୍ତନରୁ ଶ୍ରେଷ୍ଠକୁ ଉପଯୋଗ କରିବାରେ ସକ୍ଷମ କରିବା । ସେ ଆହୁରି ମଧ୍ୟ କହିଛନ୍ତି ଯେ ଏହି ପରିବର୍ତ୍ତନର ମୁକାବିଲା କରିବାରେ ଗଣମାଧ୍ୟମ ଏବଂ ମନୋରଞ୍ଜନର ସମଗ୍ର ଇକୋସିଷ୍ଟମକୁ ସମର୍ଥନ କରିବାକୁ ସରକାର ପ୍ରତିଶ୍ରୁତିବଦ୍ଧ ।

ଏହାର ଲକ୍ଷ୍ୟ ହାସଲ ପାଇଁ ବାଟ ଏବଂ ଅନ୍ତର୍ନିହିତ ପ୍ରୟାସ ବିଷୟରେ ବକ୍ତବ୍ୟ ରଖି ମନ୍ତ୍ରୀ କହିଥିଲେ ଯେ ଗଣମାଧ୍ୟମ ଏବଂ ମନୋରଞ୍ଜନ କ୍ଷେତ୍ରରେ ନିଯୁକ୍ତି ସୃଷ୍ଟି କରିବା ଏବଂ ପ୍ରତିଭା ପାଇପ୍ ଲାଇନ୍ ବୃଦ୍ଧି ଉପରେ ସରକାର ଗୁରୁତ୍ୱ ଦେଉଛନ୍ତି । ଏହାକୁ ଉଭୟ ଢାଞ୍ଚାଗତ ଓ ପ୍ରକ୍ରିୟାଗତ ପ୍ରୟାସ ମାଧ୍ୟମରେ କାର୍ଯ୍ୟକାରୀ କରାଯିବ। ଏହି ପ୍ରୟାସଗୁଡିକ ଏକ ଇକୋସିଷ୍ଟମ ସୃଷ୍ଟି କୁ ସୁନିଶ୍ଚିତ କରିବ ଯାହା ଉଚ୍ଚ ମାନର ବିଷୟବସ୍ତୁକୁ ପ୍ରୋତ୍ସାହିତ କରିବ, ଦେଶରେ ଆଇପି ଅଧିକାର ସୃଷ୍ଟି କରିବ ଏବଂ ସୁରକ୍ଷା ଦେବ ଓ ବିଶ୍ୱକୁ ସେମାନଙ୍କ ବିଷୟବସ୍ତୁ ସୃଷ୍ଟି କେନ୍ଦ୍ର ପ୍ରତିଷ୍ଠା ପାଇଁ ଏକ ପ୍ରାକୃତିକ ବିକଳ୍ପ ଭାବରେ ଭାରତକୁ ସ୍ୱୀକୃତି ଦେବ ।

ସେ ଆହୁରି ମଧ୍ୟ କହିଛନ୍ତି ଯେ ଏହି ପ୍ରୟାସ ପାଇଁ ଏମ୍ ଆଣ୍ଡ ଇ ଶିଳ୍ପ, ଆର୍ଥିକ କ୍ଷେତ୍ର ଏବଂ ପ୍ରଯୁକ୍ତି ବିଦ୍ୟା ଜଗତ ମଧ୍ୟରେ ଘନିଷ୍ଠ ସମନ୍ୱିତ ପ୍ରୟାସ ଆବଶ୍ୟକ। ଏଥିପାଇଁ ସୁଚିନ୍ତିତ ନୀତିଗତ ପଦକ୍ଷେପର ଆବଶ୍ୟକତା ରହିଛି ଏବଂ ଆଗାମୀ ମାସ ମାନଙ୍କରେ ସରକାର ଓ ଶିଳ୍ପ ଏହି ଲକ୍ଷ୍ୟ ହାସଲ ଦିଗରେ ସେମାନଙ୍କ ପ୍ରୟାସକୁ ଏକାଠି କରିବେ ବୋଲି ମନ୍ତ୍ରୀ ଆଶା ବ୍ୟକ୍ତ କରିଛନ୍ତି।

ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ୱେଭ୍ସ ଏବଂ ଆଇଏଫଏଫଆଇ ସମାନ ସ୍ପେକ୍ଟ୍ରମର ଭିନ୍ନ ଭିନ୍ନ ଅଂଶ ଗଠନ କରିବେ ଏବଂ ୱେଭ୍ସ ଶିଖର ସମ୍ମିଳନୀ ଇନପୁଟକୁ ପ୍ରତିନିଧିତ୍ୱ କରୁଥିବା ବେଳେ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ) ଏହାର ଆଉଟପୁଟ୍ ଅଟେ। ସେ ଆହୁରି ମଧ୍ୟ କହିଛନ୍ତି ଯେ ଇନପୁଟ୍ ଏବଂ ଆଉଟପୁଟର ସମନ୍ୱୟ ଗୋଆକୁ ସୃଜନଶୀଳତା ଏବଂ ପ୍ରତିଭାର ଏକ ପ୍ରମୁଖ କେନ୍ଦ୍ର ଭାବରେ ପ୍ରତିଷ୍ଠା କରିବ ଏବଂ ଅଭିନବତା ଓ କଳାତ୍ମକ ଅଭିବ୍ୟକ୍ତିର ଆଲୋକ ଭାବରେ ଏହାର ସ୍ଥିତିକୁ ସୁଦୃଢ଼ କରିବ । ସେ ଗୋଆ ମୁଖ୍ୟମନ୍ତ୍ରୀଙ୍କୁ ଆଇଏଫଏଫଆଇ ସହିତ ୱେଭ୍ସ ୨୦୨୪ ଆୟୋଜନ କରିଥିବାରୁ କୃତଜ୍ଞତା ଜ୍ଞାପନ କରିଛନ୍ତି, ଯାହା ଦ୍ୱାରା ସ୍ପେକ୍ଟ୍ରମର ଉଭୟ ପ୍ରାନ୍ତ ଏକାଠି ହୋଇପାରିବ ।

କେନ୍ଦ୍ର ମନ୍ତ୍ରୀଙ୍କ ସହ ଅନ୍ୟ ମାନ୍ୟଗଣ୍ୟ ବ୍ୟକ୍ତିମାନେ ୱେଭ୍ସ ୨୦୨୪ (https://wavesindia.org/)ର ୱେବସାଇଟ୍ ଶୁଭାରମ୍ଭ କରିବା ସହ ଶିଖର ସମ୍ମିଳନୀର ପୁସ୍ତିକା ଉନ୍ମୋଚନ କରିଥିଲେ।

ଗୋଆର ମୁଖ୍ୟମନ୍ତ୍ରୀ ଶ୍ରୀ ପ୍ରମୋଦ ସାୱନ୍ତ କହିଥିଲେ ଯେ ଆଇଏଫଏଫଆଇ ଦୀର୍ଘ ଦିନ ଧରି ସିନେମା ଉତ୍କର୍ଷତାର ପ୍ରତୀକ ହୋଇଥିବା ବେଳେ ଉଦୀୟମାନ ଏମ ଆଣ୍ଡ ଇ କ୍ଷେତ୍ର ଉପରେ ଧ୍ୟାନ ଦେଇ ୱେଭ୍ସ ଶିଳ୍ପ ସହଯୋଗର ଏକ ନୂତନ ଦିଗ ଆରମ୍ଭ କରିବ । ସେ କହିଥିଲେ ଯେ ଦୁଇଟି ଇଭେଣ୍ଟ ମିଳିତ ଭାବେ ଅତୁଳନୀୟ ସୁଯୋଗର ଭବିଷ୍ୟତରେ ପ୍ରବେଶ କରିବାର ସୁଯୋଗ ସୃଷ୍ଟି କରିବ। ଗୋଆକୁ ଏକ ସାଂସ୍କୃତିକ କେନ୍ଦ୍ର ଭାବରେ ପ୍ରତିଷ୍ଠା କରିବ ବୋଲି କହି ସେ ଏମ ଆଣ୍ଡ ଇ ଶିଳ୍ପକୁ ଉଦ୍ଭାବନ ଏବଂ ସହଯୋଗର ଭାବନା ସହିତ ଗୋଆ ଆସିବାକୁ ଆମନ୍ତ୍ରଣ କରିଥିଲେ ।

କେନ୍ଦ୍ର ରାଷ୍ଟ୍ରମନ୍ତ୍ରୀ ଡ. ଏଲ୍ ମୁରୁଗାନ୍ କହିଛନ୍ତି ଯେ ୱେଭ୍ସ ୨୦୨୪ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଏମ ଆଣ୍ଡ ଇ ଶିଳ୍ପରୁ ବିଶ୍ୱସ୍ତରୀୟ ନେତାମାନଙ୍କୁ ଭାରତକୁ ଆଣିବାର ସ୍ୱପ୍ନକୁ ଜୀବନ୍ତ କରିବ । ଏହି ଶିଖର ସମ୍ମିଳନୀ ଦେଶର ଦକ୍ଷ ମାନବ ସମ୍ବଳକୁ ଏହି କ୍ଷେତ୍ରରୁ ପ୍ରୋତ୍ସାହିତ କରିବା ପାଇଁ ଏକ ମଞ୍ଚ ସୃଷ୍ଟି କରିବ ବୋଲି ସେ କହିଥିଲେ।

ସଚିବ ଶ୍ରୀ ସଞ୍ଜୟ ଜାଜୁ କହିଛନ୍ତି ଯେ ଏହି ଶିଖର ସମ୍ମିଳନୀର ଉଦ୍ଦେଶ୍ୟ ହେଉଛି ଏକ ବିଶ୍ୱସ୍ତରୀୟ ଏମ୍ ଆଣ୍ଡ ଇ ଶିଖର ସମ୍ମିଳନୀ ସୃଷ୍ଟି କରିବା: "ଭାରତର ଅର୍ଥନୈତିକ ଅଭିବୃଦ୍ଧି ସହିତ ଭାରତର ସଫ୍ଟ ପାୱାରକୁ ସୁଦୃଢ଼ କରିବା ଏହି ପଦକ୍ଷେପର ଉଦ୍ଦେଶ୍ୟ । ଏହି ଶିଖର ସମ୍ମିଳନୀ ସୃଜନଶୀଳତା, ଉଦ୍ଭାବନ ଏବଂ ପ୍ରଭାବରେ ନୂତନ ମାନଦଣ୍ଡ ସ୍ଥାପିତ କରିବ ବୋଲି ଆଶା କରାଯାଉଛି। ଏହି ଶିଖର ସମ୍ମିଳନୀରେ ଉଦ୍ଭାବନ ଏବଂ ବୈଷୟିକ ଉନ୍ନତିକୁ ପ୍ରୋତ୍ସାହିତ କରିବା, ଆମ ଶିଳ୍ପର ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱିତା ବୃଦ୍ଧି, ଶିଳ୍ପ ସହଯୋଗକୁ ସୁଦୃଢ଼ କରିବା, ପୁଞ୍ଜିନିବେଶକୁ ଆକୃଷ୍ଟ କରିବା, ଦକ୍ଷତା ବିକାଶକୁ ପ୍ରୋତ୍ସାହିତ କରିବା, ବିଷୟବସ୍ତୁ ବିବିଧତାକୁ ପ୍ରୋତ୍ସାହିତ କରିବା ଏବଂ ନିରନ୍ତର ଅଭିବୃଦ୍ଧିକୁ ପ୍ରୋତ୍ସାହିତ କରିବା ର ଲକ୍ଷ୍ୟ ହାସଲ କରାଯିବ ବୋଲି ସେ କହିଥିଲେ।

ଏହି ସମ୍ମିଳନୀରେ ଯେଉଁ ସୁଯୋଗ ଉପଲବ୍ଧ ହେବ ସେ ସମ୍ପର୍କରେ ସଚିବ ସୂଚନା ଦେଇ କହିଥିଲେ ଯେ ବିଷୟବସ୍ତୁ ଉତ୍ପାଦନ ଏବଂ ଉଦ୍ଭାବନ, ଆନିମେସନ୍, ଭିଏଫଏକ୍ସ ଏବଂ ଗେମିଂ ଓ ଶେଷରେ ସଙ୍ଗୀତ ଏବଂ ବୌଦ୍ଧିକ ସମ୍ପତ୍ତି (ଆଇପି) କ୍ରିଏସନ୍ ଏହାର କେନ୍ଦ୍ରବିନ୍ଦୁ ଗଠନ କରିବ।

ବିକଶିତ ଏମ୍ ଆଣ୍ଡଇ ଶିଳ୍ପ କ୍ଷେତ୍ରରେ ଆଲୋଚନା, ବାଣିଜ୍ୟ ସହଯୋଗ ଏବଂ ଅଭିନବତାକୁ ପ୍ରୋତ୍ସାହିତ କରିବା ପାଇଁ ୱେଭ୍ସ ଏକ ପ୍ରମୁଖ ମଞ୍ଚ ହେବାର ଲକ୍ଷ୍ୟ ରଖିଛି। ଏହି ଶିଖର ସମ୍ମିଳନୀରେ ସୁଯୋଗ ଖୋଜିବା, ଆହ୍ୱାନର ମୁକାବିଲା କରିବା, ଭାରତକୁ ବାଣିଜ୍ୟ ଆକୃଷ୍ଟ କରିବା ଏବଂ ଏହି କ୍ଷେତ୍ରର ଭବିଷ୍ୟତ କୁ ଆକାର ଦେବା ପାଇଁ ଶିଳ୍ପନେତା, ଅଂଶୀଦାର ଏବଂ ଉଦ୍ଭାବକମାନଙ୍କୁ ଡକାଯିବ ।

ଗତିଶୀଳ ଏମ ଆଣ୍ଡ ଇ ପରିଦୃଶ୍ୟରେ ଭାରତକୁ ଏକ ଅତୁଳନୀୟ ବିଶ୍ୱ ଶକ୍ତି ଭାବରେ ଅବସ୍ଥାପିତ କରିବା ଲକ୍ଷ୍ୟ ରେ ୱେଭ୍ସ ବିଶ୍ୱବ୍ୟାପୀ ସୃଜନଶୀଳତା, ଉଦ୍ଭାବନ ଏବଂ ପ୍ରଭାବର ନୂତନ ମାନଦଣ୍ଡ ସ୍ଥାପିତ କରିବାକୁ ଲକ୍ଷ୍ୟ ରଖିଛି । ୱେଭ୍ସର ପ୍ରିମିୟର ପ୍ଲାଟଫର୍ମ ମାଧ୍ୟମରେ ବିଶ୍ୱସ୍ତରୀୟ ଏମ ଆଣ୍ଡ ଇ ନେତାମାନଙ୍କୁ ସ୍ୱତନ୍ତ୍ର ପୁଞ୍ଜିନିବେଶ ସୁଯୋଗ ସହିତ ସଶକ୍ତ କରିବା ଏହାର ଲକ୍ଷ୍ୟ।

ଏହି କାର୍ଯ୍ୟକ୍ରମରେ ଟ୍ରାଇ ଅଧ୍ୟକ୍ଷ ଶ୍ରୀ ଅନୀଲ କୁମାର ଲୋହାଟି ଏବଂ ଗୋଆର ମୁଖ୍ୟ ଶାସନ ସଚିବ ଶ୍ରୀ ପୁନୀତ କୁମାର ଗୋଏଲ ଉପସ୍ଥିତ ଥିଲେ । ବିଭିନ୍ନ ବିଦେଶୀ ଦୂତାବାସର ରାଷ୍ଟ୍ରଦୂତ ଓ କୂଟନୈତିକ ପ୍ରତିନିଧିମାନେ ଉପସ୍ଥିତ ଥିଲେ।

ୱେଭ୍ସ ଲୋଗୋ, ୱେବସାଇଟ୍ ଏବଂ ବ୍ରୋସର୍ ରିଲିଜ୍ ହୋଇଥିବା ପରଦା ଉତ୍ତୋଳନ ପରେ ସିଇଓ ରାଉଣ୍ଡଟେବୁଲ ମଧ୍ୟ ଉପସ୍ଥିତ ଥିଲେ। ରାଉଣ୍ଡଟେବୁଲ ବୈଠକରେ ବ୍ରଡକାଷ୍ଟିଂ, ଏଭିଜିସି, ଡିଜିଟାଲ ମିଡିଆ ଇତ୍ୟାଦି କ୍ଷେତ୍ରରେ ଅଗ୍ରଣୀ ଗଣମାଧ୍ୟମ ସଂସ୍ଥାର ୮୦ ଜଣ ଶୀର୍ଷ ମ୍ୟାନେଜରଙ୍କ ଦ୍ୱାରା ପ୍ରତିନିଧିତ୍ୱ କରୁଥିବା ପ୍ରାୟ ୬୦ଟି ସଂଗଠନ, ସଂଘ, ଶିଳ୍ପ ସଂସ୍ଥା ସାମିଲ ଥିଲେ।

ଏମ୍ ଆଣ୍ଡଇ ଶିଳ୍ପ କ୍ୟାଲେଣ୍ଡରରେ ଏକ ଐତିହାସିକ କାର୍ଯ୍ୟକ୍ରମ ହେବାର ପ୍ରତିଶ୍ରୁତି ଦେଇ ଭାରତର ଗୋଆରେ ନଭେମ୍ବର ୨୦ରୁ ୨୪, ୨୦୨୪ ପର୍ଯ୍ୟନ୍ତ ୱେଭ୍ସ ଆୟୋଜନ କରାଯିବ।

BS