ভারতকী রাস্ত্রপতি, শ্রীমতি দ্রৌপদি মুর্মুনা মাউন্ত অবু, রাজস্থান্দা ঙসি (ওক্তোবর ৪, ৪০২৪)দা প্রজাপিতা ব্রহ্ম কুমারি ইস্বরিয়া বিশ্ব বিদ্যালয়না পাঙথোকপা 'স্পিরিচুএলিতী ফোর ক্লিন এন্দ হেলথী সোসাইতী' হায়বসিদা মালেমগী সম্মিত্তা ঙান্থোইখি।

থৌরম অদুদা ৱা ঙাংলদুনা রাস্ত্রপতিনা হায়খি মদুদি স্পিরিচুএলিতী হায়বসি ধর্মদা লুপ্পা নৎত্রগা তাইবঙপানগী চৎনবীদগী নাথৈবা হায়বদু নত্তে। স্পিরিচুএলিতী হায়বদি ইশাগী নুংদা লৈরিবা শক্তি খঙদোকপা অমসুং থবক অমসুং ৱাখলদা অশেংবা অচুম্বা শীজিন্নবা হায়বনি। ৱাখল অমসুং থবক্তা শেংবা হায়বসিনা পুন্সিগী হীরম খুদিংমক্তা খল চানা অমসুং শান্তি লৈনা হিংনবগী পাম্বৈ অমনি। মসি মশা মউ ফবা অমসুং তরু তনানবা খুনাই অমা শেমগৎনবা হোৎনবদা তঙাইফদনা চঙই।

রাস্ত্রপতিনা হায়খি, ফিজিকেল, মেন্তেল অমসুং স্পিরিচুএল ক্লিনলিনেস হায়বসি হকচাং ফনা লৈনবগী মরুওইবা মচাক অমনি। ঐখোয়না মপানথোংগী লু নানবদা নত্তবদা ৱাখল অমসুং স্পিরিচুএলগী থাক্তসু লু নান্না লৈগদবনি। হোলিস্তিক হেল্থ হায়বসি অমকপা য়াওদ্রবা ৱাখলদা য়ুম্ফম ওই। ইমোসনেল অমসুং মেন্তেল হেল্থ হায়বসি অচুম্বা খনবগী মখা পোল্লি মরমদি ৱাখল হায়বসিয়া ৱাহৈ অমসুং লমচৎ শেম্মি। কনাগুম্বা অতোপ্পা অমগী মরমদা মোত ফোংদোক্ত্রিঙৈদা, ঐখোয়না ঐখোয় ইশাদা হান্না য়েংজগদবনি। ঐখোয় ইশাবু কনাগুম্বা অমগী ফিভমদুদা পুশল্লবা মতুংদা, ঐখোয়না অচুম্বা মোৎ ফোংদোকপা ঙমগনি।

রাস্ত্রপতিনা হায়খি মদুদি স্পিরিচুএলিতী হায়বসি ইশাগী ফননবগী খক নত্তে, মসি খুনাইদা অফবা অহোংবা অমা পুরক্নবগী লম্বী অমসুনি। ঐখোয়না ঐখোয় ইশাদা লৈরিবা অশেংবা অসিবু খঙবা ঙম্লবা খক্তদা, ঐখোয়না মশা মউ ফবা অমসুং শান্তি লৈবা খুন্নাই অমা শেম্বা ঙমগনি। স্পিরিচুএলিতীনা খুন্নাই অমসুং মালেম অসিগা মরী লৈনবা শমশ্যা কয়া হায়বদি তুং কোইনা চৎপা য়াবা চাউখৎপা, অকোইবগী ফিভম কন্দুনা থম্বা অমসুং খুন্নাইদা অচুম্বা পুরকপদা শক্তি পীরি।

রাস্ত্রপতিনা হায়খি মদুদি মতিরিএলিজম্না ঐখোয়দা ঙাইহাক খক্তংগী নুংঙাইবা পীবি, মসিবু ঐখোয়না অশেংবা নুঙাইবনি হায়না লৌই অমসুং মসিদা হৈনশিন্দুনা লৈ। মসিনা ঐখোয়দা নীংঙমদবা অমসুং নুঙাইতনবগী মরম অমা ওইহল্লি। অতোপ্পা অমরোমদা, স্পিরিচুএলিতীনা ঐখোয়দা ঐখোয় ইশাবু খঙহল্লি।

রাস্ত্রপতিনা হায়খি মদুদি ঙসিগী মালেম অসিদা, শান্তি অমসুং অপুনবগী মরুওইবসি য়াম্না হেনগৎলক্লে। ঐখোয়না শান্তি ওইরবতদা, ঐখোয়না অতোপ্পশিংবু নুংশিবা ফাওগনি। য়োগা অমসুং ব্রহ্মকুমারিগুম্বা স্পিরিচুএল ইন্সতিত্যুসনশিংনা ঐখোয়না নুংগী ওইবা অচীকপদুবু খঙহনবীরি। মসিগী অচীকপা অসিনা ঐখোয়দতা নত্তনা খুনাইদসু অফবা অহোংবা অমা পুরকপা ঙমগনি।

রাস্ত্রপতিগী ৱারোল য়েংবীনবগীদমক মফমসিদা নম্বীয়ু-

***************