প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ঝারখন্দগী হাজারিবাগতা লুপা করোর ৮০,০০০ হেনবগী তোঙান-তোঙানবা প্রোজেকশিং উরেপ-উয়ুং তমখ্রে অমসুং শঙ্গাখ্রে
জিলা ৫৫০ রোমগী ত্রাইবেগী খুঙ্গং ৬৩০০ কান্নবা পীগদবা ধর্তি আবা জনজাতিয়া গ্রাম উতকার্স অভিয়ান হৌদোকখ্রে
এক্লাব্যা স্কুল ৪০ শঙ্গাখ্রে অমসুং এক্লাব্যা স্কুল ২৫গী উরেপ-উয়ুং তমখ্রে
পি.এম-জনমনগীমখাদা তোঙান-তোঙানবা প্রোজেকশিং শঙ্গাখ্রে অমসুং উরেপ-ঊয়ুং তমখ্রে
“ত্রাইবেল খুন্নাইগী য়াইফনবা সরকারনা পায়খৎলিবা থবকসিং ঙসিগী প্রোজেকশিং অসিনা খুদম ওইরে”
Posted On:
02 OCT 2024 3:56PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ঝারখন্দগী হাজারিবাগতা লুপা করোর ৮০,০০০ হেনবগী তোঙান-তোঙানবা প্রোজেকশিং উরেপ-উয়ুং তমখ্রে অমসুং শঙ্গাখ্রে। শ্রী মোদীনা ধর্তি আবা জনজাতিয়া গ্রাম উতকার্স অভিয়ান হৌদোকখ্রে অমসুং এক্লাব্যা স্কুল ৪০ শঙ্গাখ্রে অমসুং এক্লাব্যা স্কুল ২৫গী উরেপ-উয়ুং তমখ্রে। পি.এম-জনমনগী মখাদা তোঙান-তোঙানবা প্রোজেকশিং শঙ্গাখ্রে অমসুং উরেপ-ঊয়ুং তমখ্রে।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি ঝারখন্দগী চাউখৎপগী খোঙচৎকী শরুক অমা ওইবদা রাজ্য অসিগী মীয়ামগী মফমদা তৌবীমল খঙবা উৎচরি। নুমিৎ খরনিগী মমাংদা জমসেদপুরদা লুপা করোর চা কয়াগী চাউখৎ-থৌরাংগী প্রোজেকশিং শঙ্গাখ্রে। পি.এম অৱাস য়োজনাগী মখাদা ঝারখন্দগী লায়রবা লিশিং কয়াদা পক্কাশিং য়ুমশিং শীন্নখ্রে। ঙসি ত্রাইবেল মীয়াম য়াইফনবা অমসুং শক্তি পীনবা লুপা করোর ৮০,০০০ হেনবগী প্রোজেকশিং হৌদোক্লে। মসি সরকারনা ত্রাইবেল মীয়ামগী য়াইফনবা থবকশিং পায়খৎপগী খুদম অমনি। ঙসিগী প্রোজেকশিং অসিগীদমক প্রধান মন্ত্রীনা ঝারখন্দ অমসুং ভারতকী মীয়ামগী মফমদা হরাওবা ফোঙদোকখি।
প্রধান মন্ত্রীনা হায়খি ত্রাইবেলশিংগী য়াইফনবা মহাত্মা গান্ধীগী পান্দমশিং অমসুং ৱাখল্লোনশিং ভারতকী কেপিতেলনি। ত্রাইবেল খুন্নাই য়াংনা চাউখৎলবা মতমদা ভারত চাউখৎপা ঙমগনি। ত্রাইবেলশিংগী ফিবম ফগৎহন্নবা হৌজিক পাল্লিবা সরকার অসিনা নিংথিনা পুক্নিং চঙলি অমসুং লুপা করোর ৮০,০০০ রোম চঙনা জিলা ৫৫০ রোমগী ত্রাইবেগী খুঙ্গং ৬৩০০ কান্নবা পীগদবা ধর্তি আবা জনজাতিয়া গ্রাম উতকার্স অভিয়ান হৌদোক্লে। হায়রিবা ত্রাইবেলশিংগী খুঙ্গংশিংগী খুন্নাই অমসুং শেন-থুমগী ফিবম ফগৎহন্নবা থবকশিং পায়খৎকনি অমসুং লৈবাক অসিগী ত্রাইবেল ইনাওশিং অমসুং ইচলশিং করোর ৫ হেন্না কান্নবশিং ফংগনি। ঝারখন্দগী ত্রাইবেলশিংশু মসিগী কান্নবা য়াম্না ফংগনি।
ভাগবান বিরসা মুন্দাগী লমদমদগী ধর্তি আবা জনজাতিয়া গ্রাম উতকার্স অভিয়ান হৌদোকপা অসি হরাওই। ভাগবান বিরসা মুন্দাগী মপোক নুমিত্তা ঝারখন্দদগী পি.এম-জনমন য়োজনা হৌদোকখিবনি। নবেম্বর ১৫,২০২৪ দা জনজাতি গৌরব দিবস থৌরমদা, ভারতনা পি.এম-জনমনগী অহানবা মপোক কুমওন পাংথোক্কনি। পি.এম-জনমন য়োজনাগী খুৎথাংদা, লৈবাক অসিগী ত্রাইবেলশিংদা চাউখৎপগী কান্নবশিং ফংবা ঙম্লে। পি.এম-জনমন য়োজনাগী মখাদা, ঙসি লুপা করোর ১৩৫০ রোমগী চাউখৎ-থৌরাংগী থবকশিংগী উরেপ-উয়ুং তম্লে। য়োজনা অসিগী মখাদা, খ্বাইদগী চাউখৎত্রিবা ত্রাইবেলশিংগী লমশিংদা লাইরিক-লাইশু, হকশেল অমসুং লম্বীশিংগী খুদোংচাবশিং ফংহন্দুনা হেন্না নুংঙাইবা পুন্সি অমা ফংহনগনি।
য়োজনা অসিগী অহানবা চহিদা ঝারখন্দা পায়খৎখিবা পি.এম-জনমন য়োজনাগী মাইপাকপশিংগী মতাংদা প্রধান মন্ত্রীনা হায়খি চাউখৎত্রিবা খুঙ্গং ৯৫০ হেনবগী য়ুমথোং খুদিংমক্তা অফবা থক্নবা ঈশিং ফংহনখ্রে। রাজ্য অসিদা বন্ধন বিকাস কেন্দ্র ৩৫ লিংখৎনবা অয়াবা পীরে। চাউখৎপগী চপ মান্নবা খুদোংচাবশিং পীদুনা ত্রাইবেল খুন্নাইদা অওনবা পুরক্নবা মনুং-হুঞ্জিনবা ত্রাইবেলশিংগী লমদা মোবাইল কন্নেক্তিবিতি পীনবা থবকশিং পায়খৎলে।
প্রধান মন্ত্রীনা হায়খি ত্রাইবেল নহারোলশিং লাইরিক হৈরবা অমসুং খুদোংচাবশিং ফংলবা মতমদা ত্রাইবেল খুন্নাই চাউখৎলক্কনি। ত্রাইবেলশিংগী লমদা এক্লাব্যা রেসিন্দেন্সিএল স্কুলশিং শানবা সরকারনা থবক পায়খৎলে। ঙসি এক্লাব্যা রেসিন্দেন্সিএল স্কুল ৪০ শঙ্গারে অমসুং স্কুল ২৫ শানবা উরেপ-উয়ুং তম্লে। এক্লাব্যা রেসিন্দেন্সিএল স্কুলশিংদা মতমগী অনৌবা খুদোংচাবশিং পীগনি অমসুং অৱাংবা থাক্কী মহৈ-মশিং তম্নবগী খুদোংচাবা লৈগনি। সরকারনা স্কুল খুদিংমক্কী বজেত শরুক অনিদা হেনগৎহল্লে।
প্রধান মন্ত্রীনা হায়খি অচুম্বা থবকশিং পায়খৎলকপা মতমদা অফবা ফলশিং ফংগনি। ত্রাইবেল নহারোলশিং মাঙলোমদা চঙশিনগদবনি অমসুং মখোয়গী তৌবা ঙম্বশিংগী কান্নবা লৈবাক অসিনা ফংগনি।
থৌরম অদুদা শরুক য়াখিবশিংগী মনুংদা ঝারখন্দগী রাজ্যপাল শ্রী সন্তোস গঙ্গৱার অমসুং ত্রাইবেল এফেয়ার্সকী মিনিস্তর শ্রী জুয়াল ওরাম য়াওখি।
নুঙগীৱারোল
লৈবাক পুম্বগী ত্রাইবেল খুন্নাইবু অমত্তা ওইনা চাউখৎহনবা হায়বা পান্দমগা মরী লৈননা, প্রধান মন্ত্রীনা অপুনবা লুপা করোর ৮০,০০০ হেনবগী ধর্তী অব্বা জঞ্জাতিয় গ্রাম উতকর্শ অভিয়ান হৌদোকখ্রে। অভিয়ান অসিনা রাজ্য অমসুং য়ু.তি. ৩০গী চাউরাকপা খুঙ্গং ৬৩,০০০ কোন্দুনা লমদমসিগী জিলা ৫৪৯ অমসুং ব্লোক ২৭৪০ দা লৈরিবা ত্রাইবেল মীয়াম করোর ৫ হেনবদা কান্নবা পীগনি। থৌওং অসিনা সোসিএল ইনফ্রাস্ত্রকচর, হকশেল, মহৈ-মশিং, পুন্সি মহিংগী হীরমদা লৈরিবা অৱাৎপা কয়াবু ভারত সরকারগী মন্ত্রালয় অমসুং বিভাগ ১৭ না চলায়বা খোঙথাং ২৫ গী খুত্থাংদা মেনশিন্নবা হোৎনগনি।
ত্রাইবেল খুন্নাইগী মহৈ-মশিংগী ইনফ্রাস্ত্রকচর হেনগৎহন্নবা হায়দুনা প্রধান মন্ত্রীনা অপুনবা লুপা করোর ২৮০০ ওইগদবা এক্লাব্যা মোদেল রেসিদেন্সিএল স্কুল ৪০ শঙ্গাবগা লোয়ননা এক্লাব্যা মোদেল রেসিদেন্সিএল স্কুল ২৫ কী উরেপ উয়ুংশু তমখ্রে।
প্রধান মন্ত্রীনা লুপা করোর ১৩৬৯ হেনগদবা শেনফমগী ওইবা প্রধান মন্ত্রী জঞ্জাতী আদিবাসী ন্যাই মহা অভিয়ান (পি.এম-জনমন)গী মখাদা প্রোজেক্ত কয়া শঙ্গাবগা লোয়ননা উরেপ উয়ুং তমখ্রে। প্রোজেক্তশিং অসিগী মনুংদা কিমি. ১৩৮০ গী লম্বী, আঙ্গনৱারী ১২০, মলতি পর্পজ সেন্তর ২৫০ অমসুং স্কুল হোস্তেল ১০ য়াওরি। মখা তারকপদা, চাউরাকপা খুঙ্গং ৩০০০গী পার্তিক্যুলর্লী ভলনরেবল ত্রাইবেল গ্রুপ ইমুং ৭৫৮০০ হেনবদা মৈ পুশিলহনখিবা, মোবাইল মেদিকেল য়ুনিত ২৭৫ মথৌ পাংথোকপা হৌহনখিবা, আঙ্গনৱাদি সেন্তর ৫০০ হাংদোক্তুনা মথৌ তৌহনখিবা, বন ধন কেন্দ্র ২৫০ লিংখৎখিবা অমসুং ‘নল সে জল’গী খুত্থাংদা পার্তিক্যুলর্লী ভলনরেবল ত্রাইবেল গ্রুপ খুঙ্গং ৫৫৫০ হেনবা কোলহনখিবা পি.এম-জনমনগী মখাদা ফংখিবা মশক থোক্লবা মায় পাকপগী থৌওং কয়া অমগী মায়খুমশু হাংদোকখি।
***
(Release ID: 2061222)
Visitor Counter : 18